Drova Forsaken Kin (Android/iOS)

သတိ - လောင်တတ်သည်

Mobile ပေါ်ကပူပူနွေးနွေးထွက်လာတဲ့ဒီဂိမ်းက နောက်ထပ် PC port တစ်ခုဖြစ်ပြီး steam မှာ rating 9/10 ထိရထားပါတယ်။ဂိမ်းကိုဆော့ကြည့်ရသလောက် gameplay ပုံစံက modern နဲ့ classic rpg နှစ်ခုရောထားတာဖြစ်ပြီး Gothic ဂိမ်းတို့ရဲ့ DNA တွေကိန်းအောင်းနေတာကိုသတိထားမိပါတယ်။အရင်တစ်ခါတင်ပေးဖူးတဲ့ No place for bravery ကိုကြိုက်ရင် ဒီဂိမ်းကိုလည်းသဘောကျကြမှာပါ။

Story
=====

ဟိုးယခင်ကာလတုန်းက လူသားတွေဟာ ရာသီဥတုဒါဏ်နဲ့ ဒုက္ခအမျိုးမျိုးကြောင့်သေကြေပျက်စီးရပါတယ်။ယုံတမ်းစကားတွေအရဆို Drova ဆိုတဲ့ဘုံတစ်ခုဟာ အန္တရာယ်ကင်းသလို နတ်ဘုရားတွေရဲ့စောင့်ရှောက်မှုကြောင့် သာယာ၀ပြောတယ်လို့ယုံကြည်ကြပါတယ်။ဒါကြောင့်လူသားတွေဟာ Drova ကိုသွားချင်နေကြပြီး နောက်ဆုံးမှာတော့ Drova နဲ့ လူလောကကိုဆက်သွယ်ပေးနိုင်တဲ့ stone တစ်ခုကိုရှာတွေ့ခဲ့ကြပါတယ်။ရွာက druids (မှော်ဆရာ)တွေဟာဘယ်သူမှမသိအောင် ဒီ stone အစွမ်းနဲ့ Drova ရဲ့၀င်ပေါက်ကိုဖွင့်နိုင်ခဲ့ကြပေမယ့်လည်း ကံဆိုးစွာနဲ့ မကောင်းတဲ့ဖြစ်တည်မှုတစ်ခုရဲ့‌နှောင့်ယှက်မှုကြောင့် သေသွားခဲ့ပါတယ်။ဒါတွေကိုနောက်ကနေ ခိုးလိုက်လာတဲ့ player ကအစဆုံးမြင်ခဲ့ရပြီး ၀င်ပေါက်ပွင့်သွားချင်းနဲ့အတူ သူကပါ Drova ထဲရောက်သွားခဲ့ပါတယ်။မှော်ဆရာမသေခင်မှာ Player ကို stone ပေးခဲ့ပြီး Drova နယ်ထဲက Nemeton တွေဆီကိုယူသွားဖို့မှာခဲ့ပါတယ်။ကျနော်တို့ Drova ထဲရောက်သွားချိန်မှာသိလိုက်ရတာတစ်ခုက Drova ဆိုတဲ့နေရာကြီးက ယုံတမ်းစကားတွေလိုနေချင့်စရာဖြစ်မနေဘဲ အန္တရာယ်တွေနဲ့ပြည့်နှက်နေတဲ့နေရာဖြစ်နေပါတယ်။နောက်ပြီး ဒီနယ်မြေထဲမှာ Remenent ဆိုတဲ့အဖွဲ့နဲ့ ခုနက Nemeton ဆိုတဲ့အဖွဲ့နှစ်ခုကွဲနေတာပါ။Remenent ကတော့ ဒီနယ်မြေထဲကထွက်သွားချင်တဲ့လူတွေစုနေတဲ့အဖွဲ့ဖြစ်ပြီး Nemeton တွေကတော့ Drova ကြီးကိုသူတို့အစွမ်းစနဲ့သာယာ၀ပြောအောင်လုပ်ချင်ကြတာပါ။player အနေနဲ့ ဒီအဖွဲ့နှစ်ခုမှာ ဘယ်ဘက်ကိုရပ်တည်မလဲဆိုတဲ့ရွေးချယ်မှုပေါ်မူတည်ပြီး ဇာတ်လမ်းတွေကွဲပြားကုန်မှာပါ။

Gameplay and Review (စာရှည်)
=======

အန္တရာယ်များတဲ့ Drova နယ်မြေထဲမှာ စစချင်းဘာလက်နက်ဘာအကာကွယ်မှမပါဘဲ explore ရတာဆိုတော့ ကြွက်လိုအကောင်သေးသေးလေးတွေနဲ့တွေ့ရင်တောင် အသက်သေစေနိုင်လောက်တဲ့အထိဖြစ်ပါတယ်။open-world လို့ပြောရမှာဖြစ်ပြီး ဘာလုပ်ရမယ် ဘယ်တွေသွားရမယ်ဆိုတာ မြေပုံမှာ quest marker တွေနဲ့မပြဘဲ npc တွေနဲ့စကားသေချာပြော..သူတို့ပြောတာကိုသေချာနားထောင်ပြီးမှ ကိုယ်တိုင်လမ်းရှာပြီး quest လုပ်ရတာမျိုးပါ။ဒီလိုကိုယ်တိုင်လျှောက် explore ရင်းနဲ့မှနေရာတွေသိလာရမှာဖြစ်လို့ လမ်းတစ်လျှောက်မှာဘယ်လိုအန္တရာယ်မျိုးတွေနဲ့ကြုံမယ်ဆိုတာမသိရပါဘူး။တစ်ခါတစ်လေ တောရိုင်းသတ္တဝါတွေ၊တခါတလေတော့ မကောင်းဆိုးဝါးတွေ bandit တွေနဲ့ရင်ဆိုင်ရပါတယ်။လမ်းမှာ npc တွေနဲ့တွေ့လို့စကားပြောမိရင် side quest လေးတွေရလာတတ်ပြီး quest တွေ complete ရင်ကိုယ့်အတွက်အကျိုးရှိတဲ့ပစ္စည်းတွေရလာမှာပါ။enemy တွေသေလို့သူတို့ထဲကကောက်ထားတဲ့ loot တွေနဲ့ Drova world ထဲကကောက်ထားတဲ့ပစ္စည်းတွေကိုစုပြီး လက်နက်တွေ ဆေးပင်နဲ့ armor တွေ Craft လုပ်ရင်းနဲ့ ကိုယ့်ကောင်ကိုတဖြည်းဖြည်းကြမ်းလာအောင်လုပ်ရမှာပါ။နောက်တစ်ခုက Player level တက်တဲ့အခါမှာ တခြားဂိမ်းတွေလို skill tree မှာ upgrade လုပ်ရတာမဟုတ်ဘဲ world ထဲက npc warrior တွေလိုက်ရှာပြီးသူတို့ဆီက skill တွေ learning လုပ်ရတာမျိုးပါ။
တိုက်ခိုက်တဲ့အခါမျိုးမှာတော့ fast-paced ဆန်နေတာမဟုတ်ဘဲ ကိုယ်အသုံးပြုတဲ့ weapon ပေါ်မူတည်ပြီး character ကနည်းနည်းလေးသလိုဖြစ်နေပါတယ်။ဒီလိုလေးနေလို့ enemy တွေဆီကိုဒီတိုင်း၀င်ချလို့ရမယ်ထင်ရင်မှားသွားပါမယ်။ဒီကောင်တွေရဲ့ damage ကတော်တော်ပြင်းပြီး timing တွေသေချာမှတ်ထားပြီး ရှောင်ရင်းရှားရင်းနဲ့ skill ကျကျဆော့ရမှာပါ။quest လုပ်ဖို့နေရာအသစ်တွေကို exploreရင်း မနိုင်တဲ့ enemy တွေနဲ့တွေ့လို့သေ.. respawn ပြန်ဖြစ်တဲ့အခါ မတူညီတဲ့နေရာတစ်ခုကိုသွားပြီး ပစ္စည်းအသစ်တွေလိုက်ရှာရင်းနဲ့ နယ်မြေလွန်ပြီး enemy အကြမ်းစားနဲ့တွေ့လို့နောက်တစ်ခါထပ်သေ..ဒီလိုမျိုးအကြိမ်ကြိမ်အခါခါသေပြီးမှ ဂိမ်းကိုတဖြည်းဖြည်းကျွမ်းကျင်လာမှာပါ။pixel graphic ပုံစံမှာ top down view ဆိုပေမယ့် animation တွေကတော့တော်တော်လေး fluid ဖြစ်ပါတယ်။ဒီဂိမ်းကိုလူတွေသဘောကျကြတာက နစ်မြောသွားစေတဲ့ atmosphere ကြောင့်ပါ။npc တွေဆိုရင် သူတို့လုပ်ငန်းတွေတသတ်မတ်တည်းလုပ်နေတာမဟုတ်ဘဲ နေ့ပိုင်းမှာသစ်ခုတ် ညပိုင်းမှာ camp တွေထဲမှာ၀င်နားတာတွေလုပ်ကြတာပါ။‌နောက်ပြီးကိုယ့်ရဲ့စကားပြောမှုတွေနဲ့ လုပ်ဆောင်ချက်တွေက game ရဲ့အဖြစ်ပျက်တွေအပေါ်သက်ရောက်မှုရှိပါတယ်။ဂိမ်းကမ္ဘာကြီးက ကြမ်းတမ်းပြီး dark fantasy ဆန်ပေမယ့် စိမ်းစိုနေတဲ့ပတ်၀န်းကျင်အခြေနေတွေ မိုးရွာတဲ့အခါဖြစ်ပေါ်လာတဲ့ visual ပိုင်းတွေကကြည့်ရတာမျက်စိပသာဒဖြစ်တာတော့အမှန်ပါ။mobile port အတွက်ကတော့ကျန်တာပြောစရာမရှိပေမယ့် touch screen နဲ့ဆော့တဲ့အခါစစချင်းမှာ နည်းနည်းတော့ကြောင်ပျောက်ပါတယ်။auto save feature ပါသလို manual save

လုပ်လို့လည်းရပါတယ်။သေသွားတဲ့အခါမှာ နောက်ဆုံး save လုပ်ထားတဲ့နေရာက respawn ဖြစ်တာမို့လို့ အရေးကြီးတဲ့လုပ်ဆောင်ချက်တွေမလုပ်ခင်မှာ save ဖို့မမေ့ပါနဲ့။

=====

Size - 1.96gb

Type - offline

Minimum requirements - Android 6,Ram 4, Snapdragon 700+

Controller support - yes

=====

#Action
#Rpg

မင်းတို့ဘဲစဉ်းစားကြည့်ကွာ။ထိုင်းဘတ်နဲ့ဂိမ်း၀ယ်ရတာသက်သာလို့ ထိုင်း region Gmail ဖွင့်ခိုင်းပါတယ်။ maloe@gmail.com ဆိုပြီးဖွင့်လိုက်တော့ မျက်နှာကိုဘယ်နားထားပြီး Gmail ငှားရမလဲ🥲🥲။ကိုယ့်ကောင်က အချွန်နဲ့မတာ