صارت ملاحنا تعبر بما صار
وقامت تحللنا البشر من نظرنا

لحقت علينا ظروفنا وتونا صغار
وشلون اجل بكره لا منا كبرنا

خصوصً ليا عديت في المرقب العالي

هنا ارسالة الحدب المحاني على الاوراق
تبا تنكشف ثم توصل الناس طوالي

الي وقت وانا بين ضيقة و بين ارهاق
وجامل مابا الي يكشف الروح من تالي

ياليت الظروف احيان ترفق على الاعماق
لاكن الظروف اسرافها يطوي الحالي

مرور السنين العاتيه عايقً عواق
تدور على المهلوف وتضيق السالي

عسى البارق الي مثل الاسعاف لضميان
على نجد يمطر لين ترجع مناكبها

مرابيع ملهوفً تسيد على الخلان
تقول يغرف من وسط روحي حبايبها

تفكون يا الاد مسعر و تفكون
تكفون يا عز و ياستر الحراير

تكفون عن ثوب تكفون تعفون
مامن ورا سد الحاء الا الغراير

جو للحياه وماستطاعو يعيشون
‏جرت عليهم فالحياه الجراير

عيونهم لاحول ما كنها عيون
فيه يشوف اللي ماشاف العزاير

يانخون ياوجدي على يوم ينخون
وياوجع قلبي واستباح الضماير

مرسل يامرسل والرياجيل يوحون
يالمسعري حملً على الناس جاير

والله من الواحد لو نعد مليون
ماغيرك اللي ينسفه ما يخاير

انا في وجهك ورجي العفو والعون
وبجاه شيبانك وكل العشاير

وبجاه من بمره فسح كل ذا الكون
وبمره فلا نصير ولا نرد صاير

الشرع شرع الله والسيف مسنون
وماغيرك يعزل الدماء من العباير

انخاك وانا لك مفادي ومرهون
تعفي ياذخر معربين الذخاير

نخوة عتيببن مقاطي ومجنون
ليا انتخى من خوته جاك طاير

عبدالعزيز الفيصلي ذخر الحرار
منجا من يشيل الدهر تابوتهم

الناس تعطي فالجوايز و العقار
وهذا يثبتهم وذاك يشوتهم

وهو مايعطي جايزة يعطي عمار
من يعطي اعمارً تدانى موتهم ؟

استلمني واحدن سيرته سيره
امتقطع دونها الصوت من غادي ‏

لو يحفط الملح والزاد والجيره
مارضى وجه على شذب الاجوادي

السلوم تقول من قل تقديره
لايشره لو جاه السعد بادي

من يوطي وجه ‏الياء رجل غيره
راح وجه للوطي خط كدادي

اثر غيرت زاهي البنجره غيره
من جداها قامت تصيح وتنادي

تحسب ان الرجل بتزيد تاثيره
مادرت من دونها الرجل متحادي

صوتك الشاعر ماحرك جميهره
سولفي ودي يزيدون حسادي

وكان في قلبك على الود تقزيره
ومتلهف جعله القوم ومهادي

منشطن وصبح وامسي على ديره
محتسي في جعبتي شربي وزادي

بدوي ًعارف ليا انتوى بعيره
مختلف لو جسرت هامل الوادي

أفطرو بعد اذان المغرب الصايمين
واحتسب كل مسلم فالصيام الاجر

قالو افطر قلت انا تونا ! متسحرين
باقي الليل ماسدل والصبح ماهجر

واثري معانق اللهفة على الميتين
الترحم عليهم من - ( صلاة الفجر ) ‏ ‏

سمعتك البارح طالع لك علي حس
وضحكت وانا في جدى الهم غارق

وعمرت لي زقارتن ووشكت بس
تعال اطفيها في وجهك و فارق

بغت تجيني صفقتن مالها حد
تشري لي الفله وتشري لي الجيب

وتغنيني من السلفه اللي بلا عد
الي بها عاقبت كل الاصاحيب

اخرهم الي جارً ازعجته وشد
سمعت به عدا حدود النويصيب

وسويت لي قصيدتن مدحه جد
بيوتها فكرها ومعنى و تركيب

نصيتها شيخً لكل العرب عد
ياكم من مره يعل المشاريب

شيخً كريم وسبال ومحنك وند
عوق الخصيم وستر بيض الرعايب

ثم وصلته فالعاصمه من شفا نجد
تودع الضيقه وتسبا المطاليب

وعلي دق لي صحيبً ولد جد
قلل كلامه بس زاد التراحيب

قال لي عطيته رقمك وحسب وعد
يومين بس الا انت باطر من الطيب

لا بد يبا يكلمك لا بد لا بد
واسبوع وانا في طرف شكه وريب

الشيخ ماكلم ولا صاحبي رد
والظاهر اكل شرهتي اكله الذيب

عيدنا ذا نبا الفستان والعب نار
غير عن عيدنا اللي راح والي قبل

سلمي لي على الي يمين والي يسار
وقولي الشاعر يقول الهديه دبل

تكشخي ياشيخة الشعر والغيد
قرب عايد وكشختك نحتريها

اما تسلمنا القسم ليلة العيد
ولا سلمنا لو بنروح فيها

شريتي الفستان ولا لاهالحين
اهم شي لايكون علاق كتفك
‏
عيد ولا ناقصنا نعيد حزينين
يادوب نتحمل وبالغصب ردفك ‏

ياليت عندي صاحبً مثل الدريم
يا جيب يعطيني يا يبت او مزرعه

اقل شي عيش لي عيشت نعيم
ونحاش من ضيقي وجيلي في سعه

الناس في نعمه وخيرن مستديم
حتى قصايدهم وراها منفعه

وانا قصيدي راح كلها فالحريم
والله يستر بس لا روح معه

لله لا يعيدك ولا يعيد صحبتك
اللي ما يسحب نعمها زود صيتك

‏أخذتك بجدية و صنت رفقتك
‏و مثلك مثل آيات حاجة رميتك

ماعاد انا وياك يالشاص بصحاب
تغيرت وجهاتنا و اختلفنا
‏
العام من مرقاب في راس مرقاب
واليوم من رقي المراقيب عفنا

‏الى متى وحنا طراقي و عزاب
الوقت غيرنا و غير شغفنا ‏

الراس شاب ولا بقى شي ماشاب
والصدر ضاق وقام يكثر صلفنا

ولا يشرح الخاطر ولا يهد الاعصاب
الا كرامة ضيفنا في ضيفنا
‏
مثل الدواء فعيون عطرين الاشناب
وهاذي عوايدنا و هذا سلفنا

مير المهم عن بيعتك ماش مجناب
بعد ماشفنا امورنا وكتشفنا

ببدلك لو ف ‏أنترى خاطري طاب
والله يبا يعوض على ماصرفنا

وبحط الي موتر وبنتً على الباب
وبتعيش كنقه دامها في طرفنا

واسلم وسلم للقضاء قدر واسباب
والعمر يفنى وماعلى الارض يفنا

الله لا يعيدك ولا يعيد صحبتك
اللي ما يسحب نعمها زود صيتك

‏أخذتك بجدية و صنت رفقتك
‏و مثلك مثل آيات حاجة رميتك

بقالة الحاره لها شهور ياعبيد
وحنا من الدفتر مانقدر نجيها

تقافت الايام عيدً ورا عيد
مامر مثل ابو ربيع عليها