ӘУЕЗОВ УНИВЕРСИТЕТІНДЕ АСМА АХМЕТҚЫЗЫ АТЫНДАҒЫ ҒЫЛЫМИ ОҚУ ЗАЛЫ САЛТАНАТТЫ ТҮРДЕ АШЫЛДЫ

Мұғалім болу бар да, нағыз ұстаз болу бар. Екінің бірі мұғалім бола алар, бірақ, нағыз ұстаз болу көбінің қолынан келе бермейді. М.Әуезов атындағы Оңтүстік Қазақстан университетінде 60 жылға жуық уақыт табанды еңбек етіп, бірнеше буын ұрпақты тәрбиелеген нағыз ұстаз, педагогика ғылымдарының докторы, профессор Қалыбекова Асма Ахметқызы 80 жасқа толды. Бүгін университетте ғалымның 80 жылдық мерейтойына арналып ұйымдастырылған «Қазақ халық тәрбиесінің асыл мұрасы» атты халықаралық ғылыми-тәжірибелік конференциясы аясында Асма Ахметқызы атындағы ғылыми оқу залы ашылып, университеттің Басқарма Төрағасы-ректордың м.у.а. Ернар Имангалиұлы лентасын салтанатты түрде қиды.

Іс-шараға Санкт-Петербург, Түркия, Өзбекстаннан және Қазақстандағы барлық жоғары оқу орындарының жетекші ғалымдары, қоғам қайраткерлері, ұстаздың шәкірттері, оқу ордасының профессор-оқытушылар құрамы мен студенттер қатысты. Оқу залында ғалымның ұлттық педагогика саласындағы зерттеулері, ғылыми еңбектері, авторлық оқу құралдары мен монографиялары, сондай-ақ шәкірттерімен бірлесіп жазған мақалалары мен фотоқұжаттары жинақталған.

Оқу залына жиналған ұстаздың шет елден және Қазақстанның түкпір-түкпірінен келген әріптестері Асма Ахметқызының ұлттық педагогика саласына сіңірген еңбектерін, ұстаздық қырын, адами болмысындағы ерекше қасиеттерін ақтарыла жеткізді. Олар Асма Ахметқызының тек білім беруде ғана емес, адамгершілік, қарапайымдылық, ізгілік сынды адами қасиеттерімен де көпке үлгі болғанын, әрбір сөзі мен ісі терең тәрбие мектебі екенін атап өтті. Сонымен қатар Анкара университеті, Санкт-Петербург мемлекеттік мәдениет институтының ұжымы құттықтауларын жолдаған хат табысталды.

Педагог-ғалым Асма Қалыбекованың 80 жылдығына арналған халықаралық ғылыми-тәжірибелік конференция өтті

Бүгін М.Әуезов атындағы ОҚУ-де ұстаз-ғалым, ҚР ГҒА академигі, ҚР ПҒА, Халықаралық психология ғылымдары академиясының академигі, педагогика ғылымдарының докторы, профессор Қалыбекова Асма Ахметқызының 80 жылдық мерейтойы аясында «Қазақ халық тәрбиесінің асыл мұрасы» атты халықаралық ғылыми-тәжірибелік конференция өтті. Конференцияға Санкт-Петербург, Түркия, Өзбекстаннан және Қазақстандағы барлық жоғары оқу орындарының жетекші ғалымдары, қоғам қайраткерлері оқу ордасының профессор-оқытушылары мен студенттер қатысты. Қоғам қайраткерлері Бекет Тұрғараев, Кенжехан Төлебаев, Халықаралық «Алаш» әдеби сыйлығының лауреаты, «Парасат», «Барыс» ордендерінің иегері, ақын Ханбибі Есенқарақызы қонақта болды.
Салтанатты кеште университеттің БасқармаТөрағасы-ректордың м.у.а. Ернар Имангалиұлы ғалым-ұстазды мерейтойымен құттықтап, конференция жұмысына сәттілік тіледі. Шымкент қаласы әкімінің орынбасары Сарсен Құранбек аранйы келіп, құрметті ұстазды құттықтап, Шымкент қаласы әкімі Ғабит Сыздықбековтың құттықтауын жеткізді.

Ғылыми-тәжірибелік конференцияда Педагогикалық Ғылымдар Академиясының президенті, п.ғ.д, профессор Асқарбек Құсайынов «Басты мақсат – білім сапасы»; А.И.Герцен атындағы Ресей мемлекеттік педагогикалық университеті, «Кадрлік менеджмент және білімді басқару» кафедрасының меңгерушісі, п.ғ.д, профессор Трапицын Сергей Юрьевич «Перспективы и тренды развития современного образования» тақырыбында баяндама жасаса, Абай атындағы Қазақ ұлттық Педагогикалық университеті «Педагогика» кафедрасының п.ғ.д, профессор Жампеиісова Қорлан Тоқтамысқызы; п.ғ.д, профессор Гази университеті ректорының кеңесшісі Южель Гелишли; Абай атындағы Қазақ Ұлттық педагогикалық университетінің п.ғ.д, профессоры Тұрғынбаева Ботагүл Алтайқызы; Низами атындағы Өзбекстан ұлттық педагогикалық университетінің «Бастауышта оқыту педагогикасы» кафедрасының доценті, PhD Отажанов Джамшидбек Машрабжанович;.А.Яссауи атындағы ХҚТУ-нің Кентау институтының директоры, п.ғ.д, профессоры Беркімбаев Камалбек Мейірбекұлы өз құттықтауларын жеткізді.
Атап өтейік, Асма Ахметқызы қазақ халқының педагогикалық мәдениетін, ұлттық тәрбие жүйесін, ұмыт бола бастаған салт-дәстүрлерді зерделеп, оларды ғылыми тұрғыдан негіздеп, қазіргі білім беру процесінде қолданудың жолдарын ұсынып келеді. Ғалымның еңбектері ұлттық құндылықтарды жаңғыртып, ұрпақ тәрбиесіне рухани бағыт-бағдар беруге зор үлес қосып келеді.

Международная научно-практическая конференция к 80-летию педагога-учёного Асмы Калыбековой

Сегодня в Южно-Казахстанском университете имени М. Ауэзова в рамках празднования 80-летнего юбилея педагога-учёного, академика Национальной академии наук Республики Казахстан, академика Педагогической академии наук РК, академика Международной академии психологических наук, доктора педагогических наук, профессора Асмы Ахметовны Калыбековой состоялась международная научно-практическая конференция «Драгоценное наследие казахского народного воспитания».
В работе конференции приняли участие ведущие учёные и общественные деятели из Санкт-Петербурга, Турции, Узбекистана, а также профессора, преподаватели и студенты вузов Казахстана. Почётными гостями стали общественные деятели Бекет Тургараев и Кенжехан Төлебаев, лауреат Международной литературной премии «Алаш», кавалер орденов «Парасат» и «Барыс», поэтесса Ханбиби Есенкаракызы.
С поздравлением к юбиляру и участникам конференции обратился и.о. председателя правления – ректора университета Ернар Имангалиулы, пожелав успешной работы. С поздравительным словом выступил заместитель акима города Шымкент Сарсен Куранбек, который лично поздравил уважаемого педагога и передал приветствие от акима города Габита Сыздыкбекова.
На конференции с докладами выступили: президент Академии педагогических наук, доктор педагогических наук, профессор Аскарбек Кусаинов («Главная цель – качество образования»); заведующий кафедрой «Кадровый менеджмент и управление образованием» Российского государственного педагогического университета им. А.И. Герцена, доктор педагогических наук, профессор Сергей Юрьевич Трапицын («Перспективы и тренды развития современного образования»); доктор педагогических наук, профессор кафедры педагогики Казахского национального педагогического университета им. Абая Корлан Токтамысовна Жампеисова; доктор педагогических наук, профессор, советник ректора Университета Гази (Турция) Юджель Гелишли; доктор педагогических наук, профессор КазНПУ им. Абая Ботагул Алтайкызы Тургынбаева; доцент кафедры «Педагогика начального образования» Низамийского национального педагогического университета (Узбекистан), PhD Джамшидбек Машрабжанович Отажанов; доктор педагогических наук, профессор, директор Кентауского института Международного казахско-турецкого университета им. А. Яссауи Камалбек Мейирбекулы Беркимбаев.
Следует отметить, что Асма Ахметовна многие годы исследует педагогическую культуру казахского народа, национальную систему воспитания, изучает забытые обычаи и традиции, обосновывая их значение с научной точки зрения и предлагая пути применения в современном образовательном процессе. Её труды вносят весомый вклад в возрождение национальных ценностей и духовно-нравственное воспитание молодого поколения.

МҰХТАР ӘУЕЗОВТІҢ ТУҒАНЫНА 128 ЖЫЛ

Бүгін қазақтың ұлы жазушысы, ұлтымызды әлемге әйгілі еткен көрнекті тұлға Мұхтар Әуезовтің туған күні. Даталы күнге орай Әуезов университетінің ұжымы, профессор-оқытушылар қауымы, студент жастар заңғар жазушының 128 жылдығына арнап бас ғимараттың алдындағы ескерткішке гүл шоқтарын қойды. Таным мен тағлым ұштасқан жиынға оқу ордамыздың ғылыми қауымы қатысып, Мұхтар Омарханұлының рухына тағзым етті. Еске алу жиынында Әуезов университетінің Басқарма Төрағасы-ректоры м.у.а. Ернар Иманғалиев, «Мұхтартану» ғылыми-зерттеу орталығының басшысы, абайтанушы, мұхтартанушы Ақжол Қалшабек және Шымкент қаласының «Құрметті азаматы», оқу ордамыздың профессоры Асма Ахметқызы сөз сөйлеп, Мұхтар Әуезов туралы тың деректері мен әсерлі естеліктерімен бөлісті.

-Бүгін қазақ әдебиеті үшін ең айтулы күннің бірі. Себебі биыл бүкіл қазақ әдебиетін жалпақ әлемге танытқан теңдессіз сөз зергері, терең тамырлы ойшыл, қазақ халқын жанындай жақсы көрген ұлы жазушы Мұхтар Омарханұлы Әуезовтің дүниеге келгеніне 128 жыл толып отыр. Мұхтар Әуезов 1897 жылы 28 қыркүйекте Семей уезі, Абай ауданы Бөрілі қыстағында дүниеге келген. Атасы Әуез Абай Құнанбайұлымен туыстық байланыста болды және болашақ жазушының дүниетанымын қалыптастыруға үлкен ықпал етті. Мұхтар Омарханұлының өшпес туындалары баршамыз үшін мәңгілік зор олжа болып қалмақ. Ұлы тұлғаның аманатына адал болайық, - деп құттықтау сөзін жеткізген Ернар Иманғалиұлы университет ұжымын ұлы тұлғаның 128 жылдығымен құттықтады.

Өздеріңізге белгілі, бүгінде «Мұхтартану» ғылыми-зерттеу орталығы абайтану, мұхтартану салаларында жемісті еңбек етіп, ұлттық деңгейдегі іргелі еңбектерді жарыққа шығаруда. Мұхтартанулық ғалымдар Әуезовтер әулетімен тығыз байланыс орнатып, қаншама ғылыми жаңалықтарды ұрпаққа мирас етіп келеді. «Абайдың «Китаб тасдиқ» шығармасы», «Әуезовтің Оңтүстікке сапары», «Әуезов һәм Абай» қостомдығы, сондай-ақ биыл жарық көрген «Абай. Мүрсейіт Бікіұлының қолжазбаларына сүйеніп жасалған транскрипция» атты туындылар нағыз абайтану, мұхтартану салаларындағы олжалы дүниелерге айналғаны белгілі.

Ұлы тұлғаның рухы асқақ, мұрасы мәңгі болсын!
Әуезовтің өшпес мұрасы өміршең болып, руханият көгінде жарқырай берсін!