يعني اننا نشارك بعض كل حاجه الحلو و المُر

كل واحد فينا له جزء من زعل او فرح التاني

اصل مش طبيعي اننا نفرح سوا و تزعل لوحدك

ولما نتقمص متمشيش خليك معايا و جمبي و اسمعني و اسمعك

الصاحب حبه بيبان وقت الزعل و الخناق

اعرف اسند عليك وقت الشده و اني مهما عملت هتشوفني بعين غير عيون الناس

بيحن و يحب و يطيب الخاطر

ناس بتمشي و تروح و تيجي و تمشي و مش بيفضل الا صحبي حبيبي

ببقي مع صحبي شخص رغاي، عندي شغف، بضحك علي اتفه المواضيع و المواقف، كل الهموم بتهون معاه.

حتي فالجو النار ده، لما اشوفه او اسمع صوته او احس انه معايا قلبي بيبرد.

احنا الاتنين فينا حاجات ناقصه بس كل واحد فينا بيكمل التاني.

اكيد ان الدنيا مش هتبقي كويسه و مرتاحه علي طول، بس صاحبي يستاهل اني اتعب عشانه و استحمله

بحبه لما يقولي حاجه و يكملها بـ انه مش قايل لغيري

مش طايق حد بس عايز يتكلم معايا

حلوه الصوره دي انزلها عندي؟

فلان قلي تعال نخرج بس انا هخرج معاك انت

شكلك مخنوق هرن عليك احكيلي مالك

يعني ابقي مميز عنده.

نساعد بعض اننا نصلح عيوبنا

ده لو اصلا فينا عيوب

اصل يعني
لا تري العين عيبا
اذا احب القلب قلبا
معروفة