‼️Курулуш министри Нурдан Орунтаев ижарага алынган батирде жашайт

✔️Ал бул тууралуу УТРКнын түз эфиринде билдирди.
Ал жакында эле Тунгуч кичи районунда, панелдүү имараттагы өзүнүн батиринде жашаганын белгиледи.Бирок, алар жакында эле борборго жакыныраак көчүп барууну чечишкен.

"Анткени аялым экөөбүз борбордо иштейбиз. Ошондуктан, батирди ижарага берүүнү чечип, борборго жакыныраак батирди ошол эле баада ижарага алдык. Мен аны элиталык деп атабайт элем, бирок имарат 1990-жылдардан кийин курулган",

- деди министр.

‼️Times: Можтаба Хаменеи эс-учун жоготкон абалда жана Иранды башкара албайт

✔️Ирандын Жогорку лидери Можтаба Хаменеи эс-учун жоготкон абалда дарыланууда, деп билдирди The Times гезити Америка жана Израилдин чалгын кызматтарына шилтеме берип.
Басылманын маалыматы боюнча, Хаменеи Кум шаарында дарыланууда. Анын абалы оор деп айтылууда. The Times гезитинин маалыматы боюнча, чалгындоо документине ылайык, Ирандын Жогорку лидери чечим кабыл ала албайт.

✔️Өлтүрүлгөн аятолла Али Хаменеинин уулунун өлкөнү башкарууга жөндөмдүүлүгүнө күмөн саноолор анын коомчулуктун көзүнөн көпкө көрүнбөгөндүгүнөн улам пайда болгон. Тегеран жаңы лидердин 28-февралда АКШ менен Израилдин алгачкы соккусунда жаракат алганын расмий түрдө мойнуна алган, бирок жаракат жеңил болгонун ырастаган.
Ал эми 1-мартта Ирандын Жогорку лидери аятолла Али Хаменеинин АКШ-Израиль операциясында өлтүрүлгөнү жарыяланган. 4-мартта аятолла Али Хаменеинин уулу Можтаба Ирандын жаңы Жогорку лидери болуп шайланган.

‼️Бишкек шаарынын мэри канча айлык алат?

✔️"Nomad" телеканалына берген маегинде мэр Айбек Жунушалиев өзүнүн расмий айлыгы 96 000 сом жана кошумча жөлөк пул менен айына 100 миң сом айлык аларын билдирди. Ошол эле учурда ал мамлекеттен эч кандай атайын жеңилдиктерди албай турганын белгилеген.

✔️Мэр мурда мамлекеттик кызматкерлер кошумча бонустарды жана жеңилдиктерди ала алышса, азыр мындай жеңилдиктер дээрлик жок экенин, баары бирдей шарттарда иштешерин белгиледи.
Ошондой эле ал жакында эле операция болуп, шаардык ооруканада дарыланганын айтты. Ал кызмат көрсөтүүлөрдүн сапатын жеке баалоо жана саламаттыкты сактоо системасындагы көйгөйлөрдү аныктоо үчүн кадимки медициналык мекемени тандап алганын билдирген.

‼️”Ташиев 2022-жылы эле өзүнчө команда чогулта баштаган”- Ө.Бакиров

✔️Жогорку Кеңештин мурдагы депутаты Өмүрбек Бакиров журналист Семетей Аманбековдун ютуб каналына маек берип, парламенттин 7 чакырылышында эле депутаттар Ташиевдин командасы деп бөлүнүп турганын билдирди. Ал ошондой эле Камчыбек Ташиев 2022-жылы эле президенттин саясатынан тышкары өзүнчө команда топтоп баштаганын айтты.

Видео:Семетей Аманбеков

‼️Текебаев: Экономика өсүүдө деген менен көрсөткүчтөр башка

✔️Кыргызстандын Германиядагы элчиси Өмүрбек Текебаев Жогорку Кеңештин тармактык комитетинде элчиликтин ишмердиги тууралуу отчет берди. Ал буга чейин Борбор Азиядагы инвестициянын 95% Өзбекстан, Казакстанга кеткенин, Кыргызстан менен Тажикстан дээрлик эч кандай инвестиция албаганын белгиледи.

‼️ УКМК кызматкерлеринин үстүнөн 386 арыз түшкөн

✔️УКМК кызматкерлеринин үстүнөн арыздангандардын саны 386 га жетти. Бул тууралуу Жогорку Кеңеште Башкы прокурор Максат Асаналиев билдирди

‼️Айсулуу Кудайбердиева Жаза аткаруу кызматынын ишмердигине даттанды

✔️Жаза аткаруу кызматынын кызматкерлеринин өз билемдигинен тажап бүттүк. Бул тууралуу активист Айсулуу Кудайбердиева Фейсбук баракчасына жазды.
Ал абактагы саясатчы Равшан Жээнбеков ЖАКтын кызматкерлеринин өз билемдигинин натыйжасында мыйзамдуу укуктарынан ажырап жатканын билдирди.

“Бир ай мурун Равшанга боосу бар кроссовки алып барганыбызда “боосу жок алып келгиле” деп кайтарышкан. Бүгүн болсо боосу жок кроссовки алып барсак, “бул классикалык бут кийим, кроссовки эмес” деп кайра өткөрбөй коюшту. Бул эмне деген тартип? Кайсы талапка ишениш керек?
Абакта отурган адам үчүн спорт - бул жөн эле каалоо эмес, бул базалык муктаждык. Ден соолугун сактоо, психологиялык абалын кармоо үчүн зарыл нерсе.
Равшан кылмышкер эмес. Бирок бүгүн ал айрым кызматкерлердин жоопкерчиликсиздигинен улам өзүнүн негизги укуктарынан ажырап жатат. Бул ачык эле укуктун бузулушу. Баса белгилей кетейин, кызматкердин аты АКТАН”-

деген Кудайбердиева.

‼️Азия чемпионатында үч кыргыз балбаны алтын медал алды

✔️Кечээ 7-апрелде Бишкекте өтүп жаткан күрөш боюнча Азия чемпионатында кыргызстандык балбандар Автандил Таалайбек уулу, Акжол Махмудов жана Асан Жанышов грек-рим күрөшүнөн чемпион болушту.
Автандил Таалайбек уулу (63 кг чейин) финалда ирандык Ахмад Мохсен Нежадды, Акжол Махмудов (77 кг чейин) ирандык Али Забихолла Оскуну жана Асан Жанышов да (87 кг чейин) ирандык балбан Голамреза Фарухини утту.

✔️Ошентип, Акжол Махмудов спорттук карьерасында Азиянын төрт жолку, ал эми калган эки кыргыз балбандары биринчи ирет Азия чемпиону болушту.
Күрөштүн бул түрүнөн эртең, 8-апрелде кыргызстандык балбандар бир алтын жана эки коло байге үчүн таймашат. Раззак Бейшекеев 67 килограммга чейинки салмакта финалда жапониялык Кенсуке Шимизу менен беттешет. Коло байге үчүн Амантур Исмаилов (72 кг чейин) кытайлык Донгю Ли менен, Мелис Айтбеков (97 кг чейин) дагы бир кытайлык спортчу Зеганг Ванг менен күрөшөт.

‼️Депутат Абдылдабек Эгембердиев мандатын тапшырууга арыз жазды

✔️Бул тууралуу ЖМКлар өздүк булактарына таянып жазды.
Маалым болгондой, бүгүн саат 11:00дө анын ыйгарым укуктарын токтотуу маселесин кароо үчүн Борбордук шайлоо комиссиясынын жыйыны өтөт.
Депутат Абдылдабек Эгембердиев No19 Сокулук шайлоо округунан шайланган.

‼️Депутат мугалимдерге өзгөчө статус берүүнү сунуштады

✔️Жогорку Кеңештин депутаты Илимбек Кубанычбеков мугалимдерге өзгөчө статус берүүнү сунуштады. Бүгүнкү парламенттик жыйында ал ата-энелер мугалимдерге каршы күч колдонуп жатканын мисал келтирди. Кубанычбеков мугалимдик кесип өзгөчө коргоодо болушу керек деп эсептейт.

‼️Төрага айдоочулук күбөлүк талапка жооп берерин айтты

✔️Жогорку Кеңештин төрагасы Марлен Маматалиев баш болгон депутаттар "Учкун" басмаканасына барып, соңку кезде талкуу жаратып жаткан паспорт, айдоочулук күбөлүк чыгаруу иштери менен таанышты.
Спикер Кыргызстан чыгарып жаткан документтер боюнча тийиштүү мекемелер маалымат бергенин 8-апрелдеги жыйында билдирди.

‼️Тамак аш саткан жерде туалет жайгашкан. Царикаев Ош базарда рейд жүргүздү

✔️Царикаев Ош базарында рейд жүргүздү.
Текшерүү учурунда инспекторлор менен сатуучулардын ортосунда чыр-чатактар чыккан. Анда негизинен соода түйүндөрүнүн санитардык абалы боюнча болгон талаш жаралды.

‼️Ишкер УКМКга Көлбаев мүлкүн тартып алганын айтып арызданган. Бирок аны коопсуздук кызматы алып койгон

✔️Депутат Эльвира Сурабалдиева ишкер Улуттук коопсуздук боюнча мамлекеттик комитетке Көлбаевдин адамдары анын пансионатын басып алганын айтып кайрылганда, анын мүлкүн коопсуздук кызматкерлери алып койгонун билдирди.

✔️Башкы прокурор бул маселе боюнча эч кандай маалыматы жок экенин айтып, аны карап чыгууга убада берди. Максат Асаналиев көзөмөлдөөчү органга УКМК кызматкерлерине каршы ушул сыяктуу 386 арыз түшкөнүн белгиледи.
Ал ошондой эле жарандарды мындай учурларда укук коргоо органдарына же прокуратурага кайрылууга чакырды.

‼️75 адамдын каты. Кармалгандардын бөгөт чарасы узартылды

✔️Биринчи май райондук соту 6-апрелде "Жетимиш бешчилердин иши" боюнча шектелип, кармалган төрт адамдын бөгөт чарасын карап, 10-июнга чейин камакта калтырды.
9-февралда 75 адамдан турган топ президент Садыр Жапаровго жана Жогорку Кеңештин ошол кездеги төрагасы Нурланбек Тургунбек уулуна кайрылып, жакынкы убакта президенттик шайлоо өткөрүүгө чакырган. Алардын айрымдары кийин кайрылуунун мазмунун окубай туруп эле ага кошулууга макул болгонун айтып чыгышкан.

✔️Ички иштер министрлиги бул кайрылууга байланыштуу Кылмыш-жаза кодексинин “Массалык башаламандыктар” беренеси менен кылмыш ишин козгоп, кайрылууда аты аталган коомдук ишмер Бекболот Талгарбековду, Кыргызстандын Өзбекстандагы мурдагы элчиси, мурдагы айыл чарба министри Эмилбек Узакбаевди жана Жогорку Кеңештин экс-депутаты Курманбек Дыйканбаевди, мурдагы вице-премьер, экс-депутат Аалы Карашевди жана ички иштер министринин мурдагы орун басары Курсан Асановду кармаган.

‼️Нарында өз жанын кыйган окуучу боюнча депутат маселе көтөрдү

✔️Нарын шаарында 14 жаштагы мектеп окуучусунун өз жанын кыйгандыгы тууралуу укук коргоочу Назгүл Турдубекова билдирди. Маалым болгондой, окуя 1-апрелде болгон.
Бала өз жанын кыюу алдындагы катынла мектеп директорунун орун басарын көрсөткөн.
Укук коргоочу ушул жагдайларга карабастан, райондук ички иштер бөлүмү кылмыш ишин козгобогонун белгиледи.
Бул боюнча бүгүнкү жыйында депутат Элвира Сурабалдиева маселе көтөрүп, спикерди окуяны көзөмөлгө алууга чакырды.

‼️Эркештам өткөрүү пунктунда аскер өзүн атып алган

✔️Эркештам көзөмөл-өткөрүү пунктунда жоокер өзүн атып алган. Аскер прокуратурасы окуяны Би-Би-Сиге тастыктады.
Аскер прокурорунун улук жардамчысы Эмир Бекжановдун айтымында, окуя бир күн мурун болгон. Учурда алдын ала тергөө жүрүп жатат жана анын жыйынтыгына жараша юридикалык баа берилет.

✔️Ал окуя анын аскердик кызматына түздөн-түз тиешеси жок экенин кошумчалады.
Жабырлануучу Алай райондук ооруканасында анын абалы оор деп бааланууда. Ал келишим боюнча кызмат өтөп жаткан.

‼️Такси айдоочуларына лицензия берүү мөөнөтү узартылды

✔️Жарандардын өтүнүчтөрүнүн негизинде такси айдоочуларына лицензия берүү мөөнөтү 2026-жылдын 1-июлуна чейин узартылды.
Ички иштер министрлигинин маалыматы боюнча, бүгүнкү күнгө чейин 14 000ден ашык адам жана 400дөн ашык юридикалык жак лицензия алышкан.
Ички иштер министрлиги такси айдоочуларын акыркы мүнөткө чейин күтпөөгө, керектүү документтерди алдын ала даярдап, лицензияларын тез арада алууга чакырат.

‼️Балыкчыда жеке нотариус коррупцияга шектелип кармалды

✔️Улуттук коопсуздук боюнча мамлекеттик комитети Ысык-Көл облусунун Балыкчы нотариалдык округунун жеке нотариусу коррупцияга шек саналып кармалганын кабарлады.
Маалыматта: "ал өз пайдасын көздөп, мыйзамсыз баюу жана мүлктүк пайда алуу максатында кыймылсыз мүлктү сатып алуу-сатуу келишимин мыйзамсыз түрдө жол-жоболоштурганы" жазылып, көрсөтүлгөн документтерде тараптардын кол тамгаларын жасалмалаганы айтылган.

✔️Ага ылайык, нотариалдык бүтүм мүлктүн мыйзамдуу ээсинин кабары жок жана анын катышуусусуз түзүлгөн. Натыйжада жабырлануучу мүлк ээлигинен мыйзамсыз ажыратылган.
Атайын кызмат нотариалдык мекемелер аркылуу мыйзам жана укуктары бузулуп, жабыркаган жарандарды +996 (3922) 51180, +996 555 540052 номурлары аркылуу коопсуздук кызматына билдирүүгө чакырган.(ZKo)

‼️Эдил Байсалов Кыргызстандын АКШдагы элчиси болушу мүмкүн

✔️Эдил Байсалов Кыргызстандын АКШдагы элчиси болушу мүмкүн. Бул тууралуу vesti.kg Министрлер кабинетиндеги булактарына шилтеме берип жазды.
Маалым болгондой, келишим кечээ түзүлгөнү кабарланды.

‼️Эдил Байсалов кызматынан кетип жатканын жарыялады

"Мен бул кызматта 4,5 жыл иштедим жана кызматтан кетүүнү сурандым. Расмий маалымат бүгүн түштөн кийин жарыяланат",

- деди ал Манас университетиндеги эл аралык симпозиумда сүйлөп жатып.

✔️Буга чейин интернеттеги маалыматтарда Кыргызстан Байсаловду АКШнын Кыргызстандагы элчиси кылып дайындоого Вашингтондун макулдугун алганы айтылган. Бирок, аталган маалымат расмий тастыктала элек.