- الرساله ؛ شيموءة الواحد شلون يحصل فرص انترشب اونلاين دولية؟

- الرساله ؛ عندي سيفي حلو

خوش سؤال

اقيّمكِ ١٠/١٠

اغلبها ما بيها مصدر او جهة وحدة تنشرها وتقدمها،
الموضوع يعتمد على المجال اللي الشخص يشتغل به او تعلم به ويريد يتدرب ،
يعني أنا وقتها حصلتها من الويبسايت مالهم مدري من الانستا، ما اتذكر بالضبط
وشخص مُعين كان عنده معرفة بيهم
وعلى الـCV وتم،
فـالمسار اللي أنا أعتمده انهُ اتابع وابحث بالمؤسسات اللي مختصة بـالمجال اللي اشتغل به وهم ينشرون الفرص اللي عندهم دائمًا
وقبلها يكون عندي حصيل تدريب نظري وكورسات واذا اكو projects مشاريع شخصية فـبعد احسن

لكن اكو نقطة مُهمة لأن the winner takes it all ولأن we born to die
فـهواي مؤسسات تنشر وهي اصلًا عندها شخص قبلته بدون النشر هذا 🙏🏻
فـيعني العلاقات connections راح تفيد جدًا جدًا جدًا

- الرساله ؛ شيماء طول معرفتي بيكي اشوفكي ترضين تفتحين مشروع من الصفر بس ما تشتغلين 😭😭

من جهة ، أشوف عندي اسباب منطقية
ومن جهة اشوف هذا ego وما اتحمل الأوادم

بس ترا اكو نقطة مُهمة هو مو مشروع مشروع يعني بزنس كامل قائم او برنامج او مؤسسة او منظمة

انما project ،
فكرة الـproject
هو عبارة عن سلسلة من العمليات والجُهد حتى نسوي فد حملة او خدمة او منتج
بس الفرق، انهُ يكون مُحدد بـفترة زمنية واكو معايير مُعينة حتى نحدد بيها نجاح المشروع project هذا والنتائج اللي ردنا نحصلها

هاي اكو سالفة جاي تصير اكثر من مرة اخير فترة

اكو اوادم ما يعرفون يفرقون بين المشروع project وبين البرنامج program وبين البزنس
فـيجون شنو يسوون؟
ينتقدوني من بعيد - لأن اصلًا ما أتواصل معاهم -

شنو الحجة؟ "اكو اوادم عندها عشرين الف مشروع بس حتى تقول عندي مشروع والأفضل الشخص يسوي مشروع واحد وينجحه احسن من عدة مشاريع"

أنا project manager شنو السالفة 🌹
حرفيا الـcareer هذا فكرته الأساسية يكون الشخص عنده مجموعة مشاريع محددة بـفترة زمنية مُعينة ويحصل منها نتائج مُعينة حتى يعتبر المشروع نجح

احس صعبة، خلي اشرحها ابسط

عندنا فد شيء اسمه شارك جارك
فريق على طريق يصير مُنظمة، بدأن من سنة ونص وسوينا ١٢ حملة و٤٥٠-٥٠٠ عائلة وتقريبًا ٦٠-٧٥ متطوع جو معانا

هذا التعريف العام نسميه منظمة او مؤسسة او الفريق او الشركة وعندها انجازات مُعينة

جواها يجي شيء اسمه البرنامج program
البرنامج هذا يكون شيء طويل الامد، ممكن يمتد لـسنوات وهو رؤية المؤسسة هذه بـهذه الفترة الزمينة الطويلة يعني مجموعة مشاريع

جواهم يجي المشروع project
وهو عبارة عن الشيء اللي حكيناه
فـمثلًا ، شارك جارك
به اربعة مشاريع اساسية وجاي نستحدث اثنين جدد
فـمثلًا اخير مشروع استحدثناها كان الايتام داخل دور الايتام - التأهيل المجتمعي لأطفال دور الايام
هدفه ندمج العالم الخارجي بـشكل مُصغر داخل الدار بـحيث يقدرون يكتسبون المهارات الأساسية من تواصل وتفكير وادارة وتعبير ومجتمع
ويبنون عليها من يطلعون من الدار،
لأن اكو هواي من يطلعون من الدور يطلعون صفر بالحياة المهنية واحيانًا مجتمعيًا همين

جوا المشروع يكون اكو الحملة
فـمثلًا مشروع دار الايتام لـنفترض هو عبارة عن ٥-٨ حملات
اللي هي الحدث او التنظيم او النشاط اللي يسويه هذا الفريق اكثر من مرة إلى ان يوصل للنتيجة اللي يريدها
فـمثلًا، تنظيم زيارة للدار اول ايام العيد مع خمسة انشطة

الرسالة هذه اختصار كورس بالـproject management ☝🏻

- الرساله ؛ شيماء الويحد يحس نفسو فاشل من يتعرف عليكي ويغشع شغلكي 😭

افتراءات ودجل عليّ، من وين هذه السمعة

أنا جاية اسخت هنا حتى ما اروح اكمل اورل