Андижон туманида ёнғин оқибатида зарар кўрган хонадонларга моддий ва маънавий кўмак берилмоқда

Жорий йилнинг 6 июнь куни Андижон тумани Хортум МФЙ "Буюк турон" кўчасидаги 3 та хонадонда ёнғин юзага келган бўлиб, оқибатда хонадонларнинг том ва шифт қисми бутунлай ёниб кетган эди.
Ушбу хонадонларга эътибор қаратилиб ёрдам бериш мақсадида вилоят ҳокимини топшириғига асосан Андижон туман ҳокимлиги томонидан қурилиш материаллари, озиқ-овқат маҳсулотлари билан таъминланмоқда.
2020 йилнинг 15 июнь куни вилоят ҳокими ўринбосари Манзура Юнусова ҳамда Андижон туман ҳокими Улуғбек Исамидинов ушбу хонадонларга бориб ёнғиндан жабр кўрган фуқаролар билан кўришди. Қандай ёрдам зарурлиги ҳақида суҳбатлашиб, вилоят ҳокими ушбу хонадонларга бефарқ эмаслиги ва ёрдамга тайёрлигини таъкидлаб ўтди.

Айни вақтда мазкур хонадонларда қурилиш таъмирлаш ишлари олиб борилмоқда.

Facebook | Twitter | Instagram | YouTube | Telegram

Aндижонлик ёшлар Генерал-лейтенант билан учрашди

Ёшлар ойлиги доирасида Ўзбекистон ёшлар иттифоқи Aндижон вилоят Кенгаши томонидан турли хил лойиҳа ва тадбирлар ўтказилмоқда. Бугун Aндижон шаҳридаги “Ёшлар маркази” биносида пандемия вақтида санитария қоидаларига риоя қилинган ҳолда вилоят Фавқулодда вазиятлар бошқармаси бошлиғи, генерал-лейтенант Ш. Норматов иштирокида “Генерал ва ёшлар” учрашуви бўлиб ўтди.
Учрашувда ҳарбий хизматчилар, Миллий гвардия, Фавқулодда вазиятлар бошқармаси офицер ва ходимлари ҳамда фаол ёшлар иштирок етди. Шунингдек “Зоом” дастури орқали ҳарбий бўлишга қизиқувчи 300 нафарга яқин ёшлар иштирок етди.
Генерал-лейтенант ёшларга ўзининг муваффақият сирлари билан ўртоқлашди.

Facebook | Twitter | Instagram | YouTube | Telegram

Аҳолини камбағалликдан олиб чиқиш борасидаги ишлар — Жалақудуқ тумани мисолида

Жалақудуқ тумани бўйича 400 та оилага иссиқхона ташкил қилиб берилди, 77 та оилаларга паррандачалик, 40 та оилаларга қуёнчилик, 20 та оилаларга эчкичилик билан шуғулланиши учун имкон яратилди. Тадбиркорлар томонидан ҳам оилаларни камбағалликдан олиб чиқиш масаласи эътиборсиз қолдирилмаяпти. Уларнинг ташаббуси билан оилаларни оталикка олган ҳолда хонадон аъзоларига ишбилармонликдан сабоқ бериб, келгусида ҳунармандчилик ёки тадбиркорликнинг у ёки бу турида иш бошлашлари учун кўмак бермоқдалар. Бу усулнинг яхши томони шундан иборатки, одамларда ҳам амалий, ҳам назарий жиҳатдан тадбиркорлик кўникмалари шаклланади.

Facebook | Twitter | Instagram | YouTube | Telegram

Хизмат кўрсатиш ва ички туризм соҳаларини ривожлантириш бўйича видеоселектор йиғилиши ўтказилди.
Мазкур йўналишда камида 160 минг қўшимча иш ўрни яратиш мумкинлиги таъкидланиб, Бош вазир ўринбосарига ҳар бир туман ва шаҳар кесимида хизматлар соҳасини ривожлантириш дастурини ишлаб чиқиш топширилди. Бу соҳага 100 миллион доллар ёки 1 триллион сўмдан зиёд кредит ресурслари ажратилиши белгиланди.
Бу йилги битирувчиларни ўқиш ва ишга жалб этиш масалаларига ҳам алоҳида эътибор қаратилди.
—
Состоялось видеоселекторное совещание по вопросам развития сферы услуг и внутреннего туризма.
Отмечалась возможность создания 160 тысяч рабочих мест в этих направлениях, вице-премьеру поручено разработать программу развития сферы услуг в разрезе районов и городов. Будет выделено для сферы 100 млн долларов или более 1 трлн сумов кредитных ресурсов.
Особое внимание уделено вопросам обучения и трудоустройства выпускников.

#Mirziyoyev #videoselektor #iqtisodiyot #bandlik

Prezident.uz|Facebook|Instagram|YouTube|Twitter

Вилоят ҳокими Шуҳратбек Абдураҳмонов 15 июнь куни бўлиб ўтган “Ҳокимлик соати”да келажак авлоднинг диний ва маънавий дунёсини бойитишда имомларимизнинг хизмати беқиёс эканлигини таъкидлаб, туман ҳокимликлари ва мутасадди ташкилотларга уларни моддий томонлама қўллаб-қувватлаш юзасидан топшириқлар берганди. Шунга биноан, Олтинкўл тумани ҳокими Назиржон Ўринбоев ҳудудда фаолият юритаётган 13 нафар имомларга 1 гектардан ер ажратиб берди. Шу ернинг ўзида уларга ерга эгалик қилиш ҳуқуқини берувчи кадастр ҳужжатларини ҳам топширди. Унга кўра, энди имомлар бу майдонларда турли сабзавотлар етиштириб, қўшимча даромад топиш имкониятига эга бўлишади. Шунингдек, уларнинг хонадонларига 1 тоннадан буғдой тарқатилди. Албатта, уйи донга тўла кишида хотиржамлик бўлади. Айтиш мумкинки, вилоят раҳбари томонидан кўрсатилган бундай олийжаноблик намунаси ҳар бир касб эгасини ўз вазифасига сидқидилдан ёндашиб, юртга дахлдорлик ҳиссини оширади.

Facebook | Twitter | Instagram | YouTube | Telegram

ҲАР БИР МУРОЖААТ ЭЪТИБОРДА

Асака туманида яшовчи фуқаролар навбатдан ташқари қабул қилиниб, ҳар бир фуқаронинг муаммо ва таклифлари бирма бир тингланди ва ўрганилди.
Фуқаролар асосан ишга жойлашиш, уй-жой олиш ва оилавий масалаларда мурожаат қилдилар. Тадбиркорлар томонидан тайёрланган лойиҳалар кўздан кечирилди. Ҳар бир фуқаронинг мурожаатига кўра тегишли масъул ташкилот раҳбарларига ҳал этиш мақсадида топшириқ ва кўрсатмалар берилди.
Шунингдек, айрим масалалар тегишлилиги бўйича рўйхатга олиниб ҳал этиш мақсадида масъул ташкилот раҳбарларига муддати билан бириктирилди.

Facebook | Twitter | Instagram | YouTube | Telegram

Aндижонда ёшлар ўртасида фриланслик фаолиятини ривожлантиришга қаратилган онлайн семинар машғулотлари ўтказилди

Пандемия шароитида ёшлар бандлигини таъминлаш, улар ўртасида фриланслик соҳасини ривожлантириш, интернет технологиялари орқали даромад топишларига кўмаклашиш мақсадида жорий йилнинг 16-июнь куни Aндижон шаҳридаги "Digital City" (Рақамли шаҳар)да "Замонавий касблар" мавзусида онлайн семинар дарс машғулотлари ўтказилди.
Семинар доирасида муваффақиятга эришган дастурчилар томонидан ёшларга Сотcиал медиа маркетинг, График дизайн, Wеб дастурлаш, Wеб дизайн, Дигитал маркетинг, Мошен график соҳаларида зарур билимлар берилди.
Ўтказилган семинарда 250 нафардан зиёд ёшлар ва ёш дастурчилар иштирок этдилар.

Facebook | Twitter | Instagram | YouTube | Telegram