#استغاثه_حضرت_زهرا_سلام_الله_علیها_از_خداوند_متعال_جهت_شفاعت_شیعیان


آغلارام دریای رَحمین، اِئتدی طوفان آغلارام
گُوز یاشیم دور اُمّتون دردینه دَرمان آغلارام

آغلارام من، سن باغشلا بینوا اُمّت لَری
آغلاماقدان گُوزیاشیم، هر چند اوُلا قان آغلارام

آغلیوب هرکیم حسینه سن گناهین عَفو اِئله
یوخ اوُلاردا طاقتِ چون نارِ نیران آغلارام

بو حسین دور، بو حسن، بو دیده گریان فاطمه
تا #دخیله یتمیه فرمانِ غُفران آغلارام


#دخیل_مراغه_ای

#مجموعه_کانالهای_ادبیات_آئینی_عاشورایی

کوچ
#حضرت_کلثوم_و_حضرت_ابوالفضل_علیهما_سلام


اُولوب حَرملَره کِوچماق زَمانی چون مَعلوم
جنابِ زینبه آهسته عرض اِیدوب کُلثوم

مَگر بو نوع بیزه تاپشوریدی
اُمَِّ بنین
که گُورمه مَیش گِیداخ عبّاسِ با وَفا بدَنین

ندَن زیارتنین شُوقی قَلبیوه دولمور
یاراسی چوخدی اُونون گلماقا یولی اُولمور

گرک گِیداخ هامولقجا دوتاق او سَروره یاس
وداعِ کامل اِیداخ چوخ وَفالی دور عبّاس

فراموش اِیتمه میشم من او زُبدهء ناسی
حسینیدَه گُورورم آشکار عبّاسی

حسین بویوردی اُوزی یا اَخا اِینان دلیمی
سنون اَلوی کَسن قَطع اِیدوب منیم اَلیمی

وَلیک باطنه ظاهر همیشه غالب دور
گِدوب گُوراخ که گُوگُل لَر بو اَمره طالب دور

یتوب فَرات کنارینه قُمریانِ علی
نه گُوردولَر یخلوب سَروِ بوستانِ علی

قریبلا قُول بُوداغین نه اَلی نه باشی قالوب
کَسوب بیری صاق اَلین صُول اَلین بیریسی سالوب

یاتوب یِره عَلمی، پاره پاره سُو مَشگی
گلوب فَرات کیمی جوشه گُوزلَرین اَشگی

سکینه وِیردی نشان خشگ اُولان سوسُوز دلینی
دِئدی که یول وِیرون اوّل اُوپُوم اُونون اَلینی

هامی بُولور او اَلین حقّی چوخدی بوینومدا
وِیروب اَلینی قویوب اللّریمی قوینومدا

توکُوبدی گُوز یاشینی اُول یتیمِ دلخسته
گُوروب عَموسینی سالدی اُوزون او نَعش اُوسته

گُورنده نَعشینی کفّارِ شام و کوفه سُویوب
دوداقلارین او کسیک قوللّارین یِرینه قویوب

عَمو عمو دِئدی اُوپدی قوللّارین دوردی
باتیردی اَللّرینی قانه باشینه وُوردی

اُولوم بو نَعشیوه قربان که پاره پاره دوشوب
سَبب ندور شُهدادن بیله کَناره دوشوب

سوسُوز قالانلارا سَقّائیدون بو چولدَه عَمو
باخاردیلار اَلیوه جمله سی سُو دلدَه عَمو

بو نُوعیله بدَنون قانیله اُولوب اَلوان
بویانموسان نه سَبب من اُولوم سنه قربان

یَقین جواب وِیرردون اگر اُولیدی دلون
نه قالدی مَشکیدَه سُو نه بدندَه قالدی اَلون

سکینه بلبلِ ماتمدی دللّری چوخدور
سوزین تمام بیان اِیتماقا دلیم یوخدور

گلوب دله او زَمان بیر اَسیرِ دل مَغموم
جنابِ حضرتِ عبّاس باجیسی کُلثوم

دِئدی که پیکری ای زَخمدار اُولان قارداش
دور ای ئولندَه اِیلیندَن کنار اُولان قارداش

نه حالیدور باجون ئولسون، آنان گُوزیندن اِیراق
یتشمشوق هامومیز باشون اُوسته باشه وُوراق

دییر فَغانیله زینب که با وَفا عبّاس
نقدر گلسه اَلیمدَن گرک دوتام سنه یاس

وَلیک وِیرموری مُهلت عَدو نه چاره اِیدیم
اِیدوبدی حُکم گُوزی یاشلی شهرِ شامه گِیدوم

آنان دِیوبدی توکم نَعشون اُوسته گُوزدَن یاش
مَگر منی سنه تاپشورمیوب آنان قارداش

باخوب اَسیرلَره شمرِ شُومِ بَد اَختر
دِئدی گرک اِیده سیز سیز دیارِ شامه سفر

اُوزوزه بو چولی مَنزل خیال اِیلمیون
دورون دوشون یُولا چوخ قیل و قال اِیلمیون

نه هایهودی نه غُوغا نه دلنشین سَس دور
نه آغلاماقدی قوشون تَنگه گلدی لَر بس دور

بُولُود کیمی دوتولوب دوشدی زینبِ پور شُور
دِئدی قبول اُولا گر بُوردا بیر سُوزوم وار دور

بُولاردیلار حَرم الله که صُغار و کُبار
روا دَگُل اِیده نامحرمانِ کوفه سوار

بولاردان اُوزلرینی شامیان کنار اِیده لَر
که بیر بیرین دَویه اُوزلَری سَوار اِیدلر

گُورردی چون یخلور بیر ضَعیف طفلِ یتیم
اِیدردی صاق صُولا اَگلنماقی اُونا تَعلیم

نشان وِیرردی یِرین اُولعَزیزه زَهرا وَش
مُقیّد اُول یخلارسان قزیم آغیر اَگلش

اُوزی قبولِ بلایا و زَحمت اِیلردی
اُوشاقلاری دَوه اُستوندَه راحت اِیلردی

#دخیل درگهِ آلِ علیّ عُمرانم
او آستانیه قُول، اُوز یِریمدَه سُلطانم

التماس دعای فرج


#دخیل_مراغه_ائ

#مجموعه_کانالهای_ادبیات_آئینی_عاشورایی

از اسب افتادن امام حسین ع و شهادت آن بزرگوار با مقدّمه

قتلگاه


بو مجلسی ملائکِ نُه کشور آختارور
فیض آلماقا تمامِ ملائکلر آختارور

شاهِ شهیده مرثیه خوان جَبرئیلدور
کُرسیّ عرشی روضه ایچون منبر آختارور

بیر سس گلور قولاقیمه آرامیمی آلور
گویا آتا اوغول ایتوروب سسلر آختارور

بیت الحزن مجاوری یعقوبدور مگر
مصرِ بلاده یوسفِ گُل پیکر آختارور

یا بیر جوان سسی ایشیدوب شاهِ کربلا
آت گزدورور او چولده علی اکبر آختارور

ظاهر بودور اوز اوغلونی آختارموری حسین
ایتمیش بهانه اکبری ، پیغمبر آختارور

اطرافِ رزمگاهی گزر حرمله مگر
تیر و کمان الینده علی اصغر آختارور

ایتمیش حسین اوز بدنین اوخلارا نشان
اوجِ وصاله اوچماقا بال و پر آختارور

آتدان دوشنده خیملره قاچدی ذوالجناح
گویا غریب صاحیبینه یاور آختارور

شیهه چکوب دییردی گَلون ای غریبیلر
میداندا بیر یارالینی مین کافر آختارور

ناگه نه گوردولر دولانور خیمه نی باجی
قارداش گوزونی باغلاماقا معجر آختارور

زینب او دمده قارداشین آختارماقا گلوب
گوردی کی قارداشی سورونور خواهر آختارور

گاهی دونور بقیعه طرف سسلنور آنا
گَل کربلایه اوغلون ئولور مادر آختارور

کیمدور ویره بو حالیمی عبّاسیمه خبر
بیکس حسین تشنه ئولور ساغر آختارور

ناگه نه گوردی شمر گوزون قان دوتوب گلور
امّا الی بلینده گزر خنجر آختارور

خنجر قویاندا گوردی گوزین چوخ دولاندیریر
سسلندی یاحسین کیمی بو گوزلر آختارور؟

فرمایش ایتدی منتظرم صون نفسده من
زهرانی بیر گوزوم بیریده حیدر آختارور

گاهی یرور گهی دایانور صاق صولا باخور
خلوتگهِ حسینی پوزا پیکر آختارور

باخمیب یارالیدی او دنی چیخدی صَدرینه
کسسون باشین نه طرزیله پشتِ سر آختارور

زینب نه گوردی باش کسیلیب تیتروری بدن
بولدی یقین تازه کسیلمیش سر آختارور

تا امّته شفاعت ایده شاهِ کربلا
قانلی باشی الینده گزر محشر آختارور

ایتدی سبیل گوز یاشینی سلسبیل تک
گویا (دخیل) محشر اوچون گوهر آختارور.

#دخیل_مراغه_ای

🌺 نویسنده و ویرایش کننده از : جناب آقای کربلایی بهروز کریمی 🌺

وداع امام حسین علیه السلام

تا دفترِ غمِ شَه بی یار اَلیمده دور
یوخدور غمیم که دامنِ دلدار اَلیمده دور

دستِ خیال چنگ ووروب زلفِ زینبه
سر رشته ِیِ مطالبِ اسرار اَلیمده دور

قلبیم ایشیقدی عالَمی ظلمت دوتا اگر
فانوسِ شمعِ مَعدنِ اَنوار اَلیمده دور

قُویماز منی مُعَطَّل اولام صاحبِ عزا
ناله اِیدن زماندا دلِ زار اَلیمده دور

یالقوز قالوب حسین ، چکوب نعره شمرِ دون
میدانه گَل که تیغِ شرر بار الیمده دور

باخما صاقا ، صولا ، که تمامه یتوب ایشون
صاق و صولومدا لشکرِ اشرار الیمده دور

وِیردی جواب ایلمه تشویش ، ئولماقا
آماده ام که نامه یِ اقرار الیمده دور

امّا بیر آز دایان که طبیبه گَلوب مریض
نبضِ ضعیفِ عابدِ بیمار الیمده دور

نسخه یازوم گیدوب آلا بازارِ شامدن
وار نفعی چون مَظَنّه ِیِ بازار الیمده دور

میندی آتا دوتوب جلوین زینب عرض ایدوب
قویمام گیده نقدر بو اَفسار الیمده دور

تا تَرپَدوب اَلینی اَیاقینی باغلارام
محکم طناب طُرِّه ِیِ طَرّار الیمده دور

یا آغلارام که سو دوتا کرب و بلا چُولون
سِیلاب اشگ ، دیده ِیِ خونبار الیمده دور

یا خیردا قیزلاری دوزرَم باشوه تمام
باشی قَرالری هر نه حرم وار الیمده دور

قیلّام اشاره جمله تُوکولسون اَیاقوه
چون اختیارِ عترتِ اطهار الیمده دور.

مرحوم #دخیل

التماس دعای فرج

#زبانحال_حضرت_علی_اکبر_شاهزادهء_علیهم_السلام_خطاب_به_لشکریان_امویان


ای جَماعت آتامون من دُرِ دُرانه سیَم
آنامون یوخ داخی اُوغلی، بیرِ بیردانه سیَم

وورموشام شُعلهء شَمعِ رُخِ یاره اُؤزومی
اوُد دوتوب بُولمرم اصلاً اؤزومی نه سُوزوی
یاریم اوُد ووردی منه یُومدی جَهاندا گُوزومی
یانورام یاندیرارام عالمی پَروانه سیَم

خُمِ میخانهء عشقم منِ پیمانه پَرست
اُولموشام ساغرِ مَجلس اُولالی کاسه شکست
دولانوب صَفلَری بیر بیر گَزرم دَست به دَست
گُتوروب گَردشه ساقی منی پیمانه سیَم

قان گُوروب باشدان آشور گُور نجه تدبیر اِئلیوب
داغیدوب کاکلی قان جِسرینی زَنجیر اِئلیوب
داش دوزوب دوره مه اطرافیمی نَخجیر اِئلیوب
اوُدی آباد اِئلین من اوُدی وِیرانه سیَم

زلفِ پُر چینیمی توکدی یُوزمه دام اِیلدی
خالیله دانه سَپوپ مُرغی اُونا رام اِیلدی
آنامی خیمه دَه بی طاقت و آرام اِیلدی
یُوز قویوب دامیمه مُرغِ دلینین دانه سیَم

من که مفتونم اُونا عالمی مَفتون اِئدرم
شُور و فریادیمیله دَهری دِگر گُون اِئدرم
بیر حَزین آهیله یُوز لِیلینی مَجنون اِئدرم
بَلی مَجنون اِئدرم لِیلینی دیوانه سیَم

مَحرمِ خلوتِ جانان بولی جاناندا نه وار
صَدف اِیستر که بُوله شاخهء مَرجاندا نه وار
بونی جانانه بُولَر بس که بو بیر جاندا نه وار
آلالار مین جانا وِئرمز منی جانانه سیَم

مُرغِ خوش لَهجه سیم لَهجهء گُفتاریمیلَه
طوطیِ ناطقیم نَطقِ شَکر باریمیلَه
چشم و قدّ و رُخ و زلف و خطِ رُخساریمیلَه
نرگس و سَروِ گُل و سُنبل و رِیحانه سیَم

آزالوب جُود و سَخاوت چوخ اُولوب نَخل نَخیل
کسیلوب بارشِ رَحمت قوریوب نَخل نَخیل
شاعر الحقّ که #فُضولیدی نوالیدی #دخیل
#تائبم من اُولارین دَهریدَه اَفسانه سیَم

التماس دعای فرج


#شیخ_اسماعیل_تائب

#مجموعه_کانالهای_ادبیات_آئینی_عاشورایی

❇️❇️❇️

#دخیل

🎥⭕️ برگ سبزی ست تحفه ی درویش

اجرا :
‏#صابر_خراسانی
#حسین_خلجی
شاعر:
محمد حسین ملکیان
علی اکبر حائری

🔹با نگاهت حتی سنگم بها میگیره
🔸لطفت آقا خشت خام و طلا میگیره
🔹تو بخندی شک ندارم دعام میگیره
🔸ساعت هشت یک مریض تو حرم شفا میگیره

#میلاد_نور
#سلطان_ایران_زمین_امام_رضاع
#امام_رضایی_ام 💚💚💚💚💚💚💚💚

#رجز_‌حضرت_‌علی_‌اکبر_علیهم_السلام


ای جماعت آتامون من دُر دُردانه سیم
آنامون یوخ داخی اوغلی، بیر بیر دانه سیم

وورموشام شعلهء شمع رخ یاره اوزومی
اود دوتوب بولمرم اصلا اوزومی نه سوزومی
یاریم اود ووردی منه یومدی جهاندا گوزومی
یانورام یاندیرارام عالمی پروانه سیم

خُم میخانهء عشقم من پیمانه پرست
اولموشام ساغر مجلس اولالی کاسه شکست
دولانوب صفلری بیر بیر گزرم دست به دست
گتوروب گردشه ساقی منی پیمانه سیم

قان گوروب باشدان آشور گور نجه تدبیر ایلیوب
داغیدوب کاکلی قان جسرینی زنجیر ایلیوب
داش دوزوب دوره مه، اطرافیمی نخجیر ایلیوب
اودی آباد ایلین من اودی ویرانه سیَم

زلف پُر چینی توکدی یوزومه دام ایلدی
خالیله دانه سپوب مرغی اونا رام ایلدی
آنامی خیمه ده بی طاقت و آرام ایلدی
یوز قویوب دامیمه، مرغ دلینین دانه سیم

من که مفتونم اونا عالمی مفتون ایدرم
شور و فریادی میله دهری دگرگون ایدرم
بیر حزین آهیله یوز لیلینی مجنون ایدرم
بلی مجنون ایدرم لیلینی دیوانه سیم

محرم خلوت جانان بولی، جاناندا نه وار
صدف ایستر که بوله شاخهء مرجاندا نه وار
بونی جانانه بولر بس که بو بیر جاندا نه وار
آلالار مین جانا ویرمز منی جانانه سیم

مرغ خوش لهجه سیم، لهجهء گفتاری میله
طوطی ناطقیم، نطق شکر باری میله
چشم و قدّ و رخ و زلف و خط رخساری میله
نرگس و سرو و گل و سنبل و ریحانه سیم

آزالوب جود و سخاوت، چوخ اولوب نخل نخیل
کسیلوب بارش رحمت قوریوب نخل نخیل
شاعر الحق که #فضولیدی، نوالیدی #دَخیل‌
#تائبم من، اولارین دهرده افسانه سیَم

التماس دعای فرج

#زنده_یاد_تائب

#مجموعه_کانالهای_ادبیات_آئینی_عاشورایی

#ورود_به_مدینه_آمدن_جناب_عبدالله


به امر سید سجاد ، اهل بیت ملول
ایدوب حوالی یثربده بیر مقامه نزول

بویوردی تا ایده لر مجلس عزا برپا
او سرزمینده اولا تازه ماتم شهدا

او دم قورولدی سراپرده امام حسین
آچلدی ماتم ایچون چتر احترام حسین ع

گیدوب او خیمه پر شوره زینب نالان
بتول وارثی ام المصائب دوران

گتوردی ناله سی روح بتولی فریاده
بهشت عدنده اولدی فغانه آماده

بویوردی حاضر ایدون کربلا نشانه لرین
نظامیلن دوشیون آغلاماق بهانه لرین

یتوردی زینتینی مجلسده اتمامه
که قویدی صدریده بیر قانه باتمش عمامه

مرتب اولدی او یرده اساس ماتم و غم
گلوبله شیونه یکسر مخدرات حرم

ئولنلری هامی اوخشاردیلار به ناله و آه
نگوردوله که گلور پیشوازه عبدالله

یتوب کنارینه تا چادرون او کان ادب
ویروب سلام یویوردی هانی خانم زینب؟

ایشتدی تا بو سوزی زینبون قاچوب رنگی
مبدل اولدی بیر اوزگه هوایه آهنگی

او آغ ساچینه قرا معجرینه بیر باخدی
کمان قدینه دونوب باخدی گوز یاشی آخدی

بویوردی باجسینا اول بلاکش مظلوم
عم اوغلوموندی بو سس ، چاره قیل باجی کلثوم

منی بو حالتیله غفلتا اگر گورسون
مباد شدت غمدن اوزونی ئولدورسون

بو قاره معجری بو آغ ساچی ، بو قد کمان
اوزون قباقجه گیدوب بیر دلیله ایله بیان

اگر چه وحشتی چوخدور یواش یواش ایله رام
سنه باخوب منی گورسه بیر آز دوتار آرام

چیخوب قباقینه کلثوم با ملال و الم
ویروب جواب بویوردی سلام یابن العم

باخوب او غم زدیه چکدی قلبیدن بیر آه
گلوب کلامه بویوردی دوباره عبدالله

دئ بیر منه گوروم ای بانوی دیار تعب
هانی عراقه گیدن فاطمه قیزی زینب؟

ندندی من دیدیقیم گلمدی او کان وفا
بویور صریحنی یوخسا ئولوب او کان حیا

گجه گوندوز ایدرم ناله اشتیاقیندان
گوزتلورم گله بیرجه اوپم ایاقیندان

دئدی که صاقدی ولی آدی واردی بی جاندور
مدینه ده گورسن ایمدی چوخ پریشاندور

قبول قیل سوزومی دادیوه علی یتسون
یوخومدی تاب اگر صاقدی بیر گوروم گیتسون

قیتدی خیمیه کلثوم اشکبار و ملول
بویوردی زینبه ای دختر عزیز بتول

اگر چه ایمدی رضا ویرموسن سنی گورسون
ولی نه چاره عم اوغلون دیور اوزی گلسون

ایشتدی تا بو سوزی تازه دن اولوب بی تاب
کسلدی چاره سی آغلار گوزیله ویردی جواب

یانیمجا گل باجی کلثوم محنتیم چوخدی
دانشدیراندا منی ، سن دانش دلیم یوخدی

قرالیام نه دیوم من او زار شوهریمه
گیداخ یانیمجا باجی سن دانش منیم یریمه

هزار شرم و حیائیله زینب پر غم
چیخوب قباقه بویوردی سلام یابن العم

جواب ویردی علیک السلام، سن کیمسن؟
ندندی گلمدی زینب اولوم فدا اونا من

دئدی کناریده گزمه یاخوندی چون مطلب
گوتور حجابی یوزوندن یانوندادور زینب

دوشوبدی گوگلومه شرمنده لیق اودی یانورام
تانیمسان منی ، من بینوا سنی تانورام

تانمیسان منی بولمه فلک بیله دولانور
من ستم زده نی آغلیاندا شمر تانور

عمون علی قیزیام ، چوخدا ایلمه تکرار
منی بو حالیله چون گورمیوبسن عذرون وار

دئدی یقین که قالور دوست دوست یادینده
بو حال اوخونموری چون زلفوین سوادینده

عزیز فاطمه حیدر کیمی گلور نفسون
من آختارانسان اگر دوتقون اولمییدی سسون

هانی او چهره گلرنگ و عارض گلنار
هانی او طره شبرنگ و زلف عنبر بار؟

اولوبدی گل یوزون افسرده ایتمیسن ناله
مگر نولوبدی سنه ؟ قالموسان بو احواله

باشین سالوب اشاقه زینب حمیده صفت
جوانلارین طرفندن چکردی چون خجلت

دئدی عم اوغلی دیمه راه و رسمدن دورم
ایکی جوانون ئولوب منده خیلی معذورم

دئدی تکلم ایله ای نجیبه دوران
که باغریمی ایلیوب هجر محنتی القان

دئدی ندن گوزیوین نوری بو قدر آزالوب
دئدی گوزوم ایشقین آغلاماق الیمدن آلوب

دئدی ندندی اولوب گوزلرون بیله گریان؟
دئدی شهید اولوب قارداشیم حسین عطشان..

#دخیل_مراغه_ای

از اسب افتادن امام حسین ع و شهادت آن بزرگوار با مقدّمه

قتلگاه


بو مجلسی ملائکِ نُه کشور آختارور
فیض آلماقا تمامِ ملائکلر آختارور

شاهِ شهیده مرثیه خوان جَبرئیلدور
کُرسیّ عرشی روضه ایچون منبر آختارور

بیر سس گلور قولاقیمه آرامیمی آلور
گویا آتا اوغول ایتوروب سسلر آختارور

بیت الحزن مجاوری یعقوبدور مگر
مصرِ بلاده یوسفِ گُل پیکر آختارور

یا بیر جوان سسی ایشیدوب شاهِ کربلا
آت گزدورور او چولده علی اکبر آختارور

ظاهر بودور اوز اوغلونی آختارموری حسین
ایتمیش بهانه اکبری ، پیغمبر آختارور

اطرافِ رزمگاهی گزر حرمله مگر
تیر و کمان الینده علی اصغر آختارور

ایتمیش حسین اوز بدنین اوخلارا نشان
اوجِ وصاله اوچماقا بال و پر آختارور

آتدان دوشنده خیملره قاچدی ذوالجناح
گویا غریب صاحیبینه یاور آختارور

شیهه چکوب دییردی گَلون ای غریبیلر
میداندا بیر یارالینی مین کافر آختارور

ناگه نه گوردولر دولانور خیمه نی باجی
قارداش گوزونی باغلاماقا معجر آختارور

زینب او دمده قارداشین آختارماقا گلوب
گوردی کی قارداشی سورونور خواهر آختارور

گاهی دونور بقیعه طرف سسلنور آنا
گَل کربلایه اوغلون ئولور مادر آختارور

کیمدور ویره بو حالیمی عبّاسیمه خبر
بیکس حسین تشنه ئولور ساغر آختارور

ناگه نه گوردی شمر گوزون قان دوتوب گلور
امّا الی بلینده گزر خنجر آختارور

خنجر قویاندا گوردی گوزین چوخ دولاندیریر
سسلندی یاحسین کیمی بو گوزلر آختارور؟

فرمایش ایتدی منتظرم صون نفسده من
زهرانی بیر گوزوم بیریده حیدر آختارور

گاهی یرور گهی دایانور صاق صولا باخور
خلوتگهِ حسینی پوزا پیکر آختارور

باخمیب یارالیدی او دنی چیخدی صَدرینه
کسسون باشین نه طرزیله پشتِ سر آختارور

زینب نه گوردی باش کسیلیب تیتروری بدن
بولدی یقین تازه کسیلمیش سر آختارور

تا امّته شفاعت ایده شاهِ کربلا
قانلی باشی الینده گزر محشر آختارور

ایتدی سبیل گوز یاشینی سلسبیل تک
گویا (دخیل) محشر اوچون گوهر آختارور.

#دخیل_مراغه_ای

#حضرت_رقیه_س_مدح_و_مرثیه
#احوالات_خرابه_شام



#خرابه_منزل_اولوب_اهل_بیت_طاهایه
یتشدی ناله سسی اوج عرش اعلایه


هنوز هر بیری بیر یاندا دوتمامیش آرام
بیر اؤزگه غم وئروب اَل اهل بیت زهرایه


بیری بیرینه خبر ایلوب اهالی شام
که دسته دسته گلوب لر اودم تماشایه


طمعلنوب بیریسی ایستدی امامی غلام
هزار لعن بو بی آبروی دنیایه


بیری دیردی ساتال‍ّار تمامینی آلّام
یزیدی راضی اگر ایلیم بو سودایه


او وقته زینب کبرایه ال ویروب رقت
کمالی چون واریدی چوخ علی اعلایه


بویوردی کور اولاسوز،باخمیون،کناره دورون
نه طعنه دور؟ نه تماشا؟حریم والایه


زنان و مرد،کنیز و غلامسوز بیزه سوز
قسم جناب بتول و رسول بطحایه


همین خرابده آدمدی بیزلره دربان
گوروبدی چون بیزی خاتون انسی حورایه


بیوک حرملره خدمتگزار مریم دور
بو خوردا قیزلارا حوا و سارا دور دایه


همان جوان کی سنق پاییه ائدوب تکیه
اونون آدی یازیلوب عرشه تا تاپوب پایه


اوزی مریضیدی اما بونیلا روح الله
اودور حیات وئرور بیر نفسده عیسایه


ضعیف جانیله چون اللرین اوپوبدی عصا
اودور عصاسی وئرور جان عصای موسایه


چکوبله داره طنابیله دار دنیاده
وئروبدی دار بلادن نجات عیسایه


یتیشمیشوق تازه بیز بیر قویون اولاق راحت
سالوبلا بیزلری مدتدی کوه و صحرایه


غریب ئولکه،خرابه مکان،قرخا یاخون
اسیر عورت اوشاخ کیم دوشوب بو غوغایه


آچوقدی باشلاریمیز باخمیون سیزی تاری
گئدون داخی داغیلون دورمیون تماشایه


اگر بیزی تانوساز هتک حرمت ایلمسوز
بیزوک که نسبتیمیز وار بتول عذرایه


ائدوبدی خلقه تولا بیزی خدا واجب
نجه روادی خدایا قالاق تولایه


نوایه گلمگه وار گلشن عزاده ((دخیل))
نه احتیاج داخی عندلیب شیدایه


#دخیل_مراغه_ای_ره