#حضرت علی اصغر (ع)
زبانحال امام (ع)🍁


على باخدوقجا سنه آه مصیبت چکورم
گورورم یاروی حلقونده خجالت چکورم

اولمادی حرمله نون رحمی نه ذرّه ادبی
اوخلادی سن کیمی ذرّیۀ والا نسبی
نقدر عمر ایلیوب غصّه چکوب نوح نبی
مین برابر مُحن نوحی بو ساعت چکورم

اکبرین عرصه ده گوردوم ال ایاق چالماقینی
کاکل قاسمی جلاد الینه آلماقینی
پنجه سیز شیر کیمی قارداشمون قالماقینی
یانمادیم بیر بیله اللهی شهادت چکورم

بیر به بیر یاد ایدورم یاور و انصاریمی من
الیم أوستن گلوب آلسونلا سنی یوخدی گلن
باخورام علقمه ساری توکورم اشک محن
هامودان چوخ گوزل عباسیمه حسرت چکورم

قطع الفت ایلیوب مندن او حیدر صولت
وئرورم لوحۀ اندیشمه اما زینت
گاهی بیر جفت اوزون قول گه اوجا بیر قامت
گاهی اون دورت گجه لیک آی کیمی صورت چکورم

سرومین سایه سینی کسدی عدو باشیمدان
نهر علقمده خجالتدی بو گوز یاشیمدان
بلورم قولاری یوخدی گنه قارداشیمدان
انتظار مدد و مهر اخوت چکورم

آرزو ایلیورم شیعه لره چاتمور الیم
آشنا چوخدی ولی بیر نفره چاتمور الیم
تانیان سهلدی بیر رهگذره چاتمور الیم
رهگذر گلسه ده امدادیمه منّت چکورم

قاتلون قویمادی باشه یتیشه بیر باشوی
تیز پر بیر اوخیلا کسدی او ظالم باشوی
قرمزی قانیله منده بزورم گوز قاشوی
قاره کپریکلریوه سرمۀ عزّت چکورم

غم غربت خبرون یوخ منی نه حاله سالوب
سس ویرن یوخدی جنازون الیم اوستونده قالوب
نقطۀ دایره تک دوره می ظالملر آلوب
من حسینم گنه فریاد عدالت چکورم

آنوین جوهر ذاتین تانورام خالص و تاب
حلقوین یاره سینی گورسه او عالیه جناب
شکوه مندان ایلمز خیمه ده بیر ذره رباب
گنه بو حالدا آپارماقه خجالت چکورم

اوخ دگندن صورا گلدون لب عطشانویله
لعلی غمگین ایلدون لعل درخشانویله
پربها قاندی بر مظلوم توکلن قانویله
مدرک عشقیمه امضای شرافت چکورم

عید اضحی دو بزر فدیه سینی اهل ولا
قوزی قربانلارین آلتندا اولار رنگ حنا
سنون اما گوزل اوغلوم بزه گون دوشدی دالا
منده پیشانوه قانوندن علامت چکورم

ایستیوردی دوتا آئینۀ اسلامی غبار
قویمادیم منزل مقصوده چاتا فرقۀ نار
هیکل اقدس دینه بو قیامیله حصار
روز عاشوریده تا روز قیامت چکورم

عاشقین قلبی گرک داغ گوره یاره گوره
نقدر گلسه بلا لا دیمرم یاره گوره
آیلار ایللر بوئی خشنودی دلداره گوره
نیش لر نوش ایلیوب رنج و ریاضت چکورم

قانون آغزوندان آخور سو کیمی ای غنچه دهن
بودا بیر عشقدی امدی اوخی پستانی امن
باغبان عطرینه خاطر گلی ایگلر ولی من
ایگلدوقچه یاروی بوی محبت چکورم

انبیای اولوالعزم ایلدیگی پیمانه
آنامون سینه یاراسیندن آخان القانه
آتامون باشدان آخان قانینه ای دردانه
وارثم غیرت و ناموس وراثت چکورم

بالا داغی آتانون قلبین ایدر بی طاقت
عالم عشقده وار لیک بیر آیری لذت
گرچه سو ایچمه چوخ آساندی من اوندان راحت
شهدانون یاراسندان اوخی راحت چکورم

ای گل ناز حسین جاندی نه تر باشه نازون
لوح تقدیریده دل سیز بالا سخت اولدی یازون
یومولوب گوزلرون اما آچیلوبدور بوغازون
چاره سیز بیر یاریا فکر طبابت چکورم

پست دور دهر سنون عالم اعلادی یرون
سن جنان بلبلی سن شاخۀ طوبادی یرون
محسنون یولداشی سان سینه زهرادی یرون
گوزلیم گور نه سنه نقش سیاحت چکورم

✍️ مرحوم انور اردبیلی

✨اَللّهُمَّ عَجِّل لِوَلیِّکَ الفَرَج✨

#زبانحال_حضرت_رباب_س
#حضرت_علی_اصغر_ع




هنوز واله و حیران روزگارم علی
اسیر زندگی سخت و پر فشارم علی


اجلده درک ایلمور دینجلم مزاریمده
خدا بولور کی نجه طالب مزارم علی


بولیدی تیر غمون کاش قلبیمون ایوینی
گوزوم گوتورموری گوردوقجا استوارم علی


سنیله آیری بیر عالم یارانمشیدی منه
گیدوبدی نشئه سی مدتدی کی خمارم علی


یم غمونده گرک غرق اولام اولم قوتولام
قرا یرین گورم آلتندا استتارم علی


الیمده اولمادی چاره کی باغلادوم الیوی
گوز آلتی بیر منه باخسان گینه شکارم علی


امیدیمین هله ده رشته سین اوزنممیشم
وصالیوه من اورکدن امیدوارم علی


قیامتین گونیده گوزلریم باخار یولوا
گوررسن اوندا نجه ، چشم انتظارم علی


گلنده دولت عشقین جزایه سلطانی
گورر کی سندن اوتور منده بی قرارم علی


سنی او یرده آنان فاطمه وئرر آناوا
بسیمدی گورسم اگرصاحب افتخارم علی

#طهمورثی_عتیق

#حضرت_علی_اصغر_ع


#در_سبک سن آغلوسان من دؤزنمورم


اوغول علی آغلاما یات سنده یانموسان منده
آنان ئولسون چاره ندور منده سوسوزام سنده


سو یوللارون باغلادیلار فرقه ی جفا گستر
بهاریمیز اولدی خزان سولدی غنچه وش‌گوللر
بوحالتون بیکس آنان یاندیروب کباب ایلر
سنون تک هئچ غنچه ی گل سولمیوبدی گلشنده


آزآغلا‌یاندیردی غمون کایناتی نسگلدن
یوزون خراش ایتمه بالا اودلادون منی دلدن
نه منده سود واردی نه سو بو ایکی مشکلدن
آنان اولیدی علی کاش اولمییدی شرمنده


مگردگول آب فرات فاطمه آنان مهری
سنه حرام اولدی ندن بوشریعه نون نهری
ندن بوقومی بولمورم دوتموری خدا قهری
یهود‌وترسایه دگول بیله ظلم زیبنده


اوغول نجه روادی بوبحرتک فرات آخسون
غریب آنان حسرتیله بوآخارسویا یاخسون
بوحالیله سوز عطش یاندیروب سنی یاخسون
سوسوز اوشاقلار ملشه شامیان ایده خنده


من ایسترم آغلامیام گورم آغلورام هایهای
قرارسیزوردیم اولوب سودامر بالام ایوای
بوآغلاماق ویرمور امان من سنه دیم لایلای
زبس دلیم چوخ دوتولور آزقالور دوشه بنده


جهانی یاندیردی داخی سوز آه وافغانون
تاپولموری سوبیر ایچیم آزقالور چخا جانون
ویرر سنه ایمدی سو اوخ سوکیمی آخار قانون
قضا سنه حاضر ایدوب سوخدنگ دشمنده


بوحالیله قویمیه جاق حرمله سنی بی شک
ایچیردی قانون سو کیمی جان زاریوی گورجک
خسوف ایدر سن قان آرا قرص ماه انور تک
دوشر تلوتلدن اوغول بوجمال رخشنده


ذهنی اگر ذهنون اولامحو بو مصیبتده
اوسانما هرگز دیمه بس ور قلم بو محنتده
ویرر بوشهزاده سنه اجر ومزد جنتده
اینانمابی فیض اولا بو آستانده بنده


#مرحوم_ذهنی


💠کانال کربلایی فریدون بهره‌مند

🌷 #یا_رضیع_الحسین_ع💔

🕊 از خواب ميپرے ، تو بےتاب مےشوے
💔 گريہ نڪن عزيز دلم آب مےشوے

🕊 امشب بخواب، صبح بہ تو قول مےدهم
💔 با دستهاے حرملہ سيراب مےشوے

#حضرت_علی_اصغر_ع🥀
#شب_هفتم_محرم🍂🌙
#لالا_لالا_گل_رباب😭💔

🏴

🎙رحمت واسعه حی تعالاست حسین ...

🔻روضه #حضرت_علی_اصغر(ع)
⏱ #بیش_از_ده_دقیقه | 13:18
👤 حجت‌الاسلام ‌سید #محمدحسین_تقوی
#شب_جمعه