#زبانحال_حضرت_امام_بر_بالین_حضرت_علی_اکبر_علیهما_سلام

بخش دوّم

تایپ و ویرایش کربلایی حسین کریم زاده


اِیدردی محوِ تماشا منی گُوزل یِری شون
باخوب دیردیم اِلهی نه ناز قامتی وار

هزار حیف خطا کارلر یخوبلا سنی
دوشوب سن ایمدی اَیاقدان كمالِ حسرتی وار

بو سروِ قدّون اَیاقدان سالوب لا قان ایچره
اگر دوشم من اَیاقدان دِیمه مَلامتی وار

سنی بو حاله سالان ظالم اِیتمیوب اِنصاف
نه رَحمدَن خبری واردی نه مُروّتی وار

وروب دی قَلبوه خَنجر دَگوب منیم دلی مه
قیامِ حَشره کیمی قلبی مون جَراحتی وار

گلردی جوشه مُحبت ئوپم دِیردیم ئوزون
اوُغول یوزین دَن آتا اؤپسه آیرى لَذّتی وار

حیا اِیدوب اوتاناردیم دِیردیم ئوز ئوزومه
بو اَمرین اوزگه مناسب زَمان و فرصتی وار

مُدام اِیله مناسب زَمانی گُوزلردیم
اؤپم او لَعلِ لبون دَن که چوخ حَلاوتی وار

او حالی سالدیم اَله حیف احتضا روندا
یوزون گُوزون اؤپَرَم کامیمون مَرارتی وار

سوزه گلنده اوُلاردون دِلیم دَه سر سُخنیم
سوزوم اولاردی بُنَیَّ مُدام شُهرتی وار

سکوت اِیدنده قالاردون سوزوم کیمی دِلده
دیله گلن دَه گورردیم دِلیم دَه کَرَّتی وار

دوشردی یادی مه جدّیم باخاندا گُل یوزیوه
بو اَکبریم دی دِیردیم رسوله رُؤیتی وار

آتام علی کیمی باشدان قلج لیوبله سنی
آتام یاراسی نا بو باره نین شَباهتی وار

اوُغول ئولنده آتا حالِ اِحتضاره دوشر
همین بو مَسئله نین یوخ سوزی حقیقتی وار

اوُغول ئولنده وِیرللّر آتاسی نا تسکین
او اَمرین اِیمدی ولی بوردا عکس صُورتی وار

اوئرک یانور آخوری باشون اوُسته گُوز یاشیم
من آغلیاندا گُولر دشمنیم شَماتتی وار

نشان وِیرور منه اوُغلان لارینی سَعد اوُغلی
او ظالمین نقدر قلبی نون قَساوتی وار

دِیمور که بالِ مگس دگسه گر سنار قلبیم
او داش اوُرک وروری داش نه پَست فطرتی وار

اَیاقه دور دوت اَلیم دَن اَلیم عَصاسی گِیداخ
نه دیزده قوّه نه قَلبیم توان و طاقتی وار

بی بون گُوره آتائیله بالا گلور با هم
او گُورماقین نگران قلبینه سکینتی وار

خلاص اوُلدون أؤزون همّ وغمّ دنیادَن
آتان وَحید قالور بیر جهان مُصیبتی وار

بیر آز زَمان صُورا سن سیز دایان مارام گلّم
منه شَهادتوین مژدۀ شَهادتی وار

بو صُون نَفس دَه دانش بیرده بیر سسون اِیشیدیم
شیرین دِلیم سوزیوین آیری بیر حَلاوتی وار

دَگُوبدی بیربیره مَخیمدَه عمّه لر آنالار
خصوص اؤز آناوین خیمه دَه قیامتی وار

گِراندی #تائب آتایه جوان اوُغول ئولومی
سنون جوانون ئولوب صبر قل سان اُجرتی وار

علیّ اَکبره آغلا دوشن دَه یاده بالان
حسین عزیزی دی هر دلده ذِکر و صُحبتی وار

التماس دعای فرج

زبانحال حضرت امام جواد علیه السلام


منه محرمیم ایتدی
جسارت آنا یاندیم
ویروب ظلمیله زهرِ
عداوت آنایاندیم
.
گتورسم دله واردی منیم چوخ سوز ایویمده
گزورقاتل جانی همیشه گوزایویمده
ایدوبدور منی مسموم اوجانی اوز ایویمده
یاخور جانیمی سوز حرارت آنا یاندیم
.
جوادم اوز آتام تک جلای وطن اولدوم
دوشوب غربته غرق ملال ومحن اولدوم
بوحالیله مثال امام حسن اولدوم
نشان ویردیم من اونا شباهت آنایاندیم
.
اومظلوم اوز ایوینده اولوب من کیمی مغموم
اونون تک اوز ایویمده من اولدوم آنا مسموم
او اولدی ایله مظلوم من بیله مظلوم
گوروب دلده اونون تک جراحت آنا یاندیم
.
نجه صاق صولا دوندی آنا من دونّم
او دردیله بوروندی ایله منده بورونّم
اودایاندی سوروندی ایله منده سورونّم
ویروب یوز منه عیناََ اوحالت آنا یاندیم
.
یانوب زهریله باغریم قیزیل قانیله دولدی
خزان اولدی بهاریم حیاتیم گلی سولدی
یتوب کامینه اهل عداوت اولان اولدی
منی سالدی ایاقدان اوجرأت آنا یاندیم
.
بهاریم گئدوب الدن خزانیم یتشوبدی
جهاندان داخی گتماق زمانیم یتشوبدی
بو حسرتله دوداقه بوجانیم یتشوبدی
سالوب قلبیمه آتش بوحسرت آنا یاندیم
.
آنا بیرباشیم اولدی منیم مین غمیم اولدی
بلا مونس جانیم غمیم همدمیم اولدی
منی ظلمیله مسموم ائدن محرمیم اولدی
ایدر باغریمی قان بو جسارت آنا یاندیم
.
سوسوزگوردی کنیزیم منیم قیدیمه قالدی
منه گِتدی سو گَتدی یانانوگلیمی آلدی
آلوب جامی الیندن عیالیم یره چالدی
حیا ایتمدی اول بی مروت آنا یاندیم
.
پریشان لیقا اعلان پریشان ویرورم من
توکوب قطرۀ اشگی غمی سان ویرورم من
سالوب جدّیمی یاده سوسوز جان ویرورم من
اوعطشاندان آپاردیم وراثت آنا یاندیم
.
منیم حالیمه شیعه گلر شیونه آغلار
توکرگوزیاشی اهل وفا دامنه آغلار
یازار نوحه می #تائب سیزیلدار منه آغلار
دلیمجه منه ایلر کتابت آنا یاندیم

✍️ مرحوم تائب تبریزی

✨اَللّهُمَّ عَجِّل لِوَلیِّکَ الفَرَج✨

💫 کانال مداحی بوی سیب

#اربعین

تایپ و ویرایش جناب آقای کربلایی علیرضا نادری

#شیخ_اسماعیل_تائب
#ذهنی_زاده


هیچ کیم منیم تک آتشِ هجرانه یانمادی
پروانه دَه بو نوعیله اوُد دا دایانمادی

مجنون اگر چه کوه و بیابانی گزدی چوخ
صحرای عشقی لیک، بو قدری دولانمادی

مندن علاوه بیر باجینون روزگارده
قارداش قانیله زلفِ سیاهی بویانمادی

چوخ پادشاه غالب و مغلوب اولوب ولی
هیچ پادشاهون اهل و عیالی تالانمادی

قارداش ئولونجه زینبی بو درد یاندیرار
گُل جسموی مزاره بو بیکس قویانمادی

چوخ نسگل اولدی زینبوه بو غم و اَلم
سن جان ویرنده گُوزلریوی باغلیانمادی

چوخلار بو عشق دایره سینده قدم ویروب
امّا جداده گون کیمی باشی دولانمادی

شام اهلی شامیده دئدیلر خارجی بیزه
آلِ پیمبروخ دئدوخ هیچ کیم اینانمادی

شمر و سَنان جفاسی تمام اولدی شامیده
امّا یزید جور جفادَن اوسانمادی

آلدی سرِ مطّهرون اول سنگدل اَله
یاندوردی قلبِ عالمی، بیر قلبی یانمادی

اول لبلری که بوسه گهِ مُصطفائیدی
ووردی آغاج او لبلره هرگز اوتانمادی

خوابِ بقایه گِیتدی رقیّه خرابه دَه
هر نه فغان و نالیه گلدوخ اویانمادی

تحریر ایدردی بزمِ یزیدین مصائبین
سوز بیر یره یتشدی #تائب یازانمادی

استاد ذهنی زاده

ياددان چخاندی شام غمی کربلا غمین
نازلی رقیّه مُحنتِ شامه دایانمادی

بیر نصف شب خرابهء شامِ خراب دَه
توپراق لار اوسته ايستدی یاتسون یاتانمادی

اُپدوم یوزین دئدیم بالا يات راحت اول بير آز
عرض ايلدی يوخی گوزیمه یول تاپانمادی

اوّلده هوش آپاردی بابام گلدی یانیمه
ایستوب منی قوجاقينه آلسون آلانمادی

گوردی وجوديمی يارالى تازیانه دَن
احواليمه قان آغلادی گِیتدی دایانمادی

من ایستديم قاچام داليجا قویمیام گِيده
نيلوم قابار اياقلاریم عمّه قاچانمادی

روحيم قوشی پَر ایستوب آچا دامنين دوتا
سینمیش قفسدَه حیف پر و بال آچانمادی

صبحه تك آغليوب سوزين اولدوز لارا دئدی
سایدی آخان کواکبی دردین سایانمادی

گلدون اوزون او نصفِ شبی گوردون آغلوری
هر دل دئدون قان آغلاماقندان اوسانمادی

ایستردی دردینی یوزینه اشگیله یازا
زلفی دوشوب، سیلردی سرشگی، یازانمادی

قويدى يوزین یوزیوه دوداقين دوداقوه
ياندی نقدر سسلديم اصلا اویانمادی

تعقيب ايدوبدی #سائلِ درباری کسرینی
#تائب يانان کیمی دیمه اوُد لاره یانمادی

التماس دعای فرج


#شادروانان_تائب
#سائل


#مجموعه_کانالهای_ادبیات_آئینی_عاشورایی

#زبانحال_حضرت_ام_لیلا_وداع_حضرت_علی_اکبر_علیهما_سلام

نگارش و ویرایش کربلایی حسین کریم زاده


گیت مُعینون حضرتِ جان آفرین اولسون على
اوُل شهیدِ راهِ حق اِحیای دین اولسون على

گیت علاقن دین یولوندا عالمه اِعلان ایله
باشدان آت باش فکرینی شوقیله ترکِ جان ایله
دینِ اسلامِ عزیزه جانوی قربان ایله
سن شَهید اول زنده قرآنِ مُبین اولسون على

جسمین اولسا دین یولوندا ریز ریز و بند بند
ایتمرم هرگز شکایت ای جوانِ دل پَسند
بلکه اوللّام حضرتِ زَهرا یانیندا سر بلند
گیت آنان بو اِفتخاری له قَرین اولسون على

جان قویوب جدّون بابان دینی ایدوب لر پایدار
دین و قرآن پُر بها دور ای جوانِ گُلعذار
سنده گیت قانیله دینین پایه سین قیل اُستوار
تا رضا سندَن او ختم المُرسلین اولسون على

مَحو اِیده قرآنی ایستور فرقۀ بیدادگر
دمبدَم قرآن ویرور دنیایه اِعلانِ خطر
بو خطردَن گیت قوتار قرآنی ای نیکو سیر
تا قیامون درسِ کُلَِّ مُسلمین اولسون على

راضیم قانونلا زیبا عارضون گُلگُون اولا
نرگسِ مستِ و خمارون قانیله مَشحون اولا
اُمّ لیلانین دَه سن سیز شُهرتی مَجنون اولا
صحبتی دللّردَه هر ماه و سِنین اولسون على

گیت لبِ دریادَه لب تشنه بو گوندَه قانه بات
باش و جانوندان اَل اوز جانان یُولوندا کامه چات
خسته یورقون خاک و خون ایچره یخیل نازیله یات
بلکه بیدار اُمّتِ قرآن و دین اولسون على

هر باخشدا برملا ای ماه منظر گوزلرون
شرح ایدر گویا شَهادت فیضی گوزلر گوزلرون
گیت دولا قانیله بو طاهایه بنزر گوزلرون
جان فدای چشمِ ناز و حقّ بین اولسون على

گوزلریم دوشجاق گوزون اوسته هلالی قاشوه
شوریم آرتار آغلارام اولسون قسم گُوز یاشوه
ویر اجازه بیر آنان گَلسون دولان سون با شوه
تا بلا گردان سنه بو دل حَزین اولسون على

دانۀ مرجان کیمی تر، گُل جمالوندا گَزر
آرتیروب پیرایه سین رُخسارِ آلون خوش بَزر
پردَه سال رُخساریوه وار دور یول اوسته بد نظر
بد نظردَن حفظ او یوز، بو مَه جَبین اولسون على

گیت آنان لیلا فراقوندا دَره درد اوسته درد
اوُدلی دلدَه هم نفس اولسون اونیله آهِ سرد
گُوزدَه گوز یاشی اولا مجنون کیمی صحرا نورد
گوز یاشیله پای ناقه گِل نشین اولسون على

گیت یارائیله گُل آچسون پیکرون گلشن کیمی
اَگنیوه گی برگِ خونین سرخ پیراهن کیمی
قانلو زلفین نیزه دَه رُخساره توک خَرمن کیمی
دوشسون آردین جا آناندا خوشه چین اولسون على

شعلۀ شمعِ فراقون لا یانوب هر ثانیه
اوُد لانوب سرمشق ویرّم یانماقی پروانیه
رشتۀ عشقون چکر آخر منی ویرانیه
بو اوُغول سوز خوشدی ویرانه نشین اولسون على

بو آنالار ایچره سن ویردون منه چوخ امتیاز
قویمادون یالقیز قالا بوچولدَه سلطانِ حجاز
سرفراز ایتدون منی ای نو جوانِ سرفراز
عشقی وه اَحسن هزاران آفرین اولسون على

سن ذبیحِ عشق سن بو کربلا رشگِ منا
اول فدا الله یولوندا غم خلیلین قیل رضا
کعبۀ عشقونَده منده ایلرم سعی و صفا
اوندا که بی سر بو جسمِ نازنین اولسون على

ایلیوب جانان سنی دعوت ضیافت خانیه
بیر دایان سُرمه چکوم بو نرگسِ مستانیه
شانه ایلوم قالماسون حَسرت بو تِللّر شانیه
نظم دَه زلفِ سیاهون چین به چین اولسون على

دویمورام سندن ولی ایمدی گرک دور اَل اوُزوم
لاله تَک گیت قرمزی قانه بویان ای گل یوزوم
لاله زارِ عشقی وه گللّم تماشایه اوُزوم
تا صفای دل دلیم دَه جا گُزین اولسون على

شاخ عمرم دَن گلِ اُمّیدیمی دَرَرم بو گون
هدیه وِیرّم یاره یوز شوقیله دوندرّم بو گون
تشنه لب قربان منای عشقه گُوندرّم بو گُون
گیت سوسوز جان وِیر روان ماء مُعین اولسون على

کثرت عقلی له ای عشقِ خدا دیوانه سی
سن اوُزون ایله مُحبت شمعی نین پروانه سی
وای اوغول دلدَه اولوم من درد و غم هم خانه سی
من اوُلوم منله او آهِ آتشین اولسون على

سندَه وار شورِ شهادت ای جوانِ خوش خصال
من دیمم گیتمه بوعالی فیضی دَن بو چولدَه قال
دورما گیت مندَه آنالیق حقّیمی ایتدیم حَلال
گیت سن اول الطافِ رَبّ العالمین اولسون على

ای سپهرِ حُسندَه گُل عارضی رَخشنده ماه
باخما گِیت سن گوندوزوم سن سیز اولار لیلِ سیاه
گِیت اوزون چیخ آغ گونه اول شهرِ عشقه پادشاه
تاجِ زرّین باشه قوی فخرِ مُبین اولسون على

دین یولوندا بادۀ هجرون اوُغول نوش ایلرم
قلبی مین عمریم جه یانماقین فراموش ایلرم
اوُز الیم له من سنی بو گُون کفن پوش ایلرم
تا رضا و رغبتیم عین الیقین اولسون على

اوندا که زَهرا عزیزی عزّت و فردَن گِچه
آسمانِ حُسندَه چوخ ماه منظرون گِچه
اُمّ لیلا دَه گرگ دور مین لر اکبردن گِچه
شُهرتی اوغلى ئولَن صبر آفرین اولسون على

ای جوان #تائب سیزه خدمتگذارِ پیر دور
چوخ گناهی وار اوُزی آلودۀ تقصیر دور
اَل آتوب دامانوزه گوز یاشلی دامن گیر دور
ایسته محشردَه شفیعیّ شاهِ دین اولسون على

التماس دعای فرج


#شادروان_تائب_تبریزی

#مجموعه_کانالهای_ادبیات_آئینی_عاشورایی

#وداع_حضرت_سیدالشهدا_زبانحال_حضرت_زینب_علیهما_سلام

بخش دوّم


قتلگاهون ایلرم قادراش عزاخانه سنه
باشلارام روضه حسین وای دیلدَه گلّم شیونه
نوحه باشلار سس وئرر نازلی رقیّه مدَه منه
بو عزا مَرسوم تا وار روزگار اولسون حسین

گاه ساکت اگلشوب گیزلین جه سینه داغلارام
شوره گلّم من حدف اوستوندَه گاهی آغلارام
آغلارام بو آغلاماقلا دین یاراسین باغلارام
پیکرِ اسلام قویمام تار و مار اولسون حسین

باش وئررسن سن که دین احکامی کتمان اولماسین
من اسیر اولّام که دین جمعی پریشان اولماسین
ایله تبلیغ ایلرم اسلامی نقصان اولماسین
تحتِ تاًًًثیریم دَه هر شَهر و دیار اولسون حسین

کوفه دَه قرآن اوخورسان مندَه تفسیر ایلرم
ئوز آتام تک حق سوزون محمل دَه تقریر ایلرم
دل نشین نطقی له من افکاری تَسخیر ایلرم
تا جهان وار دور او خطبه ام یادگار اولسون حسین

شامی دَه گورسم که هند اوُغلی اولوب مَست و خَراب
گر عَتاب ائتسه بیزه مندَه اونا قیلّام عَتاب
حدّدَن چخسا سوزوندَه، سنمارام وِئرّم جواب
قویمارام اوُل بی حَیا بی بند و بار اولسون حسین

نَقص اولار عَهدیم دَه مردانه قباقه چخماسام
قدرتیم له هندین اوغلون، ئوز اِئوین دَه سخماسام
ئوز جنایت خانه سین ئوز باشی نه گر یخماسام
زادۀ سفیان گرک دور تار مار اولسون حسین

اولمادی امکان آتام شیرِ خدای داوره
شام دَه گیتسون یتورسون حق سوزون نا حق لره
ئوز بالام سجّادی مَسجددَه آپارّام مَنبره
شیر تک مدّاحِ شیرِ کردگار اولسون حسین

همّتیله ایلرم تَسخیر شامِ مظلمی
قیلّام آگه من سنون حقّین دَه آگه عالمی
شام دَه ویرانیه وورّام حسینی پَرچمی
تا حسین آدیله روشن، شام تار اولسون حسین

گُلشنون یاندی سوسوزدان، گوللّرون سُولدی بو گُون
ابرِ غم یاغدیردی قان، چُول قانیله دولدی بو گُون
سرولر سیندی، دوشوب قان سئلدَه غرق اولدی بو گُون
گلشنِ آیندۀ دین، بو دیار اولسون حسین

اِقتضا واردی مَشیّتدَه که قارداش سیز قالوم
یوخ سوزوم، امّا دایان دور بوینوا بیر قول سالوم
آیریلیق هنگامی دور، جان بخش اولان عطرون آلوم
جان مَشامیم دَه ئولونجه عطرِ یار اولسون حسین

روزه سن، بیر نچّه گون دور ای روانِ حوصله
دَعوتون اِفطاره واردی روزه حالیله بله
گِیت آتام جدّیم آنامی له اؤتور اِفطار ایله
هم، پذیرا مُجتبای گُلعذار اولسون حسین

واقفم، گَلمیش آتام جدّیم آنام، مظلوم حسن
پنج تن دَن دؤردی با هم ایلیوب لر انجمن
سندَه گِیت تشکیل تاپسون اجتماعِ پنج تَن
محفلِ اهلِ کَسا تا بر قرار اولسون حسین

من ئوزوم دَن اُوز آنامی خوش دَگول مأیوس اِئدوم
تاپشوروب بیر سوز اؤرک دَه ساخلیوب مَحبوس اِئدوم
گل آنام زَهرایه خاطر، بیر بوغازون بُوس اِئدوم
تا آنام مَنظوری عیناً برگزار اولسون حسین

بی وفالیق رنگی سن رخساره آلمازدون اَخا
مهر و رأفت یوللارین گِتماقدا قالمازدون اَخا
ئوز گُوزوندَن بو گُوزل اطفالی سالمازدون اَخا
راضی اولمازدون اولار سندَن کنار اولسون حسین

شوقِ وَصلِ یار بُوللّم صبریوى الدَن آلوب
محوِ عشقِ یار اولوبسان قیزلارین گُوزدَن سالوب
بُول موسن بو ناز پَرور قیزلارین هاردا قالوب
باشدا شورین گِیت، سن اوُل بَزمِ نگار اولسون حسین

لیک قیزلارین گُوزی یاشلی دوزول موش صاق صولا
اولما راضی بو یول اوسته بیر بله گُوزلر دولا
نازنین اطفال وی بیر بیر دانشدیر دوش یولا
همرهون گِیت، لطفِ ذاتِ کردگار اولسون حسین

قیزلارین دیندیرمه سن گِیت سن اوُرک لر قان اولار
قان اولان دل لر یانار گُوزلر دولار گریان اولار
لطف ایدوب دیندیرماقین قارداش بیوک اِحسان اوُلار
ایله اِحسان شاد کام اَطفالِ زار اولسون حسین

خوش نوا بُلبُل تلاش ایلر نجه چاتسون گُله
بو رقیّه ندَه إئله آغوشی وه اِیستور گَله
سویگلون دور، آغلاماقدان آز قالور قارداش ئوله
آل یوزون اؤپ قویما بیله اَشگبار اولسون حسین

من اؤرک دَه مین لَریله سوز اوُرک دَه ساخلارام
ناگران گِیتمه رقیّه نن گُوز اوسته ساخلارام
یوخلین دَه نازیله باشین دیز اوسته ساخلارام
گویلون آلّام قویمارام چوخ دل فگار اولسون حسین

#تائب درماندَه دور آللّهه بیر عبدِ ذلیل
فاطمه اوغلی، سنون درگاهی وه دوشموش دَخیل
اِیسته اِحسان ایله سین مَحشردَه خلّاقِ جَلیل
بو سیه رو، خادموز مَحرومِ نار اولسون حسین

التماس دعای فرج


#شادروان_تائب_تبریزی

#مجموعه_کانالهای_ادبیات_آئینی_عاشورایی

هر بیر اورک که آینۀ حقنماسی وار #کوفه #تائب_تبریزی
.
نصایح گریز به احوالات کوفه
.
مرحوم تائب تبریزی
.
هر بیر اورک که آینۀ حق نماسی وار
انوار کبریائیله صدق و صفاسی وار
.
سعی ایت حلاوت حَسَدی سینه دن بوشات
چون نیشکر بوشالسا شکردن نواسی وار
.
تقوی ضمیر پاکیله دور نه لباسیله
وار چوخ پلید دل که نظافت لباسی وار
.
یاندیردی شمعی بی ادب ایولرده گولماقی
سانموب که گولماقیندا محلّ سزاسی وار
.
بی جا دانشما گولمه که بیهوده گولماقین
الدن آلار وقاریوی ننگین جزاسی وار
.
بتخانیه سالوب یولووی اولما بت پرست
گل هوشه هوش ایله که بو ملكین خداسی وار
.
سالماز اؤزون دخیل سلیمانه مورچه
هر قدر لانه سینده که قوت وغذاسی وار
.
اولماز چراغ ره یاری یانمیش اودون سنه
یاندیر ایله چراغ که عالی ضیاسی وار
.
بیهوده ایتمه عمر گرانمایه وی تلف
آخر بو گوهرین بولوسن نه بهاسی وار
.
پررولریندی یر یوزونون ناز و نعمتی
خون جگر ...
➖➖➖➖

#عصمة_الله_الكبری_حضرت_فاطمة_زهرا_سلام_الله_عليها


گُوهرِ بحرِ وَفا فاطمه دی
جوهرِ صدق و صَفا فاطمه دی
معنی لفظِ وَفا فاطمه دی
لَنگرِ ارض و سَما فاطمه دی
فاطمه فاطمه دی فاطمه فاطمه دی

نوریدور نورِ خداوندِ ودود
آدی محبوبهء ذاتِ مَعبود
خلق اوُلوب خاطرینه هر موجود
حضرتِ خیر نسا فاطمه دی
فاطمه فاطمه دی فاطمه فاطمه دی

حکمراندور جَبروت عالمینه
قهرماندور مَلکوت عالمینه
شرحِ عنواندی نعوت عالمینه
او که وَصف اِیتدی خدا فاطمه دی
فاطمه فاطمه دی فاطمه فاطمه دی

شیرهء جانِ رسول الثّقلین
کُفو و مانند امامِ الکُونین
مادرِ پاک حسن مامِ حسین
بحرِ موّاجِ وِلا فاطمه دی
فاطمه فاطمه دی فاطمه فاطمه دی

حائزِ وَحیِ نبوّت نَسبی
شرحِ معنای فتوّت حَسبی
گُوهر افشان اولونان لَعلِ لَبی
جوهرِ صدق و صفا فاطمه دی
فاطمه فاطمه دی فاطمه فاطمه دی

او که بیر خطبهء آتش ریزی
او که گفتارِ صفا انگیزی
اِیلین صحبتِ نِهضت خیزی
باطل و حقّی جدا فاطمه دی
فاطمه فاطمه دی فاطمه فاطمه دی

او که عصمتدی اوُنا سترِ حجاب
او که عفّتدی اوُنا یوزدَه نقاب
او که اولموش اوُنا اوُز شرمی کتاب
معنیِ شَرم و حَیا فاطمه دی
فاطمه فاطمه دی فاطمه فاطمه دی

او که پیغمبره دور نورِ دو عین
مُرتضی مَسلک و اُمّ الحسنین
گتورن عالمِ اسلامه حسین
فاتحِ کرب و بلا فاطمه دی
فاطمه فاطمه دی فاطمه فاطمه دی

او که مَرضیّه اوُنون مَنصبیدی
او که مَشهور نمازِ شبیدی
او که اِحیاگرِ دین زینبیدی
اِیلین حَشر به پا فاطمه دی
فاطمه فاطمه دی فاطمه فاطمه دی

#تائب آل صدق و صفا زَهرادَن
مرضه اِیسته شَفا زَهرادَن
آل هامی درده دوا زَهرادَن
اِیلین درده دوا فاطمه دی
فاطمه فاطمه دی فاطمه فاطمه دی

التماس دعای فرج


#زنده_یاد_تائب

#مجموعه_کانالهای_ادبیات_آئینی_عاشورایی

#شهادت_عصمة_الله_الكبری_حضرت_فاطمة_زهرا_سلام_الله_عليها


گردونِ اَجل زُهرهء زَهرانی آپاردی
باغِ نبویدَن گُلِ طاهانی آپاردی

زَهرا دیمه بیر كوكبهء شمسِ هدایت
زَهرا دیمه اَنگیزهء اَلطاف و عنایت
زَهرا دیمه گُلبازِ گُلستانِ وِلایت
گُلباز گِیدوب ذُوقِ گُلستانی آپاردی

دعوت یتشوب فاطمیه دارِ بقادَن
گیتدی اوُزی قورتولدی غمِ دارِ فَنادَن
گِیتدی ایوی امّا خانمین دوشدی صفادَن
آرام و قرارِ دلِ مُولانی آپاردی

مُولایه گُوزل یاور و یارائیدی زَهرا
نطقیندَه اوُلان مَنطقِ گُویائیدی زَهرا
قلبیندَه کی تسکین و تسلّایدی زَهرا
مُولادَن اوُلان صبر و تَسلانی آپاردی

گُلچینه گُلی دَرماقی مَنظورِ نَظردی
بو رسمدی گُلشندَه دَرَللّر گُلی وَردی
گُلچینِ اَجلدَه گُلِ پیغمبری دَردی
سولدوردی او زیبا گُلِ طاهانی آپاردی

افسوس جهاندان او خانملار گُوزی گِئتدی
گئتدی اوُزی قالدی بالالاردا گُوزی گئتدی
گزلین غمی تک دلدَه قالوب چوخ سوزی گئتدی
قبره اوُرگیندَه غمِ پنهانی آپاردی

زَهرائیدی آرام دل و جانی علی نین
زَهرائیدی غم یولداشی جانانی علی نین
زَهرائیدی اِیوده سر و سامانی علی نین
گِئتدی اوُزی اِیودَن سرو سامانی آپاردی

چرخِ اَدبه زُهرهء زَهرائیدی زَهرا
بحرِ شَرفه گُوهرِ یکتائیدی زَهرا
هم حیدره دنیا همی عُقبائیدی زَهرا
مُولا نَظریندَن هامی دنیانی آپاردی

گُل صاحبی گِئتدی پوزولوب فاطمه باغی
داغ اوُسته على آلدی یانان قَلبینه داغی
مَظلوم علی نین اِیوینین سُوندی چراغی
سُوندوردی اَجل شمعِ فُروزانی آپاردی

اَفسوس علی نین او بهین یاوری گِئتدی
هم مَسلکی هم مَذهبی همسنگری گِئتدی
کشتیّ اُمید بندی اوُلان لَنگری گِئتدی
طوفانِ بلا وَقردَه دریانی آپاردی

بیر قاره بُولُود منزلِ زَهرایه چوکُولدی
بارانِ بلایا سرِ مُولایه توكُولدی
بارِ غمیله قامت رعناسی بوکُولدی
بالمرّه علیدَن قدِ بالانی آپاردی

سویلردی که امّیدِ دلیم سندى الهی
سنگِ غمیله شیشه دلیم سندی الهی
الدَن کمکیم گِئتدی بِلیم سندى الهی
دستِ اَجل اوُل قامتِ رَعنانی آپاردی

یاندی اوُرگیم مُحنتِ سوزانین اَلیندَه
دویدوم جانا بو اُمّتِ قرآنین اَلیندَه
قالدی اَتگیم زینبِ نالانین اَلیندَه
دل طاقتیمی ناله و اَفغانی آپاردی

کُلثوم قوجاقلار منی دلدَه مُحن آغلار
اِیستر آناسین مندَن او شیرین سخن آغلار
دلدَه آنا وای گاه حسین و حسن آغلار
بو صحنه دلیمدَن داخی یارانی آپاردی

#تائب اگر اِیستورسن اوُلا مُشکلین آسان
قرآنیله اُلفت اِیله هر قدر اوُلا اِمکان
قرآن اوُخی قرآن اوُخی قرآن اوُخی قرآن
هر کس که دوتوب دامنِ قرآنی آپاردی

التماس دعای فرج


#شادروان_تائب_تبریزی

#مجموعه_کانالهای_ادبیات_آئینی_عاشورایی

#میلاد_حضرت_زهرا_گریز_به_حضرت_علی_اصغر_علیهما_سلام


بو گُوندَه حَیّ لَم یَزل اِظهارِ قدرت اِیلدی
پیغمبره زَهرا کیمی بیر قیز کَرامت اِیلدی

زَهرا نه زَهرا، عصمتِ کُبری اُوزی خِیرالنسا
صدیقه، مَرضیه اُولان کُفو علی المُرتضا
اُون بیر اِمامین مادری، کانِ ادب، کنزِ حَیا
اِسمین آتاسی مایهء فخر و شَرافت اِیلدی

وِیردی آنا بَطنینده سس هانسی آنایه بیر بالا؟
هانسی اُوشاق شاُنیندَه وار دلدَن آنا دردین آلا؟
قویموب آناسین بو خانم، تک اِیودَه بی مُونس قالا
گلدی آناسیله دله بَطنینده صُحبت اِیلدی

اِیودَه خدیجه هر زَمان غم لَندی، یوز وِیردی اَلم
قلبی دوتولدی غصه دَن، دولدی گُوزینه اشگِ غم
لَحنِ فَصیحیله اُونا سس وِیردی اُول مَریم شیم
هر دَم آناسین، فاطمه، صبره هدایت اِیلدی

دوُزدی خدیجه صَبریله هر بیر غمی اِیتدی قَبول
باشه وِیروب اُوز گُونلَرین، گه شاد گاهی دل مَلول
اُولدی یاخین قُویسون قَدم بو دارِ دنیایه بَتول
بیر بیر خَدیجه مُنتسَب نِسوانی دَعوت اِِیلدی

یِتدی قُریشین سر به سر نسوانینه بو اِختبار
بیر فردی اَصلاً گَلمدی، اُولدی خدیجه دلفکار
بو اَمره راضی اُولمادی لُطفه گلوب پروردگار
دوندردی حالِ یاسینی مَحض مَسرت اِیلدی

سارا او ساعتدَه اُونا اُولماقلیقا همدَم گَلوب
سارا نه یالقیز، آسیه سارائیله با هم گلوب
کُلثوم موسی خواهری، عُمران قیزی مَریم گلوب
زَهرا آناسینه اُولار فَخریله خدمَت اِیلدی

تا قویدی دنیایه قدَم، پاک و مُطهر فاطمه
نُوریلَه مَکه اِیولَرین اِیتدی مُسخر فاطمه
سالدی ایشیق دنیایه چون بدرِ مُنوّر فاطمه
باجادی خورشیدی دِیسم نُوری خجالت اِیلدی

دولتسرایه اُون نَفر حُوریه گَلدی مُشگ مو
هر فردی جام اَلدَه دُولی کُوثر سویوندان مو به مو
جسمِ بَتوله وِیردیلَر کُوثر سُوئیله شُست شو
جنّت لباسیله قَدِ رَعناسی زینت اِیلدی

خوش لَحنیلَه نطقه گَلوب دُختِ رسولِ مُمتحَن
آچدی لَبِ لَعلین گَلوب گُفتاره اُول شیرین سُخن
جاری اِیدوب دلدَه او دَم ذِکرِ خدای ذُوالمنن
الله وَحدانیتین اِقرار او حضرت اِیلدی

عرض اِیلدی مندَن آتام پیغمبره اُولسون سلام
سیّددی پیغمبرلَره ذاتاً اُوزی خِیرالَانام
بیردَه عم اُوغلوم حِیدره، صُلبوندَه وار اُون بیر امام
بیردَه سلام اُولادینه اُول کانِ عِفت اِیلدی

نورِ جمالِ فاطمه گُویلردَه سالدی شَعشعان
اُولدی مُسخر سر به سر اُول نُوریله هفت آسمان
مُژدَه وِیروبلَر بیر بیره حُوریه لَر شادی کُنان
سبّوحیان گُویدَه بنا بیر بزمِ عِشرت اِیلدی

آلدی خدیجه شُوقیله آغوشه اُول غُنچه تَری
سُود وِیرماقا پِستانینه سالدی بَتولِ اَطهری
پِستان و سُود گَلدی دله، یاد اِیت رُباب و اصغری
سُودسوز آنایه، آج بالا باخدوقجا حَسرت اِیلدی

نه صبر آناسیندا قالوب، نه تاب او شیرِ خواردَه
نه سُو اُولوب وِیرسون اُونا، نه سُود او بختی قاردَه
نه سینه سی اُوسته یاتوب نه یوخلادی گَهواردَه
شدّت سوسوزلوق سُوزِشی ساعت به ساعت اِیلدی

نه چاره تاپدی بینوا تا رفعِ آلام اِیلسون
نه دل بولوردی دل دیوب اُول طفلی آرام اِیلسون
اصغر نه دل آچمیشدی تا اُوز دَردین اِعلام اِیلسون
یاندی بالا، باخدی آنا، دَردیندَه شرکت اِیلدی

سُودسوز بالایه آج بالا، حَسرتله باخدی آغلادی
گه اَمدی لَعلِ لَبلَرین اَشگین عُذاره باغلادی
گه چَکدی آهِ آتشین قَلبِ ربابی داغلادی
آغلار آناسیندان بالا، تاراجِ طاقت اِیلدی

سولموش گُوروب غُنچه گُلین، گُل تک یانوب سُولدی آنا
دولموش گُورندَه گُوزلَرین بیر ابر تک دولدی آنا
گُوردی یانور عَطشان بالا، یاندی کباب اُولدی آنا
باخدوقجا آرتدی حَسرتی، اَندوهی شدّت اِیلدی

بانی اُولوب بو مَطلبه #کاتب_حسین نوحه خوان
#تائب وِیروب دور بو سوزه بو طرزیله شَرح و بیان
ماُجور اُولور بو نوحه دَه، هم نوحه خوان هم سوز یازان
#تائب دِئدی بو سوزلری، کاتب کتابت اِیلدی

وِیرم قسم یارَب سنی شَهزادَه اکبر جانینه
دین اُوسته حَلقیندَن آخان شش ماهه اصغر قانینه
وار دور مَریضی #تائبین عاجز قالوب دَرمانینه
سن وِیر شَفا، کیم ناخوشا سن تک طَبابت اِیلدی

التماس دعای فرج


#زنده_یاد_تائب_تبریزی

#مجموعه_کانالهای_ادبیات_آئینی_عاشورایی

#شهادت_حضرت_امام_هادی_علیه_السلام_گریز_به_قتلکاه


بو گُون جدّینه مُلحق شهِ بُوالحسن اُولدی
دونوب سامره غرقِ مَلال و مُحن اُولدی

گُوزل شُهرتی هادی، دل و جانی تَقی دور
علیدور آدی امّا، مُلقّب به نَقی دور
اُونون حقّینی اِنکار اِیدن قُومِ شَقی دور
اونا گاه جَفای نَهان، گه عَلن اُولدی

دولوب سَگّیزه سینّی، گِیدوب اَلدَن آتاسی
قَضا اگنینه بیچدی، غم و غصّه لباسی
اُونون باشلانوب اُوندا، هامی درد و بلاسی
غم اَطرافینی آلدی، غمه مُرتَهن اُولدی

خمِ درد و بَلادَه، غمین رَنگه بُولاشدی
دولوب کاسهء قَلبی، غَم و دردیلَه داشدی
اِئله سیلِ مَصائب، آشوب باش دَن آچدی
که بیر باشی هزاران مَلال و مُحن اُولدی

او شاهه مُتَوَکّل، جَفاسین عَلَن اِیتدی
اُولا قویمادی راحت، غَریقِ مُحن اِیتدی
آییردی وَطنیندَن، جَلای وَطن اِیتدی
وَطن مالَکی جَبراً جَلای وَطن اُولدی

وَطندَن آیراندا او شاهی نلَر اُولدی
او آیریلدی غَمیله، حَرمخانه سی دولدی
دوشوب وَحشته باغِ، حَیا گُللّری سُولدی
ئوزی قالدی نه حاله، دیمه بیر بُولَن اُولدی

قالاردی وَطنیندَه، گر اُولسیدی امانی
مَگر قویدولا راحت، او مُولای جَهانی
اِیله سالدی فشاره اُونی دشمنِ جانی
داخی سیر جَهاندان، شهِ مُمتَحن اُولدی

چَکوب گه مُتَوَکّل، اُونی بَزمِ شَرابه
شَراب اِئتدی تعارف، شهِ عَرشِ جَنابه
اُوخوتدی گَهی اَشعار، او مَعنای کتابه
او اَشعاردَه ناصح، شهِ مُوتَمن اُولدی

بویوردی اُولاری که، سالوبلار اَله فُرصت
توکُوبلَر نچه قانلار، به عُنوانِ ریاست
ئولَن گُوندَه بُولَلَّر، اِیدوبلَر نه جنایَت
اِیشیتدی دِیمه نادم، او روحِ فِتن اُولدی

بیان اِئتدی دوباره او شُومه شَهِ اَبرار
غُروریلَه یاتانلار، اُولار قَبریدَه بیدار
ایدر جَمعی نی طُعمه، گَهی مُور و گَهی مار
بو صحبتدَه هراسان، او شُومِ زَمن اُولدی

اُوتوز بِش اِئل ئوز عُمرون، قوتاردی شَهِ خوبان
اِیدوب ظلمیله مَظلوم اُونی دشمنِ نادان
یانوب زَهریله قَلبی غَریبانه وِیروب جان
اَب و جَدّینه تابع، او وَجه الحَسن اُولدی

دوشوب اُوغلی امامِ حسن سوز و گُدازه
گُوزل طَرزیله اِیلوبدی تَشییعِ جَنازه
نَمازین ئوزی قیلدی، فَدا اِیله نَمازه
همی دَفنه مُباشر، امامِ حسن اُولدی

وَلی جَدّی لَب عَطشان، غَریب ئولدی وَطن سیز
قالوب پیکری باشسیز، باشی گِیتدی بدَن سیز
یارالی گُون اِئوینده، دوشوب جسمی کفن سیز
او چولدَه خَس و خاشاک، او جسمه کفن اُولدی

گَلوب زینبی تاپسون، او رَنجورِ وَفانی
گُوروب مَقتلی رَنگین، اِیدوب قَرمیزی قانی
دوتوب عطرِ حسینی، او صَحرای بَلانی
همین عَطر او سَمته، یُولون دوندرن اُولدی

خانم گُوردی حسیندَن، نه آثار و نشان وار
چوخور یِردَه وَلی چوخ سنیق تیر و سِنان وار
بولوب داشلارین آتدا، گُلِ عَطر فشان وار
او عَطریله حسینی، ئوزون گُوسترَن اُولدی

قلیج اُوخلاری بیر بیر، کنار اِئتدی او خسته
حسینی یوزی اُوسته، تاپوب قَلبی شکسته
اَلین آتدی چووردی، اُونی آرخاسی اُوسته
یوزه گُوز یاشی جاری، چو دُرَِّ عَدَن اُولدی

دیدی هانسی یارالی، یارالی سنه بَنزر
وِجودیندَه یارالار، گُلِ سُوسنه بَنزر
دولوب گُل یارائیله، گُوزَل گُولشَنه بَنزر
عجَب مَقتلِ عشقون، صَفالی چَمن اُولدی

گُوزل طینتی نورِ، بهشتیله سِرشته
اُولان سَلم ازَل طرح، اُولان شَرح نوشته
دونوب سَن یخیلان یِر، گُلستانِ بهشته
اِیدَن بو چُولی جَنّت بو زیبا بدَن اُولدی

بو قَدری یارا وار دور، بو صد پاره تَنوندَه
اُوپَم صاف یِرون یوخ بو زیبا بدَنوندَه
گِیدوب غارته مندَن آلان پیرهنوندَه
یارالاردان آخان قان سَنه پیرهن اُولدی

یَقین ئوزلَری #تائب، اِیدوبلَر سنه نُصرت
کِتابوندا اِیدوب سن، بیله نوحه کِتابت
اِیدوب دور قَلموندَه، کِتابتدَه قیامت
دوزون ئوزلَری سالدی، گُوزل بو سُخن اُولدی

التماس دعای فرج


#زنده_یاد_تائب_تبریزی

#مجموعه_کانالهای_ادبیات_آئینی_عاشورایی

#میلاد_با_سعادت_حضرت_علی_ابن_ابیطالب_علیهما_سلام

نگارش و ویرایش کربلایی دکتر مختار وطن پرست

صفحه دوّم


دوباره باشلُوب اِنجیلی قَرائت ایلدی بیر باش
غَلط دوشمَز دِئسم روحِ مَسیحایه صَفا گَلدی

صُحُفدَن بیر قَدَر اِئتدی تَلاوت اُول لِسان اَلله
هامی حِیران قالُوب وَجدَه رَسولِ مُجتبی گَلدی

هلَه پیغمبره قرآنِ مُنزَل اُولمیوب نازل
او دُمدَه باشلیوب قرآنی نِطقه لافَتی گَلدی

قَرائت اِیلَدی بیر نِچّه آیه حُجّتِ باری
اُولوب خوشحال گُفتاره او دَم شَمسُ الضُّحا گَلدی

بویُوردی بیر کَسه مُمکن دَگل بیر بیله نِطق اَصلا
فَقط بیله فَصاحت بیر بو مُولودَه سَزا گَلدی

پیمبر گُوزلَریندَن اؤپدی رَد اِئتدی آناسینه
آنا آلدی قوجاقه قَلبینه مُحکم قُوا گَلدی

علی نین اَللُرین قُویدی قُماطه فاطمه بُوردا
خیاله بیر آنیله بیر بالا بیر کربلا گَلدی

او گُون که کربلادَه تَشنه قالدی آلِ پیغمبر
سوسُوزدان خیمه لَردَه جانه آلِ مُصطفی گَلدی

علی اَصغر اِیله یاندی سوسُوزدان غُنچه تک سُولدی
اُولوب بی تاب آناسی باخدی دردَه بَرمَلا گَلدی

گُوروب دِیلسیز بالانین یوخ دیلی دردین اِیدَه اِظهار
وَلی آرام دوتمور رقّته اُول مُبتلا گَلدی

علیّ اَصغرین گَتدی قُماطه اَللّرین قُویدی
باخوبلار بیر بیره دردَه آنا گَلدی بالا گَلدی

بالا اؤز لَبلرین اَمدی دِئدی رَمزاً آنا یاندیم
آنا رُخسارینه باخدیقجا رنگِ کَهربا گَلدی

باخوب گه حَسرتیله چَکدی اَصغر آهی آه اُوستن
ربابی یاندیروب یاخدی دِیلَه اُول بینُوا گَلدی

اوؤوشدوردی اُورک باشین توکُوب رُخساره گُوز یاشین
دیدی یارَب منیم تک دردَه هانسی بیر آنا گَلدی

هَوانین اِیستیسی چوخ خیمه لَردَه بیر اِیچیم سُو یوخ
ندور چاره بالام اُودلاندی جانه ای خدا گَلدی

نه بو سینمدَه واردور سُود وِیرَم بلکه اُولا آرام
دولاندیم خیمه گاهی نه اَله بر جُرعه ما گَلدی

نه دل آنلور بو دِیلسیز دِیل دِیَم تا اِیلیم ساکت
غَریبه باشیمه بیر ماجرای ناروا گَلدی

بِئلَه دَه دَرد اُولار یارَب اؤزوم تشنه بالام تَشنه
آنا باشی بالا هاردا بِله بیر ماجرا گَلدی

بالا تک بیر بالا نه قالدی عَطشان لبلَرین اَمدی
آنالار باشینه من تک نه دردِ بی دوا گَلدی

باخور حسرتله بو دِیلسیز بالام طَرزِ نگاهیندَن
دؤنؤر قانه گُوگُل دردَه بو سینم مُطلقا گَلدی

بالام نِی تک سیزیلدار من باخوب از بَس نَوا قیلّام
گُوزومه آغلاماقلیقدان سیاهی بیر غطا گَلدی

دایان #تائب اَلون ساخلا سُوزی بیله اُوزاندیرما
مُواظب اُول آزارسان گُور سُوزون هاردان هارا گَلدی

اُوزون سال بابِِ باب ارللّهه وار هر حاجتون اریسته
وِیرللُر اُولدی مُستغنی بو بابه هر گِدا گَلدی

التماس دعای فرج


#زنده_یاد_تائب_رحمت_الله_علیه

#مجموعه_کانالهای_ادبیات_آئینی_عاشورایی

زبانحال حضرت زینب سلام الله علیها در لحظات احتضار

مرحوم #تائب_تبریزی

گل قارداش حسین گور نجه دلخسته دی زینب
جانان یولونی گوزلوری جان اوسته دی زینب

ائلدن آرالی جان ویروری قلبی شکسته
گل صون نفسیمده باشیمی آل دیزین اوسته


غربتده وطنسیز ئولورم آغلیانیم یوخ
حسرتله یانوب سینه سینی داغلیانیم یوخ
جان اوسته منیم گوزلریمی باغلیانیم یوخ
گل آغلاموشام من سنه سنده منه آغلا
قارداش اوزون آغلا گوزیمی لطف ایله باغلا

من بیر گُولودوم باد جفائیله سارالدیم
لاله کیمی بو داغلی دله داغ دل آلدیم
بانوی حجازیدیم عجب گونلره قالدیم
دوشدوم اوزاقا طایفه دن خویش و ائلیمدن
بیر کیمسنه یوخ حالی اولا درد دلیمدن
.
.
یاندی اورگیم بستۀ تار محن اولدوم
بیر پایه ده مظلومۀ دور زمن اولدوم
ائتدیم وطنی ترک جلای وطن اولدوم
سالدی منی جبریله عدو داغ داشا قارداش
چوللرده من ئوز عمریمی ویردیم باشا قارداش
.
.
بو رسمیدی غم یولداشی یولداشینی گوزلر
رخساره توکر گوزلری گوز یاشینی گوزلر
جان اوسته عیاندور باجی قارداشینی گوزلر
درک ایله باجین زینب مظلومه ویرور جان
گل زینبین اولسون او گلن یولارا قربان
.
.
مشکل او گوزل مصرعیوی گوزدن آتیدیم
یا مدفنیوی روضۀ رضوانه ساتیدیم
فکریم بویودی منده جوارینده یاتیدیم
دنیا بویوجا مدفن پاکینده قالیدیم
تا عالم محشر او گوزل عطرین آلیدیم
.
.
قارداش باجی گول بلبلدوق بیرجه بوداقه
بیر عشق و محبت بیزی آلموشدی قوجاقه
آیریلماقا قویمازدی همین عشق و علاقه
افسوس سنی امر قضا مندن آیردی
آیریلمازیدیم جبر منی سندن آیردی
.
.
غملر ائلیوب گر چه منیم روحیمی خسته
اما دل اولوب مهر و وفا تارینه بسته
پیراهن صد چاکین آلوب سینه مین استه
گیزلینده اولان عشقی حسین فاش ائدرم من
جان نقدینی بو کوینگه شاباش ائدرم من
.
.
ئوز عشقیمی عُشاقه نشان ویرّم حسینیم
رمزیله اونا شرح و بیان ویرّم حسینیم
پیراهنین آغوشیده جان ویرّم حسینیم
بو عشق و علاقم اولا عالملره اعلان
بُلسونله هامی قارداشا اولدی باجی قربان


#سبک_ای_باد_صبا_کرببلایه_گذر_ایله
#گل_قارداش_حسین_گور_نجه_دلخسته_دی_زینب

‍ ‍ ‍ حاج غفوراسدزادگان

#ترکیب_بند_مدح_حضرت_علی_ابن_ابیطالب_علیهما_سلام

بخش دوّم


بیر خیمه قورولدی او بیاباندا او ساعت
مُولایه گَلوب پیر و جَوان اِئتدیلَه بِیعت

یِتدی لَقبِ خاص اُونا مُومن لَر اَمیری
وِیردی بو لَقب اُوسته اُونا خَلق بِشارت

هم آلدی یِرین صُحبتِ تَنصیصِ وِلایت
هم یِتدی خِلافت اُونا هم یِتدی اِمامت

عَرشه اُوجالوب شُوریلَه تَکبیر صَداسی
مردم آراسندا واریدی آیری بِشاشَت

دَگموشدی هامی بیر بیره اِیلَردیلَه شادی
بَعضی هامودان چوخ اِیدوب اِظهارِ اِرادت

سُویلَردی على حالوه طوبا اُولا بَه بَه
تَبریک و گُوارا بُو اِمامت بو خِلافت

خَتمِ رُسله تالی شایندَه علیدور
اِسلام دَه شَخصیتِ اَرزندَه علیدور

او دور حُجّتِ یَزدان

اَفسوس اِیله بیر حقّی او بی عاطفه داندی
داندی اُوزی ناحَق سُوزی اُوستوندَه دایاندی

ناحق دانیشان حَقینی غَصب اِیتدى عَلینین
نه قوخدی خدادَن نه حَیا اِیتدی اُوتاندی

مَظلوم على یرمی بِش اِیل قالدی اِیویندَه
نه بیر گَلن اُولدی نه گِیدن دُوزدی دایاندی

هر مَردین اِیشی اَسگیله مردم قاچار اُوندان
دوز دور بو سُوزوم مَسئله مَرسومِ جَهاندی

یاندی قاپُوسی که در و دیوار آراسندا
ئولدی بالاسی هم حَرمی قانه بُویاندی

بیر غیرتِ رَحمان باخا دوگسونلَه عَیالین
بو اَمره دوزوب صَبر اِیلماق خیلی گِراندی

باخدی دولی گُوزلی بیله بیر صحنیه دوزدی
یارَب بو نِجه صَبر دی نه تاب و تَواندی

اُولموب بیری مَظلوم على تک بو جَهاندا
مَظلوم لیقیندا اُوزی مَشهورِ جَهاندی

قان باغلادی یانمیش اُورگی پَردَه به پَردَه
لاله اُورگیندَه اُوتوران قان او نشاندی

دانا باخا نادان اُولا حاکم نه روادی
دونسُون بیله دورانی بو نه دورِ زَماندی

گر اِیلمه سِیدیلَه على حَقینی اِنکار
دانمازدی حسین حَقینی اَشرار عَیاندی

زَهرا بالاسین چَکدیلَه صحرای بلایه
بو واقعه سَر سِلسلَه گُفتارِ بیاندی

سُو یوللارینی باغلادیلار حَقی دانان لار
عَطشان بالالار باخدی سُویا سُو دِیدی یاندی

اُوز سُود اَمرین گَتدی اَل اُوسته دِیدی لَشگر
اُوچ گُوندی لب عَطشان بو گُلِ غُنچه دَهاندی

قویمُوبلا او مَظلوم سُوزون باشه یِتورسون
عَطشان بالاسین اُوخلادی لار قانه بُویاندی

تا یِتدی سُوسُوز حَلقینی اُوپدی سُولی پِیکان
یاتمیشدی او، دِیسگیندی گُوزون آچدی اُویاندی

#تائب نَدی دَردون دِی علی اصغره آغلا
آچسُون گِرهون چون گِرهِ کاری آچاندی

قربانِ خدا زندهء پاینده علیدور
هر مُشگل اُولا یاخشی گُشایندَه علیدور

او دور حُجّتِ یَزدان


#زنده_یاد_تائب_تبریزی

#مجموعه_کانالهای_ادبیات_آئینی_عاشورایی

#شهادت_حضرت_امام_صادق_علیه_السلام


اِی اُولان قَتیلِ اَعدا سینه دَه یاراسی اِیوای
جَعفری لَرین رَئیسی شیعه لَر آقاسی اریوای
دِللّرین صَفاسی گِئتدی شیعه لَر
آقاسی گِئتدی

عُمری جَه دُوزن فشاره حَقّیلَه حَقیقت اُوسته
تُوشِ رَنج و اِنزجاره دِینیلَه دِیانَت اُوسته
قَلبِ داغداری یاره صِدقیلَه صَداقَت اُوسته
فِعل و اِنفعالی صادق باشدا چوخ بَلاسی اِیوای

بارِ مَرگیلَه خَمیدَه تا او سَرو قامَت اُولدی
جَعفری لَره بو مُحنت بیر بُیوک مُصیبت اُولدی
شیعه عالمیندَه بَرپا بَر مَلا قیامت اُولدی
شیعه ذِکری آه و وادی جَعفری نَواسی اِیوای

نَعشینی گُوتوردی یِردَن شیعه جَمعِ کِثرتیلَه
مَردمِ مَدینه تَشییع اِئتدی چُوخلَی عِزّتیلَه
نَعشینین دالینجا دوشدی اَهلِ بِیتی حَسرتیلَه
شُور و شِینیلَه دِیردی خویش و اَقرباسی اِیوای

سَربَسَر مَدینه شَهرین دوتدی بانگِ وا اِماما
دِلدَه ذِکرِ وا اِماما گَلدی دادَه پیر و بُرنا
بیر یانا تَمامِ مَردم بیر یانا اِمامِ مُوسی
حَسرتی یاراتدی حَسرت نالَه و بُکَاسی اِیوای

اُوغلی تَک آتا غَمیندَه سینه داغلیان تاپیلماز
عارضَه دُولی گُوزیلَه اَشگی باغلیان تاپیلماز
چوخلار آغلاشار اُوغول تک لریک آغلیان تاپیلماز
خَلقی آغلادار دِیندَه شُوریلَه بالاسی اِیوای

تاپشُوروب امامِ هَفتم قَبره مِهربان آتاسین
هم جَوار اِئدوب امامِ باقره گُوزَل بالاسین
توپراقا قُویان زَماندا گظل جَمالِ حقّ نَماسین
سُویلدی سُولان جَمالِ پاک و حقّ نَماسی اِیوای

عارضه امامِ مُوسی شُور گُوز یاشین اَلَردی
شیعه لَر جَماعَتیلَه گُوگُلون آلماقا گَلَردی
دستِ رَاُفَتی لَه گُوزدَن گُوز یاشین اُونون سیلَردی
آغلاشاردیلار دِینده شیعه مُقتداسی اِیوای

کَربلایه شیعه لَردَن کاش بیر گَلَن اُولیدی
حضرتِ امامِ ساجِد حالینی بُیلَن اُولیدی
دَردینی نَدور بُولیدی گُوز یاشین سیلَن اُولیدی
سَس وِیریدیلَر دوشندَه شیعه مُبتداسی اِیوای

رَحم اِئدلَّه رَسمدور بُو هر مَریض و ناتوانه
سَهلدور که اِئتمیوبلَر رَحم او زارِ باغری قانه
اِئتدی طَعن سَعدین اُوغلی شِمر وُوردی تازیانه
غِیظین آرتیروب دِیندَه رَنج مُبتلاسی اِیوای

داغلی قَلبینی گَه اُودلار آهِ سَردِ غَم فَزاسی
خاطرین اِئدر پَریشان گَه اُوشاقلارین نَواسی
گَه وُورار آجی دِیلیلَه اَهلِ کُوفه دِیل یاراسی
عَمّه سی دِیر بَلالی قارداشیم بالاسی اِیوای

#تائبم گِدای مِسکین هاردا من کیمی گِدا وار
هاردا بِیلَه بابِ حاجَت هاردا سیز کیمی آقا وار
بیر اِئلَیم اُوزوم مَریضم سیزدَه نُسخهء شَفا وار
گر یازیلماسا اَلوزلَه نُسخهء شَفاسی اِیوای

التماس دعای فرج


زنده یاد حاج صادق
#تائب

#مجموعه_کانالهای_ادبیات_آئینی_عاشورایی

#خطاب_به_حضرت_امام_رضا_علیه_السلام


در این چَمن من اَگر گُل و یا که خارِ تُواَم
زِ بارشِ کَرمِ تو اُمیدوارِ تُواَم

زِ شِکوه چون گُل اَژدر دَهان دَهان بَستم
بَنفشِه وار سَر اَفکنده شَرمسارِ تُواَم

به باغِ بَندِگیت مِثلِ سُوسَن آزادم
چو دَسته سُنبلِ خُشکیدِه در کِنارِ تُواَم

مَهارِ مِهرِ تو چون اَشتَران مَهارَم کرد
بِه زیرِ بارِ گِرانِ تو در قَطارِ تُواَم

چو بَرق خَندهِ زَنم همچو رَعد
می نالم
چو اَبر فَصلِ بَهارِ تو اَشکبارِ تُواَم

زِ قَطره های گُهر بار مُوسِم نِیسان
صَدف مِثال پُر از درَِّ شاهوارِ تُواَم

دِلم چو غُنچه گُل از هِجرِ روی تو خون شد
چو لاله از جِگرِ خویش داغدارِ تُواَم

زِ دودِ سینه و اَشگِ دو چِشم و خونِ دِلم
بَنفشه زار و سُخن زار و لاله زارِ تُواَم

زِ دست رَفته جَوانی کُنون بدین پیری
بِسانِ بَچهء شیری به گَاهوارِ تُواَم

در آستانِ شَهِ طُوس #تائبم اِی دوست
دَخیلِ دَرگه و عَبدِ بُزرگوارِ تُواَم


#تائب

#شهادت_حضرت_امام_جواد_الائمه_علیه_السلام_گریز_به_قتلگاه


جَوادِ آلِ پِیغمبر اُولوب مَسمُوم جان وِئردی
حسینین سُو دِیوب جان وِئرماقین عِیناً نِشان وِئردی

زِ بُس غَم وِئردی یُوز چَکدی همیشه نالهء جانکاه
مَحاقه مایِل اُولدی چَرخِ عِزّتدَه اُولان بیر ماه
چَکوب طولِ مَصائب رشتهء عُمرین اِیدوب کُوتاه
جَوان وَقتیندَه جان اُول شَهریارِ اِنس و جان وِئردی

اییرمی بِش اِیل عُمرین اِیلیوب اُهلِ خَبر مَرقُوم
بُو آز عُمریله اُولدی اُول شَهِ دین لِیک چوخ مَظلوم
اِیدوبلَر عاقبَت غُربت وِلایتدَه اُونی مَسمُوم
یانوب دِلدَن اُونا هر لَحظه یُوز سُوزِ نَهان وِئردی

خَزانَه تا بَهارین صَرصَرِ بیدادی دوندردی
قَضا گُلچینی باغِ عُمرینین عِشرت گُلین دَردی
سارالدی گُلشنِ دینین عَطشدَن نُو گُل وِردی
اُونُون باده صَفاسین آفتِ بادِ خَزان وِئردی

اُورکدَه سُوزِ زَهرِ کین، جَمالیندَه ئولوم گَردی
یانوب دِلدَن یِره ئوز سینه سین حَسرتلَه سُورتَردی
باخاردی صاق صُولا گَه گَه او شاهِ دین سُو اِیستَردی
دِیدیقجا العَطش جامِ جِگر بیر کاسَه قان وِئردی

کنیزی گُوردی بُو حالی بیر اُوزگه حالَتَه قالدی
گِیدوب بیر جام سُو گَتدی اِمامین گُویلونی آلدی
سُو جامین آلدی اُمّ الفَضل غِیظیلَه یِره چالدی
سُوسُوز ئولماقینَه فِتوا او بَد عَهدِ زَمان وئردی

گُوزی یُولدا چَکردی آه، بُو عُنوانِ مَقتلدی
دِیردی ای خدا حَسرت اُوخی بُو سینه می دَلدی
نه وار جان اُوسته بیر هَمدَم، نه بیر اُوغلوم علی گَلدی
سَسیمَه سَس ئولَن دَمدَه، نه اُول شیرین زَبان وِئردی

اُولان ئوز عَهدینَه عشق عالمیندَه بَند و وابسته
چَکردی اِنتظارین اُوغلونون جان اُوستَه دِلخَستَه
سُو جامی اَلدَه حاضر اُولدی ئوز اُوغلی باشی اُوسته
آتائیلَه بالا دِل دَردینَه شَرح و بیان وِئردی

آتادان گَلدی آخر دَم اُوغول جُویای حال اُولدی
آتا گُوردی جَوانین سینه دَن زایل مَلال اُولدی
حسینی جان وِئرندَه دَرک اِیدَن امّا هِلال اُولدی
اُورکدَن اُودلانوب اَحوالینَه نِی تَک فَغان وِئردی

گُوروب بیر زَخمدار آهو کیمی دوشمُوش او دِلخَسته
چالور قان اِیچره دَست و پا وورالار زَخمی زَخم اُوسته
باخور حَسرتلَه سُویلور العَطش آهسته آهسته
هِلالین قَلبینَه رِقّت بُو اَندوهِ گِران وِئردی

خیال اِئتدی ئوزینَه حقّ یُولوندا آبرو وِئرسین
گُلِ مَقصودِ زَهرایه او چُولدَه رَنگ و بُو وِئرسین
او یالقیز بی کس و لَب تَشنیه جان اُوستَه سُو وِئرسین
نِشان ئوز همّتین گزلین مَرام اُوسته عَیان وِئردی

گِیدوب سُو گَتدی سیراب اِیلَسین اُول شاهِ عَطشانی
گَلندَه گُوردی یُولدا شِمرِ شُوم و نامُسلمانی
گُوزی یاشلی, اَلیندَه قانلی خَنجَردَن آخار قانی
دِیدی گِیتمَه حسینه خَنجریم آبِ رَوان وِئردی

دِیدی یُوخسا بَساطِ ظلم و کینه قورمُوسان ظالم
حسینی ئولدوروب زَهرا گُلین سُولدورمُوسان ظالم
ندَن بَس اَشگویلَه گُوزلَرین دولدورمُوسان ظالم
دوباره دانه اَشگین تُوکوب رُخسارَه سان وِئردی

دِیدی قان اِئتمیشم دوزدور بُو چولدَه قَلبِ زَهرانی
بُو گُون رَحم اِئتمیوب ئولدورمیشم مَعنای قرآنی
وَلی بُو ناله و فَریادیمین وار اُوزگَه عُنوانی
دولاندی قانیلَه دولموش چُوخور بیر یِر نِشان وِئردی

باخوب گُوردی او یِردَه بیر اُوجا قامَت خانم عُورت
دوتوبدور خیرداجا بیر قیز اَلیندَن سینه دَه حَسرت
وورور باشسیز جَنازه باشینَه دوره او خوش فِطرَت
دِیور قارداش سَنون تَک هانسی بیر مَظلوم جان وِئردی

باجون اُولسون اُورکدَه قالدی چوخ گزلین سُوزون قارداش
دِلیندَه العَطش باخدی سُویا حَسرت گُوزون قارداش
آتان ساقیّ کُوثر تَشنه جان وِئردون ئوزون قاراش
سَنه قان سُو یِرینَه تیغِ تیزِ جانستان وِئردی

عَزادارِ حسین فکری اِئدوب تَرغیب اُولوب بانی
چَکوب دور نَظمه #تائب بُو قَضایای غَم اَفزانی
نَصیب اِئت قَبرینی یارَب دیاق اُوردا بُو عُنوانی
جَوادِ آلِ پیغمبر اُولوب مَسمُوم جان وِئردی


#زنده_یاد_تائب

#مجموعه_کانالهای_ادبیات_آئینی_عاشورایی