РАСМИЙ МУНОСАБАТ

Kun.uz нашрида «Шифохона ўрнига контейнер» сарлавҳаси остида тарқалган хабар юзасидан Андижон вилояти ҳокимлиги матбуот хизмати қуйидагиларни маълум қилади;

Мутасадди ташкилотлар томонидан бориб ўрганилганда ушбу ҚВП биноси Ўзбекистон Республикаси Вазирлар Маҳкамасининг 2019 йил 6 февралдаги «Андижон вилоятида Давлат кўчмас мулк объектлари ва ер участкаларидан самарали фойдаланиш чора-тадбирлари тўғрисида»ги 93-сонли қарорига асосан "Wise children" номли нодавлат мактабгача таълим муассасасини ташкил этиш мақсадида инвестиция ва ижтимоий мажбуриятлари белгиланган ҳолда уларнинг фаолият йўналишини 30 йил мобайнида сақлаш шарти билан тадбиркор Маъруфжонов Дониёрбекга эгалик ҳуқуқи билан ажратиб берилган.

Тадбиркор томонидан "Wise children" номли давлат хусусий шерикчилик асосида мактабгача таълим муассасасини ташкил этиш мақсадида давлат рўйхатидан ўтган бино атрофини қўрғон девор билан ўраб том қисмини қайтадан таъмирлаган.

Хоналарда мослаштириш ишлари олиб борилаётган вақтда мактабгача таълим вазирлиги билан битим имзолаш учун ҳужжатлар тайёрланиб керакли жойларга юборилганда бинонинг умумий ер майдони 16 сотих эканлиги ва 100 ўринга тўғри келмаслиги боис битим имзоланмаган ва тадбиркор ишларни тўхтатишга мажбур бўлган.

Ҳозирда туман ҳокимлиги ва мутасадди ташкилотлар томонидан бино-иншоотларни қайтариш бўйича Судга даъво ариза киритилиб, ҳозирда амалий ишлар олиб борилмоқда.

Ушбу бино 2023 йилда дастур асосида қайта таъмирланиб ҚВП биноси сифатида фойдаланишга топширилади.

Ҳозирда ушбу маҳаллада барча шароитлар яратилган махсус 2 хонали контейнерда тиббий пункт фаолият олиб бормоқда.

Facebook | Twitter | Instagram | YouTube | Telegram | TikTok