Uyg'otuvchi savollar:

1. Bir marta beriladigan hayotda maqsadsiz yashash mumkinmi?
2. Bir vaqtning o'zida Uni ham anglab, ham his qila olasanmi?
3. Kurashmoq uchun sababing bormi?
4. Yuragingni yondiradigan asoslaring bormi?
5. O'tayotgan soniyalaringni xursandchilik bilan kuzata olasanmi?
6. O‘zingni chetdan boshqalardek kuzatsang, O‘zingdan ulardek g‘ururlana olasanmi?
7. Umringni tikishga arzirli maqsading bormi?
8. Umring yetmaydigan maqsad qo'yganingni bilganingda nima qilarding?
9. Boladek poklikni O‘zingda his qila olasanmi?

Siz qoidalarga qanday amal qilasiz?
Qo‘rqibmi yo sevib?

Bu savol aqlimni taniganimdan qiynaydi. Qachonki, qo'rqib amal qilganimda o'zimdagi erkinlikni, tanlash huquqini yo'qotgandek his qilganman. Sevib amal qilganda shakldan ichkariga ruhiyatgacha his qila olganman. Bu menga kuch bergan...

Qoidalarga sevib amal qilish nima degani?
Uyda, maktabda, ishxonada umuman hayotda qoidalar juda-juda ko‘p. Biz uy vazifasini ota-onamiz aytganda bajaryapmizmi? Maktabda kitoblarni qiziqib o‘qiyapmizmi yoki boshqalar aytgani uchunmi? Ishxonada vazifani topshiriq bo'lgani uchun majburiyatdan bajaryapmizmi? Yoki hayotdagi maqsadimizning bir qismi deb borimizni beryapmizmi?

Insonlar hayotida ayni shu savol juda muhim deb o'ylayman? Sizchi?

Sening qoning olov kabidir! Sen harakat uchun, kurashmoq uchun tug'ilgansan. Bu kurash ajdodlar orzu qilgan kunlar uchun bo‘lsa, naqadar go‘zal!... Sen zanjirning bir qismisan...

Mening aslim o'zimga tengmi?
Bu formulaning javobini bilishni naqadar istar edim. Doim o'zimni so'roqlash, jazolash, zarbdan yiqilish... yana qayta oyoqqa turish va o‘z-o‘zim bilan kurashni davom ettirish...bu hayotning zavqi, mazmuni va muhabbatini o'zida jamlaydi.

Mening tongim maqsad ulashish bilan boshlanganda eng ezgu ishni qilgandek aslimga yuzlanaman va unga deyman: Sen kimlardansan...
Javobi meni shunchalar yuqoriga ko‘taradiki, go'yo dunyoni o‘zgartirish qo'limdan keladigandek kuchga to‘laman. Har bir inson o‘z aslini, kim ekanini tanisagina, unga chetdan motivatsiya kerak bo‘lmay qolarkan... Maqsadi sari olg'a yurib, kurashga to‘ymas ekan.

Ayni shunday tonglardan biri bugun ham boshlandi.

Registonda ishlash bu shunchaki ish emas, bu xizmat deb bilinadi. Biz Vatanga, millatga xizmat qiluvchilardek darajadamiz. O‘tgan asr boshida jadidlarimiz kurashgan, lekin yeta olmagan marralar uchun harakatdamiz. Shunday ekan, biz ertalab soat 9 00 dan 18 00 gacha ishlab, keyin uyda dam oladigan insonlardek bo‘la olmaymiz. Bizga muqaddas vazifa berilgan, Yurtimizni rivojlangan jamiyatlardek darajaga ta‘lim orqali olib chiqish. Buni his qila olgan insonlardan iborat jamoa bilan ta'limda haqiqiy o'zgarishlar qila olamiz.

Bizning ideal jamoamiz shunday insonlardan iborat: "Ular doimo o'z ustida ishlaydi, o'quvchilari, maktabi, markazi haqida o'ylaydi, ta‘limning rivoji uchun yana nima qila olaman deb borini beradi. Natijaga erishmaguncha kurashdan to'xtamaydi".

t.me/avazbek_tulovov

Registon endi Samarqandda! Keling, ochilishda uchrashamiz!

Farzandingiz uchun yaxshi maktab yoki bog‘cha izlayapsizmi?

📍 12-iyul kuni sizni Registonning Samarqanddagi filialining ochilish marosimiga taklif qilamiz!

📅 Sana: 12-iyul
🕙 Vaqt: 18:30
📍 Manzil: Samargand shahri, Samarqand xalqa yo`li

Registon — bu shunchaki maktab emas. Bu farzandingizga ochilayotgan kelajak eshigi.

Ochilish marosimida qatnashish uchun ro`yxatdan o`ting 👉 https://samarqandochilish.tilda.ws/