Андижон вилояти Перинатал марказида давлат инвестиция дастури асосида 100 ўринга мўлжалланган янги бино қурилиб, фойдаланишга топширилди.

Ушбу янги замонавий бино қад ростлаши учун жами 21,5 миллиард сўмдан зиёд маблағ сарфланган. Ушбу бинода қабулхона бўлими, 60 ўринли ҳомиладорлар хасталиги бўлими, 30 ўринли касалликка мойил бўлган чақалоқлар (ОПН) бўлими ва 12 ўринли чақалоқлар реанимацияси бўлими жойлашган.

Янги фойдаланишга топширилган бинода ҳомиладор аёллар, уларнинг янги туғилган чақалоқлари учун, қолаверса тиббиёт ходимлари учун барча шарт-шароитлар яратилган.

Ушбу бинода жами 250 нафардан зиёд тиббиёт ходимлари марказга ташриф буюрган ҳомиладор аёллар ва улардан туғилган чақалоқларга сифатли тиббий хизмат кўрсатиб боради.

Бинонинг очилиш маросимида Андижон вилояти ҳокими Шуҳратбек Абдураҳмонов қатнашиб, йиғилганларга, қолаверса Андижон аҳлига бино мустақиллик байрамига туҳфа эканини алоҳида таъкидлаб ўтди.

Facebook | Twitter | Instagram | YouTube | Telegram

Андижон вилояти ҳокими 27 август куни сайёр қабул ўтказаётганлиги ҳақида хабар берган эдик.

Ўтказилган сайёр қабулда фуқароларнинг ишга жойлашиш, йўлларни таъмирлаш, тоза ичимлик суви билан таъминлаш, электр симёғочлар ўрнатиш ва эскирган трансформаторларни алмаштириш, имтиёзли кредит олиш, суюлтирилган газ баллонлари ажратилиши, соғлиқни сақлаш, таълим уй-жой, моддий ёрдам, тадбиркорликни қўллаб-қувватлаш каби масалаларга оид 500 дан ортиқ мурожаатлари қабул қилинган.

Мазкур сайёр қабул бугун, 28 август кунида ҳам давом этмоқда.

#ikkinchikun #qabul #YangiAndijon #live #Abdurahmonov

Facebook | Twitter | Instagram | YouTube | Telegram

22-27 август кунлари Ветнам давлатида ўсмирлар ўртасида бўлиб ўтган 11-Осиё чемпионатида Андижонлик “Taekwondo” VT спортчиси Хошимжонова Зебинисо 44 кг вазн тоифасида фахрли 3-ўринни эгаллади.

Эслатиб ўтамиз, Хошимжонова Зебинисо шу йилда бўлиб ўтган “Владивосток-2022” Осиё болалар ўйинида Ўзбекистон делегациясига илк олтин медални тақдим қилган эди.

Facebook | Twitter | Instagram | YouTube | Telegram