😴 10 сағаттық ұйқы: Қытай балалардағы миопияның алдын алудың жаңа шараларын жариялады

✔️ Қытай үкіметі балалар арасындағы миопия ауруының алдын алу және азайту үшін жаңа шараларды жариялады. Қазан айында Білім министрлігі, Ұлттық денсаулық сақтау комиссиясы және Ұлттық ауруларды бақылау және алдын алу басқармасы жариялаған құжатқа сәйкес, мектеп жасына дейінгі балалардың 10 сағаттан астам және бастауыш сынып оқушыларының 10 сағат ұйықтауын қамтамасыз етуге күш салу керек.

✔️ Құжатта балабақшаға баратындар күніне кемінде екі сағатты ашық ауада өткізуі керек, ал бастауыш мектеп әкімшілігі оқушылардың үзіліс кезінде сабақтан шығуын ұйымдастыруы қажеттігі жазылған. Бұған қоса бастауыш мектеп басшыларынан оқушыларға үй тапсырмалары мен сабақ уақытынан тыс өтетін сабақтарды екі есе қысқартуды талап етеді. Ал бір онлайн сабақтың ұзақтығы жарты сағаттан аспауы керек, ал сабақ арасындағы үзіліс 10 минуттан кем болмауы тиіс.

ℹ️ Соңғы ресми статистика көрсеткендей, соңғы жылдары елде миопиямен ауыратындар саны аздап азайғанына қарамастан, қытайлық балалар мен жасөспірімдердің 51,9 пайызы әлі де бұл аурудан зардап шегеді. Қытай 2030 жылға қарай бірқатар мақсаттарға қол жеткізуді мақсат етіп, балалар мен жасөспірімдер арасындағы миопиямен күресу шараларын күшейтуде. Бұл мақсаттарға 6 жастағы балалар арасындағы миопияның деңгейін шамамен 3 пайыз деңгейінде сақтау және бастауыш мектеп оқушылары арасында оның 38 пайыздан төмен болуын қамтамасыз ету кіреді.

✈️ t.me/atamekenbusiness_silkway

🇰🇿🇦🇿🇨🇳 Қазақстан, Әзербайжан және Қытай бірлесіп жаңа жүк терминалын салады

✍️ Қазақстан, Әзербайжан және Қытай БҰҰ Климаттың өзгеруі бойынша Бакудегі 29-конференциясы аясында Баку портында жаңа интермодальды жүк терминалын салу бойынша бірлескен кәсіпорын құрды. Келісімге «Қазақстан темір жолы» АҚ Басқарма төрағасы Нұрлан Сауранбаев, «Баку халықаралық теңіз сауда порты» ЖАҚ бас директоры Талех Зиядов және Сиань еркін сауда портының құрылысы және операциялық компаниясының бас директоры Юань Сяоцзюнь қол қойды.

🗺 Жоба аясында Алят ауылындағы Баку портында 40 гектар аумақта интермодальды жүк терминалының инфрақұрылымын құру және дамыту жоспарланған. Бұл бастама Әзербайжан тарапының Алят портының жер телімі, пайдалану айлақтары мен терминал қондырғылары берілуінің арқасында мүмкін болды. Жоба Транскаспий халықаралық көлік бағыты арқылы Қытай – Еуропа - Қытай бағытында контейнерлік пойыздардың көлемін ұлғайтуға, жеткізу уақытын қысқартуға, тасымалдау шығындарын және қайта тиеу уақытын қысқартуға мүмкіндік береді.

📆 Баку халықаралық теңіз сауда порты аумағында жаңа интермодальды жүк терминалының құрылысын 2025 жылы аяқтау жоспарланып отыр.

✈️ t.me/atamekenbusiness_silkway

💰 Қазақстан күнбағыс экспортынан 87 млн доллардан астам табыс тапты

Күнбағыс тұқымын сыртқы нарықтарға сату Қазақстанға өткен аграрлық маусымда 87,2 млн доллар әкелді (қыркүйек 2023-тамыз 2024). Негізгі сатып алушы Қытай болды, онда көлемнің 90%-дан астамы кетті, деп хабарлайды eldala порталы.

Негізгі сатып алушылардың бестігі:
🇨🇳 Қытай 80,3 млн доллар
🇷🇺 Ресей 3,7 млн доллар
🇺🇿 Өзбекстан 1,7 млн доллар
🇹🇯 Тәжікстан 0,5 млн доллар
🇦🇿 Әзербайжан 0,5 млн доллар

✔️ Сондай-ақ, шағын көлемдер Ауғанстанға (0,2 млн доллар), Чехияға (0,1 млн доллар), Литваға (0,1 млн доллар), Түркияға (0,1 млн доллар) кетті.

ℹ️ 2022-2023 жылдардағы аграрлық маусыммен салыстырғанда экспорт ақшалай түрде айтарлықтай төмендеді. Сол кезде Қазақстан күнбағыс тұқымын сатудан 147,4 млн доллар табыс тапты, негізгі сатып алушы да Қытай болды (100,8 млн доллар), сонымен қатар табыстың үлкен үлесін Өзбекстанға (36,7 млн доллар) сатылымдар әкелді.

✈️ t.me/atamekenbusiness_silkway

🧳 Қазақстанға Моңғолия мен Қытайдан көшіп келген қазақтар саны үш есе артқан

2024 жылдың алғашқы үш тоқсанында Қытайдан Қазақстанға 1451 адам, Моңғолиядан 1088 адам келген. Бұл көрсеткіш 2023 жылдың сәйкес кезеңімен салыстырғанда шамамен үш есе артық, өсім тиісінше 177% және 172%-ды құрайды.

Қытайдан келген иммигранттар саны 2017 жылдан бері ең жоғары көрсеткішке жетіп отыр. Дегенмен 2020 жылы Қазақстанға қоныс аударғандар саны небәрі 9 адамға кем болған. Ал Моңғолияға қатысты жағдай бөлек, мұндай жоғары нәтиже 2011 жылдан бері тіркелмеген.

🗺 Қытай мен Моңғолиядан келгендердің басым бөлігі этникалық қазақтар – тиісінше 98% және 99%. ҚХР-дан келген қандастардың жартысы Астана мен Алматыға тұрақтаған. Сонымен қатар келушілер Алматы облысын таңдаған. Моңғолиядан оралған қандастар негізінен Ақмола облысына қоныстанған – 33%, одан кейінгі орындарда Астана (23%) мен Алматы (13%) тұр.

✈️ t.me/atamekenbusiness_silkway

📣 Күннің басты жаңалықтары:

✔️ XPENG электромобиль өндірушісі жасаған қытайлық Land Aircraft Carrier өзінің алғашқы ұшуын көпшілік алдында жасады. Ол қаншалықты қауіпсіз?

✔️ Қытай балалардағы миопияның алдын алудың жаңа шараларын жариялады. 10 сағаттық ұйқыдан басқа тағы қандай кеңес берілген?

✔️ Baidu AI көмекшісі бар смарт көзілдірікті сатылымға шығарады. Оның мүмкінді қандай және бағасы қанша?

✔️ Қазақстан, Әзербайжан және Қытай бірлесіп жаңа жүк терминалын салады. Ол бізге не береді?

✔️ Қазақстанға Моңғолия мен Қытайдан көшіп келген қазақтар саны үш есе артқан. Қандастар қай өңірлерге қоныстанған?

✈️ t.me/atamekenbusiness_silkway

📈 Тауар айналымы еселенді

Қытай мен Азия-Тынық мұхиты экономикалық ынтымақтастығы (АТЭК) елдері арасындағы сауда айналымы 2024 жылдың алғашқы 10 айында рекордтық 21,27 триллион юанды (шамамен 2,95 триллион АҚШ доллары) құрады. Бұған Қытай Халық Республикасының Бас кеден басқармасының сәрсенбі күні жарияланған мәліметтері дәлел.

Ведомствоның мәліметінше, бұл көрсеткіш өткен жылдың сәйкес кезеңімен салыстырғанда 5,7 пайызға өсіп, аталған кезеңдегі елдің тауар айналымының жалпы өсімінен 0,5 пайыздық тармаққа асып түсті.

✈️ t.me/atamekenbusiness_silkway

🚗 Қытай тағы рекорд орнатты

Қытай автомобиль өнеркәсібі қауымдастығының мәліметі бойынша, 14 қараша күні таңертең Қытайда жаңа энергетикалық көліктердің жылдық өндірісі алғаш рет 10 миллион бірліктен асты. Қытай энергияның жаңа көздерін пайдалана отырып, автомобиль шығарудың мұндай деңгейіне қол жеткізген әлемдегі бірінші мемлекет болды.

💬 Сарапшылар бұл көрсеткіш жыл соңына дейін 12 миллионға жетуі мүмкін деп болжап отыр.

✈️ t.me/atamekenbusiness_silkway

🌐 БҰҰ Климаттық конвенциясына қатысушылар Бакуде бас қосты

🗺 Әзербайжан астана Бакуде БҰҰ-ның климаттың өзгеруі жөніндегі 29-конференциясы басталды. Алдағы екі аптада екі жүзге жуық елден келген 60 мыңнан астам қатысушы 2015 жылы планетада орташа температураның бір жарым градустан артық өсуіне жол бермеу мақсатын қойған Париж келісімін жүзеге асыруды талқылайды. Пікірталастардың басты тақырыбы жаһандық жасыл экономиканы қаржыландыру болмақ.

ℹ️ Әзербайжан астанасына Қытай делегациясын ҚХР Мемлекеттік кеңесінің вице-премьері Дин Сюэсян бастап келген. Климаттық конференция алдында Бейжің халықаралық ынтымақтастықты жандандыруға және дамыған елдердің міндеттемелерін кеңейту арқылы жасыл экономикадағы әділдікті қамтамасыз етуге шақырды.

✈️ t.me/atamekenbusiness_silkway

🇨🇳🇺🇸 Си Цзиньпин мен Джо Байден Перуде кездеседі

АҚШ-тың қазіргі президенті Джо Байден мен Қытай төрағасы Си Цзиньпин екіжақты келіссөз жүргізеді деп жоспарланып отыр. Ол Перу астанасы Лимада өтетін Азия-Тынық мұхиты экономикалық ынтымақтастығы (АТЭС) саммиті аясында өтпек. Бұл туралы АҚШ Президентінің Ұлттық қауіпсіздік жөніндегі кеңесшісі Джейк Салливан мәлімдеді. Ол кездесудің күнін нақтылаған жоқ. Бірақ кейбір БАҚ кездесу 16 қарашаға белгіленген деп хабарлауда.

❕ Бұл Джо Байденнің АҚШ президенті ретінде Си Цзиньпинмен үшінші бетпе-бет кездесуі болмақ. Бұған дейінгі келіссөз 2022 жылы Балиде G20 шеңберінде және 2023 жылы Сан-Францискода APEC аясында өтті. Сондай-ақ бұл олардың мемлекет басшылары ретіндегі соңғы кездесуі болуы мүмкін, өйткені Байденнің өкілеттігі келесі жылдың басында аяқталады.

✈️ t.me/atamekenbusiness_silkway

🔎 15-ші Қытай халықаралық аэроғарыш салонына әлемнің 47 елінен 1022 компания қатысуда

Бұл ретте шетелдік экспоненттердің саны өткен жылғы көрмемен салыстырғанда екі есеге артқан атап өткен жөн. Көптеген мемлекеттер әуе көрмесіне өз делегацияларын жіберген. Сарапшылар мұндай қызығушылықты қытайлық авиация өндірісінің, ең алдымен ұшқышсыз жүйелерді құру саласындағы жетістіктерімен байланыстырады.

✈️ t.me/atamekenbusiness_silkway

✍️ Қытайда мектепке дейінгі білім туралы алғашқы заң қабылданды

Қытайдың жоғарғы заң шығарушы органы – Бүкілқытайлық халық өкілдері жиналысының тұрақты комитеті көптен күткен «Мектепке дейінгі тәрбие туралы» заңды қабылдады. Ол білім беру саласындағы заңнамалық олқылықтың орнын толтыруы тиіс. Жаңа ережелер 2025 жылдың маусымында күшіне енеді.

Заңда тәрбиешілердің педагогикалық біліктілігі мен кәсіби мінез-құлқына қатаң талаптар қойылып, тәртіп бұзушыларға қатаң жаза қарастырылған. Жаңа мұғалімдерді, директорларды және медициналық қызметкерлерді жұмысқа алатын балабақшалар үміткерлердің білімін жергілікті білім және қоғамдық қауіпсіздік органдарынан тексеруі керек.

Соңғы жылдары бұл салада мектепке дейінгі тәрбиешілер тарапынан балаларға физикалық зорлық-зомбылық көрсетуге қатысты бірқатар жанжалдар орын алды. Жаңа заңға сәйкес, дене жарақаты бойынша кінәлі деп танылғандар жұмыстан босатылып, саладан біржола шеттетіледі. Жұмыс беруші де кәсіпкерлік лицензиясынан айырылуы мүмкін.

✈️ t.me/atamekenbusiness_silkway

🛍 Трансұлттық корпорациялар Қытай нарығындағы инвестициялық мүмкіндіктерді тиімді пайдалануда

Шанхайда Қытайдың жетінші халықаралық импорт көрмесі сәтті аяқталды. Биылғы іс-шараға әлемдегі ең ірі бес жүз компанияның үш жүзге жуығы қатысты. Трансұлттық корпорациялардың өкілдері Қытай нарығындағы инвестициялық мүмкіндіктерді өте тиімді деп санайды.

✈️ t.me/atamekenbusiness_silkway

🛍 Pinduoduo платформасы Қазақстанға Қытайдан тауар тасымалдауды қайта бастады

«Қазпошта» сәлемдемелерге Қытай бағытын таңдап, қосымша арқылы тапсырыс беруге болатынын хабарлады. Жеткізу құны келісіне 3,73 доллар (1834 теңге).

Сондай-ақ, ұлттық пошта операторы Pinduoduo-ның уақытша жұмыс істей алмау себебі Қазақстан-Қытай шекарасындағы қиындықтармен емес, сайттың жаңаруымен байланысты екенін атап өтті.

ℹ️ Еске салсақ, қазан айында Pinduoduo Қазақстанға тауарлар жеткізуді тоқтатқан болатын.

✈️ t.me/atamekenbusiness_silkway

🔄 Бүгін Қытайдың оңтүстігіндегі Шэньчжэнь қаласында 26-шы Қытай халықаралық жоғары технологиялар көрмесі басталады

Үш күнге созылатын көрмеге әлемнің 100-ден астам елі мен аймағынан 5000-ға жуық компания мен бірқатар халықаралық ұйым қатысуда. Ұйымдастырушылар жәрмеңкеге кем дегенде 400 мың адам қатысады деп отыр.

Көрмеде сонымен қатар 160-тан астам тақырыптық іс-шара, соның ішінде Қытайдың жоғары технологиялар форумы мен Қытай-Франция инновациялар және технологиялар форумы өтеді.

✈️ t.me/atamekenbusiness_silkway

📣 Күннің басты жаңалықтары:

✔️ Қытайда мектепке дейінгі білім туралы алғашқы заң қабылданды. Енді баланы ұрып-соққан тәрбиешілер жұмыстан біржола шеттетілетіні рас па?

✔️ Елімізге Pinduoduo платформасы арқылы Қытайдан тауар тасымалдау қайта басталды.Тариф құны өскен жоқ па?

✔️ Си Цзиньпин мен Джо Байден кездеседі. Олар не талқыламақ?

✔️ Тибетте әлемдегі ең биік энергия сақтау кешені іске қосылды. Оның мүмкіндігі қандай?

✔️ Қытай тағы рекорд орнатты. Бұл туралы толығырақ білгіңіз келсе, сілтемені басыңыз.

✈️ t.me/atamekenbusiness_silkway