🇦🇿Ўзбекистонлик медиа соҳаси вакиллари учун Озарбайжонга пресс-тур ташкил этилди

Ахборот ва оммавий коммуникациялар агентлиги ҳамда Озарбайжон Республикаси Медиани ривожлантириш агентлиги ўртасида англашув меморандуми имзолангани тўғрисида хабар қилинган эди.

Меморандум доирасида замонавий медиа маконда ўзаро ҳамкорлик механизмларини яратиш, ОАВ мутахассисларини малака оширишлари ва тажриба алмашишлари учун пресс-турлар ташкил этиш ва бошқа қатор чора-тадбирлар лойиҳалари юзасидан келишув эришилган эди.

Жорий йилнинг 25-28 июль кунлар қатор ўзбекистонлик ахборот ва медиа соҳаси вакиллари, жумладан АОКА масъул ходимлари иштирокида Озарбайжонда ОАВлар билан ишлаш соҳасида амалга оширилаётган ислоҳотлар билан таништириш мақсадида пресс-тур ташкил этилди.

Кеча Озарбайжон Медиани ривожлантириш агентлигида ўзбекистонлик делегация аъзолари билан учрашув бўлиб ўтди.

Учрашувда икки давлат ўртасида ОАВ ва медиа соҳасида ҳамкорликни ривожлантириш бўйича “Йўл харитаси”да белгиланган вазифалар ижроси юзасидан фикр-мулоҳазалар алмашилди, ҳисоботлар тақдим этилди.

Озарбайжон Медиани ривожлантириш агентлиги ижрочи директорининг ўринбосари Натиғ Мамедли дезинформацияларга қарши курашда ўзаро тажриба алмашиш ва ҳамкорликни мустаҳкамлаш муҳим аҳамиятга эга эканлигини таъкидлади.

Шунингдек, жорий йилнинг 20-22 июль кунлари бўлиб ўтган II “Global Shusha Media Forum”да ушбу масала етакчи экспертлар иштирокида кенг муҳокама қилинганини қайд этди.

Ўзбекистонлик делегация вакиллари икки томонлама манфаатдор ҳамкорликни турли медиа йўналишларда кенгайтириш, медиа-мулоқот платформаларини яратиш, узоқ муддатли самарали шериклик медиа лойиҳа ва дастурлари ижросини таъминлаш асосида муносабатларни доимий ривожлантириб бориш лозимлигини таъкидлашди.

Telegram | Youtube | Facebook | Instagram | Медиабанк | Сайт

✅ Икки кунлик Медиа-форум якунланди. Совриндорлар тақдирланди

Маълум қилинганидек, 26-27 июнь кунлари IV Миллий конференция, унинг доирасидаги Медиа-форум тадбирлари бўлиб ўтди.

Миллий конференция очилиш маросимида сўзга чиққанлар мамлакатимизда сўнгги йилларда олиб борилаётган ислоҳотлар сабаб матбуот котибларининг фаолиятлари такомиллаштирилгани, уларга кенг имкониятлар очиб берилганини таъкидлашди.

📌 Медиа-форум доирасида ташкил этилган панел сессияларда:

▫️Ахборот хизматларининг кампаниялашган ҳолда ишлаш механизмлари, сифатли медиа контент яратишда оммавий ахборот воситалари билан ҳамкорлик масалалари;

▫️Ахборот хизматлари - 2030. Сунъий интеллект имкониятлари ва замонавий тенденциялар мавзулари кенг муҳокама қилинди.

Медиа-форумнинг биринчи кунида, шунингдек, матбуот котиблари “Media Quiz” интеллектуал беллашувда соҳага оид турли мавзуларда билимларини синашди.

Медиа-форумнинг иккинчи куни Спартакиада мусобақалари билан давом этди.

Билимлар жанги ва спорт мусобақалари ғолиблари сертификат ва қимматбаҳо совғалар билан тақдирланди.

Икки кун давом этган тадбирларда матбуот котиблари фаолиятларида самарали акс этадиган малака ва тажрибаларга эга бўлишди.

Telegram | Youtube | Facebook | Instagram | Медиабанк | Сайт