Алматыда заңгер әрі блогер Әділетхан Молдахан ұсталды

Қостанай қаласының Береке ауданында алкогольдік ішімдік ішкен бір топ азамат полиция қызметкеріне шабуыл жасаған.

Полиция департаментінің мәліметінше, құқық қорғау қызметкері сол сәтте қызметтен тыс уақытта болып, кәмелетке толмаған балаларын ертіп жүрген. Ол қоғамдық тәртіпті бұзғандарға ескерту жасағаннан кейін, олар агрессия танытып, күш қолданған.

Оқиғаға қатысқан барлық адамдар анықталып, сол жерде ұсталды.

Аталған факті бойынша қылмыстық іс қозғалды. Полиция өкілдері билік өкіліне қол сұғу – заңға қайшы ауыр құқық бұзушылық екенін атап өтіп, кінәлілер толық жауапкершілікке тартылатынын мәлімдеді.

Тергеу мүддесіне байланысты өзге ақпарат жария етілмейді.

Дағыстан Республикасында ауа райының күрт нашарлауынан кейін жағдай күрделене түсті. Толассыз жауған жаңбыр салдарынан бірқатар елді мекендерде үйлер қирап, тұрғындар зардап шекті.

Әлеуметтік желілерде тараған кадрларда су тасқыны мен лай көшкінінің салдарынан баспаналар зақымданып, кейбірінің толықтай жарамсыз күйге түскені көрінеді. Табиғи апат салдарынан көптеген отбасы баспанасыз қалып, қиын жағдайға тап болған.

Жергілікті тұрғындар бұл жағдайды ауыр қабылдап, зардап шеккен жандарға қолдау білдіруде. Қоғам белсенділері мемлекет тарапынан тиісті көмек көрсетіледі деген үмітте.

Қазіргі уақытта апат салдарын жою жұмыстары жүргізіліп жатыр. Мамандар жағдайды бақылауда ұстап, тұрғындардың қауіпсіздігін қамтамасыз етуге күш салуда.

Әлеуметтік желілерде Иерусалимнің Ескі қаласында түсірілген бейнекадрлар тарады. Онда Израиль полициясының Храм Гроба Господняға бет алған христиан дінін ұстанушылардың жолын бөгегені көрінеді.

Аталған шіркеу христиан әлеміндегі ең қасиетті орындардың бірі саналады. Дәстүр бойынша, бұл жерде Иса пайғамбардың айқышқа шегеленіп, қайта тірілгені айтылады.

Жарияланған видеода тәртіп сақшыларының сенушілерді алға жібермей, жолды қатаң түрде жауып тұрғаны байқалады. Кей сәттерде күш қолдану мен қысым көрсету арқылы адамдардың қозғалысын тоқтатуға тырысқаны көрінеді.

Оқиға желі қолданушылары арасында қызу талқыланып, түрлі пікірлер туындады. Ресми органдардан бұл жағдайға қатысты нақты түсініктеме әзірге жарияланған жоқ.

Белинский көшесінің тұрғындары ауладағы контейнерлердің жанынан зертханалық зерттеулерден кейін қолданылған қорғаныш костюмдерін, халаттарды, маскаларды, қолғаптарды және гепатитке қатысты жолдамаларды тапқан. Оқиға туралы видео Instagram желісінде жарияланды.

Қоқыс арасынан табылған құжаттарға сүйенген видео авторы бұл қалдықтарды Ұлттық сараптама орталығының қызметкерлері әкелгенін айтқан. Кейін бұл мәліметті полиция да растады.

Медициналық қалдықтарды қарапайым аула контейнерлеріне тастауға болмайды. Олар қауіпті қалдықтар санатына жатады және арнайы тәртіппен сұрыпталып, залалсыздандырылып, мамандандырылған ұйымдар арқылы жойылуы тиіс.

Шығыс Қазақстан облыстық полиция департаментінің баспасөз қызметі бұл дерек бойынша шара қабылданғанын хабарлады.

41 күндік үзілістен кейін Иерусалимдегі Харам аш-Шариф аумағына кіруге қайта рұқсат берілді. Таң намазының азанымен бірге қасиетті орынның қақпалары ашылып, жүздеген палестиналық жамағат мешітке ағылды.

Көпшілік Мәсжид әл-Ақса ауласына кіре сала шүкір сәждесін жасап, ұзақ уақыттан кейін қайта қауышқандарына Аллаға алғыс білдірді. Оқиға орнынан тараған кадрларда адамдардың қуаныш пен толқу сезімі анық байқалады.

Бұл сәт жергілікті тұрғындар үшін ерекше рухани маңызға ие болды.

Өскеменнен Семейге бағыт алған жүргізуші жол-жөнекей inDrive арқылы екі қарт жолаушыны ала кеткен. Жол бойы үнсіз отырған қариялар Семейге жеткен соң күтпеген өтініш айтқан.

90 жастағы әжей өзін ұлының үйіне апармауды сұрап, арзан қонақ үйге жеткізуді өтінген. Оның айтуынша, немерелерін сағынып келгенде келіні «үйге кіргізбеймін» деп қарсы болған. Ал ұлы денсаулығын сылтауратып, анасын қарсы алуға шықпаған.

Жүргізуші қариялардың өтінішін орындап, оларды қонақ үйге орналастырған. Әжей уақытша тұрақтағанымен, кейін жалдамалы пәтер іздеуге мәжбүр болған.

Оқиға әлеуметтік желіде қызу талқыланып, көпшілік үлкенге құрмет мәселесін көтерді.

Әлеуметтік желілерде тараған видеода Қытайдың Сыртқы істер министрі Ван И Израиль премьер-министрі Биньямин Нетаньяхумен бірлескен баспасөз мәслихаты кезінде ерекше мінез-құлық танытқаны байқалды.

Кадрларда Ван И қысқа брифингтен бас тартып, Нетаньяхуға бағытталған салмақты әрі үздіксіз көзқарасын сақтағаны көрінеді. Бұл сәт желі қолданушылары арасында қызу талқылануда.

Ресми мәлімдемесінде Қытай тарапы Палестинамен тұрақты бейбітшілік орнатудың маңыздылығын атап өтті. Ван И екі мемлекет қағидатына негізделген шешімді қолдайтынын білдіріп, өңірдегі тұрақтылық тек өзара диалог пен келіссөздер арқылы жүзеге асатынын жеткізді.

Ресейдің Владивосток қаласының орталығында орналасқан жаяу жүргіншілер аймағында төбелес атыспен аяқталған оқиға тіркелді.

Куәгерлердің айтуынша, мас күйдегі екі ер адам көшеде өтіп бара жатқан азаматқа шабуыл жасаған. Жәбірленушіні қорғауға тырысқан адамдар араласқаннан кейін жанжал ушығып кеткен.

Оқиға барысында күдіктілер тапаншаға ұқсас зат шығарып, оқ атқан. Бұл маңайдағы адамдар арасында үрей туғызды.

Алайда күдіктілер оқиға орнынан қашып үлгермей, полиция қызметкерлері тарапынан жедел түрде ұсталды. Қазір зардап шеккен адамның жағдайы нақтыланып жатыр, ал құқық қорғау органдары оқиғаның мән-жайын анықтауда.

Астанада көпқабатты тұрғын үйде болған өртке куә болған тұрғындардың бірі оқиға кезінде 13-қабатта болғанын, ал тілсіз жау 15-қабатта шыққанын айтты.

Куәгердің сөзінше, өрт сөндірушілер оқиға орнына жедел жеткенімен, кейбір көліктердің пандус жолын жауып қоюы салдарынан уақыт жоғалтқан. Бұл жағдай құтқару жұмыстарына айтарлықтай қиындық туғызған.

Оқиға салдарынан қаза тапқандар бар екені хабарланып, тұрғындар марқұмдарға қайғырып көңіл айтты.

Мамандар мұндай жағдайда әр секундтың маңызды екенін ескертіп, жүргізушілерді арнайы жолдарды бөгемеуге шақырады.

Павлодар қаласында жер қазу жұмыстары кезінде қайғылы оқиға болып, екі адам көз жұмды. Оқиға барысында жұмысшылардың үстіне шамамен алты метр тереңдіктен топырақ опырылып түскен.

Оқиға орнына құтқарушылар мен өрт сөндірушілер жедел түрде жеткен. Құтқару қызметі келгенге дейін кәсіпорын қызметкерлері бір адамды өз күштерімен шығарып алған. Кейін құтқарушылар топырақ астынан тағы екі зардап шеккен адамды алып шықты.

Зардап шеккендерге ТЖМ Апаттар медицинасы орталығының мамандары алғашқы медициналық көмек көрсетіп, кейін жедел жәрдем бригадаларына тапсырған.

Алайда жүргізілген құтқару жұмыстары барысында үйінді астынан екі адамның денесі табылды. Оқиғаның мән-жайы анықталып жатыр.

Астанада көпқабатты үйдің терезесінен бала құлап кетті
Елордадағы Тілендиев көшесі, 44А мекенжайында орналасқан тұрғын үй кешенінде қайғылы жағдай орын алды.

Терезеден құлаған бала алған жарақаттарынан оқиға орнында көз жұмды. Жедел жәрдем бригадасы шұғыл жеткенімен, дәрігерлер тек өлім дерегін тіркеуге мәжбүр болды.

Қазіргі уақытта құзырлы органдар оқиғаның мән-жайын анықтап жатыр. Төтенше жағдайлар қызметі ата-аналарды балалардың қауіпсіздігіне баса назар аударып, терезелерге қорғаныс торларын орнатуды тағы да ескертеді.

«Сені зорлағым келеді»: Семейде мас ер адам жасөспірімдерге тиіскен
18 сәуір күні Семейде белгісіз ер адам бір топ қыз балаға жақындап, оларға ішімдік ішуді ұсынған. Бас тартқан соң, ол мектеп оқушыларының соңынан қалмай, әдепсіз сөздер айтып, қудалай бастаған.

Тіпті, бір сәтте ол ашықтан-ашық қоқан-лоқы көрсетіп, балаларды «зорлайтынын» айтып сес көрсеткен.

Қала тұрғындары құқық қорғау органдарынан бұл адамның жеке басын тез арада анықтап, тиісті шара қолдануды талап етуде. Қазіргі таңда бұл жағдай желіде үлкен резонанс тудырып жатыр.

Астанада кәмелетке толмаған баланың балалар ойын алаңына асүй пышағын алып шығып, өзге балаларды қуғаны туралы оқиға тіркелді. Абырой болғанда, ешкім зардап шеккен жоқ.

Полиция мәліметінше, оқиғаға байланысты баланың ата-анасы әкімшілік жауапкершілікке тартылып, айыппұл салынған. Қазіргі таңда жағдай бақылауға алынған.

Бұл жағдай қоғамда алаңдаушылық туғызды. Мамандардың айтуынша, мұндай оқиғалар бала тәрбиесіне ерекше назар аудару қажеттігін көрсетеді. Ата-ананың жауапкершілігі мен бақылауы болашақта осындай келеңсіз жағдайлардың алдын алуда маңызды рөл атқарады.

Серікжан Біләш бүкіл қазақтың қабырғасын қайыстырған қайғылы оқиғаға қатысты көргенсіздік танытып, халықтың ашуын келтірді. Әлеуметтік желіде жариялаған бейнежазбасында ол жер қойнауына кеше ғана табысталған қазақтың көрнекті ақыны, жазушы, драматург, қоғам қайраткері Мұхтар Шахановты қорлайтын әдепсіз пікір білдірген, деп хабарлайды Arasha.kz.

Ақмола облысындағы «Sydykbek Arena» футбол базасында бірнеше миллион теңгеге бағаланған ірі вандализм және ұрлық дерегі тіркелді. Оқиға орнына келген жауапты қызмет өкілдері нысанның айтарлықтай бүлінгенін, кейбір жабдықтардың қолды болғанын анықтаған.

Алдын ала мәліметтерге сәйкес, құқық бұзушылыққа қатысы бар күдіктілердің жеке тұлғалары анықталған. Олардың арасында кәмелет жасына толғандармен қатар мектеп оқушылары да бар. Құқық қорғау органдары кейбір қатысушылардың ата-аналарының да ықтимал қатыстылығын тексеріп жатыр.

Куәгерлердің айтуынша, оқиға ауыл болып асарға жиналғандай сипатта өрбіген: бір топ адам алаңға келіп, нысанды қиратып, қолдарына түскен дүниені алып кеткен.

Қазіргі таңда аталған факті бойынша тергеу амалдары жүргізілуде. Кінәлілер заң аясында жауапқа тартылатыны хабарланды.

Қазақстандық киберспорт жұлдызы Данил Голубенко (Molodoy) әлемге әйгілі футболшы Неймар Жуниормен кездесті. Бұл туралы спортшы әлеуметтік желідегі парақшасында жариялады.

Қазіргі таңда бразилиялық FURIA командасы сапында Counter-Strike дисциплинасы бойынша өнер көрсетіп жүрген қазақстандық ойыншы әйгілі футболшымен бірге түскен бірнеше фотосын бөлісті. Айта кетейік, Неймар Santos FC клубында және Бразилия құрамасында ойнайды.

Желі қолданушылары бұл кездесуді қызу талқылап, түрлі әзіл пікірлер қалдырған. Олардың қатарында: «Легендарный игрок и какой-то мужик с бородкой», «Қазақ бразил – бір туған», «С одной стороны монстр, а с другой – Неймар», «Долгожданная встреча!» деген пікірлер бар.

Белгілі болғандай, Неймар қазақстандық киберспортшының ойынын бұрыннан бақылап, оның мансабына бірнеше рет жоғары баға берген. Сонымен қатар, сәуір айында IEM Rio турниріне қатысу үшін Бразилияға барған Molodoy-дың суретін футболшы өз парақшасында бөліскен.