የወልዲያ ከተማ የመጠጥ ውኃና ፍሳሸ አገልግሎት ድርጅት ዲጂታል አገልግሎት አሰጣጥ ወጪና ጊዜ ቆጣቢ ሆኖልናል። ሌሎች የከተማው ተቋማትም ይህን ተሞክሮ ይውሰዱልን ሲሉ ደንበኞች ተናገሩ።

የወልድያ ከተማ አስተዳደር የመጠጥ ውኃና ፍሳሽ አገልግሎት ድርጅት ከደንበኞቹ የፎረምና ምክር ቤት አባላት እንዲሁም ከሚመለከታቸው አካላት ጋር የጋራ ምክክር አካሒዷል።

በምክክር መድረኩ የከተማዋ መብራት አቅርቦት መሻሻል በመብራት የኃይል አቅርቦት መቆራረጥ ምክንያት ይፈጠር የነበረው የደንበኞች የውኃ መስመር መቆራረጥ መሻሻሉ፤ የከተማዋን የውሃ ችግር በዘላቂነት ለመፍታት እየተሰሩ ያሉ ልዩ ልዩ የፕሮጀክት ሥራዎች። በዋናው አስፋልት መንገድ ፕረጀክቶ፣ በ30 ሜትር መንገድ ሥራ ፕሮጀክትና በኮሪደር ልማት ምክንያት የሚቀየር የውኃ መስመር ዝርጋታ ፕሮጀክት ከቴሌ፣ ከመብራት፣ ከመሠረተ ልማት መምሪያና ከመንገድ ሥራ ድርጅቶች ጋር በመናበብ የደንበኞች የውኃ ስርጭት ሲቋረጥ በቶሎ ጊዜ ሳይወስድ መሠራቱ፣ የዲጂታል ቴክኖሎጅ አገልግሎት መሰጡቱና የሀብት አጠቃቀምና አያያዝ ዙሪያ ባሉ የአሠራር ለውጦች ከእነ ተግዳሮቶቻቸው ለምክክር መድረኩ በመነሻነት ቀርበዋል።

በምክክር መድረኩ የተሳተፉት አገልግሎት ተቋሙ የውኃ ደንበኞች የቢል ክፍያን ወደ በዲጂታል ባንኪንግ በሲቢኢ ብር፣ የቴሌ ብርና በሌሎች የሞባይል ባንኪንግ አማራጮች መዘርጋቱ ወጪያችንን፣ ጊዜያችንንና የቆጠበና የሰልፍ እንግልታችንን አስቀርቶልናል ብለዋል።

ሌሎች የከተማዋ ተቋማትም ከክፍያ ጋር የተያያዙ
ስራዎችን ከኋላቀር አሠራር ወደ ዘመናዊ አሠራር ለመቀየር የውኃ አገልግሎቱን ፈለግ ቢከተሉ ጥሩ ነው በማለት የተቋሙን የአገልግሎት አሰጣጥ አወድሰዋል።

በዳባት ወረዳ ወቅን ከተማ በፖምኘ ብልሽት ምክኒያት ተቋርጦ የነበረው የመጠጥ ውኃ አቅርቦት የጠላቂ ፓምፕ ቅያሬ ተደርጎለት አገልግሎት መስጠት ጀመሯል።

‹‹አስቻይ ሁኔታዎችን ሁሉ በመጠቀም  ችግር ፈቺ ድጋፍ ማድረግ ያስፈልጋለ፡፡›› ወልደ ትንሳዔ /ዶር/ በቢሮ ኃላፊ ደረጃ የአብክመ ውኃና ኢነርጂ ቢሮ አማካሪ
 
የበጀት ዓመቱ 2ኛ ዙር የአብክመ ውኃና ኢነርጂ ቢሮ የድጋፍና ክትትል ቡድን ከነገ ታህሳስ 8/2018 ዓ.ም ጀምሮ ለሚካሄደው የድጋፍ ፕሮግራም ኦረንቴሽን ወስዷል፡፡
 
በመድረኩ በበቂ ዝግጅት ላይ በመመስረትና  አስቻይ ሁኔታዎችን ሁሉ በመጠቀም  ችግር ፈቺ ድጋፍ ማድረግ እንደሚየያስፈልግ በቢሮ ኃላፊ ደረጃ የአብክመ ውኃና ኢነርጂ ቢሮ አማካሪ ወልደ ትንሳዔ /ዶር/ ለቡድኑ በአጽንኦት ተናግረዋል፡፡

በየደረጃው ያሉ የዘርፉ ተቋማት የበጀት ዓመቱ ዕቅድ ምን ደረጃ ላይ እንዳለ እስከ ጥር 5 ባለው ጊዜ ውስጥ ከባለድርሻ አካላት ጋር ገምግመው ለክልላዊ መድረኩ ዝግጁ መሆን እንደሚገባቸውም አመላክተዋል፡፡

የአብክመ ውኃና ኢነርጂ ም/ኃላፊ አቶ ጥላሁን ሽመልስ በበኩላቸው፤ አቅም የሚፈጥር፣ የሚታይ፣ የሚጨበጥና ውጤት የሚያመጣ የድጋፍ ስልትን መከተል ይገባል ሲሉ ገልጸዋል፡፡

የድጋፍና ክትትሉን መሰረታዊ ዓላማ ማዕከል በማድረግ ለቀጣይ ስራ የሚያነቃቃና ከችግሮች በላይ ሆኖ ለላቀ ውጤት የሚያበቃ ድጋፍና ክትትል የማድረግ ትልቅ ኃላፊነት መውሰዳቸውንም ለቡድኑ አባላት ተናግረዋል፡፡ በተዋረድ ያለው መዋቅር ለሚፈጠሩ ችግሮች ሁሉ ከቢሮ መፍትሄ መጠበቅ ብቻ ሳይሆን እኔስ ምን ሰራሁ ብሎ ወደ ውስጥ መመልከትና ክፍተቶችን በራስ አቅም የመሙላት ልምምድ ማዳበር  የተገባ ነው ሲሉም አክለዋል ኃላፊው፡፡

የዞን ውኃና ኢነርጂ  መምሪያዎች፣ ከተማ አስተዳደሮች፣  ውኃና ፍሳሽ ድርጅቶች፣ ወረዳዎች፣ የከተማ ግብርና ኢነርጂ ቡድን ብሎም ፕሮጀክቶች በአካ እና በዙም ድጋፍ የሚደርግላቸው ተቋማት ናቸው፡፡

ለገጠር አካባቢዎች ኤሌክትሪክ ለማቅረብ ከ13 የግል ድርጅቶች ጋር ውል ስምምነት ተከናወነ።

ከዋናው የኤሌክትሪክ መስመር እጅግ ለራቁ የገጠር አካባቢዎች የኤሌክትሪክ ሀይል ከሚያቀርቡ በዘርፍ ለተሰማሩ የ16 የግል ድርጅቶች ውል የማደስና ከ13 አዲስ የግል ድርጅቶች ጋር ውል ስምምነት ተከናውኗል።

በመርሃግብሩን በውሃና ኢነርጂ ሚኒስቴር የኢነርጂ ዘርፍ ሚኒስትር ድኤታ ዶ/ር ኢ/ር ሱልጣን ወሊ እንደተናገሩት "መንግስት በገጠር አካባቢ የሚኖረውን የህብረተሰብ ክፍል የኤሌክትሪክ ተጠቃሚ ለማድረግ ለዘርፉ ትኩረት ቢሰጥም የግሉ ዘርፍ ተሳትፎ ወሳኝና አመርቂ ውጤት ለማምጣት የሚያስችል በመሆኑ ውል ገብቶ ወደ ስራ ማስገባት አስፈልጓል ።

በ2030 የኢትዮጵያ እያንዳንዱ ሰፈር የኤሌክትሪክ ሀይል ተጠቃሚ እንደሚሆን በሃገር ደረጃ የታቀደ መሆኑን ያወሱት ሚኒስትር ድኤታ ዕቅዱን ተግባራዊና ውጤታማ ለማድረግ ውል የሚያድሱም ይሁን አዲስ ውል የሚፈርሙ የግሉ ዘርፍ በከፍተኛ ሀላፊነትና በሀገር ፍቅር ስሜት ህብረተሰቡን ከጨለማና ከኋላቀርነት የማላቀቅ ስራ መስራት አለባቸው ብለዋል ።

በመርሃ ግብሩ ላይ በዘርፉ የተሰማሩና ውል የገቡ የግል ድርጅቶች ፣ የክልሎች የኢነርጂ ዘርፍ ሀላፊዎች ተሳትፈዋል ።