Sand of Salzaar (Android / iOS)

ဒီတစ်ခါတော့ စစ်သားတွေစု၊ မြို့တွေ၊ ရွာတွေနဲ့ ခံတပ်တွေကို လိုက်သိမ်းချင်သူတွေအတွက် High-Fantasy Xianxia ကမ္ဘာကြီးထဲကို အလည်ခေါ်သွားချင်ပါတယ်။ Sand of Salzaar ဆိုတာ သူ့ကိုယ်ပိုင်ဟန်နဲ့သူ တော်တော်ဆော့ကောင်းတဲ့ ဂိမ်းတစ်ခုဖြစ်ပြီး Player အများစုက Mount & Blade နဲ့ Diablo ဂိမ်းနှစ်ခု ပေါင်းစပ်ထားတယ်လို့ ပြောကြပါတယ်။
အထူးသဖြင့် Unique ဖြစ်တဲ့ Gameplay ကို ခံစားချင်သူတွေနဲ့ Gaming Experience အသစ်ရချင်တဲ့ Hardcore Gamer တွေ မဖြစ်မနေ စမ်းဆော့ကြည့်သင့်ပါတယ်။

📜 Story
====

Sand of Salzaar ဂိမ်းကြီးကို စတင်စေခဲ့တာက Black Sun War လို့ခေါ်တဲ့ အဖြစ်အပျက်ကြောင့်ပါ။ ဇာတ်အိမ်တည်ရာ Salzaar ကန္တာရကြီးကို အရင်တုန်းက Old Elms ဆိုတဲ့ အင်အားကြီး အင်ပါယာကြီးတစ်ခုက အုပ်ချုပ်ပါတယ်။ ဂိမ်းဇာတ်လမ်းမစတင်ခင် လွန်ခဲ့တဲ့ နှစ်ပေါင်းများစွာက ဒီ Salzaar ကန္တာရအတွင်းမှာ နေကြတ်ခဲ့ပါတယ်။ ဒါကို ဂိမ်းထဲမှာ Black Sun ဖြစ်တယ် (နေအမဲရောင် ပြောင်းလဲသွားတယ်) လို့ ပြောကြတာပါ။
နေကြတ်ခြင်းနဲ့အတူ မြေအောက်ကမ္ဘာက Ifrit နတ်ဆိုးတွေ နိုးထလာခဲ့ကြပြီး လူသားတွေရဲ့ ကမ္ဘာကို ကျူးကျော်ခဲ့ကြတာကြောင့် လူသားတွေက ပြန်လည်ခုခံခဲ့ကြပါတယ်။ ဒီစစ်ပွဲကြီးကို Black Sun War လို့ ခေါ်ကြပြီး Ifrit တွေကိုတော့ သူတို့နေရပ်ဆီ ခက်ခက်ခဲခဲနဲ့ ပြန်လည်မောင်းထုတ်နိုင်ခဲ့ပါတယ်။ ပေးဆပ်မှုအနေနဲ့ကတော့ Old Elms အင်ပါယာကြီး တစ်စစီ ပျက်စီးသွားခဲ့ရပါတယ်။
အုပ်ချုပ်သူမရှိတဲ့ Salzaar ကန္တာရကြီးက ဖရိုဖရဲဖြစ်ကုန်ပြီး အာဏာလုနေကြတဲ့ ဂိုဏ်းကြီး Faction ငါးခု ပေါ်ပေါက်လာပါတယ်။ ဒီလို လူသားတွေ အာဏာလုနေကြချိန်မှာပဲ Ifrit တွေ တစ်ခါပြန်ပေါ်လာပြီး လူသားတွေရဲ့ နယ်မြေကို နောက်တစ်ခါ ဖျက်ဆီးဖို့ ကြိုးစားလာပြန်ပါတယ်။
Player ကတော့ ကန္တာရထဲကို အကြောင်းတရားတစ်ခုခုကြောင့် ရောက်လာတဲ့ Character နေရာကနေ ဆော့ရမှာဖြစ်ပြီး Quest တွေလိုက်လုပ်ရင်း ဇာတ်လမ်းကို နားလည်လာပြီး၊လူသားတွေကို အမျိုးဖြုတ်ဖို့ကြံနေတဲ့ Ifrit တွေကို နှိမ်နင်းရမှာပါ။ ဒါပေမယ့် ဇာတ်လမ်းက အဲ့လောက်ရိုးရှင်းနေတာမဟုတ်ဘဲ နောက်ပိုင်းမှာ မထင်မှတ်ထားတဲ့ ဇာတ်လမ်း (Plot Twists) တွေကိုပါ ကြုံရဦးမှာပါ။

🎮 Gameplay (စာရှည်ပါမယ်)
========
ဂိမ်းစစချင်းမှာ Brother တို့ကို Character အရင်ရွေးခိုင်းတာကို တွေ့ရလိမ့်မယ်ဗျ။ ဒီ Character ရွေးချယ်မှုက ဂိမ်းရဲ့ အဓိကဇာတ်လမ်းကို မပြောင်းလဲပေမယ့်လို့ Quest လုပ်ရတာတွေနဲ့ Gameplay ပိုင်းကိုတော့ တော်တော်သက်ရောက်မှုရှိတယ်။
Character တွေအောက်မှာ Exclusive Plot ဆိုတာတွေက သူတို့မှာ ကိုယ်ပိုင်ဇာတ်ကြောင်းတွေရှိပြီး Main Quest အပြင်ကိုမှ သူတို့ကိုယ်ပိုင်ဇာတ်လမ်းနဲ့ သက်ဆိုင်တဲ့ Quest အချို့ကိုပါ လုပ်ရပါတယ်။

ဥပမာ - ပထမဆုံး Spiritmancer ဆိုရင် သေရွာပြန်တစ်ယောက်ဖြစ်ပြီး သူ့ကို ဒုက္ခပေးခဲ့တဲ့ ဇနီးဖြစ်သူကို ဂလဲ့စားချေဖို့ရာ Salzaar ဆီကို ရောက်လာခဲ့တာပါ။

Jackal ကိုရွေးရင်တော့ ဓားပြခေါင်းဆောင်ဖြစ်ပြီး စစချင်းမှာ နောက်လိုက်အနည်းငယ်နဲ့ စရတတ်ပြီး လူအင်အားပိုတောင့်ပါတယ်။ ဒါပေမယ့် ဓားပြအဖွဲ့ဖြစ်တာနဲ့အညီ တခြားအဖွဲ့တွေနဲ့ ရန်ညှိုးတွေ ရှိနေပြန်ပါတယ်။

ဒါကြောင့် Character ရွေးလိုက်တဲ့အပေါ်မှာ NPC တွေရဲ့ တုန့်ပြန်မှုက တူမှာမဟုတ်သလို သူတို့မှာ အားနည်းချက် အားသာချက်တွေ ရှိကြတာပေါ့။ စစဆော့မယ့် Beginner ဆိုရင် Difficulty နိမ့်တဲ့ Spiritmancer နဲ့ Jackal ကို ရွေးစေချင်တယ်ဗျ။ဂိမ်းစပြီဆိုတာနဲ့ Brother တို့အနေနဲ့ မြို့တွေ ချက်ချင်းလိုက်သိမ်းလို့မရပါဘူး။ပထမဦးစားပေးက Character ကို Level တက်အောင် လုပ်မှရပါမယ်။
မြို့ထဲက Tavern တွေထဲက စိန်ခေါ်ပွဲတွေဝင်ချတာမျိုး၊ မြို့ပြင်က ဓားပြအဖွဲ့လေးတွေ လိုက်ချတာမျိုးလုပ်ရင် ပိုက်ဆံလည်းရ Levelလည်း တက်ပါတယ်။
Quest တွေအနေနဲ့လည်း စုံလင်တယ်ပြောရမှာဖြစ်ပြီး Story Quest အပြင်ကိုမှ ပစ္စည်းရှာရတဲ့ Quest တွေ၊ လူလိုက်ရှာရတာမျိုးနဲ့ ရွာတွေဆီကို စာပို့ပေးတာလိုမျိုး Side Quest အသေးလေးတွေလုပ်ပြီး ပိုက်ဆံရှာလို့ရပါတယ်။
ဒီလို Side Quest လေးတွေလုပ်ပေးရင် ပိုက်ဆံရမယ့်အပြင်ကိုမှ အဲ့ဒီမြို့နဲ့ Favorability (ခင်မင်မှု) တွေ တက်လာမှာပါ။

💡 Beginner များအတွက် အကြံပြုချက်:
======

Beginner တွေဆိုရင်တော့ စစချင်း လူလိုက်ရှာရတာလိုမျိုး Side Quest တွေ လက်မခံစေချင်ဘူး။ ဘာလို့ဆို အဲ့ရှာရမယ့်လူတွေက မြေပုံအနှံ့ လျှောက်သွားနေတော့ ဘယ်နေရာကို လိုက်ရှာရမှန်းမသိ ဖြစ်စေတာ။ ဒါပေမယ့် တချို့သော ခရီးသွားကုန်သည်တွေ ဒါမှမဟုတ် မြို့ Tavern မှာရှိတဲ့ အရက်ဆိုင်ပိုင်ရှင်ကို ပိုက်ဆံပေးပြီး အဲ့ဒီလူ ဘယ်နေရာမှာ ရှိနေလဲ စုံစမ်းလို့ရပါတယ်။
Gameplay ပုံစံကို အသေးစိတ်ရေးရင် တော်တော်ရှည်မှာစိုးလို့ အသေးစိတ်မရေးတော့ဘဲ လူတွေစုပြီး မြို့တွေသိမ်းပုံ ကို ဆက်ပြောပြမယ်။

မြို့တွေ၊ ရွာနဲ့ ခံတပ်တွေသိမ်းချင်ရင် အရင်ဆုံး လူလိုက်စုရပါမယ်။ မြို့တွေ ရွာတွေကနေ တပ်သားအသစ်တွေလိုက်ဝယ်၊ ကိုယ်လို Hero တွေကို အဖွဲ့ထဲခေါ်တာမျိုးတွေနဲ့ လူစုရတာပါ။ သာမန်စစ်သားအတွက် မြို့တွေကနေ အလွယ်တကူ ဝယ်လို့ရပေမယ့်လို့ Hero တွေကျတော့ အဲ့လိုမရတော့ဘူးဗျ။ သူတို့ခိုင်းတဲ့ Quest တွေ သေချာလုပ်ပေးတာမျိုး၊ လက်ဆောင်တွေ ပေးတာမျိုးတွေလုပ်ပြီးမှ မိတ်ဖွဲ့ရတာ။
အဖွဲ့သားတွေ များလာပြီဆိုရင်လည်း စားစရာအလုံအလောက်ရှိဖို့ လိုပါတယ်။ လိုအပ်တဲ့ပစ္စည်း Item အသေးတွေက Open World ထဲက လိုက်ကောက်လို့ရတယ်... Dungeon တွေထဲဝင်ရှာလို့ရပေမယ့် စားစရာတွေကကျတော့ Merchant တွေဆီမှာ ပိုပေါပါတယ်။
ဒီဘက်မြို့မှာ ဈေးပေါတဲ့ပစ္စည်းကိုဝယ်ပြီး တခြားမြို့မှာတော့ ဈေးကြီးကြီးနဲ့ ပြန် Trade တာလိုမျိုး စီးပွားရေး Strategy ပိုင်းတွေလည်း ပါပါတယ်။ ဒီလို Trade တာတွေ၊ Resources Management လုပ်ရတာတွေအပြင်ကိုမှ စစ်သားတွေ Level တက်တဲ့အခါမှာ တစ်ယောက်ချင်းစီကို Upgrade မြှင့်ပြီး Micro Management လုပ်ရသေးတာပါ။
မြို့တွေ ခံတပ်တွေသိမ်းပြီးရင်တော့ ဒီမြို့က ရန်သူ့တပ်နဲ့ ဝေးလား နီးလားကြည့်ပြီး၊ ဝေးရင် စီးပွားရေးနဲ့ပတ်သတ်တဲ့ Building တွေဆောက်... နီးရင်တော့ Military Building တွေဆောက်ပြီး Total War ဂိမ်းတွေလို Macro Management လုပ်ရပြန်ပါတယ်။ ပြောရရင် Player အနေနဲ့ ဂိုဏ်းကွဲနေတဲ့ Faction တွေကို ပြန်လည်စုစည်းစေမလား ဒါမှမဟုတ် ဖရိုဖရဲအခြေအနေတွေကို အသုံးချပြီး ကန္တာရတစ်ခုလုံးကို သိမ်းမလားဆိုတာ ရွေးချယ်ခွင့်ရှိတယ်။ Open World ဖြစ်တာကြောင့် ဒီ Quest ကိုမလုပ်ချင်ရင် Abandon လုပ်ပြီး တခြားလွယ်မယ့် Quest တစ်ခုကို လိုက်ရှာပြီး လုပ်လို့ရပါတယ်။story mode နဲ့ sandbox mode နှစ်ခုပါပြီး beginner တွေအတွက်ဆို quest တွေလုပ်ရင်း gameplay ပိုင်းကိုတဖြည်းဖြည်းနားလည်လာမယ့် story mode ကိုသာ‌ဆော့စေချင်ပါတယ်။gameplay သဘောတရားကိုနားလည်သွားမှသာ sandbox mode ထဲမှာသောင်းကျန်းကြပါ။


📝 Review
======

Admin ဒီထဲမှာ သတိထားမိတာကတော့ သူ့ရဲ့ Attack Animation ပိုင်းတွေက Dota ဂိမ်းထဲကနဲ့ နည်းနည်းဆင်တူသလိုပဲ။ Dota ဂိမ်းထဲမှာလို လက်ကိုနောက်ပစ်ပြီး အရှိန်ယူတိုက်ခိုက်တဲ့ Swing Animation ပုံစံလုပ်ထားတော့ Dota ရဲ့ အငွေ့အသက်တွေကိုလည်း ခံစားမိတယ်။ နောက်ပြီး ကိုယ့်တပ်သားတွေကို အရှေ့မှာတိုက်ခိုင်းထားပြီး နောက်ကနေ Enemy တွေကို Spell နဲ့ ထိုင်ထုရတာလည်း အရသာတစ်မျိုးပါပဲ။
ဂိမ်းရဲ့ Action have Consequences (လုပ်ဆောင်ချက်တိုင်းမှာ နောက်ဆက်တွဲရလဒ်ရှိခြင်း) စနစ်ကလည်း တစ်ခုခု ဆုံးဖြတ်ချက်မချခင်မှာ Player ကို နောက်တစ်ခါ ပြန်စဉ်းစားမိစေပါတယ်။ ဥပမာ - Bandit Camp တစ်ခုကို ဝင်သိမ်းတော့မယ်ဆိုရင် နိုင်ရင်တော့ အဲ့ဒီစခန်းကို ကိုယ်ရမယ်၊ ရှုံးရင်တော့ ကိုယ့်တပ်သားတွေ အဖမ်းခံရသလို ကိုယ့်ဆီက ပစ္စည်းတွေလည်း ဆုံးရှုံးသွားရမှာမျိုးပါ။
စစချင်းတုန်းက "ဘာဂိမ်းကြီးလဲ၊ ဘာလုပ်ရမှန်းမသိဘူး" ဆိုပြီး ဖျက်ချင်စိတ် ပေါ်ခဲ့ပေမယ့် သေချာဆော့ရင်း ဂိမ်းရဲ့ Deep Mechanic ကို နားလည်သွားတဲ့အခါ တော်တော်လေး စွဲပါတယ်။
Gameplay မိုက်ပေမယ့် Casual Player တွေအတွက်တော့ လုံးဝအဆင်ပြေမှာ မဟုတ်ပါဘူး။
မြေပုံမှာ ဘာလုပ်ရမယ်ဆိုပြီး Quest Marker တွေမပါဘဲ Open World ကို ကိုယ်တိုင် Explore လုပ်၊ NPC တွေနဲ့စကားပြောပြီး သူတို့ဘာပြောလဲဆိုတာ စာကို သေချာဖတ်ရင်းနဲ့မှ ဘာလုပ်ရမယ်ဆိုတာနဲ့ ဂိမ်းရဲ့ Lore ကို သိနိုင်တာမျိုးမို့လို့ သာမာန် Player တွေအတွက်ဆို အရမ်းလည်းခက်ပြီး "ဘာဂိမ်းကြီးမှန်းမသိဘူး" ဆိုပြီးဖြစ်သွားကြမှာပါ။
လူတော်တော်များများက 2.5d လို့ပြောကြပေမယ့် ကျနော်ကတော့ 2d ကို 3d လို့ထင်အောင် top down view (အပေါ်စီးကကြည့်ရတဲ့ view) နဲ့လှည့်စားထားတယ်လို့ဘဲမြင်မိပါတယ်။
touch screen control ပိုင်းက စစထွက်ချင်းတုန်းက UI သေးလို့ အဆင်မပြေဖြစ်ခဲ့ကြပေမယ့် အခု update မှာတော့ တော်တော်လေးအဆင်ပြေလာပါတယ်။UI တစ်ခုနဲ့တစ်ခုကြားမှာလိုအပ်သ‌လောက် space ခြားထားတာမို့လို့ skill တွေမှားနှိပ်တာမျိုးမဖြစ်တော့ပါဘူး။mobile game တစ်ခုအတွက် animation ပိုင်းတွေကအရမ်း fluid ဖြစ်သလို ၀တ်ရုံတွေလေပေါ်ဝဲနေတာတွေအထိတော်တော်ကြည့်ကောင်းပါတယ်။အားနည်းချက်လေးတစ်ခုကတော့ ဂိမ်းရဲ့အသံပိုင်းတွေကိုအားမရမိတာပါ။AAA ဂိမ်းတွေလိုမျိုး voice acting ပိုင်းတွေ စိတ်လှုပ်ရှားစရာနောက်ခံတီးလုံးတွေထည့်မထားတာကြောင့် ဂိမ်းထဲကိုသိပ်ပြီး immerse ဖြစ်တယ်လို့မခံစားရပါဘူး။

စာလည်းတော်တော်ရှည်နေပါပြီ။ကျန်တာတွေကအရေးမကြီးလို့ထည့်မရေးတော့ပါဘူး။

=====

Size - 1.95gb

Type - offline

Minimum requirements - Android 6.0,Ram 4, Snapdragon 680+

=====

#Action
#Strategy

Wytchwood (Android/iOS) Repost

ရုပ်ရှင်တွေ animation တွေမှာ စုန်းမကိုကောက်ကျစ်တဲ့ character အဖြစ်ပုံဖော်ထားတာများပေမယ့် ဒီဂိမ်းထဲမှာတော့ထူးထူးဆန်းဆန်း ကိုယ်ကစုန်းမနေရာကနေကစားရမှာပါ။Diseny animation တွေထဲကလို fairytale ကမ္ဘာကြီးထဲမှာဇာတ်လမ်းတွေဖြစ်ပျက်နေတာကြောင့် visual ပိုင်းတွေ character design တွေက unique ဖြစ်နေပါတယ်။

အရင်တုန်းကတစ်ခါတင်ဖူးပေမယ့် review သေချာမလုပ်ပေးလိုက်ရတာကြောင့်ကော အခု YouTube video ထဲမှာဒီဂိမ်းကိုထည့်ချင်တာကြောင့်ပါ နောက်တစ်ခါတင်ဖြစ်သွားတယ်ဆိုပါတော့လေ။

Story
====

စုန်းမကြီးရဲ့အိမ်ဘေးအနီးနားက The Shrine ဆိုတဲ့နေရာမှာ အိပ်ပျော်နေတဲ့မင်းသမီးလေး "Sleeping Maiden" ရှိပါတယ်။တစ်ဖက်က ကျနော်တို့ဆော့ရမဲ့စုန်းမကြီးကတော့ memory lost ဖြစ်ပြီး မှတ်ဉာဏ်တစ်ချို့ပျောက်ဆုံးနေပါတယ်။တစ်ရက်မှာစုန်းမဆီကို ဆိတ်နက်ကြီးတစ်ကောင်ကရောက်လာခဲ့ပြီး အကြောင်းကတော့ တချိန်ကစုန်းမကြီးကသူ့ကိုပေးထားတဲ့ ကတိကြောင့်ပါ။စုန်းမကြီးအနေနဲ့ ခုနကအိပ်ပျော်နေတဲ့မင်းသမီးလေးကို နိုးထအောင်လုပ်ပေးမယ်လို့ကတိပေးထားပါတယ်။မင်းသမီးလေးကို နိုးထစေဖို့ဆိုရင် ဒီကမ္ဘာကြီးထဲက သတ္တဝါကြီးတွေရဲ့ ဝိဉာဉ်ဆယ့်နှစ်ခုကိုလိုက်ယူဖို့လိုပါတယ်။စုန်းမအနေနဲ့ မှတ်ဉာဏ်တွေပျောက်နေပေမယ့်လို့ သူပေးထားတဲ့ကတိဖြစ်နေတာကြောင့် ဝိဉာဉ်တွေကိုယူပြီး မင်းသမီးလေးကိုပြန်လည်နိုးထစေဖို့ လုပ်ပေးရမှာပါ။

ဂေါင်းကြီးတို့ဒီ story ကိုဖတ်ပြီး Disney ရဲ့ sleeping beauty နဲ့တူတယ်လို့ထင်မိကြလိမ့်မယ်။တကယ်တန်းအဲ့ထက်ကို dark ဖြစ်တဲ့ ဇာတ်လမ်းအလှည့်ပြောင်းတွေက မင်းသမီးနိုးထလာတဲ့အချိန်မှာသိလိုက်ရတာဘဲ။ဒီမင်းသမီးအိပ်ပျော်သွားတဲ့ နောက်ကွယ်ကအဖြစ်ပျက်တွေက ထင်ထားတာထက်ကို player ကို shock ရစေမှာပါ။

Gameplay Review
=======

အမှန်တိုင်းပြောရရင် ဒီဂိမ်းကို action အကြမ်းတမ်းတွေကြိုက်တဲ့ admin တောင်သဘောကျမိတယ်။gameplay ပုံစံကိုမြင်သာအောင်ပြောရရင် Don't Starve ကိုမှ cozy ဖြစ်တဲ့ version လေးပေါ့နော်။ဓားတွေ လက်သီးတွေသုံးပြီး combat တွေနဲ့တိုက်ခိုက်ရတာထက် စုန်းမပီပီ spell တွေ မန္တာန်တွေအသုံးပြီး enemy တွေကိုရင်ဆိုင်ရတာပါ။ဒီဂိမ်းရဲ့ ထူးခြားတဲ့အချက်က "witch eye" ဆိုတဲ့အရာပါတာဖြစ်ပြီး player အနေနဲ့ witch eye ကိုအသုံးပြုပြီး enemy တွေရဲ့အားနည်းချက်တွေနဲ့ ပတ်၀န်းကျင်ကပစ္စည်းတွေကို ဘယ်လိုအရာကိုအသုံးပြုပြီးယူရမလဲဆိုတာ သိနိုင်ပါတယ်။
ဥပမာ မြက်‌‌ခြောက်တွေကိုလိုချင်ရင် witch eye နဲ့မြက်ခြောက်ကိုထောက်ကြည့်လိုက်ပါ.. weakness က shred ဆိုပြီး ကတ်ကြေးပုံလေးနဲ့ပြပါတယ်။အဲ့အခါမှာ ကိုယ်က ကတ်ကြေးကို craft ဖို့ရာလိုအပ်တဲ့ resources တွေကို world ထဲမှာလိုက်ရှာရပါမယ်။
အဲ့လိုဘဲ အသက်၀င်နေတဲ့သစ်ပင်ကြီးကိုနှိမ်နင်းဖို့ရာ ဆိုရင် သူ့ရဲ့အားနည်းချက်ကို witch eye နဲ့ကြည့်ပြီး လိုအပ်တဲ့ပစ္စည်းတွေကို world ထဲမှာလိုက်ရှာရပါတယ်။
အစပိုင်းမှာ ပစ္စည်းတွေက craft ရတာရိုးရှင်းပေမယ့်လည်း နောက်ပိုင်းမှာအဆင့်ဆင့် craft ရတဲ့ chain crafting ပုံစံဖြစ်တာလာတာပါ။ဥပမာ ကျနော်တို့က သတ္တဝါတစ်ကောင်ကိုပညာပေးဖို့ရာ spell တစ်ခုလိုအပ်ပါတယ်၊အဲ့ဒီ spell ကိုရဖို့ရာလိုအပ်တဲ့ပစ္စည်းကို world ထဲက တခြားအကောင်တွေကိုထောက်ချောက်ဆင်ဖမ်းတာမျိုး ပစ္စည်းတွေလိုက်ရှာတာမျိုးနဲ့ရှာရတာပါ။ပါ၀င်ပစ္စည်းတွေကိုလည်း Grimorie ဆိုတဲ့ စုန်းမရဲ့လက်ဆွဲတော်စာအုပ်ကြီးနဲ့ကြည့်ရတာမို့လို့ ပစ္စည်းတွေကို grind လုပ်နေတယ်မခံစားရတော့ဘဲ အစီရင်အတွက်လိုက်ရှာနေတယ်ဆိုတဲ့ ခံစားချက်ကိုဖြစ်စေတာပါ။
npc တွေနဲ့စကားပြောပြီး quest လုပ်လိုက်၊quest complete ဖို့ရာလိုအပ်တဲ့ပစ္စည်းလိုက်ရှာလိုက်နဲ့ ဒီလိုပုံချည်းဘဲ ထပ်တလဲလဲဆော့နေရတော့ ကြာရင်ပျင်းသွားနိုင်တယ်ဆိုတာ developer တွေကသိပါတယ်။ဒါကြောင့် နေရာအသစ်တွေထည့်ပေးထားပြီး ပြောင်းလဲသွားတဲ့ environment style နဲ့ ရင်ဆိုင်ရတဲ့ enemy အသစ်တွေက player ကိုအမြဲတန်း refresh ဖြစ်စေပြီး ရိုးအီသွားတာမျိုးကိုမဖြစ်စေပါဘူး။gameplay ပုံစံက adventure ဆန်ပေမယ့် cozy vibe လေးသွားထားတာကြောင့် အရမ်းကြီးခက်မှာမဟုတ်ဘဲ လိုအပ်တဲ့ resources တွေကို Grimorie စာအုပ်ထဲမှာ အချိန်မရွေးပြန်ကြည့်လို့ရတာကြောင့် ပစ္စည်းရှာဖို့ရာခေါင်းအရမ်းစားစရာမလိုဘဲ အေးအေးဆေးဆေးဆော့ချင်သူတွေအတွက် အကိုက်ဖြစ်မဲ့ gameplay ပါ။

Review
=====

ဒီဂိမ်းထဲမှာ admin သတိထားမိတာက fairytale ဆိုပေမယ့်လို့ dark fantasy ရဲ့အငွေ့သက်တွေကိုတွေ့ရတယ်။အထူးသဖြင့်တချို့သော character design တွေက monster ပုံစံပေါက်နေပြီး သူတို့ရဲ့လှုပ်ရှားမှုတွေကလည်း နည်းနည်းစိတ်ခြောက်ခြားစရာကောင်းနေတာပါ။ဒါပေမယ့်လည်း hand-drawn 2d art style မှာ colorful ဖြစ်တဲ့ visual တွေကကြည့်ရတာ မျက်စိပဒါသဖြစ်ပါတယ်။အပေါ်မှာပြောသလိုဘဲ environment design အသစ်တွေနဲ့ player ကိုဆွဲခေါ်သွားသလို နောက်ခံတေးငြိမ့်ငြိမ့်လေးတွေကလည်း player ကိုဂိမ်းထဲမှာ ပိုပြီးနစ်မြောသွားစေပါတယ်။အထူးသဖြင့် Swamp biome မှာဆိုရင် ဖားအော်သံတွေ မိုးကျသံတဖြောက်ဖြောက်တွေက player ကိုအရမ်းကို relax ဖြစ်စေတာပါ။brother တို့အနေနဲ့ story

ကိုသေချာလိုက်ဖတ်မယ်ဆိုရင်လည်း စုန်းမရဲ့ personality က ဂျစ်ကန်ကန်၊ အတ္တကြီးသလိုဖြစ်နေပေမယ့်လည်း တကယ်တန်းသူ့ရဲ့လုပ်ရပ်တွေ၊ကူညီမှုတွေက စိတ်ထားကောင်းတယ်ဆိုတာပြနေပါတယ်။ဒါတွေဘာလို့ထည့်ပြောလဲဆိုရင် game ဆိုတာအနုပညာဆိုသလို developer တွေရဲ့အားစိုက်မှုကိုသိစေချင်လို့ပါ။
Cinematic အလန်းစားတွေနဲ့ဇာတ်လမ်းကိုဖော်ပြတာမဟုတ်ဘဲ dialogue တွေကနေတစ်ဆင့် story ကိုသိရတာပါ။ဒါကြောင့် cutscene တွေမှာဆိုရင်လည်း ရုပ်ပြစာအုပ်တစ်ခုကိုဖတ်နေသလိုခံစားနေရတာပါ။admin လိုသောက်ပျင်းတွေကတော့ အကုန်ကျော်မယ်ဆိုတာသိပါတယ်။

Gameplay ပိုင်းကိုသဘောကျမိပေမယ့်လည်း mobile port အတွက်ကတော့ perfect ဖြစ်နေတာတော့မဟုတ်ဘူးဗျ။အထူးသဖြင့် control ပိုင်းမှာ နည်းနည်းလေးလိုအပ်ချက်ရှိနေပြီး joystick က fixed ဖြစ်နေတော့ control ကကိုယ့်နောက်မလိုက်သလိုခံစားရတာပေါ့။တခါတလေ control ကိုနှိပ်လိုက်ပေမယ့်လည်း character က react မလုပ်တာတော့ရှိပါတယ်။ဒါကလည်း တခါတလေမှပါ..ပြန်ထွက်ပြီးပြန်၀င်လိုက်ရင်အဆင်ပြေပါတယ်။
Personally ခံစားချက်ကတော့ cozy ဖြစ်တယ်..တစ်ဖက်မှာလည်း adventure vibe ကိုခံစားမိပါတယ်။art work လေးကလည်း mobile ဂိမ်းတစ်ခုအတွက်အရမ်းလှပြီး စာအုပ်လေးတစ်အုပ်အပေါ်မှာလမ်းလျှောက်နေရတဲ့ခံစားချက်ကိုပေးမှာပါ။

=====

Size - 1.13gb

Type - offline

Minimum requirements - Android 11+,Ram 4, Snapdragon 700+

====

#Adventure
#Cozy