Барча масъуллар ҳар бир корхона, тадбиркор ва хонадон билан яқиндан ишлайди

Президент Шавкат Мирзиёев кунннинг иккинчи ярмида Наманган шаҳрида Наманган, Андижон ва Фарғона вилоятлари ҳокимлари ҳамда иқтисодий комплекс мутасаддилари иштирокида йиғилиш ўтказди.

Унда Сайхунобод тажрибаси асосида маҳаллабай ишлаш, томорқа ва хонадонлардаги имкониятлардан фойдаланиб, аҳоли даромадларини ошириш чора-тадбирлари муҳокама қилинди.

Водий вилоятларида аҳоли зич яшайди. Ҳар қарич ер қадрли. Миришкорлар ердан фойдаланишнинг ҳадисини олган. Ҳунармандчилик, тадбиркорлик яхши ривожланган. Шу билан бирга, маҳаллаларда ишсизлар, эҳтиёжмандлар ҳам бор.

Давлатимиз раҳбари бундай инсонларга алоҳида эътибор қаратиш, ташкилий-молиявий кўмак бериб, бандлигини таъминлаш зарурлигини айтди. Бунинг учун барча масъуллар ҳар бир корхона, тадбиркор ва хонадон билан яқиндан ишлайдиган тизимни йўлга қўйиши керак.

Расмий саҳифаларимиз
Veb-sayt|Telegram|Facebook|Instagram|You Tube|X|Murojaat

Муаммолар таҳлил қилиниб, имкониятларни тўлиқ ишга солиш бўйича вазифалар белгиланди

Президент Шавкат Мирзиёев Наманган вилоятини иқтисодий-ижтимоий ривожлантириш чора-тадбирлари муҳокамаси юзасидан йиғилиш ўтказди.

Расмий саҳифаларимиз
Veb-sayt|Telegram|Facebook|Instagram|You Tube|X|Murojaat

#Филиаллар_фаолияти

⚡️Навоийда Истиқболли кадрлар захирасига киритилган номзодлар малака оширмоқда

Президент ҳузуридаги Давлат хизматини ривожлантириш агентлиги Навоий вилояти филиали томонидан Истиқболли кадрлар захирасига киритилган номзодлар учун ўқув-семинар бошланди.

Ўқув — давлат хизматчиларининг бошқарув ва касбий фаолиятига оид билим ва кўникмаларини ривожлантиришга йўналтирилган.

Айни дамда семинарда Навоий шаҳри, Кармана, Навбаҳор ва Конимех туманларида давлат фуқаролик хизматининг турли бўғинларида фаолият юритаётган тингловчилар иштирок этмоқда. Машғулотлар бошқарув ходимларини шахсий ривожланиш ва фаолият самарадорлигини оширишга қаратилган долзарб мавзуларни ўз ичига олган.

Каналга уланиш — @argos_uz

#Филиаллар_фаолияти

⚡️Бухорода Истиқболли кадрлар захирасидаги номзодлар билим ва компетенцияларини оширмоқда

Бугун давлат фуқаролик хизматчиларининг касбий компетенцияларини ошириб бориш — долзарб масалалардан бири.

Давлатимиз раҳбари ҳам турли даражадаги раҳбарлик лавозимларига янгича фикрлайдиган, ташаббускор, юқори малакали, билимли ва эл-юртга садоқатли кадрларни танлаш, уларни мақсадли равишда раҳбарликка тайёрлаш масалаларига жиддий эътибор қаратмоқда.

Президент ҳузуридаги Давлат хизматини ривожлантириш агентлиги Бухоро филиали вилоят ҳокимлиги билан ҳамкорликда Истиқболли кадрлар захирасига киритилган номзодлар учун уч кунлик, қисқа муддатли малака ошириш курси шу мақсадда ташкил этилди.

Ўқув давомида тингловчилар учун ижтимоий-иқтисодий, сиёсий-ҳуқуқий мавзуларда, давлат ҳокимияти ва бошқаруви тизими, давлат хизматчиларида профессионал мослашувчанлик, раҳбарлик кўникмалари, раҳбар маънавияти ва бошқарув маҳорати каби йўналишларда машғулотлар ва тренинглар ташкил этилади. Шунингдек, тингловчилар жойларда амалий машғулотларда бўлади.

Каналга уланиш — @argos_uz

#Филиаллар_фаолияти

⚡️Салоҳиятли кадрларни топиб, давлат фуқаролик хизматига жалб қилиш — муҳим масала

Бу ҳақда бугун соҳа ва тармоқлардаги барча даражадаги раҳбарлар фикрлаб, амалий ишларни ривожлантириши лозим.

Давлат хизматини ривожлантириш агентлиги вакиллари ҳамкор ташкилотлар кўмагида ёшлар билан шу мақсадда тизимли мулоқотлар ташкил қилиб келмоқда.

Андижон давлат педагогика институтида ҳам бўлиб ўтган очиқ мулоқот салоҳиятли талабаларни давлат фуқаролик хизматига жалб қилиш мақсадида ташкил этилди.

Ёшларга давлат хизмати соҳасидаги ўзгаришлар, "Давлат фуқаролик хизмати тўғрисида”ги қонуннинг мазмун-моҳияти ҳақида маълумот берилди.

Давлат фуқаролик хизматида ишлашнинг аҳамияти, меритократия тамойили асосида ишга кириш тартиби бўйича фикр-мулоҳазалар алмашилди. Айниқса, vacancy.argos.uz порталидаги вакант лавозимларга ҳужжатлар юбориш тартиби, очиқ танловларнинг босқичлари, ёшлар учун яратилган имкониятлар талабалар қизиқишини оширди.

Ёшлар ўзларини қизиқтирган саволларга жавоб олиб, келгусида давлат хизматида ишлаш истаклари борлигини билдиришди.

Каналга уланиш — @argos_uz