11612. Бир кишининг хатоси учун ниятларини айблаш жоиз эмас. Ниятларни далилсиз айблаш ва маломат қилиш зулмдир. Чунки ният Аллоҳнинг ҳаққидир. Ислоҳ қилувчиларнинг ҳалок қилган энг буюк хатолари, хато қилган инсонларнинг ниятларини айблашга муккасидан кетишларидир.

Изоҳ: Мўминнинг ўзини, нияти ва амалини асоссиз ботил сўзлар билан айблаш ҳалок қилувчи катта гуноҳдир.

«Мўмин ва мўминаларга, улар бирон нарса қилмасалар ҳам озор берадиганлар, батаҳқиқ, ўз устларига очиқ бўҳтон ва гуноҳни олибдилар», Аҳзоб сураси, 58-оят.

@arabicuz

iOS | Android

Instagram | Facebook | Twitter | Tiktok | Youtube

11613. Имом Абу Лайс Самарқандий дедилар:
“Уч нарса ҳақида ўйламагин:

1. Фақирлик ҳақида ўйлама: Унда ғам-ташвишинг кўпаяди ва очкўзлик, ҳарисликни зиёда қилади.

2. Сенга зулм қилганни зулми ҳақида (ундан ўч олишни) ўйлама: Чунки унда қалбинг қаттиқлашади, адоватинг ортади ва ғазабинг давомий бўлади.

3. Дунёда узоқ қолиш ҳақида ўйлама: У ҳолда мол-дунё жамлашни яхши кўриб қоласан, натижада амални кечиктириб, умрингни зое қиласан.

“Танбеҳул ғофилийн”дан.

@arabicuz

iOS | Android

Instagram | Facebook | Twitter | Tiktok | Youtube

11614. Имом ибн Жавзий раҳимаҳуллоҳ: “Иблиснинг авом одамлар устидаги алдовларидан бири, улар гуноҳ-маъсиятлар қилишади, кейин бу ишлари учун айблашса, “Робб таоло карамлидир, авфи мағфирати кенгдир (барибир кечириб юборади)” дейишларида бўлади”.

“Талбийсил иблийс” асаридан.

@arabicuz

iOS | Android

Instagram | Facebook | Twitter | Tiktok | Youtube

11615. Ҳакимлардан биридан, содиқ дўстлар ҳақида нима дейсиз, деб сўрашди.
У зот: “Улар турли жисмларда бўлган битта жондирлар”, деди.

“Муҳозаратил адиббаи” асаридан.

@arabicuz

iOS | Android

Instagram | Facebook | Twitter | Tiktok | Youtube

11616. Абу Саъид Худрий розияллоҳу анҳудан ривоят қилинади: Расулуллоҳ соллаллоҳу алайҳи васаллам: «Жаннат аҳли тепаларидаги болохона аҳлини ўрталаридаги тафозул* туфайли мағриб ёки машриқда уфққа ботаётган порлоқ юлдузни кўргандек кўрадилар», дедилар. «Эй Аллоҳнинг Расули, анбиёларнинг ўзгалар ета олмайдиган манзиллари ўшами?» дейишди. У зот: «Йўқ, жоним қўлида бўлган Зотга қасамки, (булар) Аллоҳга иймон келтириб, расулларни тасдиқ қилган кишилардир», дедилар».

* Фазл ва даражадаги ўзаро тафовут

Имом Бухорий ривояти.

@arabicuz

iOS | Android

Instagram | Facebook | Twitter | Tiktok | Youtube

11617. “...ва одамлардан қўрқардинг, ҳолбуки, Аллоҳдан қўрқмоғинг ҳақлироқ эди”, Аҳзоб сураси, 37-оят.

Шундай экан, одатлардан олдин ибодатлар муқаддам қўйилади.
Воқеликдан олдин шариат муқаддам қўйилади.
Айбдан олдин ҳаром муқаддам қўйилади.
Ўрганиб қолинган ишлардан олдин суннат муқаддам қўйилади.
Одамларнинг риоясидан олдин Аллоҳ муқаддам қўйилади.

@arabicuz

iOS | Android

Instagram | Facebook | Twitter | Tiktok | Youtube

11618. Чигиртка ва капалакнинг фарқи

Чигиртка муназзам, тартибли ҳаёт кечиради, қаерга бораётганини билади. Капалак эса уйноқлаб, ўта тартибсиз учади. Қиёмат кунида инсонларнинг аҳволи капалакларинг аҳволига каби бўлади: “У Кунда одамлар тўзиб кетган капалакка ўхшаб қоларлар”, Қориъа сураси, 4-оят.

Қайта тирилиш, баъс кунида бўлса, улар Маҳшар майдони томон тартиб билан йўналиб борадилар: “...гўрлардан кўзлари қўрқинчга тўлган ҳолда, худди ёйилган чигирткага ўхшаб чиқиб келурлар”, Қамар сураси, 7-оят.

Қуръон балоғати нақадар буюк!

@arabicuz

iOS | Android

Instagram | Facebook | Twitter | Tiktok | Youtube

11619. Абул Хайр Ақтоъ раҳимаҳуллоҳ: “Қалблар турли вазиятларда бўлади:
Бири - аломати барча мусулмонларга шафқатли ва улар ҳақида қайғурган ва уларга яхшилик салоҳият бўлувчи ишда ёрдамга шай бўлган иймон тўла қалб.
Иккинчиси – аломати адоват, ғилли ғашлик ва ҳасад бўлган нифоқ тўла қалб”, деди.

@arabicuz

iOS | Android

Instagram | Facebook | Twitter | Tiktok | Youtube

11620. “Эй одамлар! Албатта, Аллоҳнинг ваъдаси ҳақдир. Бас, дунё ҳаёти сизни алдаб қўймасин”, Фотир сураси, 5-оят.

Изоҳ: Бу дунё ҳаётининг ўткинчи матоҳларига берилиб, алданиб қолманг. Бу дунё ҳаётига охиратни алмашманг.

@arabicuz

iOS | Android

Instagram | Facebook | Twitter | Tiktok | Youtube

Тадаббур

📖 Аллоҳ таоло айтади: «Роббимиз, бизни ҳидоят қилганингдан сўнг қалбларимизни оғдирмагин ва бизга Ўз ҳузурингдан раҳмат ҳадя этгин. Албатта, Сен Ўзинг кўплаб ҳадя этувчисан", Оли Имрон сураси, 8 – оят.

🔻Аллоҳ таоло илмда мустаҳкам бўлганлар ҳақида хабар беради, улар: “Роббимиз биздан жаҳолат ва ўжарлик содир бўлиб, қалбларимизни ҳақдан оғдириб қўймагин. Бизни ўзлари ҳидоятланган ва бошқаларни ҳидоятга бошловчилардан қилгин. Бизни ушбу ҳидоят (ҳақ йўл)да собит этгин ва (динингдан) ортга кетганларни мубтало этган нарсангдан бизни офиятда асра”, дея дуо қиларлар. (Саъдий тафсиридан).

🔻Илм ва ҳидоятга қай даражага етишган бўлманг, Аллоҳ таолодан сабот сўранг. Ҳатто Ўзининг маъсум расули ҳақида шундай деган: “Агар сени собит қилмаганимизда, батаҳқиқ, уларга бир оз бўлса-да, мойил бўлишингга оз қолар эди”, Исро сураси, 74-оят.
У зот соллаллоҳу алайҳи васалламнинг дуолари: “Аллоҳумма я муқаллибал қулууби, саббит қолбий ъала дийника!”, эди. (Маъноси: Эй қалбларни ўзгартирувчи Аллоҳим, қалбимни динингда собит қилгин!)

@arabicuz

iOS | Android
Instagram | Facebook | Twitter | Tiktok | Youtube

11621. Самура ибн Жундаб розияллоҳу анҳудан ривоят қилинади: «Набий соллаллоҳу алайҳи васаллам намоз ўқиб бўлгач, бизга юзланиб: «Сизлардан ким бу кеча туш кўрди?» дер эдилар. Бирон киши кўрган бўлса, ҳикоя қилиб, Аллоҳ хоҳлаганича айтиб берар эди. Бир куни биздан: «Сизлардан бирон киши туш кўрдими?» деб сўрадилар. «Йўқ», дедик. У зот дедилар: «Лекин мен бу кеча икки киши олдимга келиб, қўлимдан тутиб, мени Муқаддас заминга олиб чиққанларини кўрдим...
(давоми)
«Сен борганда боши тош билан ёрилаётган биринчи киши Қуръонни олиб, сўнг уни тарк этадиган ҳамда фарз намозларини қўйиб, ухлайдиган кишидир».

Имом Бухорий ривояти.

@arabicuz

iOS | Android
Instagram | Facebook | Twitter | Tiktok | Youtube

11622. Жисмларимиз тоатлар ила жамлаб терган савобларни тилларимиз гуноҳ (сўзлаш) ва разилликлар билан куйдириб юборади. Сукут қилиш ва тағофул, ўзини билмаганга солиш солиҳлар манҳажи, йўлидир. Шу сабаб яхшиликни сўзла ёки жим тур. Кишининг омонлиги икки жағининг орасидадир.

@arabicuz

iOS | Android

Instagram | Facebook | Twitter | Tiktok | Youtube

11623. Тоғларга кўтарилишни ёқтирмаган одам,
Чуқур ҳандақлар ичра яшайди ҳар дам.

Абул Қосим Шабий, Тунислик шоир. (1909-1934)

@arabicuz

iOS | Android

Instagram | Facebook | Twitter | Tiktok | Youtube

11624. “Сизларни оловга нима киритди?» (деб). Улар дерлар: «Намоз ўқийдиганлардан бўлмаган эдик”, Муддассир сураси, 42- 43 - оятлар.

Намоз ўқи, токи сенга (жаноза) намози ўқимасларидан олдин... Эй жаннатга интилганлар, бомдод намози фейсбук (ва бошқа турли-туман ижтимоий тармоқларда беҳуда ўтиришдан) яхшироқдир.

@arabicuz

iOS | Android

Instagram | Facebook | Twitter | Tiktok | Youtube

‏في أوروبا كانت المرأة لا تمس الكتاب المسيحي لأنهن في معتقداتهم رجس ..
في حين كان في قرطبة لوحدها 170 مسلمة ينسخن المصحف الشريف .
‎
🔻Европада аёл киши черковдаги насронийларнинг Китоби (Инжил)га қўл теккиза олмасди. Чунки аёл уларнинг эътиқодига кўра нопок саналарди...
Худди ўша вақтда биргина Қуртубанинг ўзида 170 та (хаттот) муслима аёл Мусҳафи шарифдан нусха кўчиришарди.

@arabicuz

iOS | Android
Instagram | Facebook | Twitter | Tiktok | Youtube

11625. Ҳақиқий шайхинг, устозинг сени (ғафлат) уйқусидан уйғотган, сени маломат, гуноҳдан халос қилган ва халқ олдида сен билан бирга юрган шахсдир.

@arabicuz

iOS | Android

Instagram | Facebook | Twitter | Tiktok | Youtube

11626. Анас розияллоҳу анҳудан ривоят қилиндаи, Расулуллоҳ соллаллоҳу алайҳи васаллам: «Қиёмат кунида издошлари энг кўп пайғамбар мен бўламан. Жаннат эшигини биринчи бўлиб мен қоқаман», дедилар. Имом Муслим ривояти.

🔻Изоҳ: Олдига арзу шикоятни айтиб, ҳожат сўраб бориладиган улуғ киши саййид саналади. Пайғамбаримиз алайҳиссалом ўша кунда башарият орасидаги ягона саййид бўладилар. Бу борада у зот билан ҳеч ким рақобатлашмайди ҳам, бунга даъвогарлик қилишга ҳаққи ҳам бўлмайди. Бутун инсоният Муҳаммад соллаллоҳу алайҳи васаллам ҳузурига шафоат тилаб келади. У зот охират ҳаётида ўзлари талабгор бўлмаган ҳолда уларнинг саййиди бўладилар.
Бу саййидлик имом Муслим Анас ибн Молик розияллоҳу анҳудан ривоят қилган ҳадисдан маълум. Расулуллоҳ соллаллоҳу алайҳи васаллам: «қиёмат кунида жаннат эшиги (ёни)га келиб, очишни сўрайман. Хозин (посбон): «Сен кимсан?» дейди. «Муҳаммадман», дейман. У: «Фақат сенга очишга амр қилиндим, сендан олдин бирортага эмас», дейди», – деганлар.

Доктор Ваҳба Зуҳайлийнинг “Шамоили Муҳаммадия” асаридан.

@arabicuz

iOS | Android
Instagram | Facebook | Twitter | Tiktok | Youtube

"Аллоҳнинг гўзал исмлари бордир. Бас, Унга ўша (исм)лар ила дуо қилинг", Аъроф сураси, 180-оят.
#asmaulhusna

☪️ ал-Қоҳир жалла жалалуҳу

“У бандалари устидан мутлақ ғолибдир. У устингизга ҳафазаларини юборур”, Анъом сураси, 61-оят.

Бандалари устидан Қоҳир - мутлақ ғолибдир. Бўйинлар унинг олдида эгилган ва қудратли золимлар ҳам унинг олдида залил, хор бўлгандир.
Халқларининг устидан ўлим ила мутлақ ғолибдир. Бу Аллоҳ таоло бандаларига тақдир этиб битган ўлим бўлиб, халқларнинг қуввати ҳар қанча кучли бўлмасин, золим ҳукмдорларнинг қудрати қай даражага етишмасин, ўлимни ўзларидан қайтаришга, даф этишга қодир эмаслар.
Инсонлар ўзларидан кетказишга қодир бўлмаган турли касалликлар, мусибат ва ғам-қайғулар борки, Аллоҳ таоло улар билан инсонлар устидан ғолиб келган.

🔻Саъдий айтади: “У зот бандаларининг устидан шомил иродасини, омматан хоҳишини юритади. Улар бу хусусда бирон нарсага молик эмаслар. Бирон ҳаракат ёки саканот бўлсин, барчаси Унинг изни билангина бўлур”.

@arabicuz

iOS | Android
Instagram | Facebook | Twitter | Tiktok | Youtube