ASD AJ LAH

ዶክተር ዛኪር ናይክ 4.5 milion ተከታይ ባለው የፌስቡክ ፔጁ ይህን መልዕክት አስተላልፏል።

130 viewsASD AJ LAH, 18:26

«ولا تلمزوا أنفسكم»
«ነፍሶቻችሁንም አታነውሩ፡፡» ሱረቱል‐ሑጁራት ፥ 11
:
ሱረቱል‐ሑጁራት የስነምግባር ድንጋጌዎች እና አዳቦችን በመላው የምእራፉ አንጓዎች ላይ የዳሰሰች ሱራ ናት። በአስራ አንደኛው አንቀፅ መካከል ያለችው ይች ቃል ግን ዐጂብ ናት። የስነምግባር መዘውርን በሁለት ቃላት አሳጥራው አርፋለች። «ነፍሶቻችሁንም አታነውሩ፡፡»
:
ይችው አንቀፅ አስቀድማ ምን አለች: ‐
⚀ «እናንተ ያመናችሁ ሆይ!»:‐ በአላህና በመልክተኛው [ሰለላሁ ዐለይሂ ወሰለም] አምኛለሁ ለሚል ሁሉ የተላለፈ ጥሪ ነው። ሙእሚን የግብረገብ ደንቡን የሚወስደው ከፈጣሪው ብቻ ነው! የሙእሚን ክብሩም ግብሩም ይኸው ነው!

⚀ «ወንዶች ከወንዶች አይቀልዱ፡፡ ከእነርሱ የበለጡ ሊኾኑ ይከጀላልና፡፡ ሴቶችም ከሴቶች (አይሳለቁ)፡፡ ከእነርሱ የበለጡ ሊኾኑ ይከጀላልና፡፡»: ‐ ወንድንም ሆነ ሴትን ያለ ልዩነት በሰው ላይ መሳለቅን ከለከለ። አንዳችን በሌላው ላይ ለመሳለቅ የሚያበቃው ልዩነት የለም። በብሄርህ፣ በገንዘብህ፣ በስልጣንህ በቀለምህ ማንንም አትበልጥምና አትበልጥምና በሌላው ላይ ለመሳለቅ የሚያበቃ መሰረት የለህም። እንደው በተቅዋህ ልትበልጥ ከቻልክ ነበር መሳለቅ ደግሞ የተቂዮች ጠባይ አይደለም!

⚀ «ነፍሶቻችሁንም አታነውሩ፡፡» ይች በአንቀጿ ላይ ያለችው ትኩረቴን የሳበችው አረፍተ ነገር ናት። ሙእሚኖች እንደ አንድ አካል መሆናቸውን ትበይናለች። «አንድ አካሉ ከታመመ ሌላው የአካል ክፍል በትኩሳትና እንቅልፍ በማጣት ይጠራራል።» ሙእሚኖች «እንደ ግንብም ናቸው። አንዱ ሌላውን ይደግፋል።» በወንድምህ ላይ የምትጥሰው ገደብ በነፍስህ ላይ እንደምትፈፅመው በደል ነው።

በሌላ በኩል «በነፍስህ ላይ እንዲፈፀም የማትሻውን በሌላው ላይ አትፈፅም።» ማለትም ነው። ዛሬ በሌሎች ላይ የምትፈፅመው በደል ነገ በራስህ ላይ እንዲፈፀም እንደመፍቀድ ይቆጠራል። "በሰፈሩት ቁና መሰፈር አይቀርም!"

አንቀጿ በማስከተል እንዲህ ትላለች: ‐
«በመጥፎ ስሞችም አትጠራሩ፡፡ ከእምነት በኋላ የማመጽ ስም ከፋ፡፡ ያልተጸጸተም ሰው እነዚያ እነርሱ በዳዮቹ ናቸው፡፡»
ደህና እደሩ!

ተውፊቅ ባሕሩ

126 viewsASD AJ LAH, edited 19:41