السلام عليكم

سنبدأ بتعلم أساسيات قواعد اللغة العربية.

في المدارس، يبدأ تدريس القواعد من الصف الرابع الابتدائي، لذا سنأخذ الأمور من البداية ولن نفوت أي قاعدة.

هدف القناة هو إنشاء أسئلة واختبارات، ونرحب بأي شخص يرغب في تعلم القواعد من المناهج الدراسية للانضمام إلينا. سنحرص على ممارسة القواعد من خلال النقاشات والأسئلة التي تطرحونها بينكم، مما سيمكننا من تطبيق ما تعلمناه.

ببساطة، هدفنا هو ممارسة ما تعلمناه من القواعد.

هذا هو كل ما في الأمر.

السلام على من اتبع الهدى

اولا قبل لا نبدي هذه القناة موجه لاي شخص يريد تعلم القواعد من الصفر
ومو شرط لطلاب المدرسة فقط
اي شخص يكدر يتعلم ويانه كبير صغير

هذا كتاب القواعد للمنهج العراقي
النسخة الالكترونية للي ما عنده كتاب ورقي

وهذا رابط المجموعة : https://t.me/student1_99

قوانين
ممنوع الكلام الماله داعي بين الاولاد والبنات

وممنوع الخاص بين الاولاد والبنات

وممنوع استخدام الكلمات المغرية مثل حبيبي ، حبيبتي ، قلبي . بين الجنسين

اول شي راح نبدي بيه هو حروف التهجي العربية؛ لأنها اول موضوع بالكتاب. 📚
زين، ليش يسموها حروف التهجي العربية مو الحروف الأبجدية العربية 🤔

اني اكلك ليش 👇


---

🔸 شنو معنى "الأبجدية"؟

العرب زمان كانوا يرتبون الحروف بطريقة محددة، بهذا الشكل:
أبجد، هوز، حطي، كلمن، سعفص، قرشت، ثخذ، ضظغ

هذا الترتيب صار له اسم خاص ،واسم هذا الترتيب ماخوذ من اول اربعة احرف: أبجد
يعني كلمة أبجد صارت اسم لهذا الترتيب، ومن هنا صاروا يسمون الحروف بالحروف الأبجدية. ✨


---

🔸 زين ليش هسها ما نستخدم هذا الاسم؟

هسا احنه ما نرتب الحروف مثل ترتيب العرب القدامى، احنه نرتبها بطريقة مختلفة:

ألف، باء، تاء، ثاء… وهكذا حتى نكمل كل الحروف.


لذلك اسمها الحالي مو الحروف الأبجدية، لكن حروف التهجي لاننا نستخدمها للتهجي وتقسيم الكلمات. 📝


---

🔸 شنو معنى "الهجائية"؟ ✍️

الهجاء يعني نقسم الكلمة الى حروفها وحدة وحدة حتى نعرف اشلون تنكتب.
مثال 1: كلمة مدرسة → (م ـ د ـ ر ـ س ـ ة)
مثال 2: كلمة سلام → (س ـ ل ـ ا ـ م)
مثال 3: كلمة قلم → (ق ـ ل ـ م)



يعني حروف التهجي هي الحروف اللي نستخدمها حتى نتهجى ونكتب الكلمات بطريقة صحيحة. 💡


---

🔸 الخلاصة

عادي جدا تكدر تسمي الحروف:

الحروف العربية

حروف اللغة العربية

حروف التهجي


كلها صحيحة حسب الاستخدام ✔️🔥


---
هسا المطلوب منك تفهم مو تحفظ
لان هذا الموضوع ما مذكور بالكتاب لكن بس للتوضيح

هسا نبدي بالتعريف عن الحروف: التعريف يكلنا هيه شنو الحروف

التعريف:
حروف التهجي العربية 🅰️🅱️: هي ألفاظ وأصوات لها رموز كتابية ✍️، ابتكر رسمها العرب الأوائل. إذا جمعنا حرفين أو أكثر، تكونت كلمة، ومن الكلمات نركب جمل، ومن الجمل نركب كلام مفيد 💬.

خلص التعريف ✅

التعريف يكلنا انو الحروف الفاظ واصوات 🎶.
زين، شنو معنى ألفاظ وشنو معنى أصوات؟ 🤔

اني اكلك:

اللفظ هو أي صوت مكون من حروف، يعني أي شي من حروف تنطقه سواء له معنى أو لا، مو شرط يكون له معنى.


مثال عن كلمة مالها معنى: مبنيايزبظ ❌
هاي شنسميها؟ عفية، هاي اسمها لفظ، يعني اللفظ مو شرط يكون له معنى 👍

وهذا مثال عن كلمة لها معنى: حصان 🐴
شوف وحدة مالها معنى والثانية لها معنى، بس الاثنين اسمهم لفظ 🗣️

هسا كملنا سالفة اللفظ ✅

ادور نجي على الصوت 🔊

الصوت مو لازم يكون مكون من حروف، يعني مثلا صوت الحصان أو صوت الفيل 🐘، هاي أصوات بس مو حروف.

وكذا الألفاظ هي أصوات، يعني الصوت شي عام، أي شي تنطقه سواء له معنى أو لا، مكون من حروف أو لا، المهم يطلع صوت 🎵


وهسا هم خلصنا من سالفة الصوت ✅

نرجع للتعريف: هي ألفاظ وأصوات لها رموز كتابية ✍️

عبارة "لها رموز كتابية" بسيطة، يعني الحرف له رسم أو شكل ✒️


نرجع للتعريف:
هي الفاظ واصوات لها رموز كتابية ابتكر رسمها العرب الأوائل ✍️
يعني العرب من زمان هم الي ابتكروا شكل الحروف الحالية، وطبعا على فترات زمنية مختلفة، يعني شويه شويه طوروا شكل الحروف ⏳

هي الفاظ واصوات لها رموز كتابية ابتكر رسمها العرب الأوائل، إذا جمعنا حرفين أو أكثر تكونت كلمة.

✍️ هسا هنا نوكف، هاي لازم نشرحها زين:

إذا جمعنا حرفين أو أكثر، تكونت كلمة. واضحة كلش 👍

إذا حرف واحد، ما يتسمى كلمة.

إذا حرفين، يصير كلمة ✅


بس سؤال: شنو معنى كلمة؟ 🤔
اني اكلك:

الكلمة هي لفظ، اشلون لفظ؟

لان الكلمة أصلا مكونة من حروف، بس إذا هيه هم لفظ، ليش اسمها كلمة؟

الفرق: الكلمة تدل على معنى 💡، يعني أي لفظ يدل على معنى يصير اسمه كلمة.


يعني ما يصير نعتبر هاي الشخابيط كلمة: مينيايايتي ةيوينيميمبت ❌، هاي اسمها ألفاظ مو كلمة.
الكلمة لازم شي له معنى ✅
مثال عن لفظ: نيتياؤؤتسميد ❌
مثال عن كلمة: أنا اجيد السباحة 🏊‍♂️ ✅

شوف انت من تفهم شي معناها هاذه كلام 💬
حتى مرات نصادف ناس يخربطون بحجيهم، احنا نكلهم هاذه مو كلام ❌
يعني هاذه شي ما بيه فايدة أو غلط ⚠️

إذا جمعنا حرفين أو أكثر، تكونت كلمة 📝
يعني من حرفين وانت صاعد تكدر تكون كلمات، أقل من حرف ما تكدر ❌

هسا فهمنا هاي النقاط ✅

نكمل:
هي ألفاظ وأصوات لها رموز كتابية، ابتكر رسمها العرب الأوائل. إذا جمعنا حرفين أو أكثر، تكونت كلمة، ومن الكلمات نركب جملًا 📖

✍️ يعني إذا جمعنا كلمتين، راح تسمى جملة، مو كلمة ⚠️
مثال:

كلمة: الطائر 🐦

جملة: الطائر جميل 🌞


وإذا تضيف بعد كلمات عادي، حتى لو ألف كلمة 📚

نكمل:
هي ألفاظ وأصوات لها رموز كتابية، ابتكر رسمها العرب الأوائل.
إذا جمعنا حرفين أو أكثر، تكونت كلمة، ومن الكلمات نركب جملاً، ومن الجمل نركب كلامًا مفيدًا 💬

✍️ يعني تكدر تروي قصة أو تتبادل الكلام ويه أي شخص وتتفاهمون 🗣️
يعني الي يسمعك يفهم قصدك وشنو تريد ✅
هذا معنى كلام مفيد 💡

أطيكم مثال سريع عن الفرق بين الحرف والكلمة والجملة:

حروف: ك ت ب | م ا ز ن | د ر س ه

كلمة: كتب | مازن | درسه

جملة: كتب مازن درسه ✅





الخلاصة :
---

1️⃣ الحروف:
هي ألفاظ وأصوات لها رموز كتابية ✍️ ابتكرها العرب الأوائل.
ومن تجمع حرفين أو أكثر تتكون كلمة.


---

2️⃣ اللفظ:
أي صوت مكوّن من حروف، سواء له معنى أو ما له معنى.

مثال بدون معنى: مبنيايزبظ ❌

مثال له معنى: حصان 🐴



---

3️⃣ الصوت:
أي شي يطلع صوت، سواء من حروف أو لا.
مثال: صوت الحصان 🐴، الفيل 🐘.


---

4️⃣ الكلمة 📝:
هي لفظ له معنى، ولازم تكون من حرفين أو أكثر.

مثال كلمة: كتاب

مو كلمة: ةيوينيمبت ❌



---

5️⃣ الجملة 📖:
تتكون من كلمتين أو أكثر، وتفيد معنى واضح.

مثال: الطائر جميل 🌞



---

6️⃣ الكلام المفيد 💬:
هو جمل واضحة يفهم منها الشخص قصدك.


---

مثال شامل:

حروف: ك ت ب

كلمة: كتب

جملة: كتب مازن درسه ✅



---



هسا انتهينا من التعريف 🎉📚


---

وهسا نبدي بأشكال الحروف ✍️
أول شي: عدد الحروف المتعارف عليه هسا هو ٢٨ حرف،
بس بالكتاب مذكور ٢٩ حرف لأن ضافوا حرف الهمزة (ء).

وهاي الحروف لها رموز ولها أسماء.
وطبعا الرمز يختلف عن الاسم بالكتابة.

أطيك مثال بحرف الـ (ب):

رمزه: ب

اسمه: باء
لاحظ الفرق 👀


ومثال ثاني:

رمز الحرف: ق

اسم الحرف: قاف
يعني انت من تكتب بالموبايل تستخدم رموز الحروف مو أسمائهن.



---

الحروف الـ29 مع الهمزة 🔤

1. ء — همزة


2. ا — ألف


3. ب — باء


4. ت — تاء


5. ث — ثاء


6. ج — جيم


7. ح — حاء


8. خ — خاء


9. د — دال


10. ذ — ذال


11. ر — راء


12. ز — زاي


13. س — سين


14. ش — شين


15. ص — صاد


16. ض — ضاد


17. ط — طاء


18. ظ — ظاء


19. ع — عين


20. غ — غين


21. ف — فاء


22. ق — قاف


23. ك — كاف


24. ل — لام


25. م — ميم


26. ن — نون


27. ه — هاء


28. و — واو


29. ي — ياء




---

انتهينا من موضوع الحروف بالكامل ✅
والمطلوب من عندك تحفظ رمز الحرف واسمه بس.

اللهم صلِّ على محمد وآل محمد 🌿

بداية الموضوع

الي عنده سؤال عن قاعدة معينة يدخل للمجموعة

✍️ الضوابط والحركات الإعرابية
هو ثاني موضوع بالكتاب

هسا راح نبدي بموضوع جديد اسمه: الضوابط والحركات الإعرابية
وهذا موضوع مهم؛ لأن من خلاله نعرف شلون ننطق الحرف مضبوط ونفهم كتابته.

خل نبدي وحدة وحدة 👇



---

الضوابط والحركات الإعرابية

الضوابط: هي رموز كتابية نستعيض بها عن الحروف، أو نتوصل بوساطتها إلى نطق الحروف ليستقرّ عليها اللسان أثناء الكلام.
وهي أربعة: الشدة ( ّ ) المدّة ( آ ) همزة الوصل ( ٱ ) السكون ( ْ )

---


🔸 شنو يعني "الضوابط"؟

الضوابط: هي رموز كتابية نستخدمها بدل الحروف، أو نستخدمها حتى تساعدنا ننطق الحروف صحيح ويستقر اللسان من نقرأ أو نتكلم.
يعني مثل إشارات صغيرة فوق الحرف أو تحته، توضح شلون ننطقه.

عدد الضوابط اللي راح ناخذها هسا هو أربعة:

1️⃣ الشدة
2️⃣ المدة
3️⃣ همزة الوصل
4️⃣ السكون

وكل وحدة إلها شغل ووظيفة خاصة، راح نشرحهن كلهن وحدة وحدة ✨


---

1️⃣ الشدة ( ّ )

🔸 شنو هي الشدة؟

الشدة هي علامة نخليها فوق الحرف ( ّ ) حتى تدل على إن الحرف مضعَّف، يعني مكرر مرتين بالنطق.

يعني شنو؟
يعني أكو حرف أصله موجود مرتين، بس إحنا ما نكتبه مرتين… نكتبه مرة وحدة ونحط عليه شدة.

خل أشوفك بأمثلة حتى تثبت عندك 👇


---

✏️ مثال:

كلمة: درّس

أصلها الحقيقي: دررس
يعني الراء مكررة مرتين.

بس إحنا ما نكتب: دررس
نكتب: درّس

نخلي شدة على الراء حتى تدل إنه الراء صار حرفين.


---

✏️ مثال ثاني:

بقّال
أصلها: بققال

فبدال ما أكرر القاف مرتين، أكتبها مرة وحدة وأخلي عليها شدة، وتصير:

بقّال


---

✔️ ملاحظة مهمة

الشدة يجي وياها حركة الحرف الثاني
يعني إذا كان الحرف الثاني مفتوح → الشدة وياها فتحة
إذا مضموم → الشدة وياها ضمة
إذا مكسور → الشدة وياها كسرة

مثال:

حدّاد → أصلها حدّاد
دقّ → أصلها دقّق


---

2️⃣ المدة ( آ )

🔸 شنو هي المدة؟

المدة ( آ ) أصلها همزة + ألف
أو همزتان: الأولى مفتوحة والثانية ساكنة.

يعني هي اختصار لوجود همزتين.


---

✏️ مثال:

كلمة: قرآن
أصلها: قرءان

بيها همزة والف، فبدال ما نكتب همزتين (أا) او همزة والف (ءا) فوق بعض ويصير شكلها مزعج، نخلي علامة المد ( آ ) فوق الألف، وتصير:

قرآن


---

✏️ مثال ثاني:

آذار ← أصلها: ءاذار
مآرب ← أصلها: مأارب
رآه ← أصلها: رءاه

تشوف؟
كلها بيها همزتين، فنعوض عنها بالمدة ( آ ).


---

3️⃣ همزة الوصل (ا)

همزة الوصل تُكتب بس ما تُنطق إذا إجى قبلها كلام.

يعني شنو؟
يعني نكتبها حتى نعرف بداية الكلمة، بس من نقره الجملة كلها، ما نلفظ الهمزة.

وتكون غالباً في الـ التعريف.

خل نشوف أمثلة:


---

✏️ مثال:

القمر
من أريد أقرها وحدها أقول: اَلْقَمَر

بس إذا إجى قبلها كلمة؟

نور القمر
راح أقرأها: نورَلقمر
الهمزة اختفت باللفظ ✔️


---

أمثلة إضافية:

الشمس
الدار
القلم
باب الدار
كتبتُ بالقلم

تشوف كل هذه الكلمات بيها ألف وصل، نكتبها بس مرات نسقطها قراءةً.


---

4️⃣ السكون ( ْ )

🔸 شنو يعني السكون؟

السكون هو علامة نخليها فوق الحرف ( ْ ) حتى يدل إن الحرف ساكن، يعني:

❌ ما بيه فتحة
❌ ولا ضمة
❌ ولا كسرة

يعني ننطق الحرف بدون حركة.


---

✏️ تعال نشوف أمثلة:

سكون على النون:

زَيْنْب → (نْ)

سكون على الحاء:

نَحْلة → (حْ)

سكون على الزاي:

زِينَة → (زْ)

سكون على الميم:

مِزْمَار → (مْ)

سكون على السين:

سَعِيد → (سْ)

سكون على السين:

سُعَاد → (سْ)

مسعود
ستان

كل هذه الكلمات بيها حرف ساكن، ولازم ننطقه بدون حركة.


---

📌 الخلاصة —

🔷 الضوابط أربعة:

1. الشدة → تدل على تكرار الحرف مرتين


2. المدة → تعويض عن همزتين


3. همزة الوصل → تُكتب ولا تُقرأ إذا سبقها كلام


4. السكون → حرف بدون حركة




--- اللهم صلِّ على محمد وآل محمد 🌿

أسئلة لاختبار الفهم:.

📝 أسئلة على درس الضوابط والحركات الإعرابية

✦ أولاً: اختر الإجابة الصحيحة

1. الشدة ( ّ ) تدل على:
أ) حرف ساكن
ب) حرفين مدموجين في حرف واحد
ج) همزتين


2. المدّة ( آ ) تعوّض عن:
أ) حرفين متماثلين
ب) همزتين
ج) حرف ساكن


3. همزة الوصل تُكتب ولكن:
أ) تُقرأ دائمًا
ب) لا تُقرأ إذا سبقها كلام
ج) لا تُكتب


4. السكون ( ْ ) يدل على أن الحرف:
أ) مفتوح
ب) ساكن
ج) مكسور