«Ունիվերսիտատյա Կլուժը» տարվա վերջին խաղը ոչ-ոքի է ավարտել «Սեպսիի» հետ (0:0): Միրանյանը մասնակցել է 2-րդ խաղակեսին և ընդամենը 9 անգամ է հպվել գնդակին: Կատարել է 6 փոխանցում՝ 100 տոկոս ճշգրտությամբ:

«Ունիվերսիտատյան» դեռ գլխավորում է Ռումինիայի առաջնության մրցաշարային աղյուսակը:

ՀԻՇԵՑՈՒՄ 📣 Ֆուտբոլային #գործկա ⚽️

Stats Perform ընկերությունում նոր թափուր աշխատատեղեր կան գործարքային հիմունքներով։ Այսինքն, վարձատրվելու եք ըստ կատարած աշխատանքի։ Աշխատանքը հիմնականում լինելու է շաբաթ և կիրակի օրերին, այսինքն՝ հարմար է ուսանողների և հիմնական աշխատանք ունեցող մարդկանց համար։

Պահանջներն են.
1. Ֆուտբոլի (խաղի կանոնների) հստակ գիտելիք
2. Անգլերենի իմացությունը շատ մեծ առավելություն է
3. Երեկոյան և ուշ ժամերին աշխատելու ցանկություն
4. Համակարգչի հետ առնչվելու ունակություն
5. Տարիքային շեմը 17֊35 տարեկան

📆Հունվարի 7-ից սկսվում է ուսումնական փուլը, որը կտևի 2 ամիս։ Այդ 2 ամսվա ընթացքում ուսանողը հաճախում է երկուշաբթի֊ուրբաթ օրերին, օրական 8 ժամ։

☝🏻Ավարտական թեսթը գերազանց հանձնելու դեպքում վճարվում եք ուսման ժամանակահատվածի համար նախատեսված գումարը և պայմանագիր կնքում։


📧CV -ներն ուղարկեք gor.novshatyan1991@gmail.com հասցեին
կամ այս հղումով➡️ https://statsperformacademy.csod.com/ux/ats/careersite/3/home/requisition/4687?c=statsperformacademy

‼️🚨Արգենտինական ԶԼՄ-ները հայտնում են, որ Սելարայանը գալիք ուրբաթ կներկայացվի որպես «Բելգրանոյի» ֆուտբոլիստ

📈 Transfermarkt-ը Տիգրան Բարսեղյանի տրանսֆերային արժեքը բարձրացրել է 2 միլիոն եվրո (+300 հազար):

2023 թվականի հունիսին Բարսեղյանի արժեքը 1,2 միլիոն եվրո էր: 31 տարեկանում նա գրեթե կրկնապատկել է իր տրանսֆերի գինը🔥

Հենրիխ Մխիթարյանը՝ Հայաստանի 2024 թվականի լավագույն ֆուտբոլիստ 🔝

🖇️ https://www.ffa.am/hy/news/ArmenianBestPlayer2024

Հենոն!🇦🇲

✅ Լուկաս Սելարայանը վերադարձել է «Բելգրանո»❗️

32-ամյա ֆուտբոլիստի հետ պայմանագիրը նախատեսված է մինչև 2027 թվականը📃

Ա Սերիա, 18-րդ տուր. «Ինտերի» մեկնարկային XI-ը «Կալյարիի» դեմ

«Ինտերը» հաղթեց 3:0 հաշվով, Մխիթարյանը խաղաց մինչև 80-րդ րոպեն:

⚫️🔵 «Ներաձուրիները» 40 միավորով գլխավորեցին մրցաշարային աղյուսակը

Շնորհակալ եմ բոլոր քվեարկողներին ինձ Հայաստանի Հանրապետությունը լավագույնս հանրահռչակած Մարզիկ և Հայաստանի Լավագույն Ֆուտբոլիստ ճանաչելու համար: Երախտապարտ եմ ինձ հավատացողներին, ինձ երկրպագողներին և իմ հաջողություններով ուրախացողներին։ ❤️🇦🇲

©️ Հենրիխ Մխիթարյան

❗️Լուկաս Սելարայանը դեռ չի տեղափոխվել «Բելգրանո»։

Արգենտինական ակումբի սոցիալական ցանցերից հեռացվել են Սելարայանի տրանսֆերի մասին հրապարակումները, իսկ ակումբի մարզադաշտում նախատեսված շնորհանդեսը չեղարկվել է։

Հաղորդվում է, որ «Ալ-Ֆաթեհը» չի տրամադրել բոլոր անհրաժեշտ փաստաթղթերը, այդ պատճառով FIFA-ն չի գրանցել տրանսֆերը։

Բանակցությունները դեռ շարունակվում են։

💔😞20 տարին շա՞տ է, թե՞ քիչ:

Այս օրերը ոչ միայն մարող տարվա վերջին օրերն են, այլև՝ Armenian Soccer-ի: 

Այո՛, որքան էլ անհավանական կամ անիրական հնչի առաջին հերթին ինձ համար, բայց Armenian Soccer-ի ճանապարհը մոտենում է իր ավարտին: 

Մենք 20 տարի, ուղիղ 20, ընդամենը 20, ամբո՜ղջ 20 տարի աշխատում էինք հայկական ֆուտբոլի ու հայ ֆուտբոլասերի համար: Աշխատում էինք հանուն նրա, որ ֆուտբոլի ու ֆուտբոլասերի միջև կապը չկտրվի, որ ամրանա: Ու այդ դժվարին ճանապարհին մեզ աջակցում էին ֆուտբոլային աշխարհում մեր գործընկերները՝ Հայաստանի ֆուտբոլի ֆեդերացիան, ակումբներն ու նրանց ղեկավարները, մեր ֆինանսական գործընկերները՝ Ինեկոբանկը, VBet-ը, Fastex-ը…

Հենց նրանց շնորհիվ է, որ հայկական ֆուտբոլին նվիրված առաջին կայքը ծնունդ առավ, զարգացավ ու արդեն կատարյալ հասուն է: Շնորհակա՜լ եմ այս ուղին միասին անցնելու համար:
Շնորհակալ եմ նաև կայքի հետ անմիջապես աշխատող անձանց՝  Կարեն Համբարձումյանին, ով կայքի հիմնադրման առաջին օրվանից առ այսօր մեզ օգնել է հոսթինգի հարցում, շնորհակալ եմ ու երբեք չեմ մոռանա մեր կայքի տևական հեղինակ, երջանկահիշատակ Արամ Ուգուջյանին, լրագրողներ Գայանե Նազարյանին, Լիանա Հարությունյանին ու Հռիփսիմե Գալստյանին… 

Շնորհակալությունների ցանկն անվերջ կարելի է թվել: 

Բայց ես ուզում եմ մի փոքր խոսել հենց կայքի մասին: Ես հրաշալի հիշում եմ, թե ինչպես էի այն ծրագրում, ստեղծում, տարիների բարձունքից տեսնում, թե ինչ «պարզունակ ու միամիտ» էին կայքի առաջին ամիսները ու ի վերջո ուր հասանք այսօր՝ 20 տարի անց: Բայց նաև պիտի փաստեմ, որ այդ 20 տարին ինձ համար աննկատ թռավ: Այդպես է լինում, երբ սիրում ես գործդ, երբ դու հավատում ու ապրում ես դրանով, երբ վստահ ես, որ աշխատանքդ իր հասցեատերն ունի:

Ու ես շնորհակալություն եմ հայտնում յուրաքանչյուրին, յուրաքանչյուրիդ: Շնորհակալություն կարդացած ամեն նորության, ամեն հոդվածի ու հարցազրույցի համար, շնորհակալություն յուրաքանչյուր մեկնաբանության, յուրաքանչյուր կարծիքի համար, յուրաքանչյուրպահի, որ մենք միասին կիսեցին: 

Տոնական այս օրերին բոլորիդ մաղթում եմ հայկական ֆուտբոլից միայն ու միայն լավ ու հաղթական նորություններ, որոնք դուք կկարդաք արդեն այլ կայքերում:

Ցանկանում ենք մեր ընթերցողներին տեղեկացնել, որ մինչև Fastex Պրեմիեր Լիգայի ընթացիկ խաղաշրջանի ավարտը կայքում հասանելի կլինի տվյալների բաժինը:

Armenian Soccer Awards մրցանակաբաշխության ընթացքի մասին հանդես կգանք լրացուցիչ հայտարարությամբ:

Հարգանքով ու խորին երախտագիտությամբ՝
Armenian Soccer-ի հիմնադիր 
Էդգար Պետրոսյան