يا گلبي الحزن مو باب
الحزن ناعور لو دولاب
لو عين انچفت ع الباب
يا گلبي الحزن غيمة ....
واذا مو غيم ، من يغسل ذنوب الباب ؟؟
يا گلبي الحزن ليلة
واذا مو ليل ، چا ليش الغروب صواب ؟!
الحزن اذا يكبر يشيب يموت
شعجب حزن المگابر شاب ؟؟
يا گلبي الحزن محراب
الحزن كلساع يذبنه بباب
الحزن من تچهب الصحره
وتصد عنك وانت تراب ..!!
الحزن هم فرح بس چذاب !!

_ هاشم الخزاعي

انتَ ماخِذ رُوحي مِني
ياسَبب جَرحي اليغَني
انتَ دَفانك دِفني
وأعِله گبرك كِتبوا إسمي
كُل ليل وانتَ بطيف
بَس كونَك غافي
كُل شَمعه وأنه بنارّ
بَس كونَك دافيّ
كُل مٌوت وانتَ بخَير
مٌوت العَوافي
وبمَماتا للبقيا .

‌‏⠀
غشيم وصدگت بحچاية الـ يمشون
گالولي الغصن ينهاب من يثگل
گالولي السما شما ضاع بيها جناح
تلگاه والـ يتيه بالسما يسأل
مو مثلي من أتيه بصورتك وأحتار
أغمض والگى روحي من البچي مكحل!

#احمد_عاشور

‌‏⠀
محد بچى على الشمس
يا روحي لمن بچوا
كلمن على غروبه
و ما دام كلها مشت
چا ليش أداري الصور
و عيوني متعوبـة!

#احمد_عاشور

‌‏⠀
يگلبي وداعتك مو قسوة بس أحتار
وأخجل من أسألك ضعفك شقدم!
رف لكن على الـ يستاهلونك كون
على الـ من تشب نارك ، حرگ بيه تشتم
على الـ من مايشوفك بالحلم يومين
الف حسبـة على باله من القلق تلتم
على الـ يمدحك وكت ما تختلف وياه
گدام الـ يريدك بالذكر تنذم!
الـ مايهتز حبل حنجرته وكت الغيض
وبلحظة زعلته بدمعة يتلعثم
يگلبي مواهبك ومحللك على الـ راح
بس إحسب حسابك بالـ يجي مذمم

#إيهاب_المالكي

‌‏⠀
بالطيف إجاني امس
گمت وگلت هلّ هلّ
فـزيت راح الحلم
دم ناظري هلهـل
حلّف واسأل هلي
بعـدك أنا هل
هل حبيت لو عاشرت
لو شفت انا راحة
مو رحى وسط الچبد
وسط الچبد رحات
ميت أخو شامتي
لمن سمع راحت
گام على حيله ووگف
وسط العزا وهلهل!

| سمير صبيح

رموشهم ليل الطويل
- غازي الثچيل.

عفتني المن❗️
غيرك ياهو يعرفلي
- زيد الهاجري

للفرح ما اظن ثوب ضل ما نزعته 💔
وللحزن ما اظن ثوب ضل ما لبسته 😭

هذا عمـري مكالب اويه الضيم
ما مــر الضحج مـرة اعله سني .

لـ عريان السيد خلف

سهل مثل الخبز وي طيب الذات
وأمر من الأمّر وي ناكر الطيب

لـ عريان السيد خلف

غيري أيحط علو ويبين المحصول
وانه على الصفاح يبدن آسلالي .

لـ سمير صبيح

ولا عبرن عليه وحالي حال الناس أعرفهم حمام شلون اكول اصكور .

♡

يا مفتاح روحي والسوالف بيك تحلى .

عريان السيد خلف

رغمَ حَجيك چانّ بارد حَيل بَس حركَني ،

لف روحه بجفن حط روحه بالتابوت
التتن يدري بنهاية عمره مستعره

مصطفى الرحيماوي