Бугун Марҳамат тумани ҳокимлиги фаоллар залида вилоят ҳокимининг ўринбосари Раҳматулло Арзиев Марҳамат туманида маҳалла фуқаролар йиғинларининг раислари, ҳоким ёрдамчилари, ёшлар етакчилари, хотин-қизлар фаоллари ҳамда имом-хатиблар билан очиқ мулоқот ўтказди.

Мулоқот асносида маҳалла фаоллари олдига қўйилаётган вазифалар ва уларнинг ижроси атрофлича муҳокама қилинди.

Дастлаб кун тартибидаги мавзуга оид видеоролик намойиш этилди.

Учрашувда тинчлик-осойишталикнинг улуғ неъмат эканлиги, уни асраб-авайлаш лозимлиги, маҳаллаларда ижтимоий-маънавий муҳитни соғломлаштириш, оилаларни мустаҳкамлаш, ёшлар таълим-тарбияси, жиноятчилик ва ҳуқуқбузарлик ҳолатларининг олдини олиш бўйича ўтган давр мобайнида амалга оширилган ишлар сарҳисоб қилинди.

Айрим маҳаллаларда бу борада масъуллар томонидан ўз вазифаларига ҳалигача лоқайдлик билан қараш ҳолатлари мавжудлиги таъкидланди.

Эътибордан четда қолаётган масалалар ва уларнинг ижро механизми кўрсатиб ўтилди.

Масъулларга маҳалладаги ижтимоий-иқтисодий ҳолатни «хонадонбай» ўрганиш, ёшлар ва хотин-қизлар билан манзилли ҳамда самарали иш ташкил этиш бўйича тавсия ва кўрсатмалар берилди. Учрашувда туман ҳокими Б.Юлдашев иштирок этди.

Facebook | Twitter | Instagram | YouTube | Telegram