Ұлыбритания Сирияға салынған санкциялардың бір бөлігін алып тастады.

Атап айтқанда, елдің күштік құрылымдары шектеу шараларынан босатылды. Соған сәйкес, Сирия Қорғаныс және Ішкі істер министрліктеріне, сондай-ақ бірқатар барлау қызметтеріне тиесілі бұғатталған активтерге қайта қол жеткізе алады.

Лондонда бұл қадам аймақтағы тұрақтылықты нығайтуға бағытталғанын мәлімдеді. Оған қоса сириялық босқындардың елге қайта оралуын ынталандыруға септігін тигізетінін жеткізді.

Айта кетейік, Ұлыбритания Сирияның мемлекеттік телерадио компаниясы мен өзге де жергілікті БАҚ-қа қатысты санкциялардың күшін жойды. Бір ай бұрын мұндай жеңілдікке елдің Орталық банкі мен 23 ұйым ие болған.

Бізге жазылыңыз -> t.me/atamekenbusiness_qaz

Салық органдары азаматтарға «тарихы» үшін салық сала бастады

Мемлекеттік кірістер органдары әрбір қазақстандықтың тарихын тексеріп, жасырған құпиясын, салықтан жалтарған табыстарын анықтап жатыр. 

Сонау 2021 жылдан бері криптовалюта сатып табыс тапқандар және шетелде банк шотын ашқан қазақстандықтар енді қосымша салық төлеу туралы талапқа тап болуы мүмкін.

Өйткені салық органдары биржалар мен криптобиржалардан азаматтардың мәмілелеріне қатысты мол дерек алды.

Тиісінше, енді салықшылар осы ұшантеңіз деректерге терең бойлап, қаза талдап, салық "сығып" алуға кірісті.

Толығырақ осы жерден оқи аласыздар.

Бізге жазылыңыз -> t.me/atamekenbusiness_qaz

Гарвард құны $1 млрд тұратын активтерін сатуға әрекеттеніп жатыр

Бұған АҚШ президенті Дональд Трамп әкімшілігінің оқу орнына бөлінуі тиіс бірнеше млрд долларды бұғаттап тастауы себеп болып отыр. Бұл туралы Bloomberg​​​​​​ агенттігі хабарлады.

Университет портфельді Трамптың ұлықтау рәсіміне дейін сатуға күш сала бастаған.

15 сәуірде Трамп Гарвардты саяси ұйым ретінде бағалап, салық салынбайтын нысан ретіндегі мәртебесін жоюды ұсынды.

Білім министрлігі Гарвардқа бөлінген 2,2 млрд доллардың және 60 млн долларға жасалған ұзақмерзімді келісімдерін бұғаттады.

Бізге жазылыңыз -> t.me/atamekenbusiness_qaz

Мемлекет басшысы UEFA президенті Александер Чеферинді қабылдады

Қасым-Жомарт Тоқаев Еуропалық футбол қауымдастықтары одағының елімізге көрсетіп отырған қолдауына жоғары баға берді.

➤ Қазақстанда:

1 миллионнан астам отандасымыз футболмен шұғылданады. Бұл – спортпен айналысатын азаматтарымыздың 13 пайызы.

Бұдан аталған спорт түрінің бұқаралық сипат алғанын көруге болады.

➤ Футбол экожүйесін дамыту

Мемлекет басшысы:

✔️ отандық футболдың нарық талаптарына сай орнықты бизнес моделін қалыптастыру;
✔️ клуб менеджментін дамыту маңызды екеніне назар аударды;
✔️ Ұйыммен білім беру және тәжірибе алмасу бағдарламасын жүзеге асыру бағытындағы ықпалдастыққа қолдау білдірді. Бұл мамандар мен жас ойыншылардың кәсіби деңгейін арттыруды көздейді.

➤ UEFA тарапынан қолдау

Александер Чеферин Қазақстанмен арадағы серіктестікті кеңейтуге дайын екенін жеткізді.

UEFA мен Қазақстан футбол федерациясы арасында берік байланыс орнағанын атап өтті.

Бізге жазылыңыз -> t.me/atamekenbusiness_qaz

«Ертіс орманының» бұрынғы директоры 12 жылға сотталды

Павлодарда қылмыстық істер жөніндегі мамандандырылған ауданаралық соты «Ертіс орманы» қорығының бұрынғы бас директоры мен үш қызметкеріне қатысты үкім шығарды.

Сотталушыларға ағаш ұрлау, пара алу, ұйымдасқан қылмыстық топ құру және оған қатысу сынды айыптар тағылды.

Тергеушілердің мәліметінше, айыпталушылар 2022-2023 жылдар аралығында отын мен өндірістік ағашты желеу етіп, ормандарды кесіп, сатуды ұйымдастырған. Мемлекетке келтірілген шығын шамамен 153 миллион теңге болған. 

Бізге жазылыңыз -> t.me/atamekenbusiness_qaz

Елімізде жерлеу қызметінің құны 5% қымбаттады

2024 жылы Қазақстанда 132,9 мың адам қайтыс болды. Бұл 2023 жылдың сәйкес кезеңімен салыстырғанда 1,7%-ға көп. Қайтыс болғандар санының төрттен бір бөлігі халық тығыз орналасқан үш аймақта тіркелген:
Алмaты (12,2 мың адам); 
Қарағанды (10,6 мың адам);
Түркістан обл (10,1 мың адам).

Ең көп жылдық баға өсімі Батыс Қазақстанда байқалды: 1,5 есе. Одан кейінгі тізімде:
Жетісу облысы — 23,1%
Ақтөбе облысы — 11,1%.

Қызмет құны аса көтерілмеген аймақтар: 
Алматы облысы — 4,1%;
Абай облысы — 6,1%;
Қарағанды обл — 6,7%.

Бізге жазылыңыз -> t.me/atamekenbusiness_qaz

«Қазақстанды сағынамыз!»: Америкалық әйел қалай «қазақ» болып кетті?

Өзін Жазира деп атайтын АҚШ азаматы Тирза Пичоттаның Қазақстанда тұрып жатқанына 23 жыл болған. Қазақ тілін елімізге алғаш көшіп келген жылдары курсқа қатысу арқылы үйреніпті. Сөзінше, қазақтармен жиі шай ішіп, кездесіп тұрғаны нағыз практика болған.

Бізге жазылыңыз -> t.me/atamekenbusiness_qaz

Солтүстік Корея Ресейге әскер жібергенін растады.

Бұл туралы Кореяның орталық ақпарат агенттігі хабарлады.

Ресми мәлімдемеде әскери көмек Пхеньян мен Мәскеу арасындағы өзара қорғаныс туралы келісім аясында жүзеге асқан. Арнайы бұйрық мемлекет басшысы Ким Чен Ыннен келіп түскен. Осылайша, Курск майданына жіберілген мыңдаған кореялық сарбаздар туралы ақпарат бірнеше ай өткен соң ғана ресми түрде расталды.

Бұған дейін Ресей Қарулы күштерінің өкілі Валерий Герасимов әскерилердің соғысқа қатысқаны жайлы мәлімдеген болатын. Бұл туралы ол ел Президенті Владимир Путинге берген есебінде айтты. Жалпы, ұрыс алаңына 11 мыңнан аса корей азаматы жіберілген.

Айта кетейік, күні кеше Владимир Путин Курск облысының жау құрсағынан босатылғанын мәлімдеген. Алайда, Ресей әскері өңірдегі атыс-шабыстың әлі жалғасып жатқанын жеткізді.

Бізге жазылыңыз -> t.me/atamekenbusiness_qaz

Путин соғысты аяқтауға дайын емес.

АҚШ Президенті Дональд Трамп Ресейден көңілі қалды.
Ақ үй басшысы Ватиканға барған сапарынан кейін осындай ой түйген. Рим папасының жерлеуіне арнайы қатысқан ол рәсім алдында Владимир Зеленскиймен де кездесіп үлгерді. Бұл ақпан айындағы Ақ үйдегі жанжалдан кейінгі алғашқы бетпе-бет жүздесу болды.

Трамп бұл жолғы кездесудің сәтті болғанын жазды. Оның нәтижесі алдағы аптада мәлім болатынын алға тартты. Бұған дейін Мемлекеттік хатшы Марко Рубио АҚШ-тың Ресей-Украина келіссөздерінен шығатынын тағы да хабарлады. Нақты шешім алдағы бірнеше күн ішінде қабылдануы тиіс.

Бізге жазылыңыз -> t.me/atamekenbusiness_qaz

Тоқаев Атом энергетикасы агенттігінің тағы бір орынбасарын тағайындады

Лауазымды қызметке Ғұмар Серғазин отырды.

Еске салайық, бұған дейін Президент екі орынбасарын тағайындаған. Ал агенттікке экс-министр Алмасадам Сәтқалиев жетекшілік етеді.

Бізге жазылыңыз -> t.me/atamekenbusiness_qaz

Иранда жойқын жарылыстан 40-қа жуық адам қаза тапты.

Қайғылы жағдай елдің оңтүстігіндегі Шахид-Раджаи портында болған. Зардап шеккендер саны 1200-ден асты. Із-түссіз жоғалғандар да бар. Иранда жалпыұлттық аза тұту күні жарияланды.

Ел президенті Масуд Пезешкиан шұғыл түрде түрде апат болған аймаққа жетіп, құтқару жұмыстары жайлы хабар алды. Жергілікті БАҚ-тың дерегінше, қуатты жарылыстан сол маңайдағы көліктер түгел күлге айналған. Өрттің шығуына порттағы қауіпті химиялық заттардың тұтануы себеп болған. Әзірге, бұл тек болжам ғана.

Кей дерек көздерінде, қоймада натрий перхлораты тұрған контейнер жарылғаны айтылады. Бұл зымыран отынын жасау үшін қолданылатын химиялық компонент. Порттағы алап өртті сөндіру әзірге мүмкін болмай тұр. Қазір аймақта төтенше жағдай жарияланды.

Бізге жазылыңыз -> t.me/atamekenbusiness_qaz