عـشّـاق ألـحسّـيـن﴿ع﴾

سايگ الهزّل للسبــــــــي گومن لمن گال
عنك يبو الغيره اشكثر نشدتني الاطفال
#######################
كلبي ودمعتــــي وعيلتي نشدونــــــــــي كلهم
عنك يكفّـــــــــال الضعــــــــــن شتعذّر الــــهم
ما بين فكَـــدك والعطش كَلّي شكَلـــــــــــــــهم
ما تحمل افراكَــــــك تره عباس العيــــــال
                  #######################
عباس تدري بكل صبر لابد اله احـــــــــــــدود
ظل صبري يبجي اعله الكلب من شافه ممرود
والعيـــــــــــن غيمه بغيبتك دم تمطر اجبـــــود
من أجمع ادموعي بكثر دم راسك الســال
                  #######################
من جدّمو نوك السبـــــــــــــي خويــــــه ذكرتك
يـــــــــوم الطلعنه وأنت الي ثانــــــــــي ركبتك
يرضيك ناس ابلايه غيــــــــــــــره اتركّب اختك
وينك يبـــــــوالغيــــره تعال وعاين الحـال
                  #######################
كون انت يمي بساعة الصاحولي كَومـــــــــــــي
ويفتر عله اعيالي الشمر خويه ويحـــومــــــــي
تمنيت كَبل الساعه هــــــــــــاي يحين يــــــومي
ولاشوف عزي مكَطّع امجفّنته الأرمــــــال
#######################
ذبّاحك الضعنـــي صبح حادي وكفيــــــــله
مافرزنت صوتي الصرخ آنــــــــــه العقيله
موكَتلي حملج لـــو ثكَل آنـــــــــــه الأشيله
عباس حانت ساعتك كـــــوم الحمل مـــال
                  #######################
مشتاكَــــه الك بس مارحت ماترضــــــه لنّك
خافن يشوفوني العده ومستحيــــــــــــه منّك
للخيمه واصل صوته خويه اعليّــــــه ونّـــك
بالون شســـــوّي انت الأريدك تلفي خيّــال
                    #######################
نشدتني عنك ناكَتي جــــاوينه عبـــــــــــاس
مايرضه يازينب عليــــــج اتعاين النـــــــاس
كلتلها جسمه اعله النهر واعله الرمـح راس
سكتت وســــــــارت ناكَتي ومدمعها همّال
                       #######################
ترضه اختك آنـــه ام الخدر يسبونـــي ياحيف
وأطفالي ماتحمل عطش وبجمــــــــرة الصيف
لــــو انت جفّينك كطّعهن يالوفــــــــــي السيف
مثلك جفوفـــــــــي اتكَطّعن لاجن بالحبال
                        ######################

علي محسن الزيادي

379 views14:19