"ማነው?" ሲሉ
፨፨፨፨፨፨
"አምላክ የምትይው የታለ ቆይ እሱ?
ማነው? አላየነው" ሲሉ እየተነሱ
እኔም የምሰጠው ከውስጠት ከነፍሴ
ማልፀፀትበት ይኸውና መልሴ።
የሁሉ መገኛ የፍጥረት መሰረት
መነሻ የሌለው መድረሻ አልባ ጅረት
ሁሉም ቦታ አለ ታችም ሆነ እላይ
ምድር መረገጫው ዙፋኑ ነው ሰማይ
ባህሪ ፀባዩን የሱነቱን ሚስጥር
ለማውቅ በጣሩ በፈለጉ ቁጥር
ባይመረመርም ርቆ እንኳ አድማሱ
አልፋና ኦሜጋ የቅርብ ነው እሱ
ሞቶ የማዳኑን የፍቅሩን ቀመር
ከራሱ በስተቀር ማን ገልጦት ሲጀመር
በየለቱ አዲስ ከቶ ማይለመድ
ደመናት ለይ ሚሄድ ውሃ ለይ ሚራመድ
አይደለም በቃላት ልገልፀው በ ሆሄ
ከመታወቅ ያልፋል ማንነቱ ኤሎሄ።

✍@El_knows

💥@artopian

የኖረው ሲሞት ነው

፨፨፨፨፨፨፨፨
ነፍሱ ከስጋው ላይ
ያኔ ሳትለያይ
እስትንፋሱ ሳለ
በምድር እያለ
አልን በ'ይወት አለ።
ሚጠይቀው ጠፍቶ
ዘመድ ወዳጅ አጥቶ
ኖሮ በሰቀቀን
ከለታት አንድ ቀን
ያቺ አንድ ነፍሱ
ስትጠፋ ከሱ
ሲበድን አካሉ
''ወይኔ ሞተ'' አሉ
ከዛም እንዳረፈ
በ'ድር ተለፈፈ።
ሰው ተሰበሰበ
ቤት ጊቢው ጠበበ
መሞቱን ሲሰማ መኖሩን የረሳ
የሟች ባህሪውን አስታውሶ አወሳ
ስራው ተነገረ
ስሙ ተዘከረ
ታድያ ነፍሱ እያለ 'አለ' ማለት ምነው?
አልገባንም እንጂ የኖረው ሲሞት ነው።

2005 ዓ.ም
✍@El_knows

የተመረጠው ግን...
፨፨፨፨፨፨፨፨፨፨

የቁመት ዘለግታ መልከ ቀናነቱን
የውጭ የውጪውን አይቶ የፊት ፊቱን
''ሚነግስማ ይህ ነው'' በማለት ሲገረም
የተመረጠው ግን ኤልያብ አልነበረም።
------------
''ከ'ነቤተሰብህ'' አባቱ ''ና'' ሲባል
ጠርቶ ያላቆመው ከልጆቹ መሃል
ሊነግስ በያህዌ አይኖች ስር የዋለ
ማንም ያላሰበው አንድ እረኛ አለ።
አብ የመረጠውን ማነው ሚያሳንሰው?
እሱ ልብን እንጂ መች ያያል እንደሰው?!
✍@artopian

@artopian @artopian


✉️DM @El_knows to order🖼

ትንፍስ እርፍ
፨፨፨፨፨፨፨፨

ትክዝ ፍዝዝ😒
ፍዝዝ ድንዝ🥺
ድንዝ ድንዝዝ😖
ድንዝዝ ቡዝዝ☹️
ቅዝዝ ጭልም😑
ባሳብ ዕልም😨
ዕልም ስምጥ😶
ደሞ ድንግጥ😳
ጭፍን ፍጥጥ👀
ጭንቅ ጥብብ🧐
ሃሳብ እስብ🤔
በውስጥ እልቅስ😞
ራስን ውቅስ😤
በራስ እዝን🤦‍♀
ፅፅት ብግን😠
ቅር ቅርር😢
ቅፍፍ ምርር🤢
ድብን እርር😡
ደሞ ድንዝዝ😶
እልም ፍዝዝ😒
እዝን ግርጥት😩
ቤትህ ምጥት🚶‍♀
ውድቅ ብርክክ🚼
ሁሉን ትርክ🗣
ትርክ ውርት🤧
ምንም ቅርት🙆‍♀
ንዝዝ እልቅስ😭
እልቅስ ትንፍስ 😪
ትንፍስ እርፍ😴
ሀዘን ቅርፍ😊
ፍክት ድስት😃
ብድግ ንስት🕴
ፈገግ ሳቅ😁
ሳቅ ፍንድቅ😅
ፍልቅልቅልቅ😂
ድስት ቅልል😄
ም'ረት ቅብል🤲
ጸጋ ግኝት😇
ባንተ ጉብኝት🤗
ንፅት እድስ😌
እድስ ቅድስ🤓
ጭንቀት ውግድ😃
ምልክ ስግድ🙇‍♀
ቤትህ ኑርት🥰
ምችት ቅርት😎።።

✍@El_knows

💥@artopian

Digital illustration(adobe draw)

''ይቅር አትበለኝ''
፨፨፨፨፨፨፨፨፨

ሚከፍለውን መክሊት አጥቶ የተቸገረ፣
እልፍ እዳ ያለበት አንድ ሰው ነበረ፣
ጌታው ሀብቱን መቁጠር በወደደ ዕለት፣
ይህንን ባለ'ዳ ይዘው አመጡለት።
ሚስት እናት ልጆቹ ያለው ሁሉ እንዲሸጥ፣
እዳውን እንዲከፍል ንጉስ ትዛዝ ሲሰጥ፣
ባርያውም የጌታው እግር ስር ወደቀ፣
ጊዜ እንዲሰጠው አጥብቆ ጠየቀ።
እንዲህ ሲማጸነው ንጉስ አዘነለት፣
ዕልፍ ዕዳውን ሁሉ ራራና ተወለት።
ግን ያ ባርያ ወጥቶ ከባልንጀሮቹ፣
ጥቂት እዳ ያለውን አነቀው በ'ጆቹ።
የሱ ባልንጀራ ከፍልሃለው ቢለው፣
ትንሽ እንዲታገስ ብዙ ቢለምነው፣
እርሱም አልወደደም ፈጽሞ ሊምረው፣
እዳውን እስኪከፍል በወህኒ አኖረው።
ዕልፍ ዕዳው በሞላው ባርያው ተትቶለት፣
የወንድሙን እዳ መተው ጭንቅ ሆነበት፣
ይህንን ሲሰማ ንጉሱ ባለበት፣
የማረውን ሁሉን ተወው ሰረዘበት፣
''ክፉ ባርያ'' ብሎት ጌታው ባንደበቱ፣
አሳልፎም ሰጠው ለሚያሰቃዩቱ።
ም'ረት ያገኘ ሰው እዳ የተተወለት፣
ለወንድሙ ይቅርታ ግን ማያረግለት፣
''አባታችን ሆይ'' ሲል ጸሎቱ ሚሆነው፣
''ይቅር እንደማልል ይቅር አትበለኝ ነው።''

✍@artopian