Insonning eng katta boyligi uning iste‘dodi, tug‘ma moyilligidir. Xalqning eng katta boyligi ko‘mir, gaz yoki neft emas, balki unga berilgan inoyatdir. Iste‘dodni barvaqt yuzaga chiqarish, unga ehtiyotkorlik bilan munosabatda bo‘lish, qolaversa, iste‘dodni so‘ndirmaydigan tizim yaratish lozim – bularning barchasi har bir xalqning kelajagini shakllantirish masalalaridir.

Mahbus ozodlikka, qul esa quldorlikka intiladi. Faqat befarqlikkina – qullik tafakkuridan ham yomonroq bo‘lishi mumkin.

• Hech kimni baxtli qilolmaysiz; siz hayotni hamma baxtli bo‘ladigan shaklda qurishga harakat qilishingiz mumkin, xolos.

• Baxtsiz insonlar qurshovida hech kim baxtli bo‘la olmaydi.

Qarorlarning sifati – bitirilgan ta‘lim muassasalari yoki kurslar soniga qarab emas, balki axborotlashganlik va tushunishni istash, mustaqil o‘ylash, samarali hamkorlikda ishtirok etish, imkoniyatlar va xavflarni tan olish, yaqin va uzoq kelajakni bashorat qilish istagi bilan belgilanadi.

● Faqat tanlov vaziyatidagina qaror qabul qilish mumkin.
● Qaror qabul qilish jarayonida mas‘uliyat va faollik hissi shakllanadi. Aynan shuning uchun tanlov vaziyati – asos soluvchi ahamiyatga ega.

Yolg‘onga asoslangan jamiyatda:

● o‘quv muassasalarida o‘ylab topilib, taklif etilayotgan narsalarga ta‘lim deyiladi;
● universitetlarda sodir bo‘layotgan teatrga ilm deyiladi;
● saylovlardagi ovoz isrofiga saylash deyiladi.