كمل خطتهم شايبهم ناده
ساتر صيرو اكبال اخيام الساده
عله الصاحب ما نقبل
ابو اليمه يدلل
///////////////////////////
صعدو عله امتون الشكر _ حسين ابتسم شال ايده
هدو مثل هدت صكر _ ويدور اعله الصيده
الما راد مي من كوثرك _ خلهه الشريعه تفيده

يحي الله الشايب _ عله الرايه شكاتب
النحر انطي سهله _ ولا انطي بصاحب

الفاز بحبه كون اهواي اجروحه
ما يتراجع من اسهام اتلوحه
اله بروحه مايبخل
ابو اليمه يدلل
///////////////////////////
عركت كصصهم مستحه _ زينب بجت سمعوهه
خطت حربهم بالدمه _ اكبال الخيم رسموهه
لوما حسين الهم طلع _ جان الارض كلبوهه

وهب شد احزامه _ وزعل وي احلامه
سجد كدام حسين _ وركض طاف اخيامه

تشابك وي حسين بلهفه وباسه
كله اليوصل يمك اكطع راسه
وهب ناده انه اول
ابو اليمه يدلل
///////////////////////////
عابس طلع لم الحجي _ انتبهتله كل الحومه
لاكه السيوف بكل عشك _ والما يعرفه يلومه
شمرهن بوجه الشمس _ درع الحرب وهدومه

نزل عنده شمره _ ذبح عشره عشره
السبع بيكم احسين _ يمس منه شعره

نافع كله اليوم تخبل طالع
شفتك فرحان امن احسين شسامع
عشك هذا يالتسأل
ابو اليمه يدلل
///////////////////////////
واحد طلع بين الزلم _ هب عالمخيم عطره
يراد الي حض وبخت _ ويقبلني ابن الزهره
جون بسماره ابيض كلب _ حب الحسين بفطره

فرح صاحو اسمه _ ركض وانطه دمه
شرف هذا اليه _ ابو اليمه اخدمه

شاف حسين اباب اخيامه ويدعي
مايتجازون اشأنطيهم ربعي
ابتشر وجهه وصار اجمل
ابو اليمه يدلل
/////////////////////////////////
كلبو موازين الحرب _ من هوسو بالرايه
شتريد كالو بت علي _ نجيب الفرات ومايه
صحبتنه مو صحبة وكت _ هنا ثبتت الوفايه

شكر لله صلو _ بشكو غالي ضحو
يحي الله الانصار _ فرد هده هدو

حسين يكلهم انتم مثل اخواني
واحد ضل يشد بعزم الثاني
اليشد عزمه يتوكل
ابو اليمه يدلل
///////////////////////////////
استرخصو من الخيم _ وزينب عليهم سلمت
صاحو فرد صيحه علي _ هسه الحرب كالو حلت
غيرتهم تنكط وفه _ ضهور الخيول تبللت

قروهه القصايد _ وابو اليمه شاهد
ارتبك جيش اميه _ رجع كله شارد

عل خطه الرسموهه حسين الوقع
اكبر جيش اكبال انصارك يركع
بقت قاده تتوسل
ابو اليمه يدلل
//////////////////////////////
تمت ____ علاء الزيدي


#اللهم_عجل_لوليك_الفرج
◇◈◇⇩..تابعونا..⇩◇◈◇

🌐قناة القصائد الملحنه🌐
♦️❄️عشاق الحسین❄️♦️
👇👇👇👇👇
🆔https://t.me/ashaghalhossein

🌐قناة القصائد النسائیة🌐
👇👇👇👇👇
🆔https://t.me/ghsahdhossinyat

🌐قناة خاصة للنعي🌐
👇👇👇👇 👇
🆔https://t.me/ashaghalhossein4

🌐قناة خاصة الأبوذیة🌐

👇👇👇👇 👇
🆔  https://t.me/ashaghalhossein3

🌐قناة خاصة للمواليد🌐
👇👇👇👇👇
🆔https://t.me/ashaghalhosseinn

🌐قناة قصايد فارسية🌐
👇👇👇👇👇

🆔https://t.me/madahifarsii

🔻کروب  للتلحین قصاید📝
👇👇👇👇
🆔 https://t.me/https://t.me/ashaghalhossein2

📲Whatsapp
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

شايبهم ناده

ماشفت ا صحاب مثل اصحابي
راداني    الموت    حرسو بابي
ذوله اصل العز واهل النخوه//    حي الله حي الله
سجل      ياتاريخ    الخوه    //    حي الله حي الله
@@@@@@@@@@@@@@@@
يالله ياتاريخ سجل ملحمة وادي الطفوف
وهب نصراني وتشيع كال جنه حسين اشوف
ابد ماهزهم كثافة جيش ينعد بالالوف
مثل انصار العقيده ابدنيتي لامااشوف
خوتكم هاي وين الكيه
منهاج اتصير نمشي عليه
من سبعين اورادو عطوه  //حي الله حي الله
سجل ياتاريخ الخوه         //حي الله حي الله

@@@@@@@@@@@@@@@@

قادة الجيش الحسيني عابس وجون وحبيب
صاحو بصوت العشاگه ما نعوفك يالحبيب
دام ابو فاضل ويانه ما يصير اسمك غريب
احنه من عندك عزمنه وبينه ضنك ما يخيب
درسوها اجيال هاي الغيره
وشال الماي وجه ايديره
طشر جيش اوفاتح فجوه  //  حي الله حي الله
سجل ياتاريخ الخوه         // حي الله حي الله
@@@@@@@@@@@@@@@@@
ذوله انصار العقيده وهمه مرسال السلام
نصرو حسين ابدماهم ابوكت ممنوع الكلام
سور صارو عالمخيم دمهم الحنه الخيام
درع صارولي ابصلاتي اصدورهم صد لسهام
غيره ونوماس ذوله انصاري 
طفو ياناس بلطف ناري
كالو حب احسبن اليسوه  // حي الله حي الله
سجل ياتاريخ النخوه      //  حي الله حي الله
@@@@@@@@@@@@@@@@
غربليت اصحابي كلهم اطمني ياام الدلال
ذوله مابيهم يخون كلهم ارويحة حلال
من يصل ظلج يازينب  حتى بطيوف الخيال
لو نفس موجود بيهم منهو يوصلج  محلال
عوجيته الشيخ هوس بيه
الخيمه البي زود يكرب ليه
رد الجيش اتقدم خطوه   //حي الله حي الله
سجل ياتاريخ الخوه       // حي الله حي الله
@@@@@@@@@@@@@@
هو مو اي كان يوصل وهالشرف هذا ينول
بعد ماجابت الدنيه ابد من هاي الفحول
ذوله لاجل الدين باعو دنيا واموال اوخيول
بقسوت الموت ابتسمتو والله حيرتو العقول
صاحو هيهات منه الذله
عنك ياحسين مانتخله
بالموت وغارك بالنجوه   // حي الله حي الله
سجل ياتاريخ الخوه     // حي الله حي الله
@@@@@@@@@@@@@@@@@


الشاعر
حسين الزيدي

#اللهم_عجل_لوليك_الفرج
◇◈◇⇩..تابعونا..⇩◇◈◇

🌐قناة القصائد الملحنه🌐
♦️❄️عشاق الحسین❄️♦️
👇👇👇👇👇
🆔https://t.me/ashaghalhossein

🌐قناة القصائد النسائیة🌐
👇👇👇👇👇
🆔https://t.me/ghsahdhossinyat

🌐قناة خاصة للنعي🌐
👇👇👇👇 👇
🆔https://t.me/ashaghalhossein4

🌐قناة خاصة الأبوذیة🌐

👇👇👇👇 👇
🆔  https://t.me/ashaghalhossein3

🌐قناة خاصة للمواليد🌐
👇👇👇👇👇
🆔https://t.me/ashaghalhosseinn

🌐قناة قصايد فارسية🌐
👇👇👇👇👇

🆔https://t.me/madahifarsii

🔻کروب  للتلحین قصاید📝
👇👇👇👇
🆔 https://t.me/https://t.me/ashaghalhossein2

📲Whatsapp
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

تاريخ الخوه

((النصير قليلُ))


مـن ذا يـقدمُ لـي الـجوادَ ولامـتيّ
والـصحبُ صـرعى والنصيرُ قليلُ
فـأتـتـهُ زَيــنـبٌ بـالـجـواد تــقـودهُ
والـدّمـع مــن ذِكـرِ الـفراقُ يـسيلُ
وتـقولُ قـد قـطّعت قلبي يا أخي
حُــزنـا فـيـا لـيـتَ الـجِـبال تــزولُ

مـــــاعنـــدك ولا نــــاصر
جبــتلك مهرك ودرعــك
الطــف بيبـــانها هــــوايه
بالــــك ينكـسر ضــلعــك
بالك ينسحگ طــــولــك
اليطشرك يجهل يجمعك

مـــــــو بس شيبيته    گلـــبي گطعيته
ازفك بيدي للموت    وعمري غربيته

الله وياك .. راح ألگـــاك .. بالصحره
أندل وين .. خويه حسين .. عــالغبره

خويه حسين ...
                """""""""""""""""""""""""""""""""""''''''''''

فَـلِمن تـنادي والحماةُ على الثرى
صــرعـى ومـنــهـم لا يــبـلّ غـلـيلُ
مـا فـي الـخيام وقـد تـفانى أهـلها
إلا نـــــســــاء ولــــــــةٌ وعــــلـــيــلُ
أرأيـــت أخــتـا قــدّمـت لـشـقـيقها
فــرس الـمـنــون ولا حـمى وكـفيلُ

هم شايف اخـت مثلي
اخوها اتقدمه للمذبح
شگواتك ياگلب زينب
نـــــارك بالضلع تلفح
راح اتكــــسر ضلوعي
ياگلبي وشــريد اشرح

يحسين وغــلاتك    ترى بغربه خواتك
بس اتودع انموت    وتكثـــر نايبــــاتك

والّ ياحيف .. هذا السيف .. يوميلك
يـــــالوعات .. والدمعــات .. تشكيلك

خويه حسين ...

"""""""""""""""""""""""""""""""""""''''''''''

فبكت وقالت يا ابن أمي ليس لي
وعـليك مــا الصبر الجميل جميلُ
يـا نـور عـيني يـا حـشاشةّ مهجتي
مـــن لـلـنـساءِ الـضـائـعاتّ دلــيـلُ
ورنــت إلــى نـحـو الـخـيام بـعولةٌ
عـظمى تـصبّ الـدمـع وهي تقولُ

هــــم يــــــلله تودعنه
ماشي حسين مايرجع
شمَـن نحــره وعـيونه
شويـه ونحره يتگـطع
شـويه وينهــدم طوله
ولا ينــضرنه لا يسمع

ساعه وراسه عالي    ويتبــده دلالــــي
كون نموت ويــاك   غالي بصفه غالي

والخيمات .. محـروگات .. تنسلب
ماتــــرتاح .. فوگ ارماح .. تتعذب

خويه حسين ...

"""""""""""""""""""""""""""""""""""''''''''''

قـومـوا إلــى الـتوديع إنّ أخـي دع
بـــجــواده إنّ الـــفــراق طـــويــل

فـخـرجن ربــات الـخـدور عـواثـر
وغــدا لـها حـول الـحسين عـويل

الله مــا حــال الـعـليل وقــد رأى
تــلـك الـمـدامـع لــلـوداع تـسـيـل

العليل بعثرةّ انفــاسه
وحمول الحـزن ثگلن
رقيه وفاطمـه وسكنه
من برج الخدر طلعن
بثوبك لَزِمَــــتّ زينب
وعيون العشگ وَنَــن

چنها وهـاي هــــيه   روحــه بغــــير جيه
اسم زينب يذبحـوهّ  الجديد اسمي سبيه

اسمي يروح .. هم مذبوح .. بغيابك
خيــمه ونار .. فدوه اندار .. لترابك

خويه حسين ...

"""""""""""""""""""""""""""""""""""''''''''''

فـيـقـوم طـــوراً ثـــم يـكـبـو تــارةٌ
وعــراه مــن ذكــر الــوداع نـحول

فــغـدا يــنـادي والــدمـوع بـــوادر
هـل لـلوصول إلى الحسين سـبيل

هـــذا أبــيَ الـضـيم يـنـعى نـفـسه
يــــا لـيـتـنـي دون الأبــــيّ قـتـيـل

يريت آنـــه انذبح بويه
ألــف مـره ويذبحـوني
أنه السجـــاد وعـذرني
الرسـاله هادله متـوني
المفـروض افزع بهمي
ومثل جاسم يگطعوني


واطيح بصف الاكبر   وهم جسمي ايتوذر
بس دلالي مذبـــوح   گبل عبدالله الاصغر

بس الخــيل .. تسحگ حيل .. بضلوعك
وداير جيش .. طفــــو ليش .. يشموعك

خويه حسين


الشعر الفصيح
الـشـيخ مـحـمد نـصـار

عبد زينب
محمد الابراهيمي

#اللهم_عجل_لوليك_الفرج
◇◈◇⇩..تابعونا..⇩◇◈◇

🌐قناة القصائد الملحنه🌐
♦️❄️عشاق الحسین❄️♦️
👇👇👇👇👇
🆔https://t.me/ashaghalhossein

🌐قناة القصائد النسائیة🌐
👇👇👇👇👇
🆔https://t.me/ghsahdhossinyat

🌐قناة خاصة للنعي🌐
👇👇👇👇 👇
🆔https://t.me/ashaghalhossein4

🌐قناة خاصة الأبوذیة🌐

👇👇👇👇 👇
🆔  https://t.me/ashaghalhossein3

🌐قناة خاصة للمواليد🌐
👇👇👇👇👇
🆔https://t.me/ashaghalhosseinn

🌐قناة قصايد فارسية🌐
👇👇👇👇👇

🆔https://t.me/madahifarsii

🔻کروب  للتلحین قصاید📝
👇👇👇👇
🆔 https://t.me/https://t.me/ashaghalhossein2

📲Whatsapp
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

النصير قليلُ

مگطع علي وشلون المنه     ويگلي صدري من الزمنه
جرح الولد جبير       لميته بالحصير
****
علي طاح ورحت اركض   ركضت الفاگد ولد
من لگيته مگطعينه         جبدي ياناس انمرد
من المهر ذبيت روحي        شنهي ظلتها بعد
مددت طولي وي طوله     وگتله اگعد ما گعد

ضميته حيل وگمت اشمنه    احضن كتر يوگع كتر منه
وتحيرت شصير      لميته بالحصير
**
عالتراب مطشرينه               والجسد كله جراح
والله گلبي ايطيح مني      لو كتر من عنده طاح
شكثر طعنوه بالخناجر         والاشد طعن الرماح
وعالمخيم درت عيني   وصحت زينب علي راح

التمو عليه والطعنه عالطعنه   وللخيمه حرت اشلون ارجعنه
بعيوني گمت ادير      لميته بالحصير
**
امسح بجرحه وشوفه    من العطش ريجه يبس
وحتى مابي حيل يحجي   ضايگ بصدره النفس
ليش ما جاباه اليه             وضيع الخيمه الفرس
بالسيوف موذرينه           وجسمه طعنات انترس

بويه الوداع ايگلي اسمعنه     ووليدي حرت شلون اودعنه
فارگني بالاخير         لميته بالحصير
***
گمت الم بي بالحصيره      وآنه كل حيلي انهدم
منين اجيبن حيل اشيله   وببني اردن للخيم
بس اليفارگ اوليده             يشعر بهذا الالم
صارت الخيمه بعيده    ويدي صارت كلها دم

من راح الاكبر راحت عيوني     وكلما ردت اعثر يلزموني
من حگي اون وحير      لميته بالحصير
**
علي ما لميته كله         ضاع من جسمه شكثر
شگد خذت منه الحوافر   وعنده ما خلن صدر
ضلوعه كلها مكسريهن   وظهره شفته منكسر
عله الدنيه العفه بعده    وصحت ماريد العمر

ماريده عمري بعده ماريده    شحاله البحضنه ميت اوليده
للدمعه اظل اسير     لميته بالحصير
****
صحت عينيني يزينب    علي مات وجثته هاي
طاحت ولزمت گلبها            ليلى لوليدج تعاي
شافته ولطمت وجهه    وصاحت اگعد يا ضناي
ليش هيج مگطعينه      وليش ما منطينه ماي

شهگت وتعبت من بواچيها     تحاچي بولدها وما يحاچيها
بدمعتها تستجير    لميته بالحصير
***
تمت
ميثم العمري


#اللهم_عجل_لوليك_الفرج
◇◈◇⇩..تابعونا..⇩◇◈◇

🌐قناة القصائد الملحنه🌐
♦️❄️عشاق الحسین❄️♦️
👇👇👇👇👇
🆔https://t.me/ashaghalhossein

🌐قناة القصائد النسائیة🌐
👇👇👇👇👇
🆔https://t.me/ghsahdhossinyat

🌐قناة خاصة للنعي🌐
👇👇👇👇 👇
🆔https://t.me/ashaghalhossein4

🌐قناة خاصة الأبوذیة🌐

👇👇👇👇 👇
🆔  https://t.me/ashaghalhossein3

🌐قناة خاصة للمواليد🌐
👇👇👇👇👇
🆔https://t.me/ashaghalhosseinn

🌐قناة قصايد فارسية🌐
👇👇👇👇👇

🆔https://t.me/madahifarsii

🔻کروب  للتلحین قصاید📝
👇👇👇👇
🆔 https://t.me/https://t.me/ashaghalhossein2

📲Whatsapp
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

جرح الولد جبير

توني عفت شاب //خده اعله التراب
ترجف رجعت ايدي ** ميت علي وليدي
مثل الكمر غاب____ مثل الكمر غاب
//////////////////////////////
ودعته وراح .. بس مامرتاح .. من ودعته
على شربت ماي .. ظل رايح جاي .. يبست شفته
من اتوادعنه بااخر مره
حدب ظهري بديرت ظهره
شكلتلكم من صاح ادركني
صحت اوليدي انطاكم عمره

راجع منه بلايه اعمامه
جايب بيدي بس الثامه
ميت بس اعيوني مفتشه
رديت اللطم فوك الهامه

وروح امي محتار // لصوب ابني اندار
بحر الشمس عفته ** للخيمه ما جبته
مثل الكمر غاب____ مثل الكمر غاب
//////////////////////////////
سولفت اوياه .. عل يتمناه .. كال ارويني
مرت لحظات .. بحظيني ومات .. كرت عيني
مات بحظني وتعب حالي
وتمددت بصف الغالي
كل ما اطب الخيمة امه
صورت وجهه تتراوالي

فاكد حيلي وشكلي اتغير
مايتعوض والله الاكبر
ما جبته العباس يكلي
كتله اوليدي عفته مطشر

شحجي يعباس // بحافر علي انداس
بيمن اجمعنه ** بجيادي سحكنه
مثل الكمر غاب____ مثل الكمر غاب
//////////////////////////////
شفته من ابعيد .. سلابه اييريد .. يسلب هدمه
ناديت اعليه .. اذبحني وخليه .. شعندك يمه
يكدر بهدومه السالبهن
ما تاناهن ينشف دمهن
هذا الموقف حارك كلبي
ورموش اعيوني مشيبهن

شما اتكربله يبعدونه
برمح بخاصرته يطعنونه
اعرف نيتهم شماتي
كلبي يريدون يشلعونه

صاحو ذبحنا // وظهرك كسرنا
ماوجدت دربي ** وهنا وكف كلبي
مثل الكمر غاب____ مثل الكمر غاب
//////////////////////////////
حجاياتي اثكال .. ششرح ياحال .. جسمه مثلم
بحظني مخليه .. وسلمت اعليه .. بس ماسلم
يا ذباحي ويا مذبوحي
جروحك اصعب مدري اجروحي
ميت شابك ميت طحنه
وكبلك يبني طلعت روحي

مارديت شكد حاجيتك
ايست بهدمي وغطيتك
سولفلي شراح ايرجعني
وامك بالخيمه متانيتك

من ارجع اشلون // وعنك يسالون
ثوبي دمع ناكع ** وبلا علي راجع
مثل الكمر غاب____ مثل الكمر غاب
//////////////////////////////
ياجرح ايطيب .. وخظبت الشيب .. من دم نحره
بسهام وسيف .. خلصت ياحيف .. اجمل عشره
اعثر وامشي يهل اخيامي
جابني الكم كوه اجدامي
خلص حيلي اوشل دمعي
راح الرحمه الله الظامي

العبره اعله ابني شكت صدري
منين ابدي بقصته ما ادري
ليش محدب راجع كلتو
راح الجان الازم ظهري

كون اليأذيه // بيه ولا بيه
يا ناري ماتطفه ** لو ميت بصفه
مثل الكمر غاب____ مثل الكمر غاب
//////////////////////////////
تمت ____ علاء الزيدي

#اللهم_عجل_لوليك_الفرج
◇◈◇⇩..تابعونا..⇩◇◈◇

🌐قناة القصائد الملحنه🌐
♦️❄️عشاق الحسین❄️♦️
👇👇👇👇👇
🆔https://t.me/ashaghalhossein

🌐قناة القصائد النسائیة🌐
👇👇👇👇👇
🆔https://t.me/ghsahdhossinyat

🌐قناة خاصة للنعي🌐
👇👇👇👇 👇
🆔https://t.me/ashaghalhossein4

🌐قناة خاصة الأبوذیة🌐

👇👇👇👇 👇
🆔  https://t.me/ashaghalhossein3

🌐قناة خاصة للمواليد🌐
👇👇👇👇👇
🆔https://t.me/ashaghalhosseinn

🌐قناة قصايد فارسية🌐
👇👇👇👇👇

🆔https://t.me/madahifarsii

🔻کروب  للتلحین قصاید📝
👇👇👇👇
🆔 https://t.me/https://t.me/ashaghalhossein2

📲Whatsapp
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

مثل الكمر غاب

(( #الأكبر_أكبر ))  .  #محرم1446
……………………………………………………………

الاكبر اكبر مِـن هـالحرب
اطيح الشوارب لمن يطب
حيا الله الاكبر .. حيا الله الاكبر

……………………………………………………………


اي نعم شنو قياسه بذوله
وهو يتنفس عزم وارجوله
اقزام شاف الجيش ضاعوا بالتراب
يشوفهن علو الجراد  اخيوله

اي نعم سبعين الفاً لچن شافاهم صفر
الاسد لو طبها ايتمشه الغابه اجمع تنصگر
السمه و الگاع و وجهم  كلهن انگلبن صفر
اسيوفهم رجفت وماتت كل غمد اصبح گبر

صورة منيه الاكبر رسم
بالخيمه بعده ونص انهزم
حيا الله الاكبر .. حيا الله الاكبر

……………………………………………………………


دره والرب للحسين انطاها
ابروحه من عين الحسد غطاها
بالحرب شيّاب كالو للشباب
هذا من يثرب اجاكم طه

وقسم گالو هذا حيدر طلع من گبره وعدِل
روسكم حسبوها طارت يرد صولات الجمل
وقسم ثالث كال لاله هذا الاكبر هل نزل
يعني عزرائيل اجاكم بيده جابلكم أجل

بالحومه دگت ساعة خطر
لا ماكو چاره ومامش مفر
حيا الله الاكبر .. حيا الله الاكبر

……………………………………………………………


من نزل وبچفه عصة موسى
وظلت انفاس الزلم محبوسه
مثل حال الغنم لو طباها ذيب
امراكض وللشرده صارت هوسه

دگة اكلوب العساكر بالمعسكر تنسمع
اگلوبهم بالخوف شردت لچن لزماها الضلع
صگر وجناحته تذبح طشّر اگباله الجمِع
ركضاهم و صّلاهم يمكن الخان الربع

من خيل أميه وصاحت فرس
ادخيلك يسيد ناخذ نفس
حيا الله الاكبر .. حيا الله الاكبر

……………………………………………………………


والشمر يتوسل ابكل قائد
العلي يبرز بلكي منهم واحد
منهم اللي انسحب لذيال الصفوف
ومنهم البين العساكر لابد

عوده صاير خوش زلمه بكر ابن غانم طلع
اطمئن يا شمر گله احسب الاكبر وگع
تالي بس خزراه الاكبر وگف كلبه وانصرع
ابلايه راس وفقط جثه عالفرس ليهم رجع

گالوله ربعه وها اشحصلت
موتك ثواني ولا طوّلت
حيا الله الاكبر .. حيا الله الاكبر

……………………………………………………………


تره مامش زلمه يدنّاله
روحه ما رايدها هذا شماله
ابد مو بالسيف من گدروا عليه
الماي هو اللي فطر دلّاله

ولله لو شارب الاكبر ماي و گليبه ارتوه
چا حفر بيده الدماهم نهر ثاني ابـ نينوه
جا مثل  ورقة رساله الجيش بيمينه انطوه
وبقت سبعين الف ريّه مِنه تستجدي الهوه

محبس بدينه و بيهم يفر
ايخلّص عددهم گبل العصر
حيا الله الاكبر ..حيا الله الاكبر

……………………………………………………………



صح علي ما رحم بي ذبّاحه
و الارماح اتشتّلت بصفاحه
لچن بالميدان من صاح اعل ابوه
جان يعني الانتصار اصياحه

الموت من اجل العقيده نصر بي الاكبر عِلن
همه نزلوا نص جهم وارتفع هو العدن
لابس السندس الاخضر لان ظل ابلا چفن
راح ذاك العطش كله وشرب من ايد ام حسن

نصر النهايه و هو الاهم
ياهو البِساط و ياهو العَلم
حيا الله الاكبر .. حيا الله الاكبر

……………………………………………………………
✍️ ( سيد خضر الزاملي )

#اللهم_عجل_لوليك_الفرج
◇◈◇⇩..تابعونا..⇩◇◈◇

🌐قناة القصائد الملحنه🌐
♦️❄️عشاق الحسین❄️♦️
👇👇👇👇👇
🆔https://t.me/ashaghalhossein

🌐قناة القصائد النسائیة🌐
👇👇👇👇👇
🆔https://t.me/ghsahdhossinyat

🌐قناة خاصة للنعي🌐
👇👇👇👇 👇
🆔https://t.me/ashaghalhossein4

🌐قناة خاصة الأبوذیة🌐

👇👇👇👇 👇
🆔  https://t.me/ashaghalhossein3

🌐قناة خاصة للمواليد🌐
👇👇👇👇👇
🆔https://t.me/ashaghalhosseinn

🌐قناة قصايد فارسية🌐
👇👇👇👇👇

🆔https://t.me/madahifarsii

🔻کروب  للتلحین قصاید📝
👇👇👇👇
🆔 https://t.me/https://t.me/ashaghalhossein2

📲Whatsapp
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

حي الله الأكبر

الجانت تشوفه بوجه الحسين
عالثره اموذر شافتــــــه العين
يتطشر اشما رادت اتلمــه
ولا كتر سالم منه واتشمه
ــــــــــــــــــــ ــــــــــــــــــــ
اه ياليلى وحزنـــــــــها وياتعب ذاك الربه
بالشباب اتشد ظهرها وماتطيح امحسّبه
نايبه صار اعله امـــــــــه المنذخر للنايبه
بتسع لشهور وسهرها اتحلفّه واتطالبــــه

تشتاگله لحضات اذا غاب
شتسوي اذا ضماه التراب
متحيّره من ياجهه اتلزمه
ولا كتر سالم منه واتشمه
ــــــــــــــــــــ ــــــــــــــــــــ
ساعة اوداعه عليها اشد من درب اليســــــر
حسين اذا مات بوداعه منيــلها هيه الصبــر
كل حلم عدها اويه ابنها راح واتلاشه العمر
عينها بعين ابو اسكينه خبـــــر مفرح تنتظر
كض گلبه وايگلها يليـله
الخيمتج طبي واندعيله
راح ابني صاحت من طفح همه
ولا كتر سالم منــــــــــه واتشمه
ــــــــــــــــــــ ــــــــــــــــــــ
بعين الحسين المصيبه لاحت ومات الحلم
وبالولد مكروه اذا مَـــر گلب الأم عنده علم
بگد بجيها انغمه اعليها واعله حيل المنهدم
فزت وشافت املها وذر شايلته الزلــــــــــم

ركضت لبنها اتگوم واتطيـح
هذا ابني لا مااصدك اتصيح
جنها انعمت من عاينت جسمه
ولا كتـــــر سالم منه واتشـــمه
ــــــــــــــــــــ ــــــــــــــــــــ
تشوف اليصبّر عليها شابگ اوليده وينـــوح
هذا وكت الجزع صاحت وكشّفت كل الجروح
تشيل وصله اتطيح وصله ليش عن امك تروح
اتگله من تموت يمه جثه اظل ابلايـــــه روح

يحسين امسح بيدك اعليه
بلكي تگله ايرد نفس بيــــه
ويفتح اعيونه ويحجي وي امه
ولا كتــــــــــر سالم منه واتشمه
ــــــــــــــــــــ ــــــــــــــــــــ
جيت من الوطن بيـــــدك بيش اردن للوطن
حسين لو ذبحوه تگله يضيع يوليدي الضعن
غمّضِت ياضوه اعيوني يبني واعيوني عمن
دمّعن والدم عليهن اعيونك اعله امـــك بچـن

يم جسمك الليله بلا انفــــاس
وباجر اگبالي اعله الرمح راس
رادت تشبگه وخافت اتلجمه
ولا كتـــــر سالم منه واتشمه
ــــــــــــــــــــ ــــــــــــــــــــ

علي محسن الزيادي

#اللهم_عجل_لوليك_الفرج
◇◈◇⇩..تابعونا..⇩◇◈◇

🌐قناة القصائد الملحنه🌐
♦️❄️عشاق الحسین❄️♦️
👇👇👇👇👇
🆔https://t.me/ashaghalhossein

🌐قناة القصائد النسائیة🌐
👇👇👇👇👇
🆔https://t.me/ghsahdhossinyat

🌐قناة خاصة للنعي🌐
👇👇👇👇 👇
🆔https://t.me/ashaghalhossein4

🌐قناة خاصة الأبوذیة🌐

👇👇👇👇 👇
🆔  https://t.me/ashaghalhossein3

🌐قناة خاصة للمواليد🌐
👇👇👇👇👇
🆔https://t.me/ashaghalhosseinn

🌐قناة قصايد فارسية🌐
👇👇👇👇👇

🆔https://t.me/madahifarsii

🔻کروب  للتلحین قصاید📝
👇👇👇👇
🆔 https://t.me/https://t.me/ashaghalhossein2

📲Whatsapp
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

وجه الحسين

قصيدة العاشرة مصيبة

أخيول العشرة طكهن تارس الهيمة
صوت أضلوعي عالي أو وصل للخيمة
الخيل اتصول وتجول
ثكيلة اهواي الخيول
@@@@@@@@@@@@@@@@
الحجر آه الحجر قاسي"
طير وصله من راسي"
وكعت امن المهر للكاع يا وسفه
أوكعت دامي ارفعت أيدي"
سهم مكسور بوريدي"
ومثل الخشبه صارت شفتي الترفه
مات كلشي وانه وحدي
أبدم وريدي انصبغ خدي--يا غربتي
حيل مابيه يروحي
اهواي تنزف دم جروحي--يا حسرتي

اشيل السيف بيش وميته عافيتي
وعاين للمعسكر يحرك ابيتي
لا قوة ولا حول--ثكيله اهواي الخيول
@@@@@@@@@@@@@@@@
أرفعت ثوبي أمسح جبيني"
سهم المثلث يجيني"
طاح ابكلبي وتعده الخرز ضهري
صحت آه الألم كاسر"
أعاين خيمتي وحاير"
الدم من الظهر ومن الصدر يجري
الحيل بعد امنين أجيبه
وزينب اتصيح النهيبه--ياهضمتي
كمت ثاري الحيل خاوي
ياهو يلحك للعلاوي--وزينب أختي

عالتل صعدت وصاحتلي يبن أمي
طردني الجيش خويه وحركو أخيمي

طريح بخيمة مجتول
ثكيله اهواي الخيول
@@@@@@@@@@@@@@@@
واحد صابني أبرمحه"
أبخاصرتي ترك فتحه"
أنتجيت وطكني ثاني أبسيفه كص شفتي
أنترس من الحجر جسمي"
أنكطع كلبي أنطحن عضمي"
واحد عن قرب طك بالسهم كصتي
وآنه كاعد طيحوني
حته ما اشوف بعيوني--والجرالي
ما اشوف الجاي ليه
بادت امن الطك أديه--هذا حالي

هذا إيجرجر بثوبي والعمامه
وهذا يريد يسلب سيفي واللامه

وآنه بصدر محلول
ثكيله اهواي الخيول
@@@@@@@@@@@@@@@@
الشمر جاني ورفس صدري"
وكلبني وفرني من ضهري"
وكلي حسين آنه الذابحك بيدي
طبر نحري أثنعش طبره"
وزينب واكفه أتنظره"
وصاحت ويه اخويه أكطع وريدي
شال راسي الشمر بيده
ونبته براس الحديده--أكبال أخيتي
هيج حالي وأختي يمي
ويكطر اعله خدودي دمي--ومن لحيتي

أبهاي الحاله طلعت تركض أرقيه
بابا أتصيح مجويات رجليه

أدري أبمحنتي اتكول
ثكيله اهواي الخيول
@@@@@@@@@@@@@@@@
صرخ بالخيل وتعنت"
أعتلت فوك الصدر صعدت"
عشر خيول حافر يدفع أبحافر
ترسن بي تراب البر"
أتناثر جسمي وتطشر"
والما صار صار بساعة العاشر
واحد بيده خنجر كص إصبعي
او واحد بالحوافر داس ضلعي--بعد واحد
أعله تكه دنت نفسه وجرجراها
رجع كطع أدياتي وخذاها--أشكثر حاقد

ترست كربله او وديانهه أجروحي
عزيز الزهره آنه وفرهدو روحي

بالوديان والجول
ثكيله اهواي الخيول
@@@@@@@@@@@@@@@@
حسين باهض الحلفي


#اللهم_عجل_لوليك_الفرج
◇◈◇⇩..تابعونا..⇩◇◈◇

🌐قناة القصائد الملحنه🌐
♦️❄️عشاق الحسین❄️♦️
👇👇👇👇👇
🆔https://t.me/ashaghalhossein

🌐قناة القصائد النسائیة🌐
👇👇👇👇👇
🆔https://t.me/ghsahdhossinyat

🌐قناة خاصة للنعي🌐
👇👇👇👇 👇
🆔https://t.me/ashaghalhossein4

🌐قناة خاصة الأبوذیة🌐

👇👇👇👇 👇
🆔  https://t.me/ashaghalhossein3

🌐قناة خاصة للمواليد🌐
👇👇👇👇👇
🆔https://t.me/ashaghalhosseinn

🌐قناة قصايد فارسية🌐
👇👇👇👇👇

🆔https://t.me/madahifarsii

🔻کروب  للتلحین قصاید📝
👇👇👇👇
🆔 https://t.me/https://t.me/ashaghalhossein2

📲Whatsapp
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

مصيبة العاشر

شفته بمنامي      ويگلي ضامي
توني فارگتك ياضوه عيوني
وزينب اتگلي خويه ذبحوني
**
بالطيف اجاني    وايده عله صدره
شلونج سألني        وبگلبه حسره
انته شلونك يحسين   ياخويه اضلوعك وين
بصدرك هالحفره منين      اشوف
تحجي وصوتك مخنوك    جا خويه شگد مسحوك
بظهرك صدرك مطبوك     اشوف

تنزف جروحك     وخلصانه روحك
والشمس گتلي غيرت لوني
وزينب اتگلي خويه ذبحوني
**
يحسين اشوفن     اجروح بوريدك
وياخويه انشدك      وين اصبع ايدك
بنحرك شفتك مطبور     خويه وصدرك محفور
واصبع ايدك مبتور    حسين
بالعاشر شفت الويل     وشمسويه بيك الخيل
داساك الحافر حيل      حسين

اشلونه ضلعك    خليني اسمعك
هدمت حيلي وخابت اضنوني
وزينب اتگلي خويه ذبحوني
**
اشلوني يختي     گطعولي نحري
وبعده يزينب     يوجعني صدري
سحگتني الخيل اهواي     عشره الصعدن فوگاي
والحافر رايح جاي    جريح
من عنده اشگد مجروح      يسحگني وروحي اتروح
المن ظلتها الروح      جريح

عطشان اگلهم     وسبوني كلهم
كسرو ظهري وخويه سحگوني
وزينب اتگلي خويه ذبحوني
**
اهنا يزينب     خلوني وحدي
بسهم المنيه     گطعو جبدي
الخيل التمت والناس     وآنه بآخر انفاس
انده وينك عباس     تعال
گامو بيه ايطعنون    وحيل بصدري ايسحگون
وظلو بيه ايسلبون   تعال

عباس اريده     يحضر عضيده
عازته عازه من يطعنوني
وزينب اتگلي خويه ذبحوني
**
هذا يزينب          برمحه طعني
وذاكه اجاني     بصدري رفسني
بالطف شفت الما صار      ناس بخيل وبحجار
وناس اتسب حامي الجار     عجيب
يومي ما مثله يوم       شمسوي الهاي الگوم
ماخلت عندي اهدوم         عجيب

طعنه عله طعنه     وما بيه ونه
تنزف اجروحي وخويه لجموني
وزينب اتگلي خويه ذبحوني
**
الشمر اعتناني    وجاثي عله صدري
لازم لحيتي             ويگطع بنحري
بنحري ظل يطبر حيل    وبعيوني صارت ليل
بكل طبره شفت الويل     عذاب
عانيت من الطبرات      واكثر خويه الطعنات
شگد اتحمل شوغات      عذاب

راسي يگطعه     برمحه يرفعه
عالترب زينب مرمي خلوني
وزينب اتگلي خويه ذبحوني
**
تمت
ميثم العمري

#اللهم_عجل_لوليك_الفرج
◇◈◇⇩..تابعونا..⇩◇◈◇

🌐قناة القصائد الملحنه🌐
♦️❄️عشاق الحسین❄️♦️
👇👇👇👇👇
🆔https://t.me/ashaghalhossein

🌐قناة القصائد النسائیة🌐
👇👇👇👇👇
🆔https://t.me/ghsahdhossinyat

🌐قناة خاصة للنعي🌐
👇👇👇👇 👇
🆔https://t.me/ashaghalhossein4

🌐قناة خاصة الأبوذیة🌐

👇👇👇👇 👇
🆔  https://t.me/ashaghalhossein3

🌐قناة خاصة للمواليد🌐
👇👇👇👇👇
🆔https://t.me/ashaghalhosseinn

🌐قناة قصايد فارسية🌐
👇👇👇👇👇

🆔https://t.me/madahifarsii

🔻کروب  للتلحین قصاید📝
👇👇👇👇
🆔 https://t.me/https://t.me/ashaghalhossein2

📲Whatsapp
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

خويه ذبحوني

ليش تتعمد تبجيني بوداعك
جنك اتحسسني يا بابا بضياعك
زغيره والفراك يهضمني ـ
زغيره ومن شوفتك تحرمني ـ لاترحل
***
يالغارك ابدمعتك ـ شو خنكتك عبرتك ـ لاتبجي يم ابنيتك اتموت
شو بدلت ضحكتك ـ اباهاتك وحسرتك ـ حاجيني بسك تبجي بسكوت
يارحمة الله الواسعه ارحمني ـ بابا اعله هجرك لاتعلمني
للخيمه ارجع لا ترجعني ـ حاجيني بسك تبجي بسكوت
اكعد وخنسولف اشويه اعله باجر ـ
امن السفر شجيبلي لمن تسافر
لعابه ـ لو شيله وتلبسني ــــــ زغيره ومن شوفتك تحرمني ـ لاترحل
***
مستعجل اشجرالك ـ ماجنك اعله حالك ـ متواعد اويامن يتانيك
باب الخيم اسده ـ ابنيتك رقيه ابده ـ اتعذرله بابا اليسال عليك
اي والله احبك والزمن قاسي ـ يله امسح بجفك على راسي
اشبكني تعل لاتجرح احساسي ـ اتعذرله بابا اليسال عليك
شيلني وخليني اتحسس حنانك ـ
يالتشربني العذب جنت ابلسانك
عطشانه ـ ومن ثغرك اتشربني ــــــ زغيره ومن شوفتك تحرمني ـ لاترحل
***
كللهه يالشبيهه ـ بالزهره ام ابيهه ـ بره الخيم وادم يتانون
يطلبوني لازم اطلع ـ يبنيتي ساعه ورجع ـ سمعني اشكثر كامو يصيحون
خافنهه حاجه ورادو اكضيهه ـ يمج صلاتي ارجع اصليهه
حضري المصلايه وافرشيهه ـ سمعي اشكثر كامو يصيحون

يادلالي العشتي بحضاني اميره ـ
ياحبيبة كلبي يبنيتي الزغيره
كلتله جا المن اتسلمني ــــــ زغيره ومن شوفتك تحرمني ـ لاترحل
***
كلتله بابا تاني ـ يافرحتي ابزماني ـ خليني اودعك اخر اوداع
افتحلي يله صدرك ـ وخليني اشمه نحرك ـ وكعدلي يا بابا عله الكاع
هذا النحر ساعه ويكطعونه ـ
وبخيلهم صدرك يكسرونه
بخنجر حقد صبعك يكطعون
وكعدلي يابابا عله الكاع
تدري بفراكك اعيش اويه المئأسي ـ عادك امسح مسحة ايتام اعله راسي
رايدتك ـ يالرايد اتيتمني ــــــ زغيره ومن شوفتك تحرمني ـ لاترحل
***
تبجي وتكض ضلعها ـ ويجري ويصب دمعها ـ ازغيره ولبوها اهواي تشتاك
والطفله البعمرها ـ كلش صعب صبرها ـ ياذي كلبها طاري الفراك
ردت تنوح وكوه مشيتهه ـ وتمسح بديهه جاري دمعته
سكنه اجت تركض تلكتهه ـ ياذي كلبهه طاري الفراك
ياسكنه اخبرج من بعد ماراح ابونه ـ
ساعه وحده والاعادي ايسلبونه
بفراكه ـ ليش الابو ايضيعني ــــــ زغيره ومن شوفتك تحرمني ـ لاترحل
***
حسين باهض الحلفي

#اللهم_عجل_لوليك_الفرج
◇◈◇⇩..تابعونا..⇩◇◈◇

🌐قناة القصائد الملحنه🌐
♦️❄️عشاق الحسین❄️♦️
👇👇👇👇👇
🆔https://t.me/ashaghalhossein

🌐قناة القصائد النسائیة🌐
👇👇👇👇👇
🆔https://t.me/ghsahdhossinyat

🌐قناة خاصة للنعي🌐
👇👇👇👇 👇
🆔https://t.me/ashaghalhossein4

🌐قناة خاصة الأبوذیة🌐

👇👇👇👇 👇
🆔  https://t.me/ashaghalhossein3

🌐قناة خاصة للمواليد🌐
👇👇👇👇👇
🆔https://t.me/ashaghalhosseinn

🌐قناة قصايد فارسية🌐
👇👇👇👇👇

🆔https://t.me/madahifarsii

🔻کروب  للتلحین قصاید📝
👇👇👇👇
🆔 https://t.me/https://t.me/ashaghalhossein2

📲Whatsapp
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

لا ترحل