ШАҲРИХОНДА АРАЛАШ ЖАНГ САНЪАТЛАРИ БЎЙИЧА ХАЛҚАРО ТУРНИР БЎЛИБ ЎТДИ

Жорий йилнинг 11 июль оқшоми шаҳрихонликлар учун унутилмас таассуротларга бой бўлди.

Туман марказий ўйингоҳида аралаш жанг санъатлари бўйича халқаро турнир ташкил этилди.

Унда мамлакатимиз спортчиларидан ташқари Қозоғистон, Қирғизистон, Тожикистон, Озарбайжон Республикаларидан ҳам меҳмонлар иштирок этдилар.

Турнир аввалида Андижон вилояти ҳокими Шуҳратбек Абдураҳмонов юртимизда спортни ривожлантиришга берилаётган юксак эътибор хусусида сўз юритиб, иштирокчиларга мусобақаларда омадлар тилади.

Минглаб мухлислар олқишлари остида мусобақалар жуда қизиқарли ва муросасиз кечди. Вилоят ҳокими томонидан мусобақа бош соврини – “Кобальт” автомашинаси озарбайжонлик рақибини муддатидан олдин мағлубиятга учратиб, ғолиб бўлган муай-тай бўйича 3 карра жаҳон ва Осиё чемпиони, Осиё яккакурашлари ғолиби избосканлик Мавлон Қаҳҳоровга топширилди.

Қозоғистонлик рақибини 1-раунддаёқ мағлуб этган шаҳрихонлик Машрабжон Рўзибоевга туман марказидан янги уйнинг 3 хонали квартираси калити тантанали равишда топширилди.

Шунингдек, спортнинг аралаш жанг санъатлари турини ривожлантиришга қўшаётган муносиб ҳиссаси ҳамда ёш спортчиларни тарбиялашдаги хизматлари учун мураббий Бехзодбек Жиянов 50 миллион сўм пул мукофоти билан тақдирланди.

#mma #turnir #cobalt #shahrixon

Facebook | Twitter | Instagram | YouTube | Telegram | TikTok

#Инфографика

⚡️ Очиқ танлов асосида 35 минг нафардан ортиқ фуқаро давлат хизматига қабул қилинди

Бугунги кунга келиб 905 мингдан ортиқ номзод вакант лавозимлар очиқ танловларида қатнашди.

Давлат фуқаролик хизматчилари вакант лавозимлари ягона очиқ портали орқали давлат органлари ва идораларида ўтказилган танловлар тўғрисидаги маълумот билан инфографика орқали танишиб чиқишингиз мумкин.

Эслатиб ўтамиз, танлов жараёнлари билан боғлиқ саволларингизни @vacancy_argos_bot га йўллашингиз мумкин.

✅ Порталнинг расмий канали — https://t.me/vacancy_argos