ያ ......ትሁቱ ሻማ
።፨፨፨፨፨፨፨፨፨፨።

ያ ትሁቱ ሻማ፤
መስዋዕት ለመሆን ራሱን ባዶ ያረገ፣
ከደረቅ መሬት ለይ እንደ ስር ያደገ፣
መልክ ዉበት የሌለዉ በደዌ የደቀቀ፣
በሰዉ የተጠላ በሰዉ የተናቀ፣
ያ .....ትሁቱ ሻማ

ያ ትሁቱ ሻማ፤
ቤዛ ሆኖ ሊከፍል የሰውን ሁሉ እዳ፣
አንዳች ሳይናገር ለእሳት ሲነዳ፣
በጭንቅ ነበልባል ሲነድ በብዙ፣
እንደ ደም ሲወርድ ሲንጠባጠብ ወዙ፣
ያ .....ት ሁቱ ሻማ

ያ ትሁቱ ሻማ፤
በተከተሉት ፊት ሲሸነፍ ሲረታ፣
ምራቅ ሲተፋበት በጥፊ ሲመታ፣
ብረት ባለዉ ጠፍር በሃይል ሲገረፍ፣
ቆዳዉ ሲገሸለጥ ደሙ ሲጉረፈረፍ፣
ያ......ትሁቱ ሻማ

ያ ትሀቱ ሻማ፤
በሾህ ጉንጉን አክሊል ግንባሩ ሲበሳ፣
መስቀል ተሸክሞ ሲወድቅ ሲነሳ፣
በረዣዠም ምስማር እጅ እግሩ ሲጠረቅ፣
መጠማቱ ሲያይል አፍ ጉሮሮዉ ሲደርቅ፣
ያ...... ትሁቱ ሻማ

ያትሁቱ ሻማ፤
አልባሱ ተገፎ በ'ንጨት ሲንጠለጠል፣
በህማሙ ንዳድ ሲቃትት ሲቃጠል፣
ጅማተ አጥንቱ በ'ሳት ተለኩሷል፣
ሰዉነቱ ቀልጧል በፍም ተገማምሷል።
ያ....... ትሁቱ ሻማ

ያ ትሁቱ ሻማ፤
ከቆሰለ አካሉ ደሙ እየወረደ፣
ብርሃን ያበራልን እሱ እየነደደ፣
አበቃለት ሲሉ መቼ ቀረ ቀልጦ?!
በ ሶስተኛ ቀኑ ታይቷል ሁሉን በልጦ።

✍ @artopian

--^~__/^\__¡__^~_^--

አንድ ትንሽ ማሽን በሃኪም ቤት ያለች፣
እውነታን በመስመር በርግጥ ታሳያለች።
ሰው በህይወት ካለ ዚግዛግ ገባ ወጣ፣
ደሞ ልሙጥ መስመር ሰው ነፍሱ ከወጣ።
........
አባጣ ጎርባጣ፣
ደሞ ገባ ወጣ፣
ሸለቆና ዳገት፣
ቁልቁለት አቀበት፣
ይሄ ከሌለበት፣
የምትኖረው ህይወት፣
ያውም በዚች አለም፣
እመነኝ ግድ የለም፣
ታሪክህ አበቃ፣
ሞተሃል ነው በቃ።

✍artopian
#repost

፨፨ተረቱና እውነቱ፨፨

ላልነገረ ህመሙን፣
መድሃኒት የለውም፣
ተብሎ ሲተረት፣
ምሳሌና ተረት፣
መድሃኒት ብትሻ፣
ከ'መም መፈወሻ፣
መናገር ቢያቅታት፣
ግፊያውም ቢያግዳት...
አልያም ምናልባት፣
ሰው ስለበዛባት፣
ህመሟን ለማውራት፣
ቢሆን ያሳፈራት፣
ምንም ሳትናገር፤
ጨርቁን ስትዳስሰው፣
የውስጧን የሚያውቀው፤
ህመሟን ፈወሰው።

ልክ እንደተረቱ፣
ቢሆን ኖሮ እውነቱ፣
ሚያስጨንቀን ነገር፣
ሲሆን ማይነገር፣
ማውራት ሳንችል ስንቀር፣
ምን ይውጠን ነበር?!

✏️unknown
✍artopian
#repost

📙 book cover design
🔸graphics
@artopian

፨፨፨፨፨፨፧።፧፨፨፨፨፨፨

የመኖሬ ሚስጥር የጥሜ መቁረጫ፣
ካሳዳጁ አዉሬ ከጠላት ማምለጫ፣
ምታነፃ 'ድፌን ምትቀይር ጠረኔን፣
መአዛህን ሰጥተህ አስወግደህ የኔን፣
ደረቅ በረሃዬን የምታረሰርስ፣
በምትገኝበት ምናፍቅ ልደርስ፣
ባጣህ የምዋትት ምባዝን ምከፋ፣
ያላንተ የማልኖር ብለይህ ምጠፋ፣
የነብሴን ባዶነት በ'ርካታ ምትሞላ፣
አንተ የ'ይወት ውሃ እኔ ደሞ ዋላ።

✍artopian

✏️Pencil portrait
( materials used 2H,3B,8B,14B, charcoal,kohl, kneaded eraser, acrylic)
@artopian
@El_knows

Acrylic painting 🎨
Canvas size 35*40 cm
@artopian

እግዜር ይፈትናል?
፨፨፨፨፨፨፨፨፨፨፨
ት’ግስት እንድትማር እምነትህ እንዲፀና
በፈተና እንድታልፍ ፈቃዱ ነውና
የህይወትን አክሊል ስለምትቀበል
መከራ ሲበዛ ይልቁን እሰይ በል፡፡
.......................
ማዳኑን እንድታይ የእርሱን ቸርነት
ፈተና እንዲገጥምህ ይፈቅዳል በእዉነት
ከርህራሄ አባት ከሱ ጋራ ውለህ
በተፅናናኸዉ ልክ ማፅናናት ታውቃለህ።
........................

ልጆቹን ሊገስፅ ሊቀጣ እንደ አባት
ወደ ራሱ ሊያቀርብ ሊመልስ ከጥፋት
ፈተናን ይፈቅዳል ተግሳፁን አታቃል
ትክክል ነው ያህዌ ሚያደርገውን ያውቃል።
........................
ጌታን ለሚወዱት ሁሉ ነው ለበጎ
ነገርን ያስውባል ለመልካም አድርጎ
.
.
.
ግና እንዲጠፋ ሀጥያት እንዲያረክሰው
የክፉ ፈተናን መች ይፈቅዳል ለሰው?

ዐመጽ እንደማይወድ ይህንን ልብ በል
በሃጥያት ብትወድቅ ፈተነኝ አትበል፡፡
ባጥያት የምትወድቅ ባጥያት ምትጠመድ
ክፉ ምኞትህን ነው ስትለማመድ፡፡

✍@artopian