نازل اولدی بو گجه عالمه حقدن برکات
آچیلوبدور عجبا شیعه لره باب نجات
جان تک آغوشه آلوب اوغلونی شاهنشه طوس
بو آتا بو بالانون عشقینه گوندر #صلوات
#محمدی_ناعم #ترکی
🌹🌹
اللهم صَلِّ عَلیٰ مُحَمَّدٍ وَ آلِ مُحَمَّد وَ عَجِّل فَرَجَهُم
🌹🌹
.
.
فرا رسیدن #ماه_رجب و ایام پربرکت #ولادت حضرت امام جواد (ع) و حضرت علی اصغر (ع) را محضر حضرت امام زمان عجل الله تعالی فرجه الشریف و اعضای محترم و فخیم گروه #تبریک عرض میکنم.

#روز_سوم_شهادت_حضرت_علی_علیه_السلام_گریز_به_دفن_شهدا


اُوچ گُوندی علی تَرک اِئلیوب دارِ فَنانی
اُوچ گُوندی یاتوب قَبریدَه مِصداقِ مَعانی

اُوچ گُوندی حسن یاسه باتوب غَرقِ اَلَمدی
اُوچ گُوندی حسینون غَمی بی حدُّ و رَقمدی

اُوچ گُوندی اُولوب زینبِ مَظلومه عَزادار
سَسلور باباجان غَملرووه، زینبون آغلار

اُوچ گُوندی سُولوب باغِ وَفا، گُلشنِ اِحساس
اُوچ گُوندی دیور نوحه وُیرور باشینه عبّاس

اُوچ گُوندی اُولوب کُوفه نون اِیتامی سیه پُوش
اُوچ گُوندی اِئدور قان هاموسی، صُود یِرینه نوش

اُوچ گُوندی باتیب مِهرِ فَروزانِ شَرافت
اُوچ گُوندی سینوب قائمهء عَرشِ عَدالت

اُوچ گُوندی یوموب گُوزلرینی ناطقِ قرآن
اُوچ گُوندی اُولوب فاطمیه عَدنیدَه مهمان

اُوچ گُوندی بلی قانه باتیب هِیکلِ تَقوا
گُونلَر قاباقیندا بدَنی قالمییوب امّا

کافورِ بِهشتیلَه اُولوب جسمی مُعطّر
اِجلالِ تَمامیله اُولوب دَفن او سَرور

امّا یادیما دوشدی گینه غصّه لی جَریان
جسمی یارالی، گُون قاباقیندا شَهِ عَطشان

نه غُسل اُولونوب، کَفن اُولونوب نه او فَلک جاه
تاخیره قالوب دَفنی، اَیا اُمّت آگاه

بیر مُحنتی وار، اِیلور اَثر خُرد و کَبیره
سَجاد آقا بُوکدی بدَنین کُهنه حَصیره

آغلار گُوزیلَه قَبره قویوب اُوغلی آتاسین
گُویلَردَه قوروب دور آناسی بَزم عَزاسین

شاهون سینه سی اُوسته یاتوب نازیلَه اصغر
دَفن اُولدی اَیاق آلتدا صُورا پیکرِ اَکبر

#ناعم سُوزه وِئر خاتمه، مُجمَل قالا مَطلب
مَحشردَه وِئرر اَجرووی زَهرا قیزی زینب

التماس دعای فرح


#محمدی_ناعم

#مجموعه_کانالهای_ادبیات_آئینی_عاشورایی