Forwarded from غزة_نابلس المقاومة🇵🇸
🚨مصدر أمني مطّلع لـ الغد:
تقدم إيجابي في مفاوضات التهدئة وسط إتصالات مصريّة مكثّفة مع جميع الأطراف..
تقدم إيجابي في مفاوضات التهدئة وسط إتصالات مصريّة مكثّفة مع جميع الأطراف..
حرفيا تعبنا وانهد حيلنا والله و ما في امل للحياة هان 😓😓
سفروناا ي عالم 😭
لما ترجع غزة الي بنعرفها بنرجعلها 😢💔
سفروناا ي عالم 😭
لما ترجع غزة الي بنعرفها بنرجعلها 😢💔
مبارح كان في استهداف قريب علينا في المنطقة .
والله كلنا انهزينا هز و تشاهدنا ع ارواحنا من قوته لدرجة ريحة الصاروخ والغبرة و الدخان ملت الشارع و البيت ..
و بعد شوي عرفنا انه لاستهداف لبيت ابو جلهوم و راح معه تقريبا 7 بيوت من الي حوليه من قوة الصاروخ كأنهم راميين طن .
المنطقة كانت مهددة و مبلغينهم فكانوا مخليين بحمدالله .
والله كلنا انهزينا هز و تشاهدنا ع ارواحنا من قوته لدرجة ريحة الصاروخ والغبرة و الدخان ملت الشارع و البيت ..
و بعد شوي عرفنا انه لاستهداف لبيت ابو جلهوم و راح معه تقريبا 7 بيوت من الي حوليه من قوة الصاروخ كأنهم راميين طن .
المنطقة كانت مهددة و مبلغينهم فكانوا مخليين بحمدالله .
أبي ...
أنا لا أبكيكَ اعتراضاً فهذا أمرُ ربي
ولكنني أبكيك شوقاً واشتياقاً 😢💔
اللهم قرّ عيناه بجنة عرضها السماوات والأرض ❤️
أنا لا أبكيكَ اعتراضاً فهذا أمرُ ربي
ولكنني أبكيك شوقاً واشتياقاً 😢💔
اللهم قرّ عيناه بجنة عرضها السماوات والأرض ❤️
من بداية اجتياح مخيم جباليا ، ولما رموا المناشير ، ما طلعنا وضلينا ببيوتنا لانه تقريبا احنا بعاد شوي عن المخيم ولكن نُعتبر جزء منه .
بس في هالأيام الصعبة ما حد بيقدر ينام فينا ، ولا ليلة نمنا و كل ليلة بنتوقع تكون اخر ليلة النا .. 😢
رجعونا لأول أيام الحرب بس هاد الأيام اشد واصعب ، صواريخ ضخمة ، قذايف من المدفعيات و الشظايا بتتناثر بالشارع عنا ، طيارات كواد كابتر ما بتوقف اطلاق رصاص ، صوت طيران حربي واباتشي ، و قنابل دخانية بتخنق ، حرفيا عايشين برعب ، ساحة حرب ومعركة شرسة ...
الصاروخ و هو نازل كلنا بنتشاهد ع ارواحنا بنقوم نجري تلقائيا من شدة الصوت ولما ينفجر الدار بتهز فينا كانه زلزال 😭
طبعا من الواضح انه الصواريخ بتنزل ع بيوت و عمارات عالية ومحلات لانه كل الاجتياح بمنطقة المعسكر ف احنا بنشوف دخان كثيف بيضل بالساعات او طول اليوم حتى و هو بكون لمحلات و بيوت بتنحرق .
يعني بنسمع الصاروخ و بنشوف وين الدخان بنصير نحدد لحالنا اي منطقة تل الزعتر معسكر هوجا عَلَمي ... حسب اتجاهها ، لانه الاخبار ما بتفيد وين بالزبط وما حد بيقدر من الصحافة او الاعلام يصل لهالمناطق .حتى الاسعافات والدفاع المدني ما بيقدروا ، وبحكو في كثيير شهداء في المخيم ما حد قادر يصللهم ...
والاتصالات سيئة ما بنقدر نتواصل مع حد بصعوبة جدا اذا بلقط الارسال ممكن ع وطنية ..
بس بقدر احكيلكم ع حسب الصواريخ والقذايف الي بنسمعها منطقة معسكر جباليا وأحيائها انمسحت وادمرت عالآخر 😢
طبعا ما في حركة بالشوارع ، الناس ما بتطلع وبتنزل الكل ماخد حذره ، والمشكلة حتى تشتري اغراض اكل .. ما بتقدر لانه الحرب بمنطقة المعسكر هي منطقة السوق النقطة الاساسية للمخيم الي كل يوم كنا نروح نتسوق منها وببقى فيها الاف النااس ، حاليا تعتبر منطقة عسكرية ، فالكل مدبر حاله بالأشياء الي متوفرة عنده لحد ما ربنا يفرجها علينا .
وتقريبا كثير ناس نزحوا لغرب غزة ع النصر والشيخ ضوان راحوا ع مدارس الايواء .
وانا بكتب هالكلام نزل صااروخ اف 16 والله رميت الجوال و قمنا نجري انا وخواتي كانه نازل علينا ..
و الشباك وقع الي مع كل صاروخ بنرجع بنركبه ونحط نايلون جديد ، هو مش شباك حتى إطار فقط لانه الشبابيك زماان تكسرت من اول الحرب ..
وقد ما اوصفلكم ما رح اقدر اوصف الشعور الي احنا فيه والايام الصعبة الي بنعيشها .
انا حاليا فاتحة نت في عيادة ، بصعوبة قدرت اجي لانه الشوارع شبه فااضية والحركة قليلة جدا .
وحسبي الله ونعم الوكيل ..
اللهم إنا استودعناك أنفسنا ، يارب سلمنا واحمينا واحفظنا بعينك التي لا تنام، واحمي شبابنا وسدد رميهم يا الله .
مساء الجمعة
17/ 5
بس في هالأيام الصعبة ما حد بيقدر ينام فينا ، ولا ليلة نمنا و كل ليلة بنتوقع تكون اخر ليلة النا .. 😢
رجعونا لأول أيام الحرب بس هاد الأيام اشد واصعب ، صواريخ ضخمة ، قذايف من المدفعيات و الشظايا بتتناثر بالشارع عنا ، طيارات كواد كابتر ما بتوقف اطلاق رصاص ، صوت طيران حربي واباتشي ، و قنابل دخانية بتخنق ، حرفيا عايشين برعب ، ساحة حرب ومعركة شرسة ...
الصاروخ و هو نازل كلنا بنتشاهد ع ارواحنا بنقوم نجري تلقائيا من شدة الصوت ولما ينفجر الدار بتهز فينا كانه زلزال 😭
طبعا من الواضح انه الصواريخ بتنزل ع بيوت و عمارات عالية ومحلات لانه كل الاجتياح بمنطقة المعسكر ف احنا بنشوف دخان كثيف بيضل بالساعات او طول اليوم حتى و هو بكون لمحلات و بيوت بتنحرق .
يعني بنسمع الصاروخ و بنشوف وين الدخان بنصير نحدد لحالنا اي منطقة تل الزعتر معسكر هوجا عَلَمي ... حسب اتجاهها ، لانه الاخبار ما بتفيد وين بالزبط وما حد بيقدر من الصحافة او الاعلام يصل لهالمناطق .حتى الاسعافات والدفاع المدني ما بيقدروا ، وبحكو في كثيير شهداء في المخيم ما حد قادر يصللهم ...
والاتصالات سيئة ما بنقدر نتواصل مع حد بصعوبة جدا اذا بلقط الارسال ممكن ع وطنية ..
بس بقدر احكيلكم ع حسب الصواريخ والقذايف الي بنسمعها منطقة معسكر جباليا وأحيائها انمسحت وادمرت عالآخر 😢
طبعا ما في حركة بالشوارع ، الناس ما بتطلع وبتنزل الكل ماخد حذره ، والمشكلة حتى تشتري اغراض اكل .. ما بتقدر لانه الحرب بمنطقة المعسكر هي منطقة السوق النقطة الاساسية للمخيم الي كل يوم كنا نروح نتسوق منها وببقى فيها الاف النااس ، حاليا تعتبر منطقة عسكرية ، فالكل مدبر حاله بالأشياء الي متوفرة عنده لحد ما ربنا يفرجها علينا .
وتقريبا كثير ناس نزحوا لغرب غزة ع النصر والشيخ ضوان راحوا ع مدارس الايواء .
وانا بكتب هالكلام نزل صااروخ اف 16 والله رميت الجوال و قمنا نجري انا وخواتي كانه نازل علينا ..
و الشباك وقع الي مع كل صاروخ بنرجع بنركبه ونحط نايلون جديد ، هو مش شباك حتى إطار فقط لانه الشبابيك زماان تكسرت من اول الحرب ..
وقد ما اوصفلكم ما رح اقدر اوصف الشعور الي احنا فيه والايام الصعبة الي بنعيشها .
انا حاليا فاتحة نت في عيادة ، بصعوبة قدرت اجي لانه الشوارع شبه فااضية والحركة قليلة جدا .
وحسبي الله ونعم الوكيل ..
اللهم إنا استودعناك أنفسنا ، يارب سلمنا واحمينا واحفظنا بعينك التي لا تنام، واحمي شبابنا وسدد رميهم يا الله .
مساء الجمعة
17/ 5
بالاضافة للي كنت كتباه قبل ..
مبارح السبت تم قصف مربع سكني في شارعنا 😢
الاستهداف كان قوي جدا والحمدلله ربنا لطف فينا كلنا بخير، ما لقينا الا الشبابيك بتقع و غبرة ملت الدار قمنا نجري ونصوت واحنا لسا مش عارفين ع بيت مين ، زكروني بايام استهداف بيت عمي ..
و بعد شوي عرفنا انه طلع مش بس ع بيت واحد ع مربع كامل دار البس والسيلاوي وظاهر وصالح كل دورهم صارت بالارض غير البيوت الي حوليهم .
طلعوا كثيير شهداء يمكن 15 ، وفي لسا كثير تحت الانقاض للاسف ما قدروا يطلعوهم 😭 لانه حي سكني مليان ناس ..
واليوم الصبح عملو حزامات نارية عنيفة قررنا نطلع من البيت وبعدها تراجعنا لانه مش هاين علينا نسيب الدار 💔
مبارح السبت تم قصف مربع سكني في شارعنا 😢
الاستهداف كان قوي جدا والحمدلله ربنا لطف فينا كلنا بخير، ما لقينا الا الشبابيك بتقع و غبرة ملت الدار قمنا نجري ونصوت واحنا لسا مش عارفين ع بيت مين ، زكروني بايام استهداف بيت عمي ..
و بعد شوي عرفنا انه طلع مش بس ع بيت واحد ع مربع كامل دار البس والسيلاوي وظاهر وصالح كل دورهم صارت بالارض غير البيوت الي حوليهم .
طلعوا كثيير شهداء يمكن 15 ، وفي لسا كثير تحت الانقاض للاسف ما قدروا يطلعوهم 😭 لانه حي سكني مليان ناس ..
واليوم الصبح عملو حزامات نارية عنيفة قررنا نطلع من البيت وبعدها تراجعنا لانه مش هاين علينا نسيب الدار 💔
ورغم كل شيء فخورين جدا بمقاومتنا العنيدة ومجاهدينا الأبطال في مخيمنا مخيم جباليا الصمود والتحدي ✌💚
سيبقى المخيم مقبرة للحتلال و جحيم لجنوده بإذن الله ❤
سيبقى المخيم مقبرة للحتلال و جحيم لجنوده بإذن الله ❤
واخيرا قررنا نطلع من البيت ونزحنا لمخيم الشاطئ
دعواتكم ربنا يسلمنا و يحفظ كل اهل غزة 😢💔
دعواتكم ربنا يسلمنا و يحفظ كل اهل غزة 😢💔
اللهم جعلناهم في سبيلك، ولأجل مرضاتك ..
جميعَ أحلامنا التي صارت سرابًا، وزهرةَ شبابنا التي تكبر وسط أيامٍ رماديةٍ لا ملامحَ لها، مستقبلًا كنا قد رسمناه وخطّطنا لتفاصيله، شغفنا في حياة أحلى ما فيها مُرّ، سيرَنا في طريق مجهول، أحبابًا رحلوا ويرحلون دونما نظرة وداع، بيوتنا وذكرياتنا التي هدّمت، أطفالنا وقد تشبعوا من الخوف والرعب، أيامًا تمرُّ على قلب الواحد منّا كأنّها سنوات، ضغوطًا من كلِّ شيءٍ ولأجل اللاشيء، يا ربِّ جعلناهم في سبيلك؛ صبرنا وقسوة أيامٍ لا ترحم، يا ربّ ضاقت إلا من لطفك وعطفك؛ فأرِنا عظيم صنيعك وفرجك بنا ✨❤
جميعَ أحلامنا التي صارت سرابًا، وزهرةَ شبابنا التي تكبر وسط أيامٍ رماديةٍ لا ملامحَ لها، مستقبلًا كنا قد رسمناه وخطّطنا لتفاصيله، شغفنا في حياة أحلى ما فيها مُرّ، سيرَنا في طريق مجهول، أحبابًا رحلوا ويرحلون دونما نظرة وداع، بيوتنا وذكرياتنا التي هدّمت، أطفالنا وقد تشبعوا من الخوف والرعب، أيامًا تمرُّ على قلب الواحد منّا كأنّها سنوات، ضغوطًا من كلِّ شيءٍ ولأجل اللاشيء، يا ربِّ جعلناهم في سبيلك؛ صبرنا وقسوة أيامٍ لا ترحم، يا ربّ ضاقت إلا من لطفك وعطفك؛ فأرِنا عظيم صنيعك وفرجك بنا ✨❤