Roller Coaster Tycoon Classic (Android/iOS)

ဒီတစ်ခါတော့ဂေါင်းကြီးတို့က စီးပွားရေးသမားကြီးလုပ်ရမှာပါ။ရယ်လည်းရယ်ရ အရမ်းလည်းအသေးစိတ်ကျတာမို့လို့ city-building, simulation management ဂိမ်းတွေရှာနေသူတွေအကြိုက်တွေ့ကြမှာပါ။

Gameplay
=======

ဒီကောင့်ရဲ့ gameplay က အစပိုင်းမှာ တခြား simulation ဂိမ်းတွေလို ပိုက်ဆံအလကားပေးထားတာမဟုတ်ဘဲ ဘဏ်ကနေအကြွေးစနစ်နဲ့ပေးထားတာဗျ။ဒီချေးထားတဲ့ငွေတွေနဲ့ ကျနော်တို့ပိုင်တဲ့ park ကြီးကို ကစားကွင်းအဖြစ်ပြောင်းလဲရမှာပါ။
ဂိမ်းနာမည်က roller coaster tycoon ဆိုပေမယ့် player အနေနဲ့ roller coaster တွေတင်မကဘဲ ချားတွေ ၊ ရဟတ်တွေ ၊သရဲအိမ်တွေ ၊ရေပေါ်ကစားနည်းတွေအစုံဆောက်ပြီး ပိုက်ဆံရှာရတာပါ။ကိုယ်ဆောက်ထားတဲ့ အဆောက်အဦးရဲ့၀င်ကြေးတွေကိုလည်းစိတ်ကြိုက်သတ်မှတ်လို့ရပါတယ်။
ဂိမ်းထဲမှာသာမာန်အဆောက်အဦး ကစားစရာလေးတွေဆောက်တာ ပြဿနာသိပ်မရှိပေမယ့် roller coaster တွေဆောက်ပြီဆိုရင်တော့ ဂိမ်းရဲ့ physics ပိုင်းကစကားပြောလာပါတယ်။roller coaster တွေရဲ့အလုပ်လုပ်ပုံက ပထမအမြင့်ဆုံးနေရာကနေ အရှိန်ယူပြီးဆင်းတဲ့ပုံစံပါ။အဲ့တာကိုမသိဘဲ ပထမဆုံးတောင်ကုန်းနေရာကနိမ့်နေပြီး နောက်တစ်နေရာကအဲ့ထက်မြင့်နေတဲ့ပုံဆောက်ထားရင် အပေါ်ကိုဆက်မတက်တော့ဘဲ ရပ်နေတာမျိုး၊ နောက်ကိုပြန်လှိမ့်သွားတာမျိုးတွေဖြစ်ပါတယ်။ဒါဆိုရင် မောင်းတဲ့အရှိန်မြှင့်ပစ်လိုက်မှာပေါ့လို့ပြောစရာရှိပေမယ့် အရှိန်အရမ်းမြန်တဲ့အခါမှာ ကွေ့တွေ၊ အတက်တွေမှာ အရှိန်လွန်လမ်းချော်ပြီးမြေပြင်ပေါ်ကျသွားပြီး လူသေတာတွေအထိဖြစ်တာပါ။ဒီလို‌တွေဖြစ်ပါများလာရင် ကစားကွင်းရဲ့ rating ကျလာပြီး လူတွေမလာတော့ဘဲအရှုံးပေါ်သွားပါတယ်။

Unique Features များ
=====

ဒီလိုဆောက်ရတာတွေကတခြား simulation ဂိမ်းမှာလည်းပါတာဘဲ ဘာထူးဆန်းလို့လဲမေးစရာရှိလိမ့်မယ်။
ဒီဂိမ်းက Tycoon ဂိမ်းပီပီ လုံး၀စီးပွားရေးသမားတစ်ယောက်လိုတွေးခေါ်ရပြီး npc တွေဆီကငွေညှစ်ရတာဗျ။ဥပမာ-ကျနော်တို့က park ထဲမှာထီးဆိုင်ဖွင့်လိုက်မယ်ဆိုပါစို့။သာမာန်အချိန်မှာ ထီးတစ်ချောင်းကို 2$ နဲ့ရောင်းတယ်ဆိုပေမယ့် မိုးရွာချိန်ကျရင် ထီးတစ်ချောင်းကို 20$ ထိတင်ရောင်းလိုက်လို့ရတယ်။လူတွေကလည်း မိုးစိုမှာကြောက်တော့ အောင့်သက်သက်နဲ့ဘဲ 20$ ပေးပြီး၀ယ်သွားကြတာပေါ့😆။
နောက်ပြီး ကစားစရာတစ်ခုစီတိုင်းမှာ Excitement level,intensity level နဲ့ Nausea level ဆိုပြီးရှိကြတယ်။Exciment level များပြီး ကစားစရာက popular ဖြစ်နေချိန်မှာဆို အဲ့ကစားစရာအတွက်ပိုက်ဆံတိုးကောက်လိုက်လို့ရပါတယ်။Intensity level မြင့်နေရင်တော့ လူတွေကကြောက်လို့မစီးရဲကြတော့ဘူး။Nausea မြင့်နေတဲ့ဟာတွေဆိုရင် လူတွေစီးပြီးတဲ့အခါ ကစားကွင်းထဲမှာပျို့အန်တာတွေဖြစ်ကုန်ရော။အဲ့ကျရင် သန့်ရှင်းရေးလုပ်ဖို့ရာ အလုပ်သမားတွေခန့်ရတာ၊ အမှိုက်ပုံးတွေထားပေးရတာတွေလုပ်ရပါတယ်။နောက်ပိုင်း လူများလာချိန်မှာဆို တချို့လူတွေက အကြောင်းအမျိုးမျိုးကြောင့် Angry ဖြစ်သွားချိန်ဆိုရင် ကစားကွင်းထဲကခုံတွေရိုက်ချိုးတာမျိုး ပစ္စည်းတွေဖျက်ဆီးတာမျိုးတွေလုပ်ကြတယ်။အဲ့တာမျိုးတွေအတွက်လည်း guard တွေ security တွေခန့်ရပါတယ်။
နောက်ပြီးတော့ ဒီဂိမ်းထဲမှာ အလှဆင်တဲ့ပစ္စည်းတွေကလည်း တခြားဂိမ်းတွေလိုအလကားဖြစ်‌ေနတာမဟုတ်ဘဲ excitement level ကိုမြင့်ပေးတယ်။ဥပမာ သရဲအိမ်နားမှာ Halloween ဆန်တဲ့အပြင်အဆင်တွေချပေးထားတာမျိုး အဲ့နားမှာဘဲကျားရုပ်ထဲ၀င်ပြီးသရုပ်ပြမဲ့ joker တွေငှားပြီးထားထားတာမျိုးတွေက သရဲအိမ်ရဲ့ popularity ဖြစ်မှုကိုကျမသွားစေဘူးပေါ့။ဂိမ်းထဲမှာ feature တွေကအများကြီးဘဲ..ရေးမယ်ဆို စာတော်တော်ရှည်သွားလိမ့်မယ်။

Review
======

ဒီဂိမ်းက micro management လုပ်ရလို့လွယ်ကူတဲ့ထဲတော့မပါပေမယ့် ဆော့ရတာတော်တော်လေး fun ဖြစ်တာပေါ့နော်။အထူးသဖြင့် npc တွေဆိုရင် မိုးရွာရင် ခပ်သုတ်သုတ်ပြေးနေကြတာတွေ နေရာတကာမှာလိုက်အန်နေတဲ့အသေးစိတ်တွေထိပါပြီး သူတို့ကိုကြည့်ရတာတော်တော်လေးရယ်ရတယ်။ကလေးတွေဆိုရင်လည်း ကစားပြီးရင်ခုန်ပေါက်ပြီးပြန်ထွက်လာတာမျိုး၊ ပျော်လို့အော်ဟစ်နေကြတာတွေက ဂိမ်းကိုပိုပြီးအသက်၀င်သလို "အော်..ငါဆောက်ထားတဲ့ကစားကွင်းကြီးမှာ ပျော်နေကြတာဘဲ" ဆိုတဲ့ စိတ်ကျေနပ်မှုကို‌လည်းပေးပါတယ်။
ဒီဂိမ်းက Scenario ပုံစံနဲ့ level တစ်ခုချင်းဆော့ရတာဖြစ်ပြီး level တစ်ခုစီတိုင်းမှာ challenge အသစ်တွေ feature အသစ်လေးတွေ ထပ်တိုးလာလို့ဆော့ရတာပျင်းစရာတော့မကောင်းပါဘူး။
ဒီလောက်မိုက်တဲ့ဂိမ်းက sandbox mode မပါလို့ Player တွေက sandbox ထည့်ပေးဖို့တောင်းဆိုခဲ့ကြပေမယ့်လည်း ဂိမ်းဖန်တီးသူ Chris Sawyer ကတော့ ဒီလိုဂိမ်းမျိုးကို ပိုက်ဆံကြိုက်သလောက်သုံးနိုင်တဲ့ sandbox mode ထည့်ပေးလိုက်ရင် ခဏလေးနဲ့ရိုးအီသွားမှာစိုးလို့ ထည့်မပေးတာလို့ပြောပါတယ်။
Chris Sawyer ဆိုလို့ ဂိမ်းထဲမှာ npc တစ်ယောက်ရဲ့နာမည်ကို Chris Sawyer ဆိုတဲ့နာမည်ပေးလိုက်ရင် အဲ့ npc ကဘာမှလိုက် မကစားတော့ဘဲ ကစားကွင်းကိုဖုန်းနဲ့ဓာတ်ပုံပါတ်ရိုက်နေတဲ့ Easter egg ပါပါတယ်။တခြား Easter egg တစ်ခုလည်းရှိသေးတယ်ဆိုပေမယ့် စာလည်းရှည်နေပြီ ရေးရင်းနဲ့လည်းပျင်းလာလို့ ဒီလောက်ပါဘဲ။

Brother တို့ကော ဒီဂိမ်းကိုအရင်ကဆော့ဖူးကြလား။ဆော့ဖူးရင် pro tips လေးတွေ အတွေ့ကြုံလေးတွေပြော်ဲ့ဦး။အခုမှစဆော့တဲ့သူတွေဆိုရင်လည်း စဆော့ပြီး ဂိမ်းကိုဘယ်လိုမြင်မိလဲ first impression လေးတွေရေးခဲ့ပါဦး😁

=====

Size - 400mb

Type - offline

Link - comment

Minimum requirements - Android 5.0,Ram 2

=====

#Tycoon
#Simulation

Ladies Don't Tempt Immortality (Android/iOS)

Brother တို့စဉ်းစားကြည့်လိုက်။ကိုယ်က ထာ၀ရအသက်ကိုရဖို့နဲ့ နတ်ဘုရားဖြစ်ဖို့ရာ တရားကျင့်နေတဲ့ Cultivator ဗျာ။အဲ့တာကို တရားမရအောင် ကိုယ့်ကိုသဘောကျနေတဲ့ကောင်မလေးတွေက လာဖျားယောင်းကြတယ်။ကောင်မလေးတွေကလည်း တကယ့်ကိုချောပေ့ လှပေ့ဆိုတာလေးတွေချည်းဘဲ။
ဒါဆိုရင် တရားကျင့်မလား ကောင်မလေးတွေကိုသနားလို့ပြန်ကြိုက်လိုက်မလား။

Gameplay ပုံစံ
======

Five hearts under one roof လို dating simulation ဂိမ်းတွေကြိုက်ရင် ဒီဂိမ်းကိုလည်း လုံး၀အကြိုက်တွေ့ကြမှာပါ။
Five hearts under one roof က modern dating sim ဆိုရင်၊ အခုဂိမ်းကိုတော့ Xiuxian အမျိုးစားလို့ပြောရပါမယ်။ဒီလိုဂိမ်းတွေက FMV (full motion video) ဆိုတဲ့အတိုင်း တကယ့်သရုပ်ဆောင်တွေနဲ့ ဇာတ်လမ်းကိုဖန်တီးထားတာဖြစ်ပြီး စကားပြောခန်းတွေမှာ Player ရဲ့ရွေးချယ်မှုပေါ်မူတည်ပြီး outcome တွေပြောင်းလဲကုန်ပါတယ်။gameplay ပုံစံက ဇာတ်လမ်းကိုစီးမျောရင်းနဲ့ dialogue တွေရွေးချယ်မှုလုပ်ရတယ်၊ screen မှာပေါ်တာလေးတွေလိုက်နှိပ်ပြီးဆော့ရုံပါဘဲ။Dialogue တွေမှာ ရွေးချယ်မှုတွေမှားသွားရင်လည်း နောက်ပြန်ဆုတ်ပြီး ပြန်လည်ရွေးချယ်လို့ရတော့ ကိုယ်ကတခြားကောင်မလေးတွေနဲ့ တွဲချင်ရင်လည်း ဂိမ်းကိုအစကနေပြန်ဆော့စရာမလိုပါဘူး။

Review
====

ဒီလို FMV dating sim တွေရဲ့ဆွဲဆောင်ချက်က ကောင်မလေးတွေကလွှင့်ပစ်စရာမရှိအောင်ကိုအရမ်းလှတာဘဲဗျ။သူတို့ရဲ့ချွဲနွဲ့ပုံလေးတွေ အမူယာလေးတွေ စကားပြောပုံလေးတွေက အမျိုးသားထုကြီးကိုအရည်ပျော်ကျသွားစေတာအမှန်ဘဲ။ဂိမ်းထဲမှာ admin ဆိုရင်လည်း စော်တွေကြားဗျာများနေပြီး ဘယ်သူ့ကိုအဝှာပြုလို့ ပြုရမှန်းမသိဘူး🫢။(ချစ်တာကိုပြောပါတယ်😂)
နောက်ပြီး first person view ကနေဆော့ရတာဆိုတော့ ကောင်မလေးတွေနဲ့ မျက်နှာချင်းဆိုင်စကားပြောနေရတဲ့ခံစားချက်ကိုပေးတာဗျ။
တဖက်မှာ နတ်ဘုရားဖြစ်ဖို့ရည်မှန်းချက်၊ တခြားတစ်ဖက်မှာတော့ အချစ်ကိုရွေးချယ်ရတဲ့ပုံစံဖြစ်ပြီး ဒါတွေကို ဟာသတွေနဲ့ရောစပ်ထားတော့ ဆော့ရတာမပျင်းရဘူးပေါ့နော်။five hearts under one roof နဲ့မတူတာက ending ပိုင်းမှာ ကိုယ်သဘောကျတဲ့ကောင်မလေးတွေကို ရွေးချယ်လို့ရသလိုဘဲ၊ ဘယ်သူ့ကိုမှမရွေးချယ်ဘဲတရားကျင့်ပြီး နတ်ဘုရားဘ၀ကိုဘဲရောက်အောင်လုပ်သွားမလားဆိုပြီးရွေးချယ်ခွင့်ရှိတာပါ။
Admin ကတော့ တရားမရရင်နေပါစေ...ကောင်မလေးတွေကိုတော့အထီးမကျန်စေချင်ဘူး🫢။

လက်ရှိဆော့ကြည့်ရသလောက်တော့ chapter အသစ်တွေထပ်ဒေါင်းရတာမျိုးမရှိသေးပါဘူး။ပထမဂိမ်းထဲ၀င်၀င်ချင်း အင်တာနက်ဖွင့်ရပါမယ်။ iph တွေ mod မရလို့ဝယ်ဆော့ကြပါ။

ဒီဂိမ်းက အပေါ်မှာပြောသလိုဘဲ screen ပေါ်မှာပေါ်လာလေးတွေနှိပ်ဆော့ရပြီး ဇာတ်လမ်းအသားပေးတာဆိုတော့ ခလုတ်တွေဆက်တိုက်နှိပ်ပြီးဆော့ရတဲ့ non stop action ဂိမ်းတွေမျှော်လင့်နေသူတွေအတွက် ဒီဂိမ်းကအစိမ်းသက်သက်ကြီးဖြစ်နေသလို ပျင်းစရာလည်းကောင်းလိမ့်မယ်ဗျ။

Brother တို့ကော တရားကျင့်မလား မေတ္တာထားကြမလား🤣။

====

Size - 1.8gb+

Type - offline

Link - comment

Minimum requirements - Android 8.0,Ram 4

=====

#FMV