Rosululloh ☪️ aytdilar:

«Sizning eng yaxshi kunlaringizdan biri juma kunidir, men uchun ko'p salovat aytinglar , chunki salovatlaringiz menga ko’rsatilinadi».

Sahih Al Nasa’i (1374)

Masalan, agar bir yigit o‘zicha bir qiz bilan telefon orqali yoki boshqa yo‘l bilan harom suhbat qilishni xohlab qolsa, hatto bu ish zinoga yetmagan bo‘lsa ham, quyidagi buyuk va jamlovchi so‘zlarni eslasin:

Buni onang uchun xohlaysanmi?
Buni qizing uchun xohlaysanmi?
Buni opa-singling uchun xohlaysanmi?
Buni ammang uchun xohlaysanmi?
Buni xolang uchun xohlaysanmi?

Shuningdek, o’sha gunohkorlar zamonaviy vositalardan foydalanib, ular orqali ayrim qizlarni tuzoqqa tushiradilar, yana ayrim qizlarni asta-sekin o‘zlariga jalb qiladilar va ayrim g‘ofilalarni qadam-baqadam shantaj qiladilar.

Axir bu gunohkorlar Payg‘ambarimiz ☪️ ning ushbu buyuk hadisini eslamaydilarmi?

@maruf

Savol: Bu gaplar qaysi hadis haqida?

👇

Abu Umoma al-Boxiliy ◾️dan rivoyat qilinadi:
Quraysh qabilasidan bo‘lgan bir yosh yigit payg‘ambarimizning oldilariga kelib dedi:

Ey Allohning Rasuli, menga zino qilishga ruxsat bering.

Odamlar unga qarab, uni qaytarishdi va: “Bas qil, bas qil!” deyishdi.

Shunda payg‘ambarimiz (☪️) dedilar:
Uni yaqinroq keltiring.

U yaqin keldi.

Payg‘ambar ☪️: “O‘tir“, dedilar

U o‘tirdi.

So‘radilar:
Sen buni onang uchun yaxshi ko‘rasanmi?

U dedi:
Yo‘q, Allohga qasam, ey Allohning Rasuli, men sizga fido bo‘lay!

Dedilar:
Odamlar ham buni onalari uchun yaxshi ko‘rmaydilar.

So‘radilar:
Qizing uchun-chi, shuni yaxshi ko‘rasanmi?

U dedi:
Yo‘q, Allohga qasam, ey Allohning Rasuli, jonim sizga fido bo‘lsin!

Dedilar:
Odamlar ham buni qizlari uchun yaxshi ko‘rmaydilar.

So‘radilar:
Opa-singling uchun-chi?

U dedi:
Yo‘q, Allohga qasam, ey Allohning Rasuli, jonim sizga fido bo‘lsin!
Dedilar:

Odamlar ham buni opa-singillari uchun yaxshi ko‘rmaydilar.

So‘radilar:
Amang uchun-chi?

U dedi:
Yo‘q, Allohga qasam, ey Allohning Rasuli, jonim sizga fido bo‘lsin!

Dedilar:
Odamlar ham buni ammalari uchun yaxshi ko‘rmaydilar.

So‘radilar:
Xolang uchun-chi?


U dedi:
Yo‘q, Allohga qasam, ey Allohning Rasuli, jonim sizga fido bo‘lsin!

Dedilar:
Odamlar ham buni xolalari uchun yaxshi ko‘rmaydilar.

So‘ng Payg‘ambar ☪️ qo‘llarini uning ustiga qo‘yib dedilar:
Ey Alloh, uning gunohini kechir, qalbini pokla va iffatini muhofaza qil.

Abu Umoma ◾️:
"Shundan so‘ng bu yigit xech narsaga( xech qanday bir nomaxram ayolga) mutlaqo burilmas(nazar tashlamas) edi!".


( Imom Ahmad va boshqa muhaddis allomalar rivoyat qilgan sahih hadis).

Umar ◾️dan so‘raldi:

«Shaharlar obod bo‘la turib ham xarob bo‘lib ketadimi?»

U zot dedilar:

«Agar fojir (buzuq) odamlar yaxshilardan ustun bo‘lsa»

Ibn Abi ad-Dunya.

Ibn al-Qayyim ◾️ aytadilar:

«Yusuf ⚫️ chiroyli yuzi va go’zal ko’rinishi sababli qamaldi.

Qachonki, uning ilmining ko’rinishi zohir bo’lganda, qamoqdan chiqdi va yerga mustahkam o’rnashdi.

Bu odam bolalaridagi ilmning ko’rinishi garchi tashqi qiyofa eng chiroyli bo’lgan taqdirda ham undagi tashqi qiyofaning ko’rinishidan go’zalroq va sharafliroq ekanligiga dalolat qiladi».

Miftahu darus sa’ada, 1/53.

Ibn al-Javziy ◾️ aytadilar:

«Haqiqiy miskin¹ umrini amal qilmagan ilmi bilan o'tkazgan kishidir.

Natijada u dunyoning lazzatlaridan ham, oxiratning yaxshiliklaridan ham mahrum bo'ladi va kuchli dalillar unga qarshi boʻlgan holda qiyomatda muflis² holda keladi».

Soydul Xotir, 105.