أنجح طريق في التدريس كطالب طب وتبي تبدأ مشوارك في التدريس فيديو الشرح مايطقش الساعة خليه ديما أقل من 30 دقيقة لل45 دقيقة لو زاد عن الحد هذا الطالب مش حيكمل معاك وإحدي الحاجات اللي تخليه يكمل المنهج أو علي الأقل يستعين بالشرح اللي تقدم فيه هو إنه الفيديوات يكونن قصار وفيهن الزبدة لأنه كلنا بدون إستثناء مش متقبلين فكرة إنه طالب يشرح في منهج وفيديواته بالساعه ونص والساعتين لذلك ننصح أي حد يبي يشرح يبدأ يعتمد علي الفكرة هذي ويشتغل عليها ويطورها بحيث يغطي الموضوع في أقل من ساعة، وهذي وجهة نظر أنا شخصياً مقتنع بيها.

◾هذا الكلام لايخص شخص بعينه هذا رأي ونصيحة شاركتها معكم فقط لا غير

بإختصار عليكم بالمختصرات 💯

الصدقة من جنس القتال فالجبان يرجف والشجاع يثبت.

ابن تيمية | مجموع الفتاوى

(يُثَبِّتُ ٱللَّهُ ٱلَّذِينَ ءَامَنُواْ بِٱلْقَوْلِ ٱلثَّابِتِ فِى ٱلْحَيَوٰةِ ٱلدُّنْيَا وَفِى ٱلْءَاخِرَةِ ۖ وَيُضِلُّ ٱللَّهُ ٱلظَّٰلِمِينَ ۚ وَيَفْعَلُ ٱللَّهُ مَا يَشَآءُ)

(قُل لِّعِبَادِىَ ٱلَّذِينَ ءَامَنُواْ يُقِيمُواْ ٱلصَّلَوٰةَ وَيُنفِقُواْ مِمَّا رَزَقْنَٰهُمْ سِرًّا وَعَلَانِيَةً مِّن قَبْلِ أَن يَأْتِىَ يَوْمٌ لَّا بَيْعٌ فِيهِ وَلَا خِلَٰلٌ)

السلام عليكم ورحمة الله.
يال50 شن وضعكم مع الباثو أبشروا ؟
ربي يعينكم ويوفقكم إن شاء الله.

شن جو إمتحانكم ؟

في ذمة الله الاستاذ الدكتور مفتاح الفيتوري ,,/استشاري امراض الاطفال وهو احد قامات مستشفى الاطفال ببنغازي دكتور فاضل وخلوق محب للكل،دعوتكم له بالمغفرة والرحمة يارب العالمين

والد زميلنا : سفيان مفتاح الفيتوري

ادعوله بالرحمه والمغفره

ال48 في الحفلة ولا لا ؟

السلام عليكم

يادكاترة فيه حالة تبي صفائح ضروري ياريت اللي يقدر يتبرع توا أي فصيلة مش مشكلة يكلمه.

هذا رقمه 0926942069

السلام عليكم ورحمة الله الدفعة50

شباب اللي عندهم باثو دور ثانٍ مزال عندكم فرصة كويسة إن شاء الله وبعون الله ربي يوفقكم ويكتبلكم النجاح.

من اليوم بإذن الله لازم تقروا:
MCQ and SN

يومياً واعتبروه جزء من دراسة المادة بيش تثبتوا اللي تقروه بشكل يومي ضرورب من الأسئلة واختصروا علي قد ماتقدروا يادكاترة اختاروا مصدر مختصر يوفر عليكم المجهود والوقت لأنه الوقت محسوب بالدقيقة.

موفقين بإذن الله

⛔حاجة مهمة :

كورس قاريه كويس ننصحك تقراه گMCQ and SN مش ضروري ترد تقراه وتضيع فيه يوم لأنه تفرق معاك واجد في الوقت وتزيد الثقة عندك واي جزئية مش فاهمها تقدر تفتح الشيت وانت تقرا في اسئلة وتراجعها هكي توفر علي روحك وقت ومجهود..

ياجماعة SN إختصار شورت نوت

شباب اللي يسألوا فيا علي المنهج هل يقدر يعتمد عليه أو لا ؟

من ناحية إنه basic فهو كذلك ومشروح بأبسط الطرق اللي قدرت عليهن حاولت نبسط الموضوع قد مانقدر والمادة المشروحه تقدر تعتمد عليها وأنا مسؤل عن كلامي.

ويادكاترة أنتم علي أعتاب سنة رابعة الجديدة يعني المفروض تقدروا تعرفوا الشي هذا برواحكم أنا المادة متوفرة مجاناً وشرح فيديو وشيت ملخص علي هيئة نقاط كل معلومة مهمة حطيتها لكي في نقطة وشرحتها لكي بأبسط الطرق أنا درت مجهود في شرح المادة وتلخيصها والمادة متوفرة للجميع ومجاناً، أنا مش مستفيد شئ بتضليلكم ولا حنستفيد حاجة لو عطيتكم معلومة غلط.

توكلوا علي الله متشغلوش أرواحكم بالشكوك وكثرة التفكير وسماع النصائح الجانبية الغير مسؤلة معش فيه وقت ونسأل الله ينفعكم بيها ويوفقكم ويبارك في وقتكم ومجهودكم.

زملائي الطلبة 🌟
أرجو منكم تعبئة هذا الاستبيان الخاص بـ جامع البيانات رقم 16 🙏
الاستبيان عن معرفة طلاب الطب بالذكاء الاصطناعي .