Faqat men bilan doʻst boʻl!

Maktab davringizni eslaysizmi? Oʻsha bir-biridan umuman ajralmaydigan, oraga boshqa qiz qoʻshilsa, bir-biridan arazlaydigan, har doim bir partada oʻtirib, birga yuradigan qizlarni eslaysizmi? Yoki oʻzingiz shunday boʻlganmisiz?

Men taniganlarim dugonasini hatto yigitidan ham qizgʻonardi. Koʻrganlarim orasida har doim bir xil holat: bittasi oʻta "qizgʻanchiq", bittasi vaziyat qurboni. Ikkinchi qizga sabr tilayman.) Bugun shu haqida gaplashamiz.

Sabab nimada? Bunday holda sabab 4 xil boʻlishi mumkin. Keling, eng soddasidan boshlaymiz:

1. Platonic jealousy. (Doʻstlikdagi qizgʻanchiqlik) Eng keng tarqalgan sabab. Bu tushuncha romantik bo‘lmagan, lekin chuqur emotsional yaqinlikka asoslangan do‘stliklarda paydo bo‘ladi. Ayniqsa, ayollar orasidagi do‘stlikda bu holat ko‘proq uchraydi. Chunki ayollar har doim yagona va eʼtibor markazida boʻlishni (yaqin insonlari uchun) xohlashadi. Va kelib chiqadiki, agar orada III shaxs paydo boʻlsa, ularga boʻlgan eʼtibor kamayadi. Ayollar buni rad etilganlik sifatida qabul qilishadi.

2. Attachment theory (Bogʻlanib qolish nazariyasi). Bu nazariya dastlab bolalikdagi ota-ona bilan bo‘lgan munosabatlar asosida ishlab chiqilgan (John Bowlby va Mary Ainsworth tomonidan). Keyinchalik bu nazariya kattalar orasidagi do‘stlik va sevgi munosabatlarga ham tatbiq etilgan. Insonlar o‘zlarini xavfsiz his qilish uchun yaqin munosabatlarga muhtoj boʻladi. Agar dugona boshqa odam bilan koʻproq vaqt oʻtkazib, uni unutsa, bu xavfsizlik hissi yo‘qoladi. Bu esa rashk, xavotir va o‘zini tashlab ketilgan kabi his qilishga olib keladi. Buning ortidan emotsional muvozanat buziladi.

3. Interpersonal dependency (Shaxslararo qaramlik). Bu tushuncha psixologiyada shaxsning boshqalarga emotsional yoki ijtimoiy jihatdan qaram bo‘lish holatini ifodalaydi. Bu holat sog‘lom (adaptiv) yoki nosog‘lom (maladaptiv) bo‘lishi mumkin. Sogʻlom qaramlik moslashuvchan boʻladi, masalan, ota-onangiz yoki oʻrtogʻingizdan maslahat olishingiz va mustaqil qaror qabul qilishingiz. Nosogʻlomlari esa biz tahlil qilayotgan vaziyatni keltirib chiqaradi. Bunday odamlar "doʻstlik hayotdagi yagona tayanch" degan nazariyaga ishonishadi. Koʻpgina hollarda nosogʻlom qaramlik tufayli insonlar manipulyatsiya qilinadi.

Hozircha, bu holatga yechim topmadim. Ammo yana izlanib koʻraman.

Umumiy qilib, bu turdagi doʻstlik sogʻlom emas desak boʻladi. Ustozim aytganidek, odamlar bir-biridan narvon sifatida foydalanishadi. Uchratgan har bir odamimizdan hikmat olamiz. Oʻsha hikmatni oldingmi, boʻldi, u insonni "qoʻyib yubor". "Baribir hissiyotlarni boʻlishish uchun yaqin doʻst boʻlishi kerakku" demoqchimisiz? - Ha, toʻgʻri. Uning uchun sogʻlom aloqalar va yaxshi doʻst boʻla olishingiz kifoya. Bemalol xohlagan insoningiz bilan doʻstlashing. Lekin, ILTIMOS, uni oʻz hayotida yashashiga qoʻyib bering!

Obunachilarim orasida 2 jinslilar boʻlmagani uchun 4-sababni yozish kerak emas deb topdim.

After seeing this, my brain froze.
Please, put your hat&cap&scarf on your head before going out:)

Issiq hammaga bir xil. Sovuq hammaning kiyimiga qarab...

"Olmaning tagiga olma tushadi"

Yetilgan daraxt oʻz ildizidan oʻsib chiqqan koʻchatidan soʻradi:
- Katta boʻlsang, kim boʻlmoqchisan, bolajonim?
- Biror bir uyga tom yoki koʻprik boʻlishni xohlayman.
- Nega? Men seni shirin mevalar beradigan olma daraxti boʻlishingni xohlayman. Axir aytishadiku, olmaning tagiga olma tushadi.
- Nima uchun olma daraxti? Biz hattoki mevali daraxt ham emasmiz. Biz terakmiz-ku.
- Bu mening yoshlikdagi ushalmagan orzuim. Sen mening kelajagimsan! Sen mening orzularimni roʻyobga chiqarishing kerak!

Tired...

"Xiyonat"mi?

Jamiyatda yozilmagan qonunlar bor. Ulardan biri: qarzdorlik hissi.
Nomlash juda qiyin boʻldi, lekin bu hissiyotni hammamiz bilamiz.

Avval kimdir sizga yaxshilik qiladi. Keyin esa berganidan kattaroq narsani soʻraydi. Sen "yoʻq" deya olmaysan, chunki ichingda bitta ovoz bor: "u menga yordam bergandi-ku!".

Baʼzan esa hech qanday yaxshilik boʻlmasa ham, "yoʻq" deyish xiyonatdek tuyuladi.
Masalan, hayotiy voqealardan birini olaylik; muhim uchrashuvga kechikyapsan, ustingdan kulgandek, avtobus ham kelavermadi, Yandex taksi chaqirding, lekin... avtobus kelib qoldi. Taksini bekor qilmoqchisan, ammo nimagadir oʻzingni aybdordek his qilasan. Haydovchi sening hayoting uchun masʼuldek goʻyo.


Sabab:
-Bolaligimizdan "yaxshilikka yaxshilik bilan javob ber" deb singdirishgan.

-Jamiyat “yoʻq” deyishni qoʻpollik bilan aralashtirib yuborgan.

-Biz boshqalarning his-tuygʻularini oʻzimiznikidan ustun qoʻyishga oʻrganib qolganmiz (yoki oʻrgatilganmiz).


Muammo:
-Yaxshilik — savdo emas. U majburiyat tugʻdirmaydi. Agar u majburiyatga aylansa, u endi yaxshilik emas.

Yechim:
-"Yoʻq" deyish yomonlik emas, chegara.

-Aybdorlik hissi har doim haqiqat belgisi emas.

-Sen birovning umidlari uchun yashashga majbur emassan.

Diqqat:
-Agar biror narsa ichingda majburiyat, siqilish yoki norozilik uygʻotsa — toʻxta!

-Ehtimol, sen allaqachon oʻzingni sotib boʻlgandirsan.

-Yemoq yoqimli.
Lekin qusmogʻi ham bor.

Taskin olishimni bilmasdan kimdan,
Tuni bo’yi daydib izladim farah,
Shunda qulog’imga chalindi zimdan..
Hayya a’las-solah, hayya a’las-solah..

✍🏽 Ravshan Haqmurod

Quldan farqim yoʻqdir:
ne istasangiz,
Jon deb bajo etgum,
bosh ustiga, jon.
Men —
nima eksangiz shu unar angʻiz,
Begona oʻtlardan xoli,
beisyon.

Evaz kutmagayman:
quvsangiz qochib,
Ursangiz oʻlaman,
yursangiz — sayr…
Qachondir kelsangiz —
eshigim ochiq,
Qachondir ketmoqchi boʻlsangiz —
xayr!

✍🏻 Nurmuhammad Abduzoir

People do not hurt us, our hopes from them do.

-Imam Ali

Ooh, for real? Could we even think before saying something?

Yozmoqchi boʻlgan narsalarim koʻp. Lekin sizlardan qizgʻonyapman)

Bir kishi Ibn Xaldundan soʻradi:
Farzandlarimizni qanday tarbiyalashimiz kerak?

Ibn Xaldun aytdi:
Farzandlaringizni tarbiyalashga urinmang. Chunki ular baribir sizga oʻxshab qolishadi. Faqat oʻzingizni tartibga soling.

Home is where mom is.