#matn #mulohaza

📌Nega harakat qilmasdan natija olgimiz keladi?

Bu inson tabiatiga xos bir jihat:
biz tezroq natija ko‘rishni,
mehnatsiz mukofot olishni qisqa yo‘l izlaymiz.

Bu g‘oya atrofimizda ham targ‘ib qilinadi: «tez boyish», «1 kunda ingliz tilini o‘rgan», «30 kunda tanani o‘zgartir». Lekin aslida bularning hammasi — vaqt, harakat, davomiylik talab qiladi.

📉 Qisqa yo‘l bilan olingan natijalar odatda yuzaki bo‘ladi. Asosli bilim, puxta o‘zgarish esa faqat sabr bilan shakllanadi.

Xulosa:
— O‘rganish — bu qulaylikdan chiqish, mehnat qilish, vaqt sarflash.
— Harakat qilmayoq natija kutish — bu xomxayol.
— Haqiqiy rivojlanish, haqiqiy natija — asta-sekin, izchil harakat orqasida bo‘ladi.

Judayam manoli va judayam shirin rasm🥰😋

Har bir natija ortida, harakat, mehnat, mashaqqat yotadi!

Buni oʻqiganmidingiz?🧐

Biroz qoʻshimcha qilmoqchiman.

Kasb-hunar o‘rganishda eng katta xato nima, bilasizmi?

❗️Amaliyot qilmaslik.

Online bo‘lsin, offline bo‘lsin — o‘rganayotgan odam bilimini amalda sinab ko‘rmasa, u bilim o‘zlashtirilmaydi. Bekorga “kasb-hunar” deyilmaydi. Ha nazariya kerak, lekin qo‘lda bajariladigan sohalarda ko‘nikma va tajriba birinchi o‘rinda turadi.

Amaliy mashq qilish nafaqat mahoratni oshiradi, balki esda ham mustahkam saqlaydi. Chunki 10 marta o‘qilgan yoki ko‘rilgan ma’lumotdan ko‘ra, bir marta o‘zing bajarib ko‘rgan narsang miyangda yaxshiroq qoladi.

Xulosa: Nimadir o‘rganmoqchimisiz? Amalda sinab ko‘ring.

Qanday ish boʻlmasin, halollik va mas’uliyat – eng katta boylik.
Biz musulmon sifatida kundalik so‘zimiz va ishimizda ham mas’ulmiz.

Mo‘min kishi va’dasiga xilof qilmaydi, yolg‘on gapirmaydi. Chunki ishdagi halollik – ishonch keltiradi, mas’uliyat esa davomiylik beradi.

Aslida yaxshi tadbirkor, yaxshi xodim yoki yaxshi kadr bo‘lish uchun mana shu ikki sifatning o‘zi ham ko‘p narsani hal qiladi.

Rasmda svetoforni toping🥸

Menga nima topvol, bormi bor deyishgan shekilli.

#matn

Baxt pulda emas, yutuq zavqida.

Franklin D. Roosevelt

Pul – vosita. U qulaylik beradi, imkoniyat ochadi, lekin o‘zi baxtni bermaydi. Chunki odamda qancha ko‘p pul bo‘lsa ham, agar uning ichida maqsad, erishganidan faxr, qilgan ishidan zavq bo‘lmasa – u baribir bo‘shliqni sezadi.

Yutuq esa boshqacha. U mehnat bilan, sabr bilan, o‘z ustida ishlash bilan keladi. Shu yo‘lda qilingan har bir kichkina qadamning o‘zi odamga quvonch beradi. Maqsad qo‘yib unga yetish – inson qalbida haqiqiy “men uddaladim!” degan tuyg‘uni uyg‘otadi. Bu tuyg‘u puldan kuchliroq, chunki u o‘z qadrini his qilish, o‘zini qadrlashdan keladi.

Ya’ni Roosevelt shuni aytmoqchi: pul – tashqi narsalardan keladigan quvonch,
yutuq esa – ichki mehnat natijasidan tug‘iladigan baxt.

Etibor uchun rahmat hammaga☺️

14/20 zoʻr natija✅

1. O‘zidan jertva yasash nima?

Bu – insonning o‘zini doimiy ravishda “men sizlar uchun hamma narsaga chidab yuribman” deb ko‘rsatishi, o‘zini qurbon rolida tasvirlashi.
Aslida u ko‘pincha ko‘proq qadrlanish, e’tibor yoki minnatdorchilik olishni kutadi.

Misol:
• “Men siz uchun hamma narsani qilaman, lekin hech kim qadrlamaydi”
• “O‘zimni butunlay oilamga bag‘ishladim, lekin meni tushunishmaydi”

2. Bunga sabab bo‘ladigan omillar
• Bola chog‘idan singib qolgan tarbiya: “Sen yaxshi bola bo‘lishing uchun boshqalarning xohishiga bo‘ysunishing kerak” degan qarash.
• O‘zini qadrlash pastligi: “Agar hamma uchun foydali bo‘lmasam, men keraksizman” deb o‘ylash.
• E’tibor olish usuli: Odam mehr va qadrlanishni to‘g‘ridan-to‘g‘ri so‘ray olmaydi, shuning uchun o‘zini “jertva” qilib ko‘rsatadi.

3. Shaxsiy hayotda qanday ko‘rinadi?
• Oila yoki munosabatlarda: Bir tomon doim “hammasini men qilyapman” deya ta’kidlashi, ammo aslida shu orqali sherigini qarzdor qilishga urinishi.
• Do‘stlikda: Do‘stlari uchun hamma narsani qilishga tayyor bo‘ladi, keyin esa “men siz uchun jonimni beraman, lekin siz meni qadrlamaysiz” deb xafa bo‘ladi.
• Farzand va ota-ona munosabatida: “Men butun umr sen uchun o‘zimni qurbon qildim” degan gaplar farzandni ruhiy bosim ostiga qo‘yadi.

4. Salbiy oqibatlari
• Odamning o‘zi ham, atrofidagilar ham baxtli bo‘lmaydi.
• “Jertva rolida” yashagan odam ko‘p narsani ichida yig‘ib yuradi, keyin portlash, alam, sog‘liq muammolari (stress, charchoq, hatto psixosomatik kasalliklar) kelib chiqishi mumkin.
• Munosabatlarda norozilik va manipulyatsiya kuchayadi.

5. Bunga qarshi nima qilish mumkin?
• O‘z hissiyotlarini ochiq, to‘g‘ridan-to‘g‘ri aytishni o‘rganish: “Men hozir yordamga muhtojman” yoki “Men bu ishni qilishni xohlamayman”.
• Chegaralarni qo‘yishni bilish: hamma narsani ham qilish shart emas.
• Qadr topishni “qurbonlik” orqali emas, o‘z shaxsiy qadriyatlari va o‘ziga bo‘lgan hurmat orqali his qilish.

#matn

💡 “Imkon topilmasa ham, yo‘l topiladi.”
— Franklin D. Roosevelt

Ba’zida sharoit yo‘qdek tuyuladi: pul ham, yordamchi ham, imkoniyat ham topilmagandek bo‘ladi. Va odatda ko‘pchilik shu joyda to‘xtaydi.

Lekin haqiqiy qat’iyatli odam bahona qidirmaydi. Imkon bo‘lmasa – yo‘l yasaydi. Sharoit bo‘lmasa – yangi sharoit yaratadi. Zero, har bir katta ish ham birinchi qadamdan boshlanadi.

Aslida farq ham shunda: ba’zilar imkonni kutadi, boshqalar esa imkonni o‘zi yaratadi.

🔍FOMO nima?

FOMO — inglizcha “Fear of Missing Out” iborasining qisqartmasi, ma’nosi: “Biror narsani o‘tkazib yuborishdan qo‘rqish”, ya’ni odam doimiy ravishda “hamma narsa haqida bilishim kerak, biror narsadan ortda qolmasligim kerak” degan ichki bezovtalikni his qiladi.

Masalan:
• Kimdir do‘stlari sayohatga ketganini ko‘rib, o‘zi borolmagani uchun asabiylashishi.
• Ijtimoiy tarmoqlarda doim boshqalarning yangiliklarini ko‘rib, “men ham shunday qilmasam, ortda qolaman” deb xavotirlanish.
• Hamma o‘qiyotgan kursga yozilmaslik yoki trendda bo‘lgan narsani sotib olmaslikdan qo‘rqish.

Aslida nima bo‘ladi?
• Odam doimiy taqqoslash holatida qoladi.
• “Mendan boshqalar yaxshiroq yashayapti” degan fikr kuchayadi.
• Bu esa ruhiy charchoq, isrofgarchilik yoki o‘z hayotidan norozilik keltiradi.

Psixologiyada FOMO — zamonaviy stress omillaridan biri sifatida qaraladi.

Xoʻsh yechim qanday?⤵️

❗️FOMOdan qutulishga yordam beradigan maslahatlar:

1️⃣ “Digital diet” qilish
• Kun bo‘yi telefonni qo‘lga olmasdan, ma’lum vaqtlar (masalan, ertalab va kechqurun) ijtimoiy tarmoqlarni tekshirish.
• Bildirishnomalarni o‘chirib qo‘yish. Bu miyani ortiqcha bezovta qilmasligi uchun juda foydali.

2️⃣ O‘z hayotingni qadrlash
• Kundalikda yoki daftar’da o‘zing erishgan narsalarni yozib boring.
• Odam o‘z qadamlarini ko‘rib tursa, boshqalarnikiga qiziqishi kamayadi.

3️⃣ “Yo‘q” deyishni o‘rganish
• Har trendga qo‘shilmaslik.
• O‘ziga savol berish: “Men buni chin dildan xohlayapmanmi, yoki shunchaki boshqalar qilgani uchunmi?”

4️⃣ Shoshilmaslik va ongli tanlov
• Masalan, kurs, mahsulot yoki safar haqida qaror qabul qilishda:
🔹 “Bu menga hozir kerakmi?”
🔹 “Bir yil keyin ham qadrini bilamanmi?”
• Shunday qilib, FOMO o‘rniga ongli qaror paydo bo‘ladi.

Aslida FOMOdan qutulishning eng asosiy siri shuki: boshqalar hayotini kuzatishdan ko‘ra, o‘z hayotingni boyitishga e’tibor berish. 🌱

Reaksiya qoldirishni unutmang☺️