Бугун Булоқбоши тумани ҳокимлиги фаоллар залида вилоят ҳокимининг ўринбосари Раҳматилло Арзиев маҳалла фуқаролар йиғинларининг раислари, ҳоким ёрдамчилари, ёшлар етакчилари, хотин-қизлар фаоллари ҳамда имом-хатиблар билан очиқ мулоқот ўтказди.

Мулоқот асносида маҳалла фаоллари олдига қўйилаётган вазифалар ва уларнинг ижроси атрофлича муҳокама қилинди. Дастлаб кун тартибидаги мавзуга оид видеоролик намойиш этилди.

Учрашувда тинчлик-осойишталикнинг улуғ неъмат эканлиги, уни асраб-авайлаш лозимлиги, маҳаллаларда ижтимоий-маънавий муҳитни соғломлаштириш, оилаларни мустаҳкамлаш, ёшлар таълим-тарбияси, жиноятчилик ва ҳуқуқбузарлик ҳолатларининг олдини олиш бўйича ўтган давр мобайнида амалга оширилган ишлар сарҳисоб қилинди.

Масъулларга маҳалладаги ижтимоий-иқтисодий ҳолатни «хонадонбай» ўрганиш, ёшлар ва хотин-қизлар билан манзилли ҳамда самарали иш ташкил этиш бўйича тавсия ва кўрсатмалар берилди. Учрашувда туман ҳокими Ўткирбек Маъмуров иштирок этди.

Facebook | Twitter | Instagram | YouTube | Telegram

16-сентябрь куни Андижон вилояти ҳокимининг биринчи ўринбосари Дилшодбек Каримов ҳамда Андижон вилояти Бандлик бош бошқармаси бошлиғи Акмалжон Мамаюсупов Андижон шаҳар «Ишга марҳамат» мономарказида бўлиб, марказнинг «Қандолатчилик», «Чеварчилик», «Замонавий пардалар тикиш», «1C Бухгалтерия», «Ошпазлик», «Аёллар сартарошлиги», «Электрик», «Сантехника» йўналиши тингловчилари билан мулоқот қилди.

Мулоқотда ҳозирги кунда долзарб бўлган ишсизлик даражасини камайтириш, аҳолини касб-ҳунарга сифатли ўқитиш ва уларнинг бандлигини таъминлаш бўйича тушунчалар берилди.

Жараёнларда фуқаролар тамомлаётган йўналишлари бўйича субсидия, ажратилган кредит маблағларини олиш каби масалаларда мурожаат қилдилар.

Facebook | Twitter | Instagram | YouTube | Telegram

Жорий йилнинг 15 сентябрь куни «Юксалиш» умуммиллий ҳаракати ҳамда «Тараққиёт» аҳоли турмуш тарзини ривожлантиришга кўмаклашиш маркази томонидан Европа Иттифоқининг молиявий кўмаги остида амалга оширилаётган «Ўзбекистоннинг чекка қишлоқ ҳудудларида пандемия шароитида қарорлар қабул қилишда аҳолининг эҳтиёжманд қатлами иштирокини ошириш» лойиҳаси доирасида Андижон вилоятининг Жалақудуқ туманидаги «Намуна» МФЙ ҳудуди аҳолисининг мурожаати ва эҳтиёжидан келиб чиққан ҳолда ҳамда инсон ҳаётига хавф солувчи омилларнинг олдини олиш учун эскирган электр симёғочларни темир-бетон таянчларга алмаштириш мақсадида лойиҳа доирасида қиймати 112,5 млн сўм миқдорида маблағ ажратилиб, жами 89 дона темир-бетон таянчлар олиб келинди.

Бунинг натижасида «Намуна» МФЙ ҳудудида жойлашган Беруний, Муқумий, Улуғбек, Мустақиллик ҳамда Санъат кўчаларида электр энергияси билан боғлиқ муаммо бартараф этилади.

Facebook | Twitter | Instagram | YouTube | Telegram