*#أحببته~بطريقته《17》*💛
*#بقلم~نون~علي🌸*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
*★★★ـہہہـ٨ـــ٨ـہہـ٨ـــہہہـ٨ـــ٨ــــ٨ـ♡★★★*
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
مشت ناس خالها ؟؟؟؟؟؟؟؟؟ ناس مدثر قصدك ؟؟؟؟ لاخر لحظه انا كنت متلهف وبفتش عنها رغم العملتو ما اتجاوزتو تقوم تمشي لناس مدثر هنا نون براها اختارت انها تبعد واذا دايره تبعد ،،تبعد بكلو ،،،بقول في الكلام ده والغيره بتأكل فيني أكل ...💔 حسام قال لي لا ي اخوي انا كنت بقيف معاك لانو انت شلته مسؤليتي او انا الوحيد الكنتا عارف كل جوانب القصه بس هسي غير حكِّم عقلك محمد ما يغشك حتي لو كانت بتتكلم معاهو ف هي اتكلمت من جانب النقصان قولتا ليهو كيف كيف ياتو نقصان يااخ نون دي لو دايره النجمه من السماء انا بجيبا ليها ،،دي مشكلتك ي اخوي الحب ما بالرغبات بالاحساس ما بمعنى انا ح اوفر ليها اي حاجه معناها ح تحبك لالا في جوانب عاطفيه كتيييره ،،، حسام بيتكلم من الجانب حقها ما شافني انا يمكن طريقتي مسلطه وده كلو لانها مستحوزة علي قلبي وعقلي فبحاول ب كل الطرق عشانها خليت اخوي ومشيت وانا الفكره الفي راسي اني ما ارجعها او دي مش هي عايزة تبعد التبعد ،،يمكن انا مافي حاجه واجعاني غير انها مشت لخالها ،،انا الكنت بفتش ليها وقلبته عليها البلد دي قلب لحدي ما جا اتصال من امها انها مع خالها هنا كل المقايس اتغيرت واتحولت من صالحها لصالحي ،،،،اتذكرتا مروة رغم العملتو كلو في النهايه كانت مرتي في يوم لازم اديها دخل مادي حتى لو هي ما بتحتاج او ما بتستاهل بس ده طفل اخدتا نفس طويل ما اقوم افضي فيها الجواي كلو ،،مع كل خطوه بخطيها بتجيني صورة نون ........
………………………………
بعد عرفنا نون مع خالي ابوي ما كان راضي عنها شايف نون دي متهورة وبتتعامل بطريقه متهربة ،،بتتهرب من مشاكلها ،،غلبني اسكت وحكيت لابوي الحصل كلو ،،قال لي ده كلو حصل ليها ؟؟؟؟؟،،، قولته لبهو اي ي ابوي ما ليها حق تهرب؟؟؟، ابوي ما اتفهم الحكايه قال لي ما بنخليها عند خالها براك تمشي واحد فيك ،،، اصلا اسيل ما ح تقدر تمشي وانا مع حسام في حاجات كتيره ما وصلنا ليها او ما اتاكدت من محمد مع مروة ولا لا ف ما بقدر امشي ، ابوي قال ح تمشي انتي ي امل ،،كنته ح اعترض بس ساره وقفتني وقالت لالالا ح امشي ليها انا ي ابوي،،ابوي عاين لينا مسافه قال ليها لكن امل ...قاطعتو قالت ليهو ما تخاف ي ابوي وخليني امشي ،،بعد مسافه قال ليها تمام ح اوديك انا ليهم ،،مع اني ي بتي ما بحب امشي لي خالك لكن نون دخلتنا في حتات ضيقه ،، فعلا ساره جهزت حاجاتها و ابوي مشى يوديها ويشوف نون بالمرة ،،،
……………………
مافي انسب من اني امشي اسيل ما ح تقدر وامل عندها امور الايام دي ف قولتا لنفسي خلاص كلمتا ابوي اي ما وافق سريع لكن وافق في النهايه ،،اتصلتا بيوسف اكلموا فصل ورجع لي قال لي الحلو ؟؟ طوالي دخلتا ليهو في الموضوع سكت مسافه زي البيقول لي ما تمشي ما تمشي ،،بس قال لي انا ح احترم انها اختك وماشه ليها بس انا ما ح اكون مطمن ؟؟ قولته ليهو لالالا ديل ناس خالي ،،سكت كأنو بفكر بطريقه تخليني ما امشي،،قولته ليهو انا لازم امشي،،تمام خلي بالك من نفسك انا بتصل بيك ،،،وقفلنا علي كده ،،ودعته اخواتي وطلعت مع ابوي ،،المسافه كلها ابوي يتحسبن ويتحسبن لمن اتوترتا ،،بعد ما وصلنا هناك قابلنا خالي بابتسامه ساخره كانت في وشو قال لي ابوي لو ما جابك الزمن بتجيبك بتك ي حاج علي ،،اتغزتا من كلامو ابوي ما اشتغل بيهو قال لينا اتفضلو دخلنا ابوي

قال لي امشي نادي لي اختك اشوفها ،، خالي قال ليهو وين ي حاج علي البت جاتنا جاي تسوقها ،،قال ليهو بتي ما بغصبها علي حاجه طول ما دايره تقعد معاك التقعد ف النهايه انت خالها ،، خالي اتصدم من كلامو ،،طلعتا طوالي داخله ل بيت النسوان صادفني مدثر اتهجم قال لي الجابك هنا شنو ؟؟ ما لي حقك اجي،؟؟ ،،لالالا اكيد بس الزكرك بينا شنو ؟ نفس الزكر نون بيكم ،،دايره امشي ،،قال لي ما ما تتخيلي انو ممكن ترجع معاكم ،،عاينته ليهو ومشيت ،،ما بتكلم معاك،،سفهتو ،،ابتسمتا من نفسي لانو تأثيرات يوسف ظااااهره فيني ❤،،،
…………………………………
قافله نفسي قفله شينه من جيت هنا ما اتكلمتا مع زول ولا دايره اتكلم معاهم في انكسار حاصل فييني ،،عايزه احدد موقفي شنو ،،وفي نفس الوقت مفتقده عمر شديد وفي كل دقيقه بفكر هو بيعمل شنو حاليا ،،وهل مع مروة ؟؟،،مجرد ما افكر انو ممكن يكون معاها ببكي مرت خالي كل مرة تجي تتفقدني ومدثر حاول يشوفني او يتكلم معاي،بس انا ما كنت راضيه او ما نفسي اتكلم مع زول ،،لكن اتفاجأت ب اختي ساره جات طوالي جاريه حضنتني ما قالت لي اي شي غير ابوي منتظرك ،،ما رديت ليها ،،نون ابوي ح يفوت ؟؟ قعدته في السرير من سكات ،،افهم انك زعلانه مننا ؟؟ قولته ليها جيتي ليه ؟؟ ،،،عشانك نحنا جينا ،، لو جايين عشاني ارجعو ،،قعدت جنبي قالت لي نون انتي بتلومينا نحنا !! طيب ابوي زنبو شنو قاطع المسافه دي كلها عشان يطمن عليك ،،بس انا ماعايزه زول،يطمن علي ،، ده ابونا ي امل يعني كان عمل فينا المستحيل ياهو ابونا ربنا امرنا ب انو نطيعهم ما تفتكري انتي ممكن تحاسبي ابوي علي حاجه الحساب ده من عند ربنا خلينا نحنا في الامرو لينا ،،كلهو يمكن يكون صح بس انا في الوقت ده بالذات ما دايره اشوف زول ولا حتى هي فخليهو ابوي ،،شكلها فهمتني قالت لي تمام انا ما حاسالك ولا ح اجبرك علي حاجه بس اتاكدي اني ح اكون معاك ،،فعلا ابوي مشى وماسلمته عليهو انا قلبي،الشايلو كتير كتير ..والزايد علي انو عمر ما شغال بي وده المحرق روحي ..💔
"الآن أنا خاوية...خاوية تماماً من كل شيء ..كما لو أنني لم امتلئ يوماً سوى بخيبات صغيرة🍂"
………;………………
كيف يعني اطلقك ؟؟؟؟ طلقني ي محمد وبالتلاته 😭💔 ،، ليه انتي عملتي شنو ،،،ولا اقول ليك ما داير اعرف زي كل مرة بتخربي اي حاجه المرة دي استحملي براك،،كيف كيف استحمل براي ،،،عديل كده لمتين انا ح اكون معاك ياااخ انا مالي عليك قولتي لي ساعديني وساعدتك عشان نداري المصيبه الفي بطنك غشينا حسام وعمر وبرضو ما استفدتا منك في حاجة ،،،دقيقه انت بتقول مصيبه في بطنك نسيت العملها معاي منو كلنا في الهوا سوا،،قال ليها منعول ابو اليوم الشوفتك فيهو يااااخ،،،هيييييييي داير تعملها فيني وتدبسني براي في الطفل اعمل شنو انا رميت نفسي من السلالم عشان يموت و ما مات اعمل شنو ،،،ما عمرو زيك كده فقري ،،اسمع ي محمد لو دايرني اضيع بتضيع معاي،،،طق ادها كف انتي بتهدديني انا الكنت بسمع افكارك وانتي بتقول لي اتقرب من نون اتكلم معاها ولا كمان بتوريني بيطلع عمر متين عشان اتكلم معاها انتي عارفه كانت بتعاملني كيف ؟؟؟ اسلوب زي وشك ده بس عشان شنو استحملتا وفي النهايه حصل شنو وريني عمر طلقها وريني خططتك جابت ناااف......سمعوا صوت زول بيقول ليهم لا قدرتو تلعبوها صح الله يقدركم علي
………………………………
شايف حسام وامل جارين ورا موضوع محمد عايزين يثبتو لي انو نون ما بتتكلم معاهو وانا متاكد انها اتكلمت معاهو حتى لو كذبته علي نفسي ما بقدر اكذب صوتها في المكالمه معاهو ،،كل يوم بدخل الشقه بتخيلها تكون فيها بتخيلها تقول لي خلينا ننسى الفات ده كلو،، بتخيلها تعترف انها بتحبني مع انو ده ما بيحصل بس مالو عايش علي حلم ما اظن في يوم يتحقق ،،انا الدنيا دي الشالتو مني ما هين واولها نون غلبتني القعده من دونها في نفس الوقت غلبني اجي علي نفسي عشانها لانو كلو ممكن استحملو الا تتكلم مع غيري ومع منو محمد ،!!اااااتذكرتا مروة ما ماشي حباً فيها مشيت ليها في المستشفي لسه ما طلعت علي حسب كلام الدكتور داير ادخل الغرفه شوفته معاها محمد ؟؟؟؟؟؟؟؟؟استغربتا محمد معاها بيعمل شنو وقفت جنب الباب وبقيت اسمع في كلامهم مع كل كلمه بيقولوها انا النار الجواي بتزيد يعني هم الفترة دي كلها كانوا غاشننا متفقين علينا؟؟؟؟،،يمكن مروة ما تفرق معاي،بس محمد مننا وفينا ؟؟،،كنت ح ادخل اطربق الغرفه فوق راسهم،،بس وقفني صوت محمد العالي هو بيقول ليها نون بتتكلم معاي ب اسلوب زي وشك،،،، يعني شنو يعني انا ظلمتها ل تاني مرة انا بظلمها ل تاني مرة انا بغلط معاها عملت لي شنو عشان تستاهل الكلام ده كمان مني ، نونتي ي عمري انتي عملتي لي شنو عشان تستاهلي مني ده كلو علي قدر ما اتوجعتا علي نون علي قدر ما غضبي زاد عليهم ،يمكن كنت ضحيه ل مروة ومحمد وقبل ما اغرق ح اغرقهم اول،،،، ما قدرته اثبت اكتر من كده وفتحت الباب ،،هجمتهم كانت كفيله باانها تقتلهم ....قربتا من مروة وانا عيوي بطلع شرار منها ومن محمد

قولته ليها انا حزرتك تتكلمي مع نون تجي تغلطي فيها ؟؟؟؟؟ خسران انا الجاي حاني عليك انتي مفروص ما تعيشي دايره تقتلي ولد لسه ما جا علي الدنيا عشان منو وعشان شنو،،،هزيت ليها راسي يمكن ما ح اقدر اتعامل معاها وابسط حاجه اكلم اهلها لانو دي ما تربيه يربوها اخليهم يتصرفو معاها بطريقتهم ،،،قالت لي هي بتبكي عمر عليك الله ما تكلم اهلي عليك الله اعمل الداير تعملو كل بس ما تكلمهم قولتا ليها انتي الكلام خساره فيك،،عاينتا لمحمد قولته ليهو خجلان منك هسي انت حاسب نفسك مع الرجال راجل ؟؟؟؟، وقت ما بتعرف تغلط ما تتحمل غلطك ،،قربتا منو واديتو كف في وشو رغم انو م ح يشفي غليلي الجواي منو بديت اضرب فيهو بحاول اجيب حق نون وفي نفس الوقت داير اوريهو انو لعب مع زول ما هين ما خليتو لمن ناس المستشفى فكوهو مني والله كما فكوني منو كان هسي ميت علي يدي ،،المشكله اني حاسي لسه لسه عايز اتشاكل معاهو بس جرا الخايب عاينت لمروة المصدومه وطلعته من دربي لي نون ما ينفع اني اتصل لا لازم امشي ليها عديل لازم افهمها واعتزر ليها اوريها الحصل كلو وتفهمني وترجع لي من جديد تاني ما بخليها تغيب عن عيني ولا لحظه ❤ المشوار حسيتو طويل متلهف لشوفتها متلهف ل اني احضنها واحكي ليها الحصل معاي كلو ،،بعد ساعه كده وصلته ما عارف المكان بالضبط كده اتصلته ب امل اتخلعت لمن قولته ليها وصفي لي البيت بعد ما استوعبت بدت توصف
……………………………،
اخر حاجه قالت لي باب لونو ازرق فعلا لقيتو وشوفتا من بعيد مدثر داخل علي البيت ،،وقفته العربيه جنب الباب هو طير عيونو وقال لي عمر،،، ما رديت ودخلته طوااالي ما جاي اتناقش مع زول جاي اسوق نون وامشي قدر ما حاول يوقفني ما قدر بديت انادي ي نون ي نون ،،،طلعت لي ساره مخلوعه قولته ليها نادي لي نون سريع ،،خالها جاني قال لي ده ما اسلوب برضو ما رديت ليهو ،،قال لي ما بخليك تسوقها ،،مرتي علي فكره ،،مدثر قال لي مرتك جات هاربه منك ؟؟؟؟؟،، حاولتا ما انفعل معاهو قولته ليهو جاي اسوق مرتي وخلاص ،،ساره اتاخرت وانا ما قدرتا اصبر طوالي دخلتا ،،خالها قال لي ماشي وين جنيت انت ،،برضو ما رديت عليهو نفس اسلوبهم الزمان التعامل حق زمان انا بتعامل بيهو ،،لقيتها في الغرفه قاعده في السرير شارده قولته ليها نون ؟؟؟، مدثر جاي يدخل منعتو وقفلته الباب ده مجنون داير يدخل عليها طوالي كده نسيت اي حاجه قولتا ليهو مدثر كان بيدخل عليك وانتي ما لابسه توب ،،رفعت راسها عاينت لي وشها كان شااااحب وعيونها واقعه وضعفت غلبني منظرها وهي باهتة قدامي كده جريتها علي وضميتها قولته ليها انا اسف انا اسف ي نونتي ،،❤بس ولا كانوا روحها زي البقت ميته ميته قولته ليها اعملي الدايرة تعمليهو بي اتكلمي معاي طمنيني عليك وحضنتها بطريقه شويه وادخلها في ضلوعي ،،بعد مسافه شكلها استوعبت ؟؟؟، لانو دفرتني ب قوه قالت لي جاي هنا ليه ؟؟؟ نون اسمعيني صرخت وقالت ما دايره أسمعك ما دايره اسمعك اطلع من هنا انا عايزه فتره ابعد منك افهمني محتاجة فتره ابعد فيها عنك ،،،حاولتا اهديها واضمها علي تاني بس هي لسه بتصرخ و ما راضيه نهائي تهدا او تديني فرصه اتكلم ،،صوت الباب بدا يدق،،ما اشتغلته بيهو وبقيت اقول ليها نونتي اهدي بدات تضربني وتقول لي ما دايره اهدا اطلع بس انت ،،انفعالها خوفني عليها زياده خلاني اقول ليها طيب طيب انا بعدتا انتي اهدي ،،اطلع من هنا طيب طيب روقي وانا بطلع خوفته الوضع يزيد وتنهار قدامي عشان كده طلعته من الغرفه قولتا لي ساره خليك معاها و ما تخلي جنس مخلوق يقرب منها ،،بقول في كلامي وانا بعاين لمدثر قال لي الزوله قالت ما دايرك ما تلم بعضك وتتخارج ،، قولتا ليهو داير اعرف راجل ومرتو انت الدخلك بيناتهم شنو ؟؟: داير يرد نون طلعت طبعا ما كانت لابسه توبها شكلها مافي وعيها او ما مركزه دايره تتكلم شلتها عديل ودخلتها الغرفه تاني واضح انو نهايتي ح تكون علي يدها دايره تتطلع قدام العورة ديل كده حتى لو لبسها محتشم برضو شعرها اذا انا سبيبه منها بتعصبني شعرها كلو ؟؟ هي كانت منفعله وبتصرخ اني انزلها داير اختها في السرير هدت اغم عليها ناديت ساره جاتني جاريه قال لي مالا مالا؟؟؟؟؟؟؟ قولت ليها اديني توبها سريع سريع ،،ساعدتني لبستها التوب وشلتها تاني وطلعنا ،، مدثر وقفني قال لي ما بتطلع بيها قولته لساره ارح ،،خالها قال لي وين وين ح تسوقها وين بالشكل ده انا خالها ،،وانا راجلها ،،، رقدتها في العربيه وساره قاعده جنبها قالت لي ح ترجعنا قولته ليهااا لالالا ح نمشي ناس امك ،،،يمكن ده احسن قرار هي محتاجه فترة تبعد عني وانا ما بقدر اطمن عليها مع مدثر وابوه..
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*
*♡بــــــــــــــيــــــــــــــــــــجــــــــــــــة♡*

*#أحببته~بطريقته《18》*💛
*#بقلم~نون~علي🌸*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
*★★★ـہہہـ٨ـــ٨ـہہـ٨ـــہہہـ٨ـــ٨ــــ٨ـ♡★★★*
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بقول في كلامي وانا بعاين ل مدثر قال لي الزوله قالت ما دايرك ما تلم بعضك وتتخارج ،، قولته ليهو داير اعرف راجل ومرتو انت الدخلك بيناتهم شنو ؟؟: داير يرد نون طلعت طبعا ما كانت لابسه توبها شكلها مافي وعيها او ما مركزه دايره تتكلم شلتها طوالي ودخلتها الغرفه تاني واضح انو نهايتي ح تكون علي يدها دايره تتطلع قدام العوره ديل كده حتى لو لبسها محتشم برضو شعرها ،اذا انا سبيبه منها بتعصبني يبقي علي شعرها كلو ؟؟ هي كانت منفعله وبتصرخ اني انزلها داير اخدها في السرير اهديها اغمى عليها ناديت ساره جاتني جاريه قالت لي ماله ماله؟؟؟؟؟؟؟ قولت ليها اديني توبها سريع سريع ،،ساعدتني لبستها التوب وشلتها تاني وطلعنا ،، مدثر وقفني قال لي ما بتطلع بيها قولته ل ساره ارح ،،خالها قال لي وين وين و ح تسوقها وين بشكل ده انا خالها اولى بيها ،،وانا راجلها ،،، رقدتها في العربيه وساره قاعده جنبها قالت لي ح ترجعنا قولته ليهااا لالالا ح نمشي ناس امك ،،،يمكن ده احسن قرار هي محتاجه فترة تبعد عني وانا ما بقدر اتطمن عليها مع مدثر وابوه ،، ف احسن ناس امها مع اني ل امها زاتو ما داير اوديها بس مافي حل في يدي ح احترم رغبتها وخليها تتجاوز الحكايه دي واكيد ح اكون معاها ،،اشتريت كل الحاجه ممكن تغزيها وتحركنا علي بيت امها ،،،اول ما فتحت لينا الباب قالت لينا ده شنو بتي مالها قولته ليها هسي بتصحى فعلاً شوبه كده وصحت بقيت ماسك يدها وبعاين ليها لمن صحصحت كويس وقمته مع اني ماداير اخليها في الحاله دي وكمان ما بقدر اقعد معاها ح تنفعل تاني خليت امها معاها قولته ل ساره اذا خالها جاء هنا وريني واوعك تخليهو يقابلوها انا بشوف لي مكان قريبا هنا اعيش فيهو ،،ما بقدر اخلي المسافه البيناتنا دي كلها لازم اكون قريب ليها ..الحاجه المقتنع بيها انو قدام نون بتتحطم كل مقاييس الوعي عندي فببقى زول همجي دايرها هي وبس ف بعافر عليها ❤✔

………………………
من جانب ساره
عمر ده من شدة ما بيحب اختي نون لمن مافي طريقه وم عارف يتصرف ولا يتحكم في تصرفاتو كان متلهف عليها ب طريقه بتوحي انو مافي غيرها في العالم كلو اوو هي كل كيانو ،،ياما كنا بنوصف عمر ب الزول العاقل لكن بعد ما شوفته الحاله الكان فيها اكتشفته انو مجنون رسمي قدام نون نون وبس ،،خوفو عليها كان بيتعكس في تصرفات ما طبيعيه ، لدرجه بقيت اقارن عمر ب يوسفو كنت بفكر يوسف ممكن يعمل كده او يكون زول انفعالي ضحكته مع نفسي رغم متاكده انو هو ب طبعو كده بس عجبني ومتقبلاهو ب هيأتو دي علي الاقل الفترة القاعدها مع نون كان بتصل بي وما بتكلم بس يسمع انا بعمل في شنو لمن اقول ليهو دايره اقفل يقول لي ليه اتكلمي انا عايز اسمع صوتك ،،المشكله انو انا بتكلم بطريقه عفويه يعني اي شي في لساني بلقى نفسي قولتو حتى اعترفته ليهوواظن هو ما صدق لانو سكتتت. ما زعلته من سكاتو لاني متاكده انو حاليا الفرحه ما قادره تشيلو ❤✔ الاثبت لي قال لي ح اجي ل ابوك اقنع اختك دي ياااه ما عارفه الحصل ب وراها شنو في ناس بتعاني ،،ضحكته في كلامو ،،قال لي ممكن تضحكي تاني ❤✔ ،،اي اسلوب مختلف بس انا متقبلاهو كده ومقتنعه بيهو شديد في النهايه ده يوسفي ❤

…………………………
جيت بيت ناس امي كيف؟؟ ما عارفه بتذكر اني طلعت ل عمر عشان ارد ليهو الحصل شنو لقيت ساره قدامي قولته ليها جيت هنا كيف ؟؟؟ قالت لي جابك عمر ،،اتخلعته قولته ليها كيف ليه ليه جابني؟ ،،قالت لي تعبتي وطلعت ما فهمتني اي شي ،،بعترف اني ما ضايقه عمر بس كمان مشتاقه ليهو انا كرهته تناقضي ده فبقيت بببكي ،،مرا اسبوع هو ما اتصل اذكرته اني قولته ليهو محتاجه فترة ابعد منو. بس مافي فايده اذا هو طوالي في بالي في الفتره دي اختي اسيل جاتنا ،،حاولو ساره واسيل يطلعوني من الحاله الانا فيها بس برضو دايما بتجيني رسايل من عمر كلام ايجابي او عشان يطلعني من الحاله الانا عايشه فيها حتى هو بعيد بيحاول عشاني في الاول كنت بزهج منها بس قلبي بيقول لي اقريها ف بقرها لكن موقفي اتجاهو ما اتغير ،،،في يوم ساره جات داخله ختةة التلفون حقها جنبي وطلعت قفلت الباب وراها سمعت صوت عمر بيقول لي حبيبي ✅❤ ما رديت قال لي انا ما دايرك تردي بس اسمعيني نونتني انا بالجد مشتاق ليك ومتلهف ل شوفتك ارحميني ي بت الناس وارضي عني ❤ انا مستعد استحملك كده بس تكوني قدامي سمعت صوت هو بيبكي او بيشهق انا غلبني وبكيت معاهو عايزه ارجع ليهو بس المرة بي ما هين ولا قادره اتخطاهو 😭💔قال لي خلينا نرجع ل بعض كفايه البنعمل فيهو ده واصل قال لي ما تبكي !! قفلته الخط فيهو عارفه اني لو واصلته معاهو كلام طوالي ح اضعف قدامو وكلامو ح ياثر فيني ويخليني اخطي خطوة انا ما دايرها كل ما اقول لي نفسي خلاص بتذكر الحصل لي معاهو كلو ف بتراجع الف خطوه ،،اليوم التاني اتصلت بينا امل بعد ما سلمت علي قالت لي نون انتي ما دايره ترجع ل عمر وترجعي ل بيتك ؟؟ قولته ليها بيتي قصدك ياتو بيت العايشه فيهو مروة ،،قالت لي هو طلقها ب تلاته قولته ليها شنو و الولد الفي بطنها كيف طلقها ،،قالت لي ما حكيت ليك الحصل حكت لي الحصل كلو انو شال مسؤلية اخوه واصلا ما. دايرها ومحمد طلع متفق مع مروة يمكن مع كل كلمه بتقولها بيكبر عمر في نظري اكتر بس.
مافي فايده لانو في حاجه كسرها جواي كلامو لسه بيتردد الحاجه المقتنعه بيها هو الادهم فرصه فينا اخر حاجه قالت لي ي،،نون انا طول عمري بقيف معاك بس الحق حق ومافي غير عمر بيستحقكك عمر مافي منو اتنين ي اختي ما تخسريهو ،،،، بعترف اني زمان ما كنت دايرهو ليك لكن هسي انا متمسكه بيهو ليك اكتر منك والشافوا عمر ما قليل ما تكبري الموضوع ي نون ،،وقفلت علي كده بتقول لي ما تكبري الموضوع هي ما كانت في مكاني هي ما عاشت الانا عشتو ولا شافت الانا شوفتو ،،،يومين وانا في حرب مع نفسي بين اني اخضع وبين اني اتمرد واكون كده اي متاثره لي عمر بس كمان متاثره لي نفسي ، قررت اني ما ارجع ليهو اي القرار صعب علي بس ده انسب حل ...،،وزي كانوا ربنا بقول لي جاتك فرصه لحدي عندك وانتي رفستيها جاتك اسباب وانتي ابيتيها استحملي ،،اتصلت بي عمتي نعمات ام عمر بتبكي وبتكورك قولته ليها بسم الله عمتي مالك قالت لي عمر عمر مات مات ي بتي ....

" لا تحسبنا ان كل النهاية قد تكون سعيدا ! ،،لا ففي اخر لحظه قد تقلب الحكايه وتصبح اسو ب كثير وقد يموت صاحب الروايه وتصبح اجزاء جزين وصحف ممبلله بدموع ، فلا تحزن فان قدر الله اذا جاء لا ياخر »
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*
*♡بــــــــــــــيــــــــــــــــــــجــــــــــــــة♡*

*#أحببته~بطريقته《19》*💛
*#♡الاخــــــــــــــــــــــــــــــــــــــــيرة♡*
*#بقلم~نون~علي🌸*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
*★★★ـہہہـ٨ـــ٨ـہہـ٨ـــہہہـ٨ـــ٨ــــ٨ـ♡★★★*
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
ساعه كامله بستوعب في كلام عمتي عمر مات ؟؟؟التلفون وقع مني ودموعي جرت وقلبي قبضني ب قوة اريتني انا الموتا كان اهون علي ،،اتذكرته في كل مرة حاول فيها عشاني وف كل مرة انا بصدو المعني الحقيقي ل انو انا اهملته نعمة ربنا ف انتزعها مني ب قوة عشان يوريني ما اي حاجه بتدوم ولا زول جاري وراك في لحظه بس ممكن تفقديهو ،، انا زاتي الكنت ما دايره اشوفو تاني يختفي من حياتي اها مات،،انبسطتي ي نفسي💔!!!؟،، الفقد ده حار حار. والله لدرجه ما بتقدر تحدد شعورك كأنو جزء منك بيموت اي انت بتتنفس لكن جواك بيموت ب بطء ،،اختي ساره قالت لي مالك نون بتبكي ليه،،يادوب وعيت ل نفسي قولته ليها عمر مات مات ي أمل انا دايره امشي ليهو وديني ليهو ،،اتخلعت قالت لي شنو قولته ليها وديني ليهو بس ي امل انا دايره اشوفو ،،،امي واسيل جو قالو لي ي بتي اهدي. نتصل بيهم قولتا ليهم انا م ح انتظر ساره اطلبي ترحال سريع ي ساره قالت لي طيب اهدي صرخته فيها وديني ليهو سريع والله امشي بكرعيني. اتهجمو اتاكدو اني ما بكذب،،،شويه الترحال جا ب توبي مشيت وانا بالي معاهو الطريق كلو ببكي ،،بعترف انو طريقتو في الحب صعبه بس هو كده علي الاقل اكتر زول كان داير مصلحتي واكتر زول انا ممكن اثق فيهو بس بعد شنو؟؟؟؟ وين الكلام ده كلو من زمان ،كان واضح للناس كلها انو بيجاهد عشاني بس انا كنت بشوف من جانبي ونسيتو،،،، الحاجه المقتنعة بيها انو نحنا اتأزينا ب نفس الدرجه بس الفكره انو هو وقف معاي وانا لا ،،ساره اتصلت ب امل تعرف الحاصل سمعتها بتقول ليها الجنازه في بيتهم،،مع الكلام ده قربته اكورك اقول ليها كذبي علي قول لي عايش عليكم الله قولو لي عايش والله ما ازعلو لحظه في حياتي بس انتو خلوهو يرجع ،،فايد الكلام والافعال شنو لمن تجي متأخر؟؟ او يفوت وقتها ،،اخير ما تجي احتفظ بيها ل نفسك ،،وصلنا البيت هناك ما ركزته ل الفي منو ولا المافي منو
طلعته الشقه طوالي قلبي بيقول لي اطلعي فوق اطلعي فوق يمكن تلقيهو قاعد يمكن كذب ما دايره اتصالح مع فكرة انو مات دي نهائى لاني بروح فيها اذا هو مات،،فتحت باب الشقه كانت فاضيه زي ما خليتها اخر امل عندي فقدتو دخلته جوة ب خطوة منكسره وشتات روح مفرق ،،،طق سمعته الباب قفل ما قبلتا اشوف ده منو بس جاني الصوت الما بيغباني بقول اسرع طريقه عشان تجي ✔💛 عذبتيني وراك ،،،قبلته ب لهفه وانا ما مصدقه عمر؟؟؟؟؟؟؟؟؟ ولا رمشه ما قدرته ارمشها عمر قدامي ؟؟؟ هو ب كل برود قال لي من هنا ما بخليك تطلعي تاني،،ما قادره اصدق بالجد هو قدامي يعني ما مات من خلعتي بيهو جريت عليهو بسرعه وحضنتو❤ بقيت مشعلقة فيهو من رقبتو ❤ بحاول اطمن نفسي بيهو بحاول اهدي نفسي انو عايش ،،،هو استغرب بس تاني ضماني عليهو قال لي نونتي! هنا بكيت اكتر ،،نص ساعة وانا ماسكه فيهو قوي وابكي هو ما اتكلم معاي بس كان بيمشي يدو علي ضهري ❤،،قال لي انا اسف بس..قولته ليهو ما تتكلم ،،يمكن في اللحظه دي بالذات ما دايراهو يتكلم دايره اهدي روحي في الاول ،،،شويه شويه بديت استوعب الحركه العملوها قولته ليهو نزلني قال لي هو انا ما صدقتا ،،عمر نزلني ،،،الدايره تقول قولي انا سامعك ورفعني ل فوق اكتر بقيت مقاصده وشو❤ ورفعته راسي من كتفو،، عيوني جات في عيونو ودموعي ما

وقفت قولتا ليهو ليه تعمل فيني كده انت ما عارف الحصل فيني..قطع كلامي وباسني ،،،قال لي وانفو قصاد انفي انا ما داير من الدنيا دي اي شي غير انك ترضي علي وتتقبليني وتتقبلي حبي ليك وتاني باسني ❤،،،بعد مسافه قولته ليهو طيب نزلني قال لي طيب ،،وفعلا نزلني هنا انفعلتا وبديت اضرب فيهو قولتا ليهو ما تعمل فيني كده والله قربتا اروح فيها قال لي بعيد الشر عنك اروح انا ولا تروحي انتي،،،،قولته ليهو لاااااالااا ان شاء الله ما تحصل ليك حاجه وانا ابكي واعزي ،،قال لي بعد كده ما خلاص ما نفسك تحني ل حالي ؟؟؟، سكتا كنت عايزه اعزبو اكتر بس خفته اخسرو وقلبي يكون مليان بالكلام ليهو دنقرته راسي قولته ليهو عمر انا ،،قاطعني وهو بيرفع راسي ب يدو عايني في عيوني و اتكلمي،، في الاول خجلته بس المشاعر الجواي ليهو فاضت قولته ليهو عمر انا بحبك وما بقدر استغنى عنك ما خلاني اواصل كلامي وشالني لفا بي الشقه كلها الفرحه الشوفتها ف عيونو كفيلة ب انو تقول لي وين انتي حبك ليهو بالنسبه لي حبو هو ،❤،، قال لي شوفي البيحلك مني تاني منو ؟؟ في قلبي قولتا وهو انا زاتي ما دايره اتحلى منك ،،
مرو يومين ونحنا حابسين نفسنا لا شفنا زول لا زول شافنا ،،يادوب بديت افكر في اختي جات معاي طيب عمتي الشافتني واااااي لالالا الخجله 😭💔 عمر طلع من الحمام شافني ببكي جاني بسرعه قال لي مالك مالك الحصل شنو ،،قولته ليهو عمتي واخواتي ح يقولو شنو عني ،،ضحك قال لي اليقولو الدايرين يقولوهو مش مرتي ،،ما ح اقدر اخت عيني في عينهم 😭،،ضحك تاني ،،ما تضحك انت ،،طيب ما ح اضحك مسح لي دموعي وقال حبيبي نحنا ما بنعمل في حاجه غلط عشان تبكي فيها طيب وبعدين انا معاكي❤ فعلا لمن طلعنا ليهم ما خلاني ولا دقيقه كنت قايله الموضوع ح يتحسن لمن يبقى معاي ونظراتهم تكون عاديه لالالا دي زادت هو الوقت كلو معاي خجلته ودخلته في ضفوري،،،،،
والحاجه دي غلبتني اسئلهم عن الحصل او اقدر الومهم....

وحبيتك حُب.. قدر الحروف الحايمة في بطن الكُتب ، قدر الخيال ما مدَ إيدو على السُحب"💛

بسبب الحصل عرس اسيل كان اتاجل ل الاسبوع الجاي قولته ل عمر وانا خاتة راسي في حجرو هو بيمشي يدو في شعري ،، سالتو من مروة قال لي الزكرك ليها هسي شنو،،،لالالا بس جات في بالي ،،طيب ي ستي انا ما عارف عنها اي شي غير اهلها قافلين عليها ،،قولته ليهو انت صدقتا اني بتكلم مع محمد ؟؟،، يعني انتي ما كنتي ب تتكلمي؟؟،،امممم اتكلمته بس..قطعني وقال طيب انتي ما كنتي عارفه اني بكرههو ،،عارفه بس لحظه ضعف ي عمر،،، كنتا قايلاهو ح يتعصب وكذا بس صدمني وقال طيب لحظه الضعف دي شاركيها معاي انا لاني اولى اني استحملها معاك واذا ما قدرتا اقويك بضعف معاك ،،ضحتا قولتا ليهو نبقي الاتنين ضعيفين ،،وين المشكله مش مع بعض كلو بيهون ي نونتي ❤،،، قال لي طيب نكون جادين مش مفروض تعتزري ل ابوك ساره حكت لي الحصل ،،انا ح اسوقك بعدين ليهم نهائي ما ح اكون رضيان وانتي مزعله ابوك ،، حاضر ح امشي،،جراني من انفي وقال لي يحضر ليك الخير انتي ❤،،،،، اكون هبله لو ما رجعته ل عمر يعني كميه السعاده الانا عايشاها معاهو ،، لو عشتا سنيني كلها ما ح احصل ربعها مسكتا فيهو قوي متكيفة بالطريقه البيحبني بيها دي لاني حبيتو بطريقه واقع معاش وبعد ما فقدتو او حسيت نفسي ح افقدو عرفتا اني بحبو لاني دايراهو مش مفروض علي وفعلا قدر بكلو يسيطر علي بطريقتو ،،مع الناس كلها صعب بس معاي حنين شديد حتى مرات اخواتي بيقولو لي بتتعاملي معاهو كيف هم ما عارفين انو هو البيجذبني بتعاملوا الحلو ❤
"واني في هواك عاشقه"
…………………………
يوسف اي هو ما اتغير بس انا فهمتو او بقيت احس بوجود ما محتاجه اتكلم معاهو كتير ولاا اتصالات كتيره لالا، لاني في كل لحظه بحس انو جنبي او وراي راجل ❤ طريقتو مختلفه من النوعيه المابتقدر تعبر عن مشاعرها ب سهولة ف براعي ل الحتة دي ما بكلفو انو يجتهد معاي في الكلام لالا بالقليل انا عاجبني ❤ الحب ده ما بالكلام لالااا ،،،،بالاحساس بالافعال ،،، عمرها الاتصالات الكتيرة بين اي اتنين ما بتعبر عن الحب الفايدة شنو من كترت الكلام وانا مفتقده وجودك او انك ما ح تساعدني وقت ما احتاجك وما لاقية فيك الثقه او اتكلف في الكلام معاك ،،،اتصل بي يوسف من غير اي مقدمات انا بعدين جاي لابوك ❤،،ابتسمتا بتذكر قعادي مع نون هو كان شفقان اكتر من عمر انها ترجع ليهو وعشان يجي لابوي ،،فعلا المساء كده جا انا العويره ما كلمته ابوي ولا جبتا ليهو سيره ما كنت قايله انو هو جادي الجدية دي كلها ،،بس القاهو في وشي امل كانت معاي قالت لي اقنعيني انك ما عارفه ،،امل ما ناقصاك ،،ضحكت فيني وفي توتري صراحة كنتا متوتره وخايفه ابوي يرفض اختي امل قدمت ليهم الضيافه انا غلبني كلو كلو يعني فوق توتر انو يوسف جاي يتقدم ل توتر ابوي يرفض ،،امل قالت لي عريس لكن 😂✔ ما رديت ليها ده ما وقت اتكلم معاها فيهو ،،،انتظرت لحدي ما طلعو داير اتصل ب يوسف اشوف الحصل شنو ابوي.

ناداني عاينت ل امل بمعني انقذيني ضحكت فيني ب شماته ،،، من دخلتا الصالون لحدي ما قعدتا قصادو يعاين لي ودي الحاجه الوترتني زياده قال لي كنتي عارفه انو جاي صح،،سكتا ودنقرتا راسي قال لي هو بياخد نفس طيب ي بتي مبدئيا كده هو كويس بس هو ليه ما بيعرف يتكلم ؟؟؟ يعني ي بتي انا اسئلو سؤال بجاوب علي قدر السؤال ما بيحب المناقشات هو ،،،غصباً عني كتمتا الضحكة،،ابوي ضحك قال لي اضحكي ،،هنا ضحكته ب عدلي 😂😂💛 لانو يوسف كده ودي حاجه متوقعاها منو !💛قال لي طيب ي بتي انتي عايزاهو ؟؟ سكتا ودنقرتا راسي ،،قال لي افهم شنو من سكاتك ،،امل جات داخله قالت ليهو انها موافقه ي ابوي ،،اتخلعنا فيها ابوي قال ليها حركاتك دي ما ح تبطليها ،،ضحكت قالت ليهو لالالا ،،عاين لينا وقال الله يحفظكم لي،ي بناتي ❤✔ وقال لي طيب اشوف اعمامك وبعد اسبوع نرد ،،بتتكلم كده الباب دقه ،،مشيت فتحته الباب لقيت عمر ونون سلمته عليهم ودخلو ل ابوي ،،دخلته غرفتي لقيت تلفوني بيتصل ده يوسف رديت ليهو قال لي اها ابوك قال شنو عملتا فيها زعلانه قولتا ليهو ابوي قال واحد من اولاد عمي دايرني ،،اظن سكت ربع ساعه متاكده في الدقايق دي ح يكون انفعل فيها شديد بس ما قادر يعبر قال لي ب صوت واطي ب حااد اولاد عمك ديل من زمان وين وحتى لو دايرك انا ح اعرسك ،،،غلبني امسك الضحكه ،،ده ما وقت تضحكي فيهو نهائى ،،معليش معليش بس انا كنت بهظر معاك 😂💛،،كيف؟؟؟؟؟،، يعني ابوي نوعاً ما اقتنع بيك مافي ولد عم دايرني ولا حاجه طق قفل الخط
موتا ضحك فيهو 😂💛 بعد مسافه رجع لي قال لي ما تعملي كده تاني بوظتي اعصابي اكتر من ابوك ما بوظها ✔،،واصل المهم يوافق ،،،
"ما حاولته اغير فيك لاني حبيتك ب نفس طريقتك 💛"
…………………………
اعتزرتا لابوي في الاول ما كان رضيان لكن تاني اقتنع وقال لي كيف عمر معاك ،،عاينتا ل عمر قولته ليهو تمام 💛 قال لي لو شايفاني اتسرعتا في اني اعرسك ليهو هسي بطلقك منو ،،قولته ليهو ب اندفاع شديد لالاا الحمد الله انا مبسوطه ،،ابوي ضحك في انفعالي عمر ابتسم لي،، قال لي الحمد الله انك مبسوطه ودي الحاجه الكنت متااكد منها وعمر ما خذلني فيها 💛يمكن لو رجع بي الزمن كنت ح ادي نفسي الف كف وانا في كل مرة برفض فيها عمر لانو ربنا هيئ لي السعاده فيهو ولو كنت رفضتو كان طول عمري ح افتش لي السعاده و ما ح القاها ،،ما معروف السعاده حقتك وين ولا في منو ف ما نظلم زول ل مجرد نحنا بنكرهو ما معروف ل قدام يحصل شنو....
عرس اسيل كان غير ما زي عرسي كلنا مبسوطين فيهو و بالذات ساره و امل حسب كلام ابوي انهم ح يعرسوا مع بعض بس لسه بدري عليهم ،،بس الحاجه الحسيتها فيهو انو خلاص لقوا نفسهم مع يوسف وحسام ،،،لا حسام يخذل امل تاني لا يوسف يسفهه ساره ❤🌸
ما كنتا عايزه البس توب بس عمر كان مصر وكمان نطقم مع بعض وعجبتني الفكره وبقينا كل ما نكون دايرين نشتري هدوم لازم يكون نفس اللون ❤وفي فترة مرت ما كنت عايزه غير عمر بس يكون قدامي حتى قبل كده كان في الشغل اتصلتا بيهو وانا ببكي قال لي حبيبي؟؟ عمر قال لي بتبكي ليه حصلت ليك حاجه ،،قولته ليهو ممكن تجي ،،قال لي تمام تمام بس انتي ما تبكي ربع ساعه بالكتير بتلقيني قدامك ،،فعلا بعد مسافه لقيتو قدامي جاني جاري ما شايل نفسو متلهف علي قال لي حصل ليك شنو ؟؟ وهو بيمشي،يدو في وشي ب خوف شديد ،،حضنتو قولته ليهو خليك جنبي ،،قال لي جبتيني عشان كده ي نون ،،بكيت زياده قولته ليهو يعني ما من حقي قال لي لالالا منو القال كده انا كلي علي بعضي حقكك❤ بس عشان خوفتا عليك ،،بقيت بس ماسكه فيهو ،،اليوم البعديهو كنت عيانة وتعبانه وهو بعد ما كان طالع علي الشغل جاني راجع قال لي ما بيهون علي اخليك كده يطير الشغل والعالم وكل المهم صحتك ي عمري❤اهتم بي اهمتام تاني ح اخليهو هو يواصل ليكم ....
يمكن حالة نون بقت غريبه وما مفهومه يعني تكون كويسه وفجاء تقلب وتنكد علي نفسها وعلي انا ما بنزعج منها بالعكس بحاول اراضيها المشكله وهي منكده علي نفسها تجي ترقد في حضني يعني غلبتني عديل وفي يوم تعبت ما قدرتا امشي الشغل واخليها كده فقعدتا معاها عملتا الاكل واكلتها بعدين عملته ليها عصير يقويها شويه دايره امشي مسكتني من يدي طوالي خيت الكبايه في التربيزه ورقدتا جنبها وحضنتها علي بقت حياتنا كده وكل يوم بستغرب فيها من اقل شي بتخلق مشكله وفوق ده كلو ما ابعد منها يوم تعبت شديد واصريت انها تمشي الدكتور ونحنا ماشين ماسكه يدي يعني نهائى ما تصرفاتها البعرفها بعد ما فحصنا وكذا رجعتها البيت قولته ليها انا ح امشي شوف النتيجه خليك مرتاحة وفعلا خليتها راقدة وطلعتا اجيب النتيجه لقيتها طلعت ،،تقريبا بعد ما شوفته النتيجه لفيت شوارع الخرطوم دي كلها وانا ما مصدق ولا قادر اصدق رجعت ل نون لقيتها بتاكل سالتني وهي لسه بتاكل اها الحصل شنو ما قدرتا امسك نفسي وضميتها علي قال لي في شنو ؟؟؟ عاينتا ليها مسكت وشها ب يدي نون ي قلبي انتي حامل ❤❤❤❤❤ يعني فوق ما حامل مني كمان ح

تجيب لي طفل بيشبهههههها دي فرحه بتعادل العالم كلو ❤ هي ما صدقت قولتا ليها تاني انتي ما تعملي اي شي انا بعمل اي حاجه اي حاجه انتي ارتاحي ي نونتي ❤
ما ردت لانو لسه ما استوعبت شلتها وختيتها في السرير من السرير دة تاني ما بتقومي 💛 وربنا لمن يكتب ليك الفرحه بتجيك علي هيئة نون ❤
لمن قال لي حامل ما صدقتو في البدايه وكمان فرحتو الشديدة خلتني افرح اكتر منو فبقى مقاصدني ما بيخليني اعمل اي شي لو عليهو الشغل ده يسوقني معاهو يمكن طريقتو في الحب مخلتفه ودي الحاجه الخلتني احبو ❤

إلاّ باكر يا حليوة. لمـّا أولادنا السمر💙🌸
يبقوا أفراحنا البنمسح بيها💙 .. أحزان الزمن نمشى فى كل الدروب الواسعة .. ديك💙
والرواكيب الصغيرة .. تبقى أكبر من مدن
إيدى فى إيدك نغنى💕💕💕💕💕💕💕💕


*اسم أحببته بطريقته بمعني اني حبيتك ب نفس اسلوبك و الروايه دي احتوت علي شخصيه عمر المتعصبه المتسلطه في الحب رغم ذلك شخصيه ممكن تتحب اذا قدرنا نتعامل معاها ،،*
*تاني شخصيه يوسف اي هي بارده و من النوعيه البتسففهه بس افعالوا اكتر من كلامو يعني ما بيقدر يعبر ليك ب سهوله عن الحاجه الجواها بس بيقدر يحسسك انو بتعنيهو اختلاف الشخصيات في الحب حاجه كويسه لانو بيعتبر نوع من التكمله بس كيف نفهم بعض او نتقبل بعض كده 💛💛🌸*
ان شاء الله الروايه تكون عجبتكم 💛 وانا تاني ح ارجع ل رواياتي البلديه لاني بحس نفسي فيها اكتر 💛 لحدي ما انزل روايه تانيه خليكم عافيه 💛 واحب اشكر اي زول شجعني و اداني دافع ايجابي 💛
*النهـــــــــــــــــــ💛ـــــاية*
*كـــــــــــــــــــــــــــــل الـــــــــــــــــــــــــــــود*
*خـــــــــــــــــــــــــــــالد بــــــيـــــــــجـــــــــــــه*

*#عانِق_يداي《01》*
*#بقلم_ايناس_ادم(ننس_تمدين)*
*ــہہہـ٨ـــ٨ــــــہہـ٨ــــہہہـ٨ـــ٨ــــــہہـ٨ــ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
لابسة فستان باللون الرمادي الغامق وطرحة مثلثة باللون العُنابي الفاتح وباقي الطقم كلهُ عُنابي،دخلت الشركة وواضح إني متوترة وما قادرة أضبط حركة جسمي عشان أبين إني طبيعية،سألت عليهُ في الإستقبال..واحدة من البنات طلبت مني أرتاح لحدي ما تتأكد من إني عندي ميعاد معاهُ؛لأني وللأسف قررت مني لنفسي أقابلهُ وأحسم الموضوع اللي هو ما نفسهُ يحسمه،في عز سرحتي جات البت وطلبت مني أمشي مكتبهُ.وقفت وأخدت نفس ومشيت مكتبهُ..ضربت الباب بتردد...جاني صوته عميق وهو بقول:-

_اتفضل

أول ما شافني وقف على حيلهُ وهو مبتسم "بتبتسم ليه وبتوترني"

=الصباح مشيت بيتكم وخالتو فدوى قالت أنك في الشركة وكنت محتاجه أتكلم معاك قبل نرجع البيت

_أتفضلي أقعدي...تشربي شنو ولا أحسن ناكل !؟

=لالا ما عاوزة شيء...ممكن بس نتكلم في الموضوع اللي فتحهُ بابا وعمو أحمد من أسبوعين وللآن ما أتقفل...ممكن ؟!

أنا طبيعي ومما قمت وعرفتهُ ما بعرف أقيف قدامه وأتكلم كلمتين ورا بعض،مش عشان بخاف منهُ..بس هو محترم وكلمتهُ مسموعة وبتكلم بمنطق يحير وعسل.. عسل؟؟ أستغفر الله ياخي أنا جاية اقول ليهو ما ينفع نتزوج عسل دي شنو...ياربي من الهبل الأنا فيه ده..وجهت نظري ناحيتهُ كان لسه مبتسم وبعاين لي بفرح كده غريب..ما تعاين لي كده ما عاوزة أحبك انا ما عاوزة

_أولاً دي أول مرة تزوريني في شغلي..مبسوط بالحاجه دي جداً..ثانياً من متين ونحنا بنناقش الأمور العائلية برة البيت..أو برة إطار البيت الكبير تحديداً !؟

=أفهم شنو..ح نتناقش ولا أتوكل أمشي !؟

عاين لي عين غريبة...قربت اعتذر وأنا ما عارفة غلطي وين

_ح نتناقش بس بعد أرجع البيت

=في البيت ما ح نتناقش وأنت عارف كده كويس..أنا يا يوسف ما موافقة على موضوع زواجنا..بابا ضاغطني من ناحية و....

قاطعني طبعاً..بيموت لو ما عملها

_إيناس...لينا بيت نتكلم فيهُ

قمت ووقفت على حيلي وأنا مُستاءة من الوضع وخلاص شايفة نفسي بعد شهور مرتهُ

=أفتكرت لما اجيك ح نتكلم وتسمعني بس الظاهر كنت غلطانة

طلعت من مكتبهُ وما إلتفت وعارفة ح أدفع تمن العملة دي...يوسف شخصيتهُ قريبة من شخصية جدو..ما بِحب زول يقوم من محلهُ قبل هو يخلص كلامهُ

***

رجعت البيت وراسي واجعني من التفكير..بيتنا أرضي كبير وواسع..فاتح في بيت ناس جدو يوسف اللي هو أبو أبوي وجنبه بيت ناس عمي الكبير أبو يوسف..والشارع التاني فيه بيوت عماتي وأعمامي التانيين♡...أسرة كبيرة وعريقة ومتماسكة وفيها عادات وتقاليد كتيرة..أنا بحبهم أيوة وممتنة على كل حاجه عملوها لينا كلنا ولسة بعملوها..إلا شيء واحد بس...عندهم البت لولد عمها وطبعاً الإستثناء الوحيد أو الحاجه الممكن تلغي العادة دي..أنو ود عمك يكون فيهُ صفة غير حميدة..أما المشاعر والكلام ده بقولو ليك بيجي بعد الزواج وما سبب كافي للرفض...

عريشة معمولة بطريقة حديثة كلها اصايص وشجر صناعي وعصافير مُلونة..قعدة قهوة لطيفة وصوت ضحك وهظار..مجموعة بنات بتتراوح اعمارهم بين ال18-24..فيهم المتزوجات وفيهم اللي بقروا وفيهم اللي زي...أي الزي

_السلام عليكم

=وعليكم السلام ورحمة الله..حبوبة من قبيل تسأل منك..قبل شوية طلعت ومشت بيتنا "دي فاتن أخت يوسف وللأسف صحبتي وخطيبة أخوي إياد"

_بعد المغرب بمشي أشوفها...وين ماما وباقي أمهاتكم !؟

=في بيت عمتو إبتسام..كنتي وين انتي..من الصباح جيت وغيمة قالت لي أنك طلعتي من النجمة..كنتي وين يا استاذة !؟

_والله يا فاتن ما قادرة أتكلم من الصداع...أديني كبابة قهوة وبعدين نتفاهم

كبت لي القهوة وبسبب سرحاني بردت..كانوا بضحكوا وبتونسوا...ونسة كلها بيتي وبيتك وراجلي وراجلك وأحيانا ينتقلوا لمرحلة قرايتي وجامعتي وهكذا لما المغرب اذن..كنت في غرفتنا أنا وغيمة لما جاتنا ماما وكالعادة بتقول

_ألبسوا عباياتكم سرعة...

غيمة بغباء:-ليه في شنو يا ماما ؟؟

=يا غبية الليلة الخميس...قعدة الشاي

الوقت داك ماما طلعت قدامنا...غيمة ونص بنات أعمامي بنبسطوا بالقعدة دي..لأنهم نصهم مخطوبات ومتزوجات ونصهم التاني محجوزات لاولاد الأعمام...فالقعدة دي بالنسبة ليهم البراح وبياخدو راحتهم على الآخر..لأنو ماف شيء أسمهُ تتقابلوا برة براكم..مع أنو بتقابلوا بس يوم جدو يعرف بالعمايل دي..ما أعتقد الحي يشيلنا..ولو عرف إني مشيت ليوسف ح يعاقبني برضو..بس مستحيل يوسف يكلمهُ مستحيل.

**

بعاين لشكل القمر وهو أبيض وكبير والسماء صافية...الحوش واسع وساع غريب ومريح..مزروع شجر وورد وخضار وفيه تلاتة قعدات...ناس ماما كانوا بشربوا الشاي وبتناقشوا في تفاصيل الصناديق والقعدات بتاعت الحريم دي...وجدو وبابا وأعمامي بتناقشوا في الحياة عموماً ومشاكل الدولة والسياسة...البنات جزء منهم قاعد يتونس..وجزء ماسكين تفاصيل القعدة وبكل حب الدنيا♡...وسط كل الجوطة دي كنت بفتش على يوسف...السؤال بفتش عليهُ ليه !؟.. اصلاً ح يدفن لي عملتي القبيل ويوريني درس ما أنساهُ

_واقفة براك ليه؟؟ "ده كان إياد أخوي الكبير..أصغر من يوسف بخمسة سنوات"

=نعسانة ونفسي انوم ما عاوزة جوطة ولو ما جيت..حبوبة كانت ح تجيبني غصب

_أمشي أمشي ليها...بتناديك من قبيل على فكرة

إلتفت عشان أمشي شفت فاتن شايلة صينية فيها كبايتن شاي وكعك..رجعت عاينت لإياد اللي واضح عِرفني كشفتهُ

=أهااااا عشان مكاني ده ظابط وبعيد من الأنظار...عاوزين تاخدوا راحتكم...وهميين

_عيب عيب..أخوك الكبير برضو

=أتلهووا...ماشة لحبوبة أنا

عاينت لفاتن اللي كشرت لي وشها ورجعت ضحكت...دخلت جوه وقبل أصل المطبخ سمعت صوتهُ وهو بقول

_طيب يا حبوبة ليه ما ذكرتيني الصباح بموضوع حبوبك ده !؟

كان ماسك حبوبة من كتفها...هي قصيرة شديد وهو طويل..ماسكها بحنية وبستفسر عن صحتها والتفاصيل دي

=يا ولدي عمري كلهُ أقضي حبوب ودكاترة وشيتاً نافع ماف..ياني عافية ما تخاف ساي

_عافية شنو يا حبوبة...شكلك اشتقتي للحقن والأدوية

=بري يا أبوي..بس فترتا فتر من العلاجات دي

كنت راجعه بوشي..بس طبعاً شافتني ونادتني...حبوبة بحسها قاصدة تجمع بيني وبين يوسف بأي طريقة..أصلاً أنا زعلانة منها..هي الإقترحت الموضوع ده على جدو وقايلاني ما فاهمه...مشيت ناحيتهم وواضح إني زهجانة

_مالك يُمة...الليلة الوشيش ده من اصحبت ما شفتهُ

=كنت برة البيت يا حبوبة

_تعالي كدي تعالي أقعدي جنبي هنا

نفسي أفهم أقعد وين...هي ويوسف مالين الكنبة..يوسف وقف على حيلهُ وأشر لي أقعد مكانهُ

_شربتي الشاي ؟

=لالا..

_أنا ويوسف برضو ما شربنا

والله حبوبة دي مستهبلة إستهبال😭

=ح اقوم أجيبو من برة.

_لالا أقعدي..ياني طالعة وبخلي أي واحدة تجيبوا ليكم

ليكمممممم ؟؟؟ أسي ما قلتي م شربتي !! طلعت قبل أفتح خشمي..رفعت راسي وعاينت ليوسف...ياربي انا ليه بتخت في مواقف زي دي...عيونهُ حلوة لما يعاين لي حلوة وفيها حنية غريبة... يا بت اسكتي وأتلمي

_قبيل طلعتي بدون أخلص كلامي معاك

=.....

_نحنا فيها وقاعدين في البيت وأعتقد ده زمن نقاش مُناسب...أنتِ ليه رافضاني يا فُلة !؟
*--------------------------------------*
*---------------------*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#عانِق_يداي《02》*
*#بقلم_ايناس_ادم(ننس_تمدين)*
*ــہہہـ٨ـــ٨ــــــہہـ٨ــــہہہـ٨ـــ٨ــــــہہـ٨ــ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
رافضاني ؟!

أنا ما رافضاك ما رافضاك بس برضو ما عاوزاك...دي تتشرح كيف وتتفهم كيف بس !!!

_جاوبيني ؟!

=ها..أنا أنا

ما عارفة ليه لساني بتربط كده لما السيرة دي تجي ولما هو تحديداً يتكلم معاي..

_أنتِ شنو !!..على فكرة أنا زي زيك جدو لما أقترح الموضوع ده وفتحهُ معاي قدام الحاج وعمي ما كان عندي جواب..أنا من جواي عارف ومتأكد أنك المناسبة لي... زوجة وأم لأولادي..ما أعتقد أني محتاج لأكتر من كده

=يعني أنت موافق عشان بس شايفني مناسبة !؟

_أيوة طبعاً...سبب رفضك شنو أنتِ؟!

كيف يعني شايفني مناسبة وكيف يعني عاوز يتزوجني لمجرد أني مناسبة...كنت ح أتكلم وأوضح ليهو ليه رافضة الزواج..ما بس منهُ...رافضة أي زول ح يكون شايفني مناسبة بس...جات تاج ودي أصغر حفيدة في العيلة..قالت بطفولة:-

_جدو عاوزكم برة يا فلة وعمو يوسف

لما قالت عمو يوسف ضحكت..دي ما أول مرة تاج تقولها..يوسف بالنسبة ليها ولي باقي أطفال العيلة هو عم وخال حتى لو الصلة بينهم خوة...وده بسبب شخصيتهُ وحركاته

=ضحكتك شديد !!

_لا براحة...

سخييف سخيف...ما إستجريت أطلع وهو لسه واقف..لحدي ما سمح لي..مشيت قدامهٌ وهو وراي

***

هيبة جدو يوسف وخشونة صوتهُ وقعدتهُ كأنه ملك...كالعادة كل خميس لازم قعدة شاي عندهُ وأحياناً عند عمو أحمد..بحكي لينا عن قصص حصلت من ستمية سنة وسمعناها كتير بس لازم طبعاً ننبهر كأننا أول مرة نسمعها..كلنا مركزين معاهو...ختم كلامهُ ب:-

_بكرة إن شاء الله ح نتغدا كلنا في بيت حاتم "راجل عمتو إبتسام" بمناسبة تخريج ولدهُ سامي من كلية الهندسة..شوفوا البرامج الح تتعمل وما عاوز أي عذر لغياب أي زول فيكم

تاج قالت:-حتى أنا يا جدو !؟

_حتى أنتِ يا تاج هههه..تكوني أول واحدة مفهوم !!

=حاضر

_أنا ماشي أنوم...الوقت إتأخر يلا كل زول على بيتهُ...تصبحوا طيبين

أيوة جدو بطردنا كلنا بطرق مباشرة وغير مباشرة..وكالعادة حبوبة بتقعدنا للساعة 11 وموال ونسة ما بخلص إلا بصوت شخيرها ونحنا بنتسحب بعدها زي الحرامية.

****

كنت ماسك تلفوني وسرحان في الوقت نفسهٌ...فُلة عاوزة شنو أكتر من زول يكون مسؤول وبلبي ليها كل إحتياجاتها وح يكون أبو كويس لأولادها..فيني شنو ناقص أو محتاج يتغير عشان يتناسب معاها..جات فاتن بتتثاءب

_لسه صاحي يا يوسف ؟؟ بكرة ما ح تكون ضمن اللمة ولا شنو ؟

=لا أكيد حضور

_مساهر ليه طيب ؟ قصدي يعني مفترض تكون نايم ليك ساعتين عديل

=مافي شيء...

كانت ح تمشي وقفتها ب سؤالي:-!؟

_إيناس...في زول في حياتها !؟

حسيتها اتوترت من سؤالي..لأنو دي أول مرة أسأل عن إيناس بشكل خاص كده

=لا مافي..وبعدين أنت عارف طبعها..بس بتسأل ليه !؟

_لا ولا شيء...أمشي نومي...وأنا كمان ح أنوم.

دخلت غرفتي وخليتها واقفة ما فاهمه شيء..إيناس فلاحتها كلها تجوطني بس.

******

صحيت الصباح بصوت جوطة وكركبة...كانت غيمة ومعاها أخوات سامي أتنين بتونسوا وبخططوا لليوم ده والح يحصل فيهٌ...

_على فكرة البيت ده كبير ممكن تمشوا تتونسوا في أي مكان

=وعلى فكرة الساعة 10 وبابا من قبيل مستنيك تصحي

نزلت رجولي من السرير..دخلت الحمام وجيت طالعة..سلمت على بنات عمتي كأني يدوب شفتهم ههه..طلعت برة...بابا كان قاعد في الصالة بتونس مع ماما وجنبهم بخور وجو كده جميل خالص

_أحم أحم

=يدوبك صاحية طبعاً...يا بتي ما قلنا نقلل نوم لوقت متأخر !

_ما بنوم للوقت ده غير يوم الجمعه...المهم صباح الخير

=تعالي اقعدي جنبي هنا

بحب كلمة بابا دي شديد...بحس نفسي عاوزة أضمهُ لما يقولها ولما اقعد جنبه...هو حنين بس ما متذكرة آخر مرة حضني متين او أنا حضنته متين...

_ليك كم يوم ما عاجباني...أنتِ كويسة !!؟

=كويسة الحمد لله...

ما نفسي يفتح موضوعي انا ويوسف ما نفسي..بس طبعاً لا يُعقل..لازم السيرة تتفتح..وماما ما بتقصر

_من يوم فتحتوا موضوعها مع يوسف وهي كده.

=يوسف كعب؟؟

سؤالك غلط يا بابا وما ح تفهمني...يوسف ما كعب..بس أنا ما حاساهُ....ما شايفاهُ لي...هو كويس شديد شديد بس ماف إحساس

_يا بت أبوك بسألك...لو الولد كعب قولي...في حاجه عارفاها ونحنا لا !؟

=يا ماما لا...ما كعب

طبعاً ما بقدر أوضح ولا أفسر أكتر من كده...ما كعب أوكي يلا ح تعرسي ح تعرسي.

القعدة كلها كانت عن يوسف وأخلاقهٌ وتعاملهُ..زهجت من السيرة وماف طريقة أقوم...جات فاتن وأنقذتني..طلبت أمشي معاها بيتهم ضروري..لبست أقرب توب ومشيت معاها...كانت مٌطلعة ملابسها كلها في السرير وعاوزاني أختار ليها

_اللون ده حلو صح !؟..ح يعجب إياد صح؟؟

=إياد يطير..مفترض يعجبك بالأول...يا إلهي من المخطوبة الفرحانة دي.

_غيري مني وولعي...يا معندك خطيب ولا حبيب ولا قريب

=أنا ما عارفة كيف بهبلك ده ح تكوني عمة أولادي !

_هيييييي...موافقة على يوسف!؟..أصلاً لو وافقتي ولالا ح تعرسي..فأيوة انا عمة أولادك بهبلي ده

=أنا ما رافضة يوسف...هو كويس وأي شيء فيهُ كويس...بس قلبي ما متقبلهُ....عيوني شايفاهُ...بس قلبي معمي عنهُ.

_لقيتهُ لقيتهٌ

=شنو هو !؟

_فستاني الأصفر...خلاص قررت البسهُ

=تصدقي أنك تافهه وانا ما عندي موضوع إني بتكلم معاك

_فُلة يا بيب...يوسف ح يسعدك خليك واثقة♡

عاينت ليها مسافة..أول مرة فاتن ما تفهمني...فاتن بس!؟..لا العالم كلهُ ما فاهمني...ما فاهمين شعوري ولا قادرين يعاينوا للموضوع من ناحيتي.

******

في بيت عمتو إبتسام...ناس داخلة وناس طالعة..معازيم كتار ومبرمجين شباب وشابات وناس كبار...أجواء فرايحية ممتعة...أنا عارفة إنو عيلتنا دي رهيبة..بمعنى الكلمة ومترابطين شديد..بحبوا بعض وبخافوا على بعض وما عندنا حساسيات ولا خساسة♡إلا طبعاً من ناحية الأسر التانية...بس عيلة حاج يوسف معروفين بِحبهم لبعض♡...كنت واقفة مع سامي ببارك ليهو نجاحهُ وبسأله عن شعورهُ وهو خلاص فارق السلم التعليمي وح يبتدي مرحلة جديدة من حياته

_باش مهندس وحركات

=ما مصدق طبعاً...الجامعه كانت مٌرهقة بشكل ما طبيعي...تاني البِقول لي سامي ساي بختلف معاهو

_يا ود إتلهي...إتخرجنا قبليك وأهو لا بقولو لينا مهندسين ولا دكاترة...شد حيلك الجاي صعب صعب وكعب

=بتخوفيني وكده يعني !؟ قدر الصعب والمستحيل يا بتنا وبكرة تشوفي

_ربنا يوفقك إن شاء الله.

=عملتي شنو في موضوع الشغل؟؟

_شغل شنو يا سامي..أنا ما عاوزة أشتغل

=أهااااا زولة عرس وكده !؟

_ما تقدر تعرف

ضِحكنا الإتنين...سامي قدري في العمر...بس كان بِعيد كتير وما بركز في قرايته...أنا دخلت الجامعه قبلهُ بسنتين بعدها هو إتعدل وبقى زول قراية...ما بينا تفاصيل..بس إنسان ظريف وألطف لي من البقية...في وقفتنا جا يوسف لابس جلابية سوداء...سلم على سامي وبارك ليهو التخريج..وأنا طبعاً كأني حيطه ما عبرني..بعد مشى..سامي إلتفت علي

_سامع تحت تحت بموضوعكم...حاصل شنو !؟

=ولا شيء...شكلي ح أتقبل الوضع زي زي غيري

_يوسف زول كويس...أكيد حياتك معاهو ح تمشي ظابطة

=خليك مني....مِنة أخبارها شنو معاك !!؟

_والله أخوك مستني جدك يقول البت لولد عمتها...دي بذات لو عرسها زول غيري بخرب وش عدييييل

=أنا ح أتفرج من بعيد..لانو شهاب شكله عينهُ منها..والبت لولد عمها هههه

عاين لي بغيظ..إتكلمنا شوية وبعدها مشى...مِنة بت عمو محمد أخت تاج الكبيرة "ممتحنه شهادة"..وده أصغر أعمامي..من زمان سامي عايزها...وشهاب أخو يوسف"موظف في البنك" برضو عايزها..من زمان شديد عماتي وأعمامي وحتى أبوي بقولوا أنو جدو بحب عمو أحمد وأولادهُ شديييد...بس عمرهم ما قالوا الكلام ده قدام جدو..وعمرو كلامهم ما إتصنف على إنو جِدي..على الأقل بالنسبة لي.

******

لحدي بعد المغرب..كل المعازيم مشوا..فضلوا أهل البيت بس ونحنا الشباب...كنا قاعدين أنا ويوسف وسامي ومِنة والبقية♡...فاتن قاعدة جنب إياد بس بينهم مسافة طبعاً...والمتزوجين مع زوجاتهم واخدين راحتهم على الآخر...كنت متابعة ضحكات سامي ومِنة وغِيرة شهاب واضحة زي الشمس...وشقاوة تاج اللي جات جنب يوسف وشالت تلفونه وختته بين يديني

_فُلة نتصور؟؟

=بس ده تلفون يوسف..ما تلفوني

_ويعني شنو...نتصور ونرجعو ليهو

يوسف شال مني التلفون فتحهُ وعاين لي

=إتصوروا وبعدين نشوف موضوع تلفوني ولا تلفونك

تاج مسكتهُ واتصورنا كذا صورة...يوسف بحسه مرات لين في تعاملهُ ومرات شديد وحاسم...عاينت ليهو بدون ينتبه وأنا من جواي بقول "ما هو ما هو ياخ"...تاج لكزتني وبصوت عااااالي أظن عمتي وزوجها ح يكونوا سمعوا جوه هناك

_بتعايني ليهو كده لييييه...عاااااجبك ؟؟

الناس كلها ركزت..والمشكلة إني كنت لسه بعاين ليهو.

مِنة قالت:-تاج..تعالي عشان نمشي البيت الوقت إتأخر

_أمشي براك

=بطلي لماضة ويلا

_خلاص سامي يوصلنا

سامي بخِفة:-حبيبة سامي إنتِ♥️

مِنة=هو البيت على بُعد خطوات..شليقة دي

_بوصلهم وبرجع ليكم يا شباب.

ما عارفة القعدة أخدت كم تاني..المهم وأخيراً إتحركنا على بيوتنا...الشباب كانوا قدامنا ونحنا ورا..فاتن كانت مشغلاها لي بسبب نظراتي لأخوها..يدوب رقدت في السرير وفتحت الشبكة جاتني رسايل نازلة...نازلة من منو !؟ يوسف أحمد يوسف "أي مُسجلاهُ كده"..صلحت قعدتي لقيتهُ مرسل صوري مع تاج..وكاتب لي رسالة بتقول:-

"كنتِ بتعايني لي ليه...عاجبك؟!♥️"
*--------------------------------------*
*---------------------*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#عانِق_يداي《05》*
*#بقلم_ايناس_ادم(ننس_تمدين)*
*ــہہہـ٨ـــ٨ــــــہہـ٨ــــہہہـ٨ـــ٨ــــــہہـ٨ــ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
كنت بحس بوجع في معدتي كل ما أسحب يدي من يد يوسف وهو يمسكها زيادة ما عارفة مرّ كم من الوقت لحدي ما خلص كلامهُ مع ود خالتو ومشوا الإتنين من جنبي إتخطيت الناس ووصلت عند تسابيح باركت ليها وبعدها رجعت قعدت جنب حبوبة...خلصت الحفلة والكُل إتوزعوا في العربات..لقيت نفسي راكبة مع سامي وأخواته ومِنة وتاج..كل ما أعاين لسامي ومِنة بحسهم جايين شديد مع بعض..وأغلب الوقت عندي إحساس أنهم بحبوا بعض بس داسين الحاجه دي..أو بس مِنة الداساها..لأنهُ عند سامي واضحه شديد.

_حمد لله على السلامة يا شباب

=ما عارفة كيف ح أنوم بعد الزمن وأصحى للمدرسة

_بكرة شغالين !؟

=أيوة طبعاً

_معليش دي ضريبة الشهادة السودانية تعب×تعب

ده كان حوار بين سامي ومِنة بعدها نزلنا من العربية..أخواتهُ دخلوا بيتهم ومِنة وتاج كذلك.

_ما ناسية ليك عملتك فيني خالص

=فُلة..أنا راضي ذِمتك بس وقولي الحق..مشواري معاك ولا شوفةُ مِنة !؟

_الصراحة معاك حق.

ضِحكنا الإتنين بعدها مشى معاي لحدي ما وصلنا شارع بيتنا..لقينا البقية وصلوا..ودعني ورجع..جاتني فاتن جارية.

_عايني عايني صوري مع إياد في العرس

=والله يا فاتن ما قادرة أقيف عشان أعاين..بكرة بعد الشغل تعاليني وأنا الأوريك عرس البت طلع درعة كيف♡

_شغل شنو يا فٌلة..كم مرة لازم اكلمك أني ما شغالة لا خميس لا سبت

=بنسى ياخ..خلاص حلو بكرة نمشي بيت عمتو إنتصار..طولنا منهم.

_طيب يلا صباحات

دخلت البيت وكنت نعسانة..بس بعد اخدت لي حمام النومة طارت.شلت تلفوني وبقيت أشوف صور العرس...لحدي ما ظهروا لي صور يوسف وتاج

_الله !!..ديل جادين أتصوروا في تلفوني يعني

كنت ناوية أحذفهم..بس في حاجه معنتني..بررت لنفسي طوالي إني ما حذفتهم لأنهُ فيهم صور تاج ما يوسف براهو.

*******

صباح اليوم التاني واقف قدام المراية وبظبط في الشكة عندي إجتماع مهم لازم أوصل بدري..جاني شهاب صبح علي وبقينا نتونس.

_أسمعني

=سامعك

_عندي مشوار.

=عاوز العربية !؟

_لو المشوار ما ضروري..ما كنت طلبتها

جدعت ليهو المفاتيح..مسكهم بخِفة

=شغلكم ده جر هوا ساي..

_معليش أخوك مستجد..بكرة نركب الحديدة ههه

=أمس وصلت بيها فُلة

_خطيبتك ما زول غريب

عاينت ليهو وطلعت على البيت الكبير..حبوبة كانت مُشغلة سورة البقرة ورامية خرطوش الموية في الزرع..وهي بتنضف في بيت الحمام

_حبوبة أصبحتي عافية !!

=عافية أبوي أنا..أنت كيفنك

_كويس الحمد لله..طالع الشغل قلت أجي أصبح عليكم

=يعدلها عليك شقيق ما تقبل ويفتح في وشك أبواب الرزق كلها.

_اللهم أميين يارب...الحاج ده لسه نايم ولا شنو

سمعت صوت جدي بقول

_جدك صاحي..كيف أصبحتَ

=الحمد لله يا حاج

_أنت يا يوسف...شايفكم أنت وأبوك وعمك نسيتوا الموضوع الفتحناهُ من فترة طالت..

=موضوع شنو يا حاج

_موضوع عرستك من بت عمك آدم.

سكتَ وما أبديت أي ردة فِعل..رجعت وقلت ليهو:-

=كده يا حاج بعد أرجع بعدين نشوف الموضوع ده

_شاي المغرب ح يكون في بيت أحمد..نتشاور ونشوف البحصل شنو.

طلعت من عندهم وأنا يدوب راسي بدا يودي ويجيب..أنا بعامل بنات أعمامي كلهم نفس المعاملة ولو جدي كان شاور على أي واحدة غير فُلة أكيد كنت ح أرفض...فُلة عمري ما حسيتها أختي ولا ختيتها في الخانة دي..ويمكن ده السبب المُخليني ما أستعجل في موضوعي معاها...أنا عاوزها أيوة بس كمان ما ح أرضى أنها تكون معاي وما متقبلاني أو ما فاهماني..حاسس إني محتاج وقت معاها نستوعب فيه بعض...على الأقل أنا صرحت إني شايفها مُناسبة..هي ما قالت شيء ولا وضحت لي.

******

"جانب شهاب__ظُهراً"

_قلتي ما ماشة العرس ومشيتي...لاحظي هي بت أهلي بس عشانك كسرت حنك المشي..أجي أتفاجأ بيك في نص الحفلة وكمان مع الزفت

=الزفت منو !؟

_مِنة بالله ما تستهبلي..سامي ح يكون منو

=أنا فعلاً ما كنت ماشة..بس أبوي ما رضى يخليني في البيت براي وكلهم ماشين..ووقتها أنا كنت عارفاك ح توصل فُلة فما حبيت أكلمك وأخرب ليها مشوارها.

=ده كلهُ خلي...أنا بتكلم عن سامي !

_سامي مالو ؟!..على فكرة بنتعامل عادي أنت بس بقيت غيور بزيادة

=ما عادي...أنا بمسك أعصابي عشان ما أخسرهُ ك أخ..فبالله أعملي حسابك وخففوا قعداتكم دي.

_تمام يا شهاب...في حاجه تانية !؟

أخدت نفس ومسكت يدها
=أشتقت ليك.

سحبت يدها.
_وأنا لا..عشان تعرف تتعصب تاني.

=بطلي ياخ

_إتأخرت ح أنزل أمشي البيت

=تمام...لما تروقي إتصلي علي

نزلت وواضح إنها زهجانة وزعلانة.

********
كنت قاعدة في بيت عمتو إنتصار..رغم الجوطة الحوالي والونسة وصوت الأغاني..ما كنت سامعه غير صوتي..كنت مُحتارة فيني..وأول مرة أحتار كده..أنا ما عاوزة يوسف في شخصهُ ولا عشان هو ود عمي والتقليد الإتفرض علينا ده مخليني ما شايفاهُ !؟..لو يوسف كان غريب كنت ح احس بأحاسيس غير دي !!..على الأقل يوسف شايفك يا فُلة..بس هل أنتِ شايفاهُ..لو أديتي نفسك فرصة وأديتهُ يمكن الغباشة دي تتشال !؟...

_أنا عاوزة اسأل سؤال

كلهم ركزوا معاي..واحده من بنات عمتي قالت

=أخيراً نطقتي..أسألي يختي بدل الصمت ده !

_سؤال للمتزوجات بس

فاتن:-أصلوووو ما اتحسستَ

_يا فاتن هس..ما براك مخطوبة هنا ولا براي أصابعي خالي دِبلة..

=طيب اسألي اسألي

_حسيتوا بشنو لما أتقدموا ليكم أولاد اعمامكم...أو يعني حياتكم عموماً معاهم كيف...ياربي ما قادرة أصيغ السؤال..الفهمت تجاوب بس.

أول واحدة قالت:-

كلكم عارفين ما كنت بطيق هِشام ولا هو..ورغم إني رفضتهُ بس طبعاً جدو وأعمامي ما شافوا فيهُ شيء كعب يستعدي الرفض..إتزوجنا وأول حياتنا كلها مشاكل ونقاشات..هو مستفز وأنا عنيدة شديد..بس كل ده اتغير لما مِرضتَ..ما كان في زول جنبي غيرو..ما صدقت لما لقيتهُ أخد إجازة بس عشان يكون جنبي ومعاي الوقت كلهُ..الفترة ديك أكتشفت قدر شنو هو حنين..كلنا عندنا مساويء أو صفات بنفتكر أنو الطرف التاني صعب يتقبلها...بس أهو أنا وهِشام أكبر مثال..لما أعاند هو برخي وبهدي الوضع والعكس..عمري ما أتخيلت نعيش مع بعض ونتفاهم للدرجه دي♡

التانية قالت:-

أنا وعلي قبل زواجنا علاقتنا كانت عادية..ما بينا غير كل إحترام..لما أتقدم وافقتَ..مش عشان مجبورة أو غيرهُ..بس حسيتهُ مناسب معاي وح يكون أبو كويس..بعد الزواج كان في بينا برود كده غريب..للحظه حسيت أني إتسرعت..كنت بحاول أتقبل الوضع..وما عارفة وين الغلط...أيوة هو طيب وكل شيء فيهُ كويس..بس أنا كنت محتاجه لأكتر من كده..أفتكرت حياتنا ح تستمر على الوضع ده..بس هو قدر يكسر الحاجز..لما يجي من الشغل ويحكي لي عن يومهُ ويشاورني في أدق التفاصيل..ياخد رأي في الكبيرة والصغيرة..وعمل مواقف كتيرة شديد..فقلبي تلقائياً مال ليهو♡...وأهو الحمد لله نحنا عايشين أحلى أتنين.

_إتوالت قصصهم بين كويسة وبين عادية..إلا كم واحدة فضلوا السكوت...أنا عارفة أنو التجارب ما واحدة..بس كنت حابه أسمع حتى لو في الآخر ما ح أحكم بشيء

*****
كنت في بيتنا بعد ما فاتن كلمتني أنو عاملين إجتماع بخصوصي أنا ويوسف في بيتهم.

_صور لكن..يوسف لكن

خطفت منها تلفوني

=على فكرة ما حذفتهم عشان خاطر تاج بس

_في حاجه إسمها قص الصورة لو ما سمعتي بيها

=فاتن أسكتي بالله..ياربي يكونوا بقولوا في شنو

_بخططوا لي مستقبلك يعسل

=عايني..قومي أمشي بيتكم

_لو قاعدة في بيتك معليش..لكن ده بيت عمي وزوجي مستقبلاً..أنتي الضيفة هنا يا بتنا.

سكت منها..رجعت تاني ترغي وترغي لحدي ما بابا رجع من بيتهم..بعدها مشت وخلتني.

فتحت واتسابي..عبارة عن قروب العائلة وأساساً عمو أحمد قافلو وما بنزل فيهُ غير أدعية ولو في عزاء أو مناسبة بس..في كم محادثة ميتة ودردشة فاتن مثبتة♡..فكرت أرسل وأسألها بس ح تمسكها لي وما ح تخليني في حالي تاني..إترددت أرسل ليوسف..خايفة يفهمني غلط وفي نفس الوقت عاوزة أعرف أتكلموا في شنو بخصوصنا..الحمد لله جات منهُ ورسل لي.

_فُلة

=أهلين

_رسلي لي صوري مع تاج

=حصل شنو ؟!

_حصل شنو في شنو..ما فهمت !؟

أيوة إستهبل خش علي يلا وإستعبط

=في الإجتماع

_إجتماع الشركة !؟

=يوسف

_قولي لي

=في القعدة الأسي دي حصل شنو !؟

_أي قعدة يا بت

=أنا ما بت..عندي إسمي على فكرة

_كده رسلي الصور أول

=وريني أول

_فُلة بسم الله..أوريك شنو !؟

طبعاً لازم يخليني أنا الأتكلم وأنا الأستفسر كإني ح أموت عليهُ

=مش كنتوا مجتمعين أنت وجدو وعمو وبابا !!

_أيوة

=في إجتماعكم ده حصل شنو يا يوسف !؟

_قصدك موضوعنا

=موضوع شنو !؟

_بتستهبلي أنتِ ولا شنو !

=عاين..أنسى

رسلت ليهو الصور وكنت ح أقفل الشبكة..رجع رسل لي تاني

_فُلة أنتِ عايزة شنو !؟

=عايزة شنو كيف يعني !؟

_ما تجاوبيني بسؤال..أنا بسألك جادي ودغري حاسة إنك عاوزة تديني فرصة أقرب ولالا !♥️

*أظن أن عدم إفلات الأيادي...هو حب !!"*
*--------------------------------------*
*---------------------*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#عانِق_يداي《06》*
*#بقلم_ايناس_ادم(ننس_تمدين)*
*ــہہہـ٨ـــ٨ــــــہہـ٨ــــہہہـ٨ـــ٨ــــــہہـ٨ــ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
يا إلهي من السؤال..أول شيء قلبي ضرب وجاتني رعشة

_إجابتي ح تفرق معاك في شنو !؟

=أنا ح أتزوج منو !؟

بمنتهى البلادة والغباء جاوبتهُ:-

_أنا

متأكدة ح يكون إبتسم مع الرسالة دي متأكدة

=يبقى كيف ما ح تفرق معاي يا فُلة !؟

سكتَ مسافة بعاين لرسالتي..البشوف كلمة "أنا" ح يتخيلني لابسة زفافي ومستنياهُ

_الح يتغير شنو مثلاً..جدو والبقية متفقين

=أيوة ونحنا علينا نرضى يعني ؟!

ما رديت..ما هو أكيد عارف إننا ح نرضى..ده شنو السخيف ده.

=عموماً يا فُلة..أنا ما ح أجبرك علي..لو ما عاوزاني قولي..وأنا بتصرف بنهي القصة دي.

ما رديت برضوووو...بعد دقيقتين إتصل علي.

_ألو

=ننهي الموضوع ده ؟؟

_يوسف أنت ما فاهمني

=أنا عاوز أفهمك..وطالب فرصة عشان أفهمك وتفهميني..فا زي ما أنا جيت وقلت كلامي ده..خليك صريحة وشجاعة ووريني نظرتك للموضوع.

قصدو أنا جبانة !؟ طبعاً قصدو

=ساكته يعني !!

_عشان ما عارفة أقول شنو

=أمممم طيب..عاوزة وقت تفكري ولا أنتِ ما عاوزة القصة أصلاً تمشي لقدام !؟

حسيتهُ متمسك ما عارفة ليه...كان بإمكانهُ يقول لي تمام وخلاص.

_أنا ما فاهماني..فما أعتقد يجي زول يفهمني

=أنتِ ليه مٌصعبة الحكاية كده..بتلفي تلفي وبترجعي لنفس النقطة والسؤال السألتو.

_سألت شنو يا يوسف

ضِحك مسااافة

=ح تديني فرصة أقرب ولالا !؟

السؤال ساهل..بس أنا جواي تردد رهيب..ما عاوزة أقول لا وما عاوزة أقول أيوة..وسطية شدييد.

=فُلة..ما عايز أعصر عليك..سكوتك ده بِدل على أنك ما راضية بالحكاية دي وأنا ح أحترم رغبتك جداً و..

قاطعتهٌ بسرعة

_أنا خايفة ومترددة..لو ما ح تطمني وتفهمني وتصبر علي...فأيوة ننهي الموضوع ده..يوم جيتك الشركة كنت عاوزة أتكلم معاك ونتفاهم بس أنت قفلتني وحتى نقاش زي الناس ما أتناقشنا

=تمام طيب..نحنا لسه فيها ح نقعد ونتناقش ونعمل العايزنو..لقيتي نفسك مطمنة ح نواصل..لقيتي أنو لا وأنا طلعت ما قدر الفرصة يبقى خلاص.

_بتتكلم عني بس وكأنك أنت مرتاح للموضوع أصلاً !؟

=مرتاح أيوة وعاوز أرتاح أكتر.

أتوترت من طريقة كلامهُ

_ح أنوم..تصبح على خير

=ما عاوزة تعرفي حصل شنو في الإجتماع !؟

_حصل شنو !؟

=ما بوريك.ح أنوم عشان بكرة شغال بدري.

غياظ غياظ...قفلت منهُ ورقدت في سريري..لا قادرة أغمض عيوني ولا النوم أصلاً راضي يجيني.

**

نزلت التلفون من أضاني وأنا مبتسم..طول اليوم لما كنت في الشركة بفكر في فُلة..هي معاها حق..ما منطق تقبل بي عشان أنا مناسب معاها ولا منطق أنا أطلبها للسبب ده..نحنا محتاجين نتفاهم في المقام الأول..طلبت الفرصة دي عشان أفهم الجواي ليها ده شنو....معظم العلاقات العشتها في سنين حياتي الفاتت ما حصل جاني إحساس زي البحسهُ مع فُلة..فكان لازم أحدد البحسهُ إذا كان حب..ولا حاجه عابرة وح تنتهي زي القبلها...لما أجتمعنا جدي ما فتح الموضوع..لاني سلفاً طلبت منهُ يصبر علي وإتحججت بكم حجه..وهو عشان بعزني وعارفني ما بعترض على كلامه ولا بقول حاجه ساي وافق...فكانت قعدة عادية بنقاشات عادية.

*****

"اليوم الثاني عصراً"
"عند سامي_مكالمة هاتفية"

_ناس أمي وديل كلهم في بيت حبوبة..تاج قالت لي قاعدة براك..ما مشيتي ليه !؟

=زهجانة يا سامي والقراية لراسي..متين الإمتحانات تجي وتخلص ياخ

_هانت هانت...شدي حيلك بس وأجتهدي

=عملت شنو في موضوع الشغل !؟

_والله ياخي كلمت هِشام يشوف لي فرصة في شركتهم..حتى لو أنزل تدريب في الأول

=حلو طيب..بالتوفيق إن شاء الله

_خلينا خلينا من ده كلهُ...مشتاق ليك والله♡

=وأنا مشتاقة ليك♡

_شايف ديل قالو عاوزين يقنعوا جدو نطلع يوم الخميس

=أمممم متحمسين شديد إن شاء الله يوافق بس..عاين أطلع لي برة ثواني

_في شنو !؟

=أطلع بس..أنا كده لبست عبايتي..نتلاقى بين بيتنا وبيتكم

_ظابط جاييك♡

*****

_عايني قاعد براهو ورايق..أمشي ليهو وما تخافي

=أي يا فُلة عليك الله زهجنا من قعدات الشاي المُكررة في البيت دي

_وبعدين هو بسمع منك اكتر مننا وح يوافق والله

=أمشي وما تترددي يلا

ديل كانوا بنات العيلة بلزوا فيني عشان أمشي أقترح على جدو الموضوع ده بما فيهم فاتن...

_يخوانا بس أنا ما زهجت من قعدة البيت

=أتلهي يا فُلة..عاوزين نشم هواء نحنا ياخ ونشوف وشوش جديدة.

_ما أهو بيوتكم كلها شجر وطبيعة..الطلعة لييه بس !

لما جدو عاين ناحيتنا..كلهم جروا وخلوني واقفة براي

_يُمة..واقفة مالك عندك !؟

إبتسمت وقربت ليهو

=كيف قيلت يا جدو !؟

_شديد نحمد الله...دايرة حاجه !؟

=ااا...قعدة الشاي

_مالها

اخدت نفس وأتكلمت عادي

=ديل كلهم قالوا عاوزين يطلعوا برة البيت..يعملوا القعدة في حته غير البيت.

_ليه دبرسوا ولا مالهم !؟

=أمممم شبه كده

_ده البتتوسوسوا فيهو ليكم ساعة يُمة

=........

_خلاص أنا بخلي يوسف يشوف مكان مناسب ونمشي كلنا الخميس الجاي.

=طيب يا جدو...شكراً شديد♡

طلعت وقلت ليهم ما وافق😆😆

_كنت حااااسة

=خير يا بنوت...من الجامعه للبيت ومن البيت للجامعه

فاتن:-من الشغل للبيت ومن البيت للشغل..أووووف

كلهم اتنرفزوا محسسني ما بطلعوا خالص..تاج بحسها العالي

_كذابات خلاص..أنتي يا فاتن مش قاعدة تطلعي مع إيااااد

فاتن قفلت ليها خشمها قبل تتم كلامها

=هسسس ح تجيبي لينا هواء أنتي

عاينت ليهم وأنا خاته يديني في نصي

_هييي وافق وافق...قال ح يشوف مكان مناسب ونطلع

بقوا يصرخوا زي المتخلفات...خليتهم وطلعت كنت راجعة بيتنا...صادفت يوسف في الباب بِتكلم بالتلفون..يدوب خطيت خطوة واحدة بس مسكني من يدي وقفني قصادهُ وواصل مكالمة عادي.

******

_الله ياخي..طيب والله العظيم كنت ناسي عيد ميلادي♡♡

=حلوة الهدية

_وستها والله♡..ماف زول إتذكرني غيرك

=ولا فُلة !؟

_حتى الكلبة دي ما أتذكرت

=إخس عليها...المهم المهم راجعه يلا

_مِنة...ما ح أخليك

=كيف !؟

_ما ح أخليك لغيري والله♡

********

_الملفات خليهم زي ما هم..أممم

أيوة لسه بتكلم وماسك يدي..وأنا التوتر قتلني

_طيب تمام..شكراً

فكاني وعاين لي...لالالا أنا عيونك دي بتبهدلني وبتجوطني..دي شنو العيون الحلوة دي..فُلة إتلمي

_مساء الخير

=مساء العيون♡

_نعم !

=أحم..مساء ال...مساء الخير.

_جدو قاعد جوه ؟

=أممم قاعد

_وأنتِ ماشة وين كنتي !

=راجعة..راجعة بيتنا

_عاوز أتكلم معاك

طيب نزِل عيونك دي وأتكلم لبكرة أنا موافقة..بس النظرة دي لا.

=ليه..قصدي ح نتكلم في شنو !؟

_أمس ما خلصنا كلامنا

=ح نتكلم هنا !؟

_لا...ح أشوف جدو وبجيك ما تتحركي من هنا

=حاضر

إبتسم ودخل جوه...أنا قلت حاضر !؟ دي شنو الوداعة دي.

***

"عند شِهاب"

أنا ومِنة مرتبطين لينا أكتر من سنتين..عارف أنو سامي مجرد صاحب ليها وود عمة..بس أنا ما قادر أتقبل الفكرة دي..خصوصاً أخر فترة نحنا مشاكلنا كِترت وهي بقت قريبة منو أكتر..بعد جيت من الشغل..إستحميت وغيرت ملابسي..طلبت من فاتن تمشي معاي بيتهم على أساس زيارة لبيت عمنا وكده..مشينا وفتحت لينا الباب هي..فاتن دخلت جوه وخلتنا واقفين.

_ح نفضل كده لمتين !؟

=مالنا نحنا !؟

_متشاكلين

=شِهاب أنا ما متشاكلة معاك..ده سوء تفاهم وإنتهى عادي

_أنا أسف♡حقك علي

إبتسمت

=لو بطلت غيرتك دي ح تكون حبيب عسل شديد

_ح أبطل لما تبطلي حركات

=طيب خش قبل أقفل الباب في وشك

_ما جاييك أنا يا زولة..إشتقت لعمي وجيت أشوفهُ

=أنننن..

ضِحكنا الأتنين ودخلنا♡

*******

أنا ويوسف كُنا في حوش ناس حبوبة..عاملة نفسي مشغولة بسقي الشجر ويوسف واقف جنبي..لما لقاني ساكتة ومٌطولة شال مني الخرطوش.

_شنو

=أنتِ الشنو..خلي الشجر في حالهُ

_طلبتَ نتكلم

=ح نتكلم كيف وأنتِ عينك في الشجر

_بسمع بأضاني على فكرة

=عايني لي..أنا عاوزك تعايني لي يا فُلة

وااااي أعاين ليك شنو..بتطلب طلبات صعبة صعبة

_أقنعت جدو كيف يأجل الموضوع !؟

=وأنتِ عرفتي من وين !!

_على فكرة واضح..لو السيرة فعلاً إتفتحت تاني..حبوبة كانت شغلتها لي

إبتسم إبتسامة كده مستفزة بس حلوة

=أقنعتهُ وخلاص..ما ضروري كيف...المهم ليه !!

سكت وما رديت لأني طبعاً طبعاً كنت بعاين ليهو

=أنا عاوزك تنسي خالص موضوع إننا ح نتزوج بقرار من جدو أو ك حاجه مفروضة علينا..عشان تقدري تتعاملي معاي..زي سامي وهِشام وياسين شهاب علي والبقية يعني

_ليه أنا بعاملك كيف !..ما زيهم !؟

=ما زيهم...دايماً في حاجز في الكلام الهظار...أنا عاوزك تتعاملي عادي وبتلقائية وبدون ما تفكري في شيء أو تاخدي حذرك وتعملي حسابك.

_ولو برضو القصة ما ظبطت !؟؟

عاين لي شديد وقال:-

=وقتها ح نكون أول إتنين نغير العادة دي...وتبقى البت ما لي ولد عمها.

*"الأعين صادقة وإن كذِبت جميع الجوارح♥️"*
*--------------------------------------*
*---------------------*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*