‏بس لو ينالُ المرءُ ما يودّ

‏فلكَ الثّناءُ معَ المحامـد كُلِّها
‏من مبدأ الأيّام حتى المُنتهى يارب

يمكن بيوم راح توصل مرحلة
تغيب أيّام أو تكون موجود
بس ما تلگه أي رسالة توصلك
ينسأل بيها عن حالك
ولا تصادفك أي ''شلونك"
بوقتها لازم تعرف إنّك مو مطالب بأي شي تجاه أي شخص
أنت مطالب تكون خوش إنسان وي نفسك
وإنسان سَوي ومعتدل وي غيرك
وتساعد باللّي تگدر عليه
بس مو مجبور تسوي شي خارج إرادتك
ولا شي أكبر منك علمود ترضي غيرك علىٰ حساب تعب نفسك
لأن غيرك من إجتهم الفرصة ساعدوا نفسهم
وأنت هم ساعد نفسك أوّل حتّىٰ تگدر تساعدهم بعدين .

أحس فاقدة الشغف ولا حتى كاعدة ادرس للدور الثاني
ولا كأنوا مابقى بس كم يوم
أحس تغيرت وطافية روحي وأيامي
لدرجة أنا مستغربة من روحي
ما أعرف ليش هيج
بس كل اللي أتمنى يرجع شغفي وأدرس
فـ ادعولي لان لا أنا ولاصحتي بخير

داعيش إحساس الوگعة
مو وگعة وحدة
وگعة خلتني أرجع للبداية
أيام أشوف نفسي بنقطة الصفر
والمحاولات صارت ثگيلة ومختلفة تمامًا
عن القبلها بس نفس التعب ..
مو لأن ما أعرف الطريق بس لأن التعب غيرني
مادري انا اريد انحضن وابچي
ابچي من الامل والاستمرارية والمُحاولات ومن روحي والتعب والعجز وكل شي

أسأل الله محد يعيش الضياع الّي جاي أعيشه بهالفترة،
ولايشوف الحيرة شگد مهلكة وتاكل بعقلي، وما تخلّيني أهدأ ولو لثواني معدودة،
وشعور عدم الراحة الّي مرافقني، وما مخلّيني ألتفت لنفسي ولو شويّة،
كلّها مشاعر سيّئة جاي تكبر بداخلي ومفتّتة گلبي .

بس أعرف
هالضياع والحيرة وعدم الراحة مصيرهن ينتهن،
شلون وشوكت؟
خليتها علىٰ ربّ كريم عالم بالحال،
ويعرف شگد أحاول أتماسك رغم كلشي يمرّ عليه وعايشته وحدي،
وشعرفني؟
يمكن هالفترة مو حتّىٰ بس تكسرني ... يمكن حتّىٰ تعلّمني شلون أكون حذرة، وأتعلّم أعيش بصبر وتوكّل وتسليم لأمر الله، وما أخلّي هشاشة نفسي تنسيني رحمة ربّ العالمين بيه.

مرحَبـا صغيرونة .
هاي أخر الفرص وأخر محاولاتي
راح أحاول و أحاول منا لاخر يوم بعمري
ونبدي بداية جديدة حتى لو الوقت شوي حتى لو هاي أخر انفاسي
المهم مو باجر الامتحان
فـ يارب باجر انطيني القدرة والواهس اللي اكدر ادرس بي
وأبعد عني أفكاري اللي كاعد تعبني وتهلكني
كل اللي اريده بَس تدعولي هواي أدعولي

للمرة الثانيـة
ويارب تكون أخر مَرة ...

وهلسنة هم ماسويت عيد ميلاد
يعني دا تشوفون ؟ اكثر شي أحبة هو عيد ميلادي وما أسوي !
يعني لا عمر الـ 18 ولا عمر الـ 19
أحس زعلت ما اريد أكبر بسرعة
اريد ارجع أحتفل بـ اعياد ميلادي القديمة
يلا اصير 20 😔

2026-8-18

عسى المَكتوب أكبر من أمالنا
وعسى دروبنا كلها خير🤍

اليوم مَنو يمي 🥹💜💜💜💜💜💜💜!
حَبيب خالتـة هو

شكد خايفة ومتوترة !!
لدرجة مبتعدة عن كلشي
بس كاعدة أحاول
أدعولي دائمًا 💜

يعني معقولة رب العالمين يگلب كلشي
ويتغير بلحظـة وحدة
ما أعرف بس أتمنى اللي بالي يصيـر
مو علمود شي بس علمود مستقبلي يارب

لا حول ولا قوة الا بالله العلي العظيم .

يارب إنطيني إشارة منك،
جُرعة قوة حتىٰ أتقبل وأتعايش وي الأشياء الما أگدر أغيرها والشجاعة حتىٰ أغير اللي أگدر أغيره ورتبلي حياتي بالطريق الصَح واليرضيك ويرضيني يارب لا تخليني بحسرة أمنياتي وخليني أرجع علىٰ هالحروف وأگول بهذا اليوم چنت شي وهسّـه صرت أحسن من كُلشي

١٢ ربيع الأول🌱💚

﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾