16-сентябрь куни Андижон вилояти ҳокимининг биринчи ўринбосари Дилшодбек Каримов ҳамда Андижон вилояти Бандлик бош бошқармаси бошлиғи Акмалжон Мамаюсупов Андижон шаҳар «Ишга марҳамат» мономарказида бўлиб, марказнинг «Қандолатчилик», «Чеварчилик», «Замонавий пардалар тикиш», «1C Бухгалтерия», «Ошпазлик», «Аёллар сартарошлиги», «Электрик», «Сантехника» йўналиши тингловчилари билан мулоқот қилди.

Мулоқотда ҳозирги кунда долзарб бўлган ишсизлик даражасини камайтириш, аҳолини касб-ҳунарга сифатли ўқитиш ва уларнинг бандлигини таъминлаш бўйича тушунчалар берилди.

Жараёнларда фуқаролар тамомлаётган йўналишлари бўйича субсидия, ажратилган кредит маблағларини олиш каби масалаларда мурожаат қилдилар.

Facebook | Twitter | Instagram | YouTube | Telegram

Жорий йилнинг 15 сентябрь куни «Юксалиш» умуммиллий ҳаракати ҳамда «Тараққиёт» аҳоли турмуш тарзини ривожлантиришга кўмаклашиш маркази томонидан Европа Иттифоқининг молиявий кўмаги остида амалга оширилаётган «Ўзбекистоннинг чекка қишлоқ ҳудудларида пандемия шароитида қарорлар қабул қилишда аҳолининг эҳтиёжманд қатлами иштирокини ошириш» лойиҳаси доирасида Андижон вилоятининг Жалақудуқ туманидаги «Намуна» МФЙ ҳудуди аҳолисининг мурожаати ва эҳтиёжидан келиб чиққан ҳолда ҳамда инсон ҳаётига хавф солувчи омилларнинг олдини олиш учун эскирган электр симёғочларни темир-бетон таянчларга алмаштириш мақсадида лойиҳа доирасида қиймати 112,5 млн сўм миқдорида маблағ ажратилиб, жами 89 дона темир-бетон таянчлар олиб келинди.

Бунинг натижасида «Намуна» МФЙ ҳудудида жойлашган Беруний, Муқумий, Улуғбек, Мустақиллик ҳамда Санъат кўчаларида электр энергияси билан боғлиқ муаммо бартараф этилади.

Facebook | Twitter | Instagram | YouTube | Telegram

БУНЁДКОРЛАР БИЛАН МУЛОҚОТ...

Айни кунларда вилоятимизда кенг кўламли қурилиш ишлари амалга оширилмоқда.

Жараёнда кўплаб корхоналар, тиббиёт ва таълим муассасалари, спорт мажмуалари, равон йўллар, кўприклар, маҳалла гузарлари, бозорлар, боғлар, хиёбонлар бунёд этилиб, фойдаланишга топширилди.

Бу эса юртдошларимизни рози қилиш ва турмуш фаровонлигини оширишда муҳим аҳамият касб этади.

Вилоят ҳокими Шуҳратбек Абдураҳмонов «Янги Андижон» массивида ҳудуддаги бунёдкорлик ишларига муносиб ҳисса қўшаётган қурувчилар, меъморлар ҳамда соҳада фаолият кўрсатаётган мутасаддилар билан мулоқот ўтказди.

Унда Андижонда амалга оширилаётган кенг кўламли бунёдкорлик ишлари таҳлил этилди.

Шунингдек, учрашувда биноларнинг мустаҳкамлиги, ташқи кўриниши ва дизайни, материалларнинг сифатига эътибор қаратиш ҳамда белгиланган муддатларда фойдаланишга топшириш муҳим жиҳатлардан эканлиги алоҳида таъкидланди.

Facebook | Twitter | Instagram | YouTube | Telegram