РEКТОР ВА ТАЛАБАЛАРНИНГ ОЧИҚ МУЛОҚОТИ

Андижон давлат тиббиёт институтида хорижлик талабаларнинг сифатли ва самарали таълим олишлари учун барча шароитлар яратилган. Айниқса, уларнинг дарсдан бўш вақтларига ҳам алоҳида эътибор қаратилмоқда.
Институт талабалар турар жойида Покистон, Ҳиндистон ва Корея давлатларидан келган талабалар истиқомат қилиб келмоқда. Сед Акбар шаҳ 1-босқич талабаси. У дарсдан бўш вақтларида спорт машғулотлари билан шуғулланади. Ана шундай ташаббускор ёшлар билан институт ректори М. Мадазимов очиқ суҳбат олиб борди. Шунингдек, суҳбатда вилоят ҳокимлигининг котибият мудири Э. Холмирзаев ва бир қатор ташкилотлар раҳбарлари ҳам иштирок этдилар. Мулоқот давомида талабалар ўз таклифлари билан ўртоқлашдилар.
Мутахассислар томонидан уларнинг таклифлари қўллаб-қувватланди.

Фото: АДТИ матбуот хизмати

Facebook | Twitter | Instagram | YouTube | Telegram

9 апрель - Соҳибқирон Амир Темур бобомиз таваллудининг 685 йиллиги муносабати билан Андижон вилоят халқ таълими бошқармаси ҳамда Андижон шаҳридаги 45605-сонли ҳарбий қисмлар ҳамкорлигида «Биз-Темур авлодларимиз» шиори остида маънавий-маърифий тадбир ўтказилди.

Тадбир аввалида мудофаа тизими вакиллари, умумтаълим мактаблари ўқувчилари ҳамда фаол ёшлар Амир Темур бобомиз ёдгорлигига гуллар қўйиб ҳурмат бажо келтирдилар.

Тадбир давомида Шарқий ҳарбий округ қўшинлари қўмондони полковник Лутфулло Бузруков томонидан ўқувчи-ёшларга буюк бобокалонимизнинг ҳарбий қудрати, давлат бошқарувидаги ислоҳотлари, ўз даври илм-фан тараққиёти ҳомийси сифатида амалга оширган ишлари тўғрисида тушунчалар берилиб, шундай буюк сиймоларнинг муносиб ворисларини етиштириб чиқаришда умумтаълим мактабларида ташкил этилаётган «Темурбеклар синф»лари алоҳида аҳамият касб этишини таъкидлаб ўтди.

Фото: Андижон вилояти халқ таълими бошқармаси матбуот хизмати

Facebook | Twitter | Instagram | YouTube | Telegram

#ёшлар_овози

2021 йил 15-16 март кунлари «Ёшлар овози» республика фестивалининг Андижон вилоят саралаш босқичи ўтказилган эди. Бугун фестивалнинг вилоят саралаш босқичида иштирок этиб, Республика босқичига йўлланма олган 6 нафар ёшлар ва юқори натижаларга эришган 14 нафар ёш истеъдод эгалари ҳамда вилоятнинг таниқли санъаткорлари иштирокида ҳудудий гала концерт дастури бўлиб ўтди. Ҳудудий гала концерт дастури якунида иштирокчилар ташаккурнома билан тақдирландилар.

Facebook | Twitter | Instagram | YouTube | Telegram

Олтинкўллик тадбиркор 30 нафар мактаб ўқувчисига стипендия жорий қилди

Олтинкўл туманидаги 42- умумтаълим мактабида «Ўқувчи ва тадбиркор учрашуви» ташкил этилди.
Мактаб ўқувчилари ўз таълим муассасаларида ўқиб тарбия олган тадбиркор “VB BOZOR” МЧЖ раҳбари, “Vodiy bozor” канали бош муҳаррири И.Мусаев билан учрашдилар.
Туман халқ таълими бўлими бошлиғи Б.Муроталиев жамиятнинг фаол кишилари билан ҳамкорликда ўтказилаётган мана шундай учрашувлар ёш авлод учун намуна бўлиши ҳақида сўзлади.
Тадбиркор бизнесда ва бугунги замонавий технологияларга асосланган медиа соҳасида муваффақиятга эришиш йўли ҳақида ўз тажрибалари билан ўртоқлашди.
И.Мусаев мазкур 42-умумтаълим мактабининг 26 нафар энг аълочи ўқувчилари учун 100 минг сўмдан стипендия ташкил қилганлигини маълум қилди ва дастлабки стипендияларни ўқувчиларга топширди. Шунингдек 26 нафар вилоят олимпиадалари ҳамда турли танлов ва спорт мусобақалари ғолибларига рағбатлантирувчи совғалар берди.

Facebook | Twitter | Instagram | YouTube | Telegram

Андижон вилояти Мактабгача таълим бошқармаси Избоскан тумани 6-давлат мактабгача таълим ташкилотида тарбияланувчиларни соғлом сифатли овқатлантириш ҳар томонлама баркамол бўлиб улғайишлари учун «Биз соғлом турмуш тарафдорларимиз» номли ўқув амалий семинар ва тарбияланувчиларга миллий қадриятларимизни ёшликдан онгига сингдириб бориш мақсадида «Бувижоним эртаклари» мавзусида тадбир ташкил этилди.

Фото: Андижон вилояти Мактабгача таълим бошқармаси матбуот хизмати

Facebook | Twitter | Instagram | YouTube | Telegram