🇨🇳🇺🇿 АОКАда Инсон ҳуқуқларини ўрганиш бўйича Хитой жамияти раисининг ўринбосари билан учрашув бўлиб ўтди

АОКА мутасаддилари ва Хитой Халқ сиёсий маслаҳат кенгаши Миллий қўмитаси аъзоси, Инсон ҳуқуқларини ўрганиш бўйича Хитой жамияти раисининг ўринбосари жаноб Цзян Цзянго бошчилигидаги делегация билан учрашувда Ўзбекистонда амалга оширилаётган кенг кўламли ислоҳотлар ва уларнинг натижалари юзасидан атрофлича суҳбатлашилди.

Ахборот ва оммавий коммуникациялар агентлиги директорининг биринчи ўринбосари Дилшод Саиджонов Ўзбекистон-Хитой давлатлари ўртасида серқирра ҳамкорлик ва мустаҳкам алоқалар, икки томонлама ўзаро манфаатли муносабатлар самараси ўлароқ, кўплаб тармоқ, саноат ва соҳаларда ижобий ўзгаришлар бўлаётганини қайд этди.

Шу жумладан, мамлакатда Инсон ҳуқуқлари таъминланишида АОКА ваколати доирасида ОАВ, масс-медиа, ахборот хизматлари фаолиятини такомиллаштириш ва ривожлантириш, бунда давлат органлари ва ташкилотларининг халқ олдида ҳисобдорлиги, шаффоф ва очиқлигини ошириш борасида амалга оширилаётган ишлар тўғрисида тўхталиб ўтди.

Ўз ўрнида, жаноб Цзян Цзянго самимий мулоқот ва маълумотлар учун миннатдорчилик билдириб, икки мамлакат ўртасидаги кенг қамровли ҳамкорлик стратегик истиқболли лойиҳалар доирасида давом этишини, дўстона муносабатлар бардавомлиги янада тараққий этишини таъкидлади.

Учрашув дўстона ва конструктив тарзда бўлиб ўтди.

Telegram | Youtube | Facebook | Instagram | Медиабанк | Сайт

✅ АОКАда нашриётлар раҳбарлари, бош муҳаррирлар ҳамда соҳа мутахассислари иштирокида навбатдаги йиғилиш бўлиб ўтди

Ахборот ва оммавий коммуникациялар агентлиги томонидан мунтазам равишда нашриёт-матбаа, китоб савдоси соҳасини янада такомиллаштириш, аҳолини сифатли ва мазмунан бой китоб маҳсулотлари билан таъминлаш мақсадида янги ташкил этилган ноширлик субъектларининг фаолияти таҳлилига бағишланган учрашувлар ташкил этиб борилмоқда.

📌Бугун АОКАда нашриётлар раҳбарлари, бош муҳаррирлар ҳамда соҳа мутахассислари иштирокида навбатдаги бўлиб ўтган йиғилишда:

🔵олий таълим муассасалари учун чоп этилган илмий ва илмий-услубий қўлланмаларнинг нашрга тайёрлаш ва ишлаб чиқариш сифати талаб даражасида эмаслиги;

🔵ноширлик-матбаа маҳсулотларини чоп этишда ўрнатилган давлат стандартлари, техник регламентларига қатъий амал қилиниши;

🔵диний мазмундаги китобларни белгиланган тартибда диншунослик экспертизасидан ўтказиш;

🔵соҳага оид меъёрий-ҳуқуқий ҳужжатларига риоя қилинишини таъминлаш масалалари муҳокама қилинди.

Шунингдек, ноширлик субъектлари фаолиятларида дуч келаётган айрим муаммолар тўғрисида ҳам тўхталиб, уларни ҳал этишда ҳамкорликда иш олиб бориш зарурлигини таъкидлашди.

Учрашувда бугунги кунда электрон нашрлар тобора оммалашиб бораётганлигини инобатга олиб, уларни нашрга тайёрлаш, тарқатиш шартларини ишлаб чиқиш, халқаро стандарт тартиб рақамини олиш шартларини соддалаштириш, тендер савдолари орқали таклиф этилаётган ноширлик маҳсулотлари сифатини ошириш бўйича қўшимча талаблар киритиш таклифлари билдирилди.

Бундан ташқари, ноширлик ҳуқуқини қонунчиликда мустаҳкамлаш, соҳа мутахассислари малакасини ошириб бориш бўйича фикр алмашилди.

Telegram | Youtube | Facebook | Instagram | Медиабанк | Сайт