على قد ماكنت باقول وباعيد
وبشوف الدنيا ف بُعدِك نار
وبشوف الدنيا ف قُربِك عيد
على قد ماكنت حمار مابشوفش وفكري بعيد
اصل شيطان الانسان مكّار
بيصوّرله عدوُّه حبيبُه
ويحلّي لُه الشيء على عيبُه
وشيطاني اللي غواني ف حبُِك
خلّاني اشوفك بنت أصول
وأدب وجمال
خلاني اشوفك صالحة
تبني بيوت
وتربّي عيال

شيطاني اللي غواني ف حبك
خلاني اشوفك بنت حلال.

سبحان الله
حابك حب اللي مالوش ردة فعل
من غير ما استنى تحبيني

وسبحانه اللي بيغيّر قلوب الناس
من اللهفة إلي العادي
وم العادي إلي اللاشيء.

ليا ف مشيئتك دعوتي وانت القريب
المستجيب للدعوه ومفسّر جدلها

أنا أول مُحبينك
يا أجمل واحده ف بلادي
وصاحب حق وصف عنيكي

رفضتي ان انتي تتسابي وفجأة انتي اللي سِبتيني.

للأسف كُنتيلي دنيا
وكنت أكبر ما ف جروحك
مين يجيب اللوم عليكي وانتي كل مافيكي طيّب

حقك على عيني يانور عيني
يارفيقة مشواري الدايمه.

‎محتاج لحُضن يرجعك كامل
‎! من حد كامل وانت مش ويّاه

وحشتيني !!

قولتلها احكي
قالت: حبيت
كنت مراهنه عليه بحياتي
شايفاه الفايت والآتي
كنت باقول للي يعارضوا
( فيه حاجات حلوه وطيبه برضو )

من حب يعمل فعل مش يحلف
وانا أصلي راجل
وانتي عارفاني

أنا مُت قبلك ألف مرة بجد وأديني جايلك بتولد تاني.

مغروسه ف حكاياتي
زي السيف اللي علم
مابتتنسيش يامعلم
..

أصالح عمري في وجودك
وأنقّح نفسي م الاخطاء علي حدودك

ف إزاي عينيا تضل إذا حان وبان ضيّك
بسأل على نفسي .. ف باقولك ازيِّك !

وبكره يجوز تقابليني ف أي مكان
هاشوفك وقتها دخان .

وقابلتك انت لقيتك بتغيّر كل حياتي ❤️💍

أصبحنا لاننفع متصاحبين ولا عُدنا صحاب
وبقينا برغم اللي مابيننا
شخصين أغراب !!

الناس فاكرانا ولاد امبارح برياله
فاكرين يمشوا ويرجعوا تاني
يلقونا علي نفس الحالة !