#Live

Ўзбекистонда қуруқ порт ишга туширилади
•••••••••••••••••••
Хитой Қашғаридан Ўзбекистон Андижонигача 450 километрлик темир йўл қурилади.

Айни дақиқаларда Пекин шаҳрида "Хитой – Қирғизистон – Ўзбекистон" темир йўли қурилиши бўйича стратегик лойиҳани амалга ошириш битими имзоланди.

Ўзбекистон, хусусан Андижон учун муҳим булган ушбу битимни имзолаш маросими иштирокчиларига президентимиз мурожаат йўллади.

– Мазкур темир йўл Хитойни минтақамиз билан боғловчи энг қисқа қуруқлик йўлига айланади. Келгусида ушбу йўл бизнинг мамлакатларимизга истиқболли Трансафғон йўлаги орқали Жанубий Осиё ва Яқин Шарқ давлатларининг кенг бозорларига чиқиш имконини беради, – дейилган давлатимиз раҳбари мурожаатида.

Лойиҳанинг амалга оширилиши натижасида:

1) иқтисодий самара берадиган янги корхоналар ва ўн минглаб иш ўринлари яратилиши,

2) ўзаро савдо ҳажми каррасига ошиши,

3) саноат кооперацияси кенгайиши, инвестициявий жозибадорлик ўсиши кўзда тутилган.

Бу тадбиркорлар учун қулай ва арзон юк ташиш йўли бўлади. Дастлабки тахминларга кўра, юк ташиш ҳажми йилига 12-15 миллион тоннани ташкил этади.

"Хитой – Қирғизистон – Ўзбекистон" темир йўли “Қашғар – Торугарт – Макмал – Жалолобод – Андижон” йўналиши бўйлаб ўтади.

Саҳифа: @sh_abdurahmonov

#Live

Айни дақиқаларда Андижонда ҳокимлик соати йиғилиши бўлиб ўтмоқда.

Унда долзарб масалалар, олдиндаги режаларнинг амалга оширилиши, мавжуд муаммолар ва уларнинг ечимлари юзасидан барча раҳбарлар иштирокида муҳокама юритилмоқда.

Жумладан,
1) шаҳар ва туманлардаги иш жараёнлари,
2) МФЙлар расмийлари фаолияти,
3) МФЙлар ходимлари фаолиятида йўл қўйилаётган камчиликлар,
4) фуқаролар мурожаатлари билан ишлаш,
5) хорижий инвестицияларни ўзлаштириш,
6) экспорт масаласи,
7) мактаб битирувчилар бандлигини таъминлаш,
8) “Ёшлар ойлиги”ни кенг миқёсда ўтказиш,
9) “Ёшлар дафтари” бўйича вазифалар,
10) ёшларга ер ажратишни якунлаш,
11) ОТМларнинг тест имтиҳонлари,
12) дорихоналардаги дори-дармон воситалари сифати,
13) “Дунё садолари” фестивалига ҳозирлик кўриш,
14) ер майдони аукционлари,
15) хусусийлаштириш дастури,
16) ғалла ҳосилини йиғиб олиш,
17) узумчиликни ривожлантириш,
18) пилла масаласи бўйича вазифалар белгилаб олинмоқда.

Саҳифа: @sh_abdurahmonov