هنادي: نزلت الصبح للصالة شفت ام وسام بالمطبخ صبحت عليها وگعدت يمها وضليت اسولف وياها شوية
وشفت لبنى نازلة من غرفتها وهي لازمه موبايلها ادز رسايل وتضحك انه ما هتميت وگلت شنو دخلني بيها يمكن هي تحجي ويه صاحباتها
بس شلون هي گاعدة من وگت هذا الي استغربته والأغرب لبسها لا لابسة فستان ولا اتراك لابسة تنورة وقميص ردن طويلة تفاجأت بس ما سألت

شوية ورفعت راسها من الموبايل اجت علينا وگالت: صباح الخير ام وسام

ام وسام: صباح الأنوار ..ما شاء الله اليوم مشعشعة ست لبنى
ضحكت هي وگالت: صدوك ام وسام انته شايفة هيج يعني مبين عليه؟ !
أم وسام: اي والنبي طالعة جنج چكليته

باوعت عليه وگالت: اكيد لعد شلون ..مثل هاي لسه ما صارلها نص سنة من ازوجت وچنها عجوزة بالخمسين لا لبس حلو ولا مكياج حلو ..كولشي ماكو
گلت: الحلى مو بالمكياج وألبس يا لبنى ..الحلى حلاة الروح والأخلاق ..بس هاي انتي وبنات خالتج ادورن بس المضاهر

ضحكت حيل وگالت: هههه منو هاي الي دتحجي لج بابا انتي كولشي متفتهمين ..شكد قديمة وبعدين منو الي گلج اني اخلاقي وروحي مو حلوات بالعكس اصلآ ينگطن عسل وربي
يلا اني لازم اروح عندي موعد ..مريد اخرب مزاجي وياج ..ولو اني من صبحت بيج بس الله يستر شنو راح يصير
سلام

أم وسام: الله وياج ست لبنى
ألتفتتلي وگالت: ولا يهمج حبيبتي هي هاي ست لبنى دايمآ هيج
گلت: لا خالة اصلآ انه اعرفها ومامهتمة لحجيها بس أگول يمته راح تتغير تصرفاتها وياي وتعرف انه ماعندي شيء وياها
ربتت على ايدي وگالت: راح يجي هاليوم بنيتي اني متأكدة ..بس يمكن يتأخر
هزيتلها براسي وگلت: يمكن

**

هيثم: الأستاذ وائل وعدني باجر يجيبلي،الفلوس وانه گلت اليوم لازم انهي كلشي ولازم تعرف لبنى حقيقتي صح صارت بيناتنا اتصالات لأكثر من اسبوع وهي اعترفتلي بحبها بس انه ابد ما سمعتها كلمة احبج لأن ماجنت ناوي اجذب عليها وحتى اسمي خليته هو نفسه
الشيء الوحيد الي ما تعرفه انه اخو هنادي واليوم لازم تعرف
بس طلبت منها تلبس شيء محتشم وياريت تلبس الحجاب
واتواعدنا نتشاوف بحديقة عامة واليوم الأستاذ وائل عنده اجتماع مارادني انتضر وخلاني اطلع
جنت گاعد افكر شلون ابدي الموضوع ..شوية وشفتها جاية من بعيد جانت لابسة ملابس طويلة وحجاب صح مطلعة گذلتها بس على الأقل ساترة روحها ..لوحتلي من بعيد وابتسمتلها
لبنى: من اليوم الي اخذت بي رقمه وتواصلت وياه واني اشوف نفسي جاي اتعلق بيه يوم عن يوم اكثر ويوم عن يوم يزيد حبي اله
يمكن هالشيء غريب بس نفسي جاي احبه واتعلق بي غصبآ عني ..يمكن السبب لأني شفت بيه شخص مختلف وأسلوبه حلو
اتواصلت وياه اكثر من اسبوع وهو ولا سمعني كلمة محلوة ولا قلل احترامه وياي لحضة وحدة
وكل يوم اطلب اشوفه بس هو يرفض ويتحجج بالشغل
وحتى من دزيتله صوري رفض وگلي لدزين بعد اي صورة وحذفهن ..كل تصرفاته تخليني اتعلق بيه اكثر واليوم لمن وافق نگعد سوة اخيرآ
طلب مني ألبس ملابس مستورة وحجاب يلا اجي واني وبسبب حبي اله وافقت على كل كلامه بدون ما اناقشه ..اجيت واني متأكدة راح يعترفلي بحبه اليوم ..وشكد حسيت بفرحة بداخلي
شفته من بعيد وتخربط كل كياني ياالله مداصدك اني هلكد احبه

هيثم: وصلت يمي وگالت: السلام عليكم ..مرحبا هيثم ..شلونك؟

ابتسمت وگلت: وعليكم السلام يا هلا بيج لبنى ..انه الحمدلله انتي شلونج ؟!
گالت: هسة اني تمام ..لزمت حجابها وگالت: شلونه يعني ما اعرف اني أول مرة اجربه ..شنو رايك؟ !

گلت: تفضلي ..طالعه حلوة ما شاء الله هيج هواي احلى

گالتلي: هيثم اني ماعرف شلون أكلك ..بس اني يعني صدوك تعودت عليك ..ومجاي اتخيل يمر يوم محاجيك بي ..

گلت: لبنى انه اريد أكلج شيء

ابتسمت ووردت خدودها باوعت الي وگالت: گول اني من زمان منتضرة هالشيء

گلت: انه آسف لبنى اعرف انتي ماالج ذنب ولا دخل بلي صار ..بس لازم تعرفين الحقيقية

باوعت عليه مصدومة وگالت: حقيقة شنو هيثم؟ !

هيثم: انه هو اخو مرت اخوج هنادي ..

فتحت عيونها مصدومة وگالت: اخو هنادي؟ ؟؟

نهاية البارت

عشكت جنوبية 🔞🔞

البارت الرابع عشر

للكاتبة نسرين الأسدي

متابعة ممتعة
*
*
*
*
لبنى: اخو هنادي؟ !
هيثم: اي وجيت لهنا هي عالمود اختي لأن راح اخلي اخوج يطلگها غصبآ عنه مستحيل اخليها وياه ولا دقيقة بعد هذا اليوم

لبنى: واني هيثم ..اني شنو جنت بالنسبة ألك ؟!
انته جنت تعرف اني اخته؟ !..لو هسة عرفت؟ !
فهمني فدوة هيثم ..اني شنو انته صدوك حبيتني لو جنت جزء من الخطة؟ !

هيثم: انتي سمعتي مني كلمة احبج؟ !
..لا ..انه اعترفتلج بهالشيء؟ !
..كتلج عندي مشاعر اتجاهج؟ !
لا ..
انتي الي اجيتي الي وعترفتيلي بحبج وانه ما سويتلج اي شيء
لازم تشكرين هسة لأن انه جنت اگدر أئذيج وانتقم بيج من اخوج بس ماسويتها لأن انه مو من هالنوع ولا تخافين ماعندي ولا صورة الج بالتلفون ..بس حبيت اكلج لأن ماضل شيء كلها يوم وراح اجي لبيتكم ..

بجت وگالت: بس اني حبيتك من صدوك وجنت مستعدة اغير نفسي لخاطرك انته ..اني صرت وحدة ثانية عالمودك ..شلون هيج؟ !
ليش تكذب عليه وتجرحني ..كله بسبب اختك الله ياخذها

صاح: هي انتبهي لكلماتج انه ما اسمحلج ادعين على اختي ..هنادي جانت ضحية واخوج هو المسؤول الوحيد عن كل هالشيء ليث واحد حقير وما يخاف الله ..رغم هو متأكد من برائتي راح سجني كله عالمود يضغط على اهلي وينطونه اختي
بس انه راح اندمه وعد راح اخليه يندم على الساعة الفكر بأذيتنه بيها ..وراح تشوفين
لبنى: تركني وراح ولا كأني موجودة ولا كأنه كسر گلبي ..واني الي بنيت احلام وردية بدون معرف منو هو ..شكد غبية انتي لبنى ..شلون خليت شخص مثله يكذب عليه ويلعب بمشاعري هيج؟ !
كله بسبب هنادي ..اليوم حموتج ياهنادي ..حموتج

هنادي: صار وقت الضهر وگعدت ويه خالة اسراء بالمطبخ وام وسام اجهز الغدة

گالت: حبيبتي هنودة انتي ليش تلبسين شالج گدام عمج هالشيء مو حرام

گلت: اي خالة اعرف بس متعودة مااعرف انزعه بس اذا جان البيت فارغ ..

ضحكت وگالت: هاي واحنة معدنة احد لو جان عندج حموين شحتسوين ساعتها

شوية اندفع الباب ودخلت لبنى بس مو نفس ما طلعت جانت عيونها مورمة من البجي وشكلها مبهذل
خافت امها وراحت الها بسرعة

اسراء: لج ماما لبونة انتي شصاير وياج؟ !
شنو هاي ليش شكلج هيج؟ !..
احد متعرضلج ؟ احد مأذيج ؟...لج احجي
بجت اقوه وگالت: ماما فدوة تركيني بحالي ..
وركضت لغرفتها

ما عافتها وراحت وراها عالسريع وانه هم گمت وراها رغم هي دايمآ تأذيني بالحجي بس خفت عليها وردت اتأكد ما بيها شيء

دخلت خالة وانه وراها

صاحت: ماما الله يخليج خليني لوحدي ..مالي خلك احجي اي شيء

صاحت عليها: لج لبنى احجي شصاير وياج ..اني مااتركج قبل لا تحجيلي كولشي ..لج ليكون احد لاعب عليج وماخذ شرفج واحنة مندري بشيء؟ !
والله ليذبحونج ليث وابوج ..دحجي يلا
مو شلعتي لگلبي

لبنى: ماما كافي ..كولشي مبيه ومحد متعرضلي بشيء بس خليني لوحدي

تقدمت عليها لزمتها من زندها وصاحت: لج ماتركج قبل لا تحجين كولشي

هي عافت امها وألتفتت عليه ضاجت وصاحت بعصبية: انتي السبب كولشي صارلي بسببج ..الله ياخذج ويريحني منج ..اليوم اله اقتلج ياهنادي
استغربت من حجيها وگلت: لبنى شنو صار ..انه شسويتلج ..والله ما اعرف تحجين عن شنو

صاحت امها: لج عوفينا من هنادي هسة واحجيلي انتي ...هنادي شدخلها ؟!

لبنى: لأن اخوها السبب ..اخوها هيثم ..هو موجود هنا ..ويعرف كولشي عنه ..وكذب عليه وخلاني احبه وو...
لزمتها اقوة وصاحت: وشنو لبنى ..لتسكتين كملي لا اني اقتلج بأيدي ..كملييي

بجت اقوة وضلت تناشق...گالت: هو ..راد يغتصبني

شهگنه بصدمة ..وگلت: لا مستحيل اخوي ما يسويها هيثم مو هيج ..هيثم مستحيل يسوي اي شيء حرام
انتي تجذبين عليه

ضربتها امها راشدي وصاحت: لج وتحجيها بكل برود هيج بهالسهولة ردتي تسلمين نفسج لواحد متعرفينه غير من ايام ..لج انتي شنو لبنى ..ابوج هو السبب انطاج مجال اكثر من اللازم ..بس بسيطة اصبريلي شوية ..اني حعلمج ..اليوم اربيج من جديد ..لج احنة انطيناج ثقتنه ترحين تكسريها هيج وبكل بساطة؟ "

صاحت: ماما هي السبب ..خليني اقتلها بأيدي وارتاح منها
گامت واجت عليه رادت تضربني ولزمت ايدها وگلت: اهدي لبنى ..هذا مستحيل يكون هيثم ..اخوي مو هيج انه اعرفه ..هو ما يأذي احد ..انتي غلطانة
صاحت: لج غلطانه شنو ..هو اخوج بنفسه گلي جاي بس حتى ينتقم من اخويه وبيه اني ..اخوج واحد حقير وسافل ..وراد يدمرلي حياتي

ولأن باب الغرفة جان مفتوح فجئ انصدمنه بصوت ليث وهو يگول: منو هذا الي اتعرضلج لبنى ..احجييي

خالتي ما عرفت شنو تحجي وانه حسيت روحي اتجمدت بمكاني

بس هي تقدمت عليه وگالت بدموع : ليوثي ..اني ..

ليث بعصبية: احجي بسرعة لبنى

لبنى: اخوها ..هيثم اخو هنادي ..هو موجود هنا ويريد ينتقم منك لهلسبب هو قطعلي الطريق وراد يعتدي عليه ..بس اني گدرت اشرد بمعجزة
بعدين حضنته وبجت اقوة
وگالت: جنت راح اضيع بسببه ليوثي ..اخوها راد يدمرني

حضنها هو وگال: اهدي لبنى ..والله ولي اسمه الله الا اندمه ..الا ابجيه دم ..اذا ذيج المرة طلع خلال عشرة ايام ..هالمرة حتصير عشرين سنة ..الا اخليك تتعفن بالسجن يا گو... يا ساقط ..
بس مو قبل لا اكسر اعضامة لأول

گلت انه: ليث لا تأذي هيثم ..هو مو هيج انه متأكدة هو ما يسويها ..هيثم يخاف الله وهو يعرف شرف البنية شكد غالي عدها ..اخوي مو ...
بعدها عنه واجه عليه عالسريع لزمني من شعري وصاح: اسكتي ..مريد اسمع صوتج ..بس خن احاسب اخوج وبعدين يجي دورج ..الا ما اندمه على اليوم الي صار بيه ..ميطلع اسمي ليث ..

ودفعني حيل خلاني اطيح للگاع وطلع عالسريع وعيونه صايرة بهامته

التفتت امها عليها وگالت: لج لبنى انتي شدسوين بالظبط ..تگوليلي شيء واخوج شيء ثاني ..شنو الصدوك ..لج بردي گلبي

مسحت دموعها وگالت: اريده يندم على الساعة الي فكر يأذيني بيها ويتركني واكيد ليث محيقصر بهالشيء

گمت انه وصحت: انتي وحدة جذابة وكل الي حجيتيه جذب بس حتى اخوج يأذيه ..ليش تتهمينة هيج اتهام ..حرام عليج

لزمتها امها من شعرها وگالت: لبنى اذا ما حجيتيلي الصدوك والله اني الي حندمج

گالت: تركيني ماما ..ححجيلج ..

گالت: يلا اني اسمع

گعدت وگالت: اني حبيته وهو محبني وگال كل تقربه مني بس حتى ينتقم من ليث لأن سجنه ضلم واخذ هنادي بهاي الطريقة ..بس مگدر يسويلي او يأذيني بشيء واعترفلي هو اخو هنادي وابتعد
و اني مگدرت اتخطئ هالشيء لأن كسر گلبي وجرح كرامتي لهلسبب حبيت ياخذلي ليث بثاري منه وماكو غير هالطريقة
انصدمت امها وضلت تضربها وتگول: لج انتي مو بنتي الي ربيتها ..انتي وحدة متستحي ..لج تتهمينه هيج اتهام بس لأن حجالج الصدوك ومستقلج ..لج انتي شنو من بشر ..ممصدكة انتي بنتي ..وهسة اخوج حيقتله ويدخل السجن بسبب كذبة واحتى لو مقتله حيسجنه وهو بريئ
گومي ..اتصلي بليث بسرعة وگوليله كولشي كذب يلا ..

ليث: رجعت اليوم واني ناوي نطلع باجر للبصرة حتى اخلي هنادي تشوف اهلها اكيد مشتاقتلهم ..بس انصدمت بلي سمعته ..لبنى تحجي عن شخص حاول يعتدي عليها ..والي صدمني اكثر هو هيثم ..انجنيت ممصدك هو عندة جرئه يجي ويحاول يأذي اختي
والله الا اندمك يا هيثم

رحت دورت بكل مكان توقعته بس مجان موجود شلون غلطت هاي الغلطة ومسألتها عن العنوان بس الي سمعته مخله عقل براسي
وين تروح عني يا ليث حلگاك وساعتها محيخلصك مني احد

صار نص الليل وملگيت شيء عنه رجعت للبيت واني اعصابي تلفانة
دخلت لگيت ماما وبابا بالصالة بس لبنى وهنادي لا

گلت: مساء الخير
بابا: مساء النور ابني وين جنت؟ ..تأخرت بالرجعة اليوم ..يعني بس لا رجعت لسوالفك المكسرة اعتقدت زواجك عقلك

گعدت وگلت: لا تخاف بابا مجنت بالنوادي اني جنت اريد...
خزرتني ماما وأشرت براسها بلا ..عرفت همه ما گايلين لبابا اي شيء وهالموضوع عصبني اكثر وگلت: جنت طالع ويه مروان ..وهسة تصبحون على خير لأن اني تعبان

گالوا: وانته من أهل الخير

وگفت عالدرج وگلت: ماما لبنى نايمة لو گاعدة لأن اني جايبلها هدية

ماما: مدري حبيبي بس هي تعبانة اليوم ويمكن نامت

طلعت وسمعت بابا يگللها: اسراء شديصير اشو ليث مو على بعضه اليوم؟ !
ولبنى من رجعت لحد الأن مشفتها ليش؟ !
صاير شيء واني ما اعرف؟ !

گالت: لا حبيبي كولشي مصاير بس لبنى اليوم تعبانة شوية ..تعرف مشكلة راس الشهر

هزلها براسه بس بداخله ممقتنع
هنادي: بعد ماعرفت جذبت لبنى تمنيت اعاركها واندمها على اتهامها لهيثم بس امها ماقصرت وياها من يوم الي دخلت بيه بيتهم أول مرة اشوفها تضربها وهيج تعصب منها
ومن ما رضت تتصل بليث طيحتلها حظها وانطتها فرصة لحد باجر اذا ما گالت الصدك راح تگل لأبوها عنها
وطلبت مني ما احجي ولا اخلي ليث يعرف لازم يعرف منها هي..بس ما أگدر ..لازم احجي لأن الله يعلم ليث شراح يسوي بهيثم ..أكيد راح يأذي وبسبب شنو جذبة؟ !

وية ما انه جاي افكر سمعت صوته وهو يدگ الباب على لبنى فتحت الباب شوية وردت اسمع شراح يگول ياربي كون هيثم بخير ومامسويله شيء لأن ماراح اتحمل يصيرله شيء من وراي

ما قبلت لبنى تفتحه ولا جاوبته بشيء سمعت صوت عمو يگله: اتركها بابا لبونة تعبانة اليوم ..باجر احجي وياها
عصب ليث بس مبين الهم هالشيء وبعد وتقدم عالغرفة انه ركضت بسرعة سديت الباب وگعدت عالجرباية

دفع الباب حيل رجف گلبي قفله واتقدم وگال: تعاي هنادي ..
بلعت ريگي خايفة وگمت وانه ارجف من داخلي گلت: ها
صاح صوت كمزني: وجعا ..انتي جنتي تعرفين بأخوج هنا وما گتيلي شلووون؟ ؟..ومن يمته؟ ! احجي ..ولا تضمين اي شيء ..مفهوووم

گلت: انه كلشي ما اعرف والله اصلآ ما دريت بيه موجود الا لمن گالت لبنى...

لزمني من شعري وسحبني اله وگال: لعد شلوون ؟! فهميني
لزمت ايده وگلت: ليث انته شبيك انه اصلآ تلفون ما عندي شلون راح اتواصل وياه واعرف هو هنا؟ !
ولو اعرف جان حبيت اشوفه واطمن عليه واسأل عن اهلي
جرني اقوة وصحت ..گال: لج بأحلامج هو حيدخل هالبيت لأن حكسر رجليه قبلها ..شلون يتجرئ ويتعدى على اختي
ودفعني عنه حيل
وكفت وصحت: اخوي بريئ وما مسوي اي شيء انته ضلمته بالأول وسجنته وتعرف هو مو حرامي وهسة تريد تعيدها واختك جذابة ..هي جذبت عليك واتهمت اخوي بشيء مستحيل يفكر بيه اصلآ لأن هيـ....

ماكملت كلامي بسبب الراشدي الي صفرلي ذاني وطيحني بالگاع
وصاح: اسكتي مريد اسمع منج ولا كلمة.. لج انتي شلون تتجرئين تتهمين اختي وتگولين عنها كذابة
وهذا اخوج الكو... الا ابجيه على زمانه واخليه يمشي ويتلفت من گد الخوف
بس خل يطلع الصبح واحصل عنوانه ..واذا سمعتج حجيتي بأخوج لو دافعتي عنه متلومين الا روحج وحتشوفي

عافني وراح خذه ملابسه ودخل للحمام
خليت ايدي على خدي وبجيت بحرگة وانه ادعي بگلبي ليث ما يلگه هيثم ولا يشوفه لأن مبين ناويله على شيء كلش جبير ..الله لا يوفقج لبنى ليش هيج جذبتي مثل هالجذبة عليه ..وهو ما مأذيج بشيء ..حسبي الله ونعم الوكيل بيج يا حقيرة

شوية وطلع هو لابس تراك رياضي
باوع الي وانه خليت عيوني بالگاع وبجيت اقوة عافني هو وطلع
ضليت بمكاني خايفة واندعي ما ادري شنو راح يصير باجر وهيثم شراح يصيرله
وما حسيت على روحي من خذتني النومة ونمت بدون فراش ولا اي شيء

ليث: جانت اصعب ليلة عليه من جهة هيثم الي معرفت مكانة ومن جهة اختي الي خايف ليكون ما گايلتلي كولشي وبعد عدها كلام؟
والي محيرني اكثر ماما ليش متريد بابا يعرف ..
معرفت شنو المغزى من هالشيء؟ !
وهنادي ضوجتني اكثر من ادافع لأخوها وتگول لبنى وحدة كذابة ..مصدك هالشيء لأن اني اعرف لبنى وهي متسويها
طلعت من الغرفة حتى مطلع اعصابي عليها شربت شكم جكارة ورجعت جانت الساعة ب2 لگيت الضوة مشتعل وهي نايمة عالأرض بدون لا غطى ولا مخده

حاولت ما اهتم ورحت گعدت وباوع الها مجان لازم اضربها ..بس هي استفزتني
مگدرت ارتاح رحت الها شلتها وخليتها يمي على الفراش
مسحت على خدها وبسته : اني اسف هنودة ..بس انتي عصبتيني ..يلا بعد متنعاد
حظنتها ونمت
هنادي : گعدت الصبح لگيت روحي عالجرباية وابحدي ..اتذكرت البارحة انه نمت بالگاع شلون اجيت هنا؟ !..معقولة گعدت تالي الليل ونمت هنا؟
اتذكرت تهديد ليث البارحة وخفت
كمت عالسريع دخلت الحمام غسلت وغيرت ملابسي ونزلت بسرعة وانه اندعي لهيثم
ولگيتهم گاعدين عالريوگ كلهم حتى لبنى صح مبين وجها مصفر وعيونها مورمة بس الواضح ما تريد عمو يحس على شيء

اجيت وگلت: صباح الخير

ردوا عليه عمو وخالة وليث ولبنى جنهم ما سمعوني
گعدت يم ليث وانه خايفة وبالي مشوش حتى الأكل ما اشتهي وهمة ياگلون بسكتة ولا جنه صاير شيء

گال عمو: عمو هنادي ليش مجاي تاكلين؟ !

گلت: هاا..لا عمو ..جاي أكل..بس شوية مجاي اشتهي

هو باوع على خالة وابتسم

وهي ابتسمتله وگالت: اي ليش لا حبيبي ..ياريت

رفع ليث تك حاجب وأشرلهم بمعنى شنو

ضحك عمو وگال: اي ليوثي هيج وتجيبلنه ننو صغير يملي علينا البيت ..هالشيء صدوك حلم يتحقق

هو شرگ بالعصير وگال: شنووو
عمو: شنو هو الشنو ليث اي غير نريد نشوف جهالك ليمته بعد؟ !

گال: بعد وقت بابا مو وقته هالكلام

خالة: لا ابني ليش هيج تگول شمنتضرين لعد ليوثي راح يصرلكم اكثر من ستة اشهر

گال: تركوا هالموضوع هسة ..لبنى بعد الريوگ اريد احجي وياج مفهووم

أشرت هي براسها وما گالت شيء

شوية وندك الباب

راحت ام وسام فتحته ..شوية ودخلت وهي تگول: استاذ سامر ..اكو ولد شاب بالباب ووياه اربعة من الشرطة رايدين الأستاذ ليث

انصدمنه كلنا وگاموا عمو وليث عالسريع واحنة وگفنا وراهم وحسيت بگلبي راد يوگف من شفت اخوي هيثم ...

نهاية البارت

عشكت جنوبية 🔞🔞🔞

البارت الخامس عشر

للكاتبة نسرين الأسدي

متابعة ممتعه 😍😍

*
*
*
*

هنادي :شفته هيثم وانصدمت بيه .. تالي وصلت شكد مشتاقتلك خوية ما حسيت الا عيوني دمعن من الفرحة

تقدم عليه ليث وصاح :هيثممم ما تتصور شكد فرحت بشوفتك لك اني جنت ادور عليك وهسة انته اجيتلي برجلك ...يا اهلا وسهلا بيك ...لك انته تتعرض لختي كو... ساقط
وهاجمه وضربة بوكس على وجها

شهكت بخوف وصحت : هيثم ...

خله ايده على خده وهجم عليه وضلوا يتعاركون ركض عمو ولزم ليث واتدخلت الشرطة ورفعوا سلاحهم
كاموا وهمة واحد مدمي الثاني

صاح ليث :أتركني عليه بابا هذا الكلب لازم يتأدب اني حالف الا اكسرله عضامه

صاح هيثم :ولك انته هم الك عين وتحجي لو تعرف اختك شسوت جان ما حجيت هيج

ألتفت عمو اله وللبنى وكال :انته شجاي تكول؟!..شديصير هنا ؟!

هيثم :راح تعرف كلشي بعدين عمي ..بس انه هنا مو علمود هالموضوع عندي اهم منه ...
ألتفت لليث وكال :
انه هنا حتى اخذ أختي منك وهاي فلوسك الي اتهمتني بيهن ..وانته حتى مهر ما نطيتها بحجة الفلوس عدنه بس هذا كله مو مهم ..المهم اخلص أختي منك

ضحك ليث وكال : ومتأكد من نفسك ..حلوو..لا حبيبي هاي اختك زوجتي على سنة الله ورسوله واني عاقد عليها بالمحكمة ومستحيل اسمحلها تروح وياك ولا حتى بحلامك

عدل هيثم قميصه وكال:انته اصلا ماراح تكدر تمنعني لأن راح تروح وياهم
فتح الشرطي الورقة وكال: انته مطلوب و هاي ورقة الأمر حتى نقبض عليك

وكف عمو متعجب وكال : حضرتك بس فهمني شنو الي مسوي ابني لحتى ينسجن ممكن افتهم الموضوع ؟

الشرطي: ابنك متهم بتمويل المخدرات وتسهيل تسويقها واحنة عدنه كل الأدله على هالشيء وهسة يلا ما عدنه وقت اتحرك ويانه

لطمت خالة على خدودها وعمو ما صدك ضل صافن شهكت انه وخليت ايدي على حلكي ما جاي اصدك مخدرات؟! كلشي توقعت منه الا هالشيء

ألتفتله ابوه ولزمه من قميصه وصاح:ليييث لك صدوك هالشيء ؟..احجي ..مخدرات يا ليث ..اني هيج تسوي بيه تالي عمري ..لك شلوون...وانته شمحتاج حتى تشتغل بيها ؟؟
لك جاوبني ؟!

ليث :لتصدكهم بابا كولشي ماكو ..مجرد سوء تفاهم واني حروح وياهم انحل الموضوع وارجع لتخاف اني ممسوي شيء

الشرطة :يلا اتحرك احنه معدنه النهار بطوله الك
كال :بابا اني مراح اتأخر بس انتم بالكم تخلونه ياخذ هنادي وياه ..لأن اذا سواها والله والي اسمه الله اراويه شيء عمره كله مشايفة
ألتفتلي بعصبية وعيونه حمر كال : وانتي اذا خطت رجلك باب البيت ما تلومين الا نفسج ..مفهوووم ..اني راجع

هو طلع ويه الشرطة وأمه كعدت بالأرض وضلت ادك على وجها
اجه عمو ولزمها من ايدها كومها وكال : اهدي اسراء هو كال ممسوي شيء وحيرجع واني محسكت وهسة الحكه واتأكد من كولشي

لبنى بقت بمكانها حاطة ايدها على حلكها وتبجي

وانه تركت كلشي وركضت لهيثم حضنته حيييل وابجي شكد مشتاقتله ياربي
حضني هو وضل يمسح على ضهري ويكول:لا تبجين حبيبتي ..لا تبجين يبعد اخوج انه هسة هنة وياج وما راح ارجع بلياج
رفع وجهي يمسح دموعي وكال :يلا حبيبتي جيبي غراضج وخن نمشي

هزيتله براسي وركضت للدرج صاح عمو :هنادي
شفت بعيونه حزن وخالة بس تبجي ما سكتت دقيقة ولبنى تباوع الي بحقد
نزل دموعي ما كدرت اشوف العتب الي بعيونهم كملت صعدتي وخليت بس ملابسي الي جبتهن وياي ما خذيت من الي اشتراهن ولا اي شيء
طلعت عبايتي لبستها وانتبهت لديه نزعت المحبس والحلقة وسحبت التراجي من ذاني
ماريده يكول خذيت شيء منه وراح اطلع من البيت مثل ما دخلتله أول مرة

نزلت بسرعة ورحت يم هيثم

كالت خالة وعيونها مغوركة بالدموع :هاي هيه هنادي هيج جنتي انتي متضايقة منه وتتمنين تخلصين من عدنه
لويش احنة قصرنا وياج بشيء ..ضغطنا عليج بشيء
ليث محبج واهتم بيج ؟!

نزلت راسي وبجيت..خله هيثم ايده على ضهري وكال :هنودة يلا

كال عمو :احنة ندري طريقة زواج ليث منج غلط ومو صحيحة ..بس الي اني وانتي وكل احنة متأكدين منه ليث يحبج وهذا السبب الي خلاه ميفرط بيج وحتى لو جان يبين غير هالشيء ..بس انتي تعنيله هواي
واذا جنتي ممقتنعه أو ممهتمة بهالحجي مثل متردين الله وياج

خذه هيثم الجنطة وطلع وانه باوعت الهم صح جانو كلش زينين وياي بس انه ما اكدر اضل ويه ليث لازم ارجع لهلي

مسحت دموعي وطلعت ورا
ركبنا بسيارة تفاجأت هيثم منيله حتى يشتريها بس كلي سيارة أستاذ وائل وسمحله نرجع بيها للبصرة جنت اباوع للشوارع وانه ابتعد عن البيت
جانت دموعي تنزل وما توكف ما عرفت شنو السبب نص مني فرحانة لأن راح ارجع لهلي
ونص ثاني ما اعرف شنو خايفة لو ضايجة بس من راح اوصل لهلي اكيد راح ارتاح

جان هيثم يحجيلي عن كلشي صار بذيج الأشهر وشلون الله رزقهم وحالتهم صارت زينة وشكد مشتاقيلي امي وابوي وفهد والبنات
وانه فرحت ونسيت على شنو جنت ضايجة اصلآ
بس بنص الطريق حسيت بدوخة ولعبت نفسي
انتبهلي هيثم ووكف السيارة

فتحلي الجام وكال :شبيج هنودة ..

كلت بتعب : ما ادري دايخة ولعبانة نفسي

نزل وكال :يمكن جا ما ماكله شيء وسيارة صار هيج بيج راح اجيبلج اكل وماي

أشرتله بأي ونزل هو بسرعة راح لمطعم بنهاية الطريق
جابلي ماي وعصاير ولفات فلافل وهمبركر وكباب
كال :نوعتهن الج خاف مشتهية وحدة منهن
كلت : شكرآ خوية حبيبي
كال بالعافيه هنودتي...يلا اكلي لا تضلين جوعانة

خذيت الهمبركر لأن ماحب الكباب بس دنيتها على حلكي وشميت ريحتها وهي كلبت نفسي كلاب
فتحت الباب وركضت اتقيئت حسيت روحي تريد تطلع أول مرة تصير وياي

اجه هيثم وراي بسرعة وكال : سلامات هنودة شبيج
جاب الماي وغسلي وجهي
كلت :لا تخاف خوية يمكن اليوم معدتي تعبانة شوية
صبلي الماي غسلت وكملت ورجعنه للسيارة

**

وصل سامر للمركز وسأل عن ليث كالوا هو بغرفة التحقيق هسة ومراح يكدر يشوفه
كعد وانتضره وهو يندعي كون هالشيء يطلع جذب

شوية ووصل مروان لأن هو اتصل بيه

مروان : السلام عليكم..ها عمو بشر
سامر :وعليكم السلام..بعده بالتحقيق ..مروان انته اقرب اصدقائه كولي هم شكيت بيوم من الأيام هو عنده ولو شيء بسيط يثبت هو متورط بهيج بلاوي ؟

مروان : لا عمو ولا مرة شفت عنه شيء يثبت عنده علاقة بهالأمور دايمآ اشوفه بمكتبه وحتى ميطلع منه الا بالأوقات الضرورية

خله ايده على رأسه وكال :لعد شلون صار هيج و شنو هي الأدلة الي عد الشرطة ضده ؟

كعد مروان يمه خله ايده على جتفه وكال :لا تخاف عمو كال يا الله ان شاء الله يحلون الغلط ويطلع ليث منها لأن هو معنده هيج شيء

رفع ايديه للسمه وكال :يارب..يارب

ليث : دخلت عالضابط حتى يحقق وياي أول ما دخلت كلي اكعد كدامي واني كل أفكاري يم هنادي بس لا تروح ويه هيثم وكل كلامي تشمره ورا ضهرها؟ بس مراح اسكتلها هي واخوها ..الا اربيهم من جديد

كعدت لزم الفايل وضل يكلب بيه جان يضربه عالميز ويعيط:لك شنو هاي كل هالشغل والثروة ما شاء الله ومشابعتك جاي عالمخدرات الي بيها أذية وخساير بأرواح الشباب ؟!
انته شنو من بشر فهمني؟!
كتله: سيادة الضابط اني ما الي اي علاقة بهالتجارة ومثل مكلت انته اني عندي خير ونعمة ميحتاج اشتغل هيج شغله

صاح :لك انته جاي تستهزئ بيه شنو اني زعطوط كدامك ؟!
لعد هاي الأوراق والأدلة شنو منين اجت وكلها بيها توقيعك انته ؟! تعترف لو ادزك لغرفة التعذيب حتى تغرد براحة ؟!

تنهدت وكلت: حضرتك بس اسمعني اني مالي اي دخل بهالمخدرات هاي ؟
وحنطيك اسم الي لعب عليه هالعبة هاي وورطني لأن رفضت هو راد يوكعني بيها ..

الضابط :اني اسمع..بس خليها بعلمك انته حتنسجن على ذمة التحقيق لحدما نتأكد من كلامك وهالفترة احتمال أطول حتى شهر

ضجت هواي لا مستحيل اضل كل هالمدة لازم اطلع واتأكد وياريت هي بعدها بالبيت ساعتها حخليها تعيش مثل الملكات بس يا ويلها لو عايفتني..محيخلصها مني أحد

الضابط :يلا احجي

ليث :....
هنادي : وصلت للبيت ونزل هيثم فتحلي الباب وشال جنطتي
بس اجت عيني على الحديقة كبرانة وزارع بابا بيها شغلات جديدة بس شفتها وشفت الباب دمعت عيوني وضحكت بفرحة ممصدكة رجعت الهم أكثر من نص سنة انا ما شايفتهم
ركضت قبل هيثم وكفت بالباب دكيته وكلبي دكاته صارت سريعة من الفرحة اضحك وابجي فتح بابا الباب ومن شافني ما صدك كال بفرح :هنودة
ذبيت روحي بحضنه وحضنته حيل وانا ابجي وهو يمسح على راسي وبجى وياي وهو يكول :اه يا هنودة شكد مشتاقلج يابنيتي

اجن امي والبنات على الصوت شافني وهنة ركضن الي بسرعة
ضلينا بالربع ساعة احنة بس نبجي وفرحانين حسيت روحي توها يلا رجعت ..حسيت هسة تنفست براحة وكل شيء شفته راح

ورا ما كعدنا وارتاحيت شوية باوعلي امي وابوي وكالوا: هنودة شبيه وجهج هيج مصوفر احجي بس لا أذاج لو ضربج ذاك الحقير

رادت احجي
وكال هيثم : هي جانت زينة بس بالطريق لعبت روحها وضلت تتقيئ هذا هو السبب

كال بابا :يمكن تعبت من الطريق الحمد لله اذا هيج

بس امي ضلت تباوع عليه نضرات غريبة وكالت: اي الحمد لله

تمددت وخليت راسي بحضنها وكلت :مشتاقة انام بحضنج واشم ريحتج
باستني براسي وكالت :حضني كله الج حبيبتي

تقدمن حياة وليلى عليه وكالن: هنودة هذا التراك كلش حلو عندج مثله

ألتفتت عليهن وكلت :لا آسفة بس اني مجبت شيء منه جبت بس ملابسي القديمة واجيت

باوعلي وفتحهن عيونهن عليه

استغربت نضراتهن وكلتلهن :هاي شبيجن تباوعن عليه هيج ؟!

كالن: هنادي حجيج مختلف وضحكن
ضربتهن ماما على كيف وكالت : بسجن ولجن يلا روحي يوم شيء لأختجن خل تاكل ما سمعتن هيثم كال ما ماكله شيء

كامن بسرعة وكالن :صار احلى طبخة لهنودة شنو مشتهية ؟

صفنت شوية وكلت :مشتهية دولمة حلوة

باوعن الي وضحكن وامي ضلت صافنة عليه

كعدت من حضنها وكلت :شنووو..غير انتن سألتني شمشتهية؟!

حياة :اي حبيبتي بس انتي ما تحبين الدولمة الحلوة مو تكولين تلعب روحي منها

ليلى :ما مصدكة هاي أختي هنادي الي تحب الحامض وبس

صاحت ماما:كافي يلا روحن جهزن الدولمة الها

كالن :بس ماما غير نعرف شنو غيير اختنه؟

كالت:ليلى ..حياة

هنة راحن وهي لزمتني و كالت : يمة هنودة انتي حامل شنو ؟!
استغربت وباوعت عليها كلت : لا ماما

كالت :يعني حللتي ؟!..زين من يمته ما اجتلج الدورة ؟

كلت :لا ما حللت..بس ما حاسبة من يمته يمكن شهر لو أكثر

كالت :معناتها لازم نروح للدكتورة ونحلل باجر جهزي روحج

كلت :لا ماما اني مو حامل ..قصدي يمكن هيج معدتي اذتني بالسيارة واشتهيت الحلا مو معناها حامل

لزمت جفي وكالت :حبيبتي كولي يا الله شكو بيها اذا حامل بالعكس الأطفال همة حلات الدنيا

كلت : والطلاك ماما ؟!

رادت تحجي واندك الباب ...

ركضت حياة فتحته .....

نهاية البارت

عشكت جنوبية 🔞🔞🔞

البارت السادس عشر

للكاتبة نسرين الأسدي

متابعة ممتعة 😘

*
*
*
*
هنادي : فتحت حياة الباب ودخل فهد وكال : شنو نايمين صارلي ساعة ادك بالباب وين جنتم ؟!

ضحكت وكالت : اهدى خوية شدعوة عليك جنة بالمطبخ جاي نسوي دولمة حلوة لهنودة

هو فتح عيونه ممصدك وكال : شنووو ..هنادي؟!
انتي شجاي تكولين حياة ..وبعدين من شوكت هنادي تحب الدولمة الحلوة ؟!..شلج بهالجذبة ترا انه مالي خلك شقة لأن تعبان

كمت انه ورحتله وكفت كباله وكلت : لا فهودي هي مجاي تشاقة ..الله يساعدك خوية

هو ضحك واجه عليه بسرعة حضني ويكول : هنودة حبيبتي ما اصدك انتي رجعتي شكد اشتاقيتلج
كتله : وانه أكثر حبيبي
بعدها كعدنه وضلوا يتشاقون ..كالت ليلى : هنادي ما دريتي؟!
باوعتلها مستغربة وكلت : شنو هو ؟!
ضحكت وكالت : جا غير اخوج فهودي عايش قصة حب من ورانه
ضحكت وكلت : عود صدوك
هو ضربها على رأسها وكال : أنجبي ولج..لا تصدكينها هنودة ترى هي جذابة
حياة : شنو جذابة ..مو احنة شفناها بعيونة ذاك اليوم تمرض بيها هو وما راح للمدرسة اجت دكت الباب وكالت : هذا بيت فهد الحارس؟!
احنة تعجبنة منها
وتالي طلعت وحدة من الطالبات متعودة عليه ولأن ما شافته اجت تتأكد منه

ضحكت انه قوي

وهو ضل يضربهن ويكول : اسكتن جذابات شكو بيها اذا سألت عني وحدة ..سكتن

بعدها اجوا بابا وهيثم وضلينه نسولف لوقت طويل لحد ما حسيت بتعب ورحت حتى اتمدد شوية اجن حياة وليلى وراي
ويه ما فرشت فراشي مو دنكت ونزلت المدالية كدام عيوني
كعدت ولزمتها بيدي باوعت الها ..هاي شلون نسيتها وما خليتها هناك ..

هنة اجن كعدن يمي وشافنها بيدي
حياة : هنودة هاي ذهب ؟!

ليلى : ولج شوفي شنو مكتوب بيها

كلت انه : شنو ؟!

ضحكن وكالن : هذني أول حرفين من اسمج انتي وياه
شكد رومانسي رجلج

ابتسمت وكلت : بنات تعالن فتحنها انه لازم اضمها وبس اشوفلي فرصة ارجعها اله ..لأن ماريد منه شيء

حياة : ولج خايبة هاي انتي شبيج ..عوفيها عندج هو غني وعنده هواي فلوس ما يحتاجها

ليلى : اي والله حجيها صدك ..بله خل افتحها الج

نزلت راسي واجت هي حتى تفتحها شوية وضحكت

كلت مستغربة : شبيج تضحكين ؟!

انطتني المدالية وكالت : هنودة شنو هاي بركبتج؟

رفعت حاجبي وكلت : شنووو؟
اجت حياة وكالت : بله خن اشوف ...ميلت شعري وضحكت

صحت عليهن : هاي شبيجن ؟!..فهمني ...اكو واحد يضحك بلا سبب ؟

كالن : ومنو كلج احنة جاي نضحك بلا سبب

راحت حياة جابتلي امراية واجت خلتها كدامي وكالت :شوفي بعيونج

خذيتها منها وباوعت صفح ..ولكيت علامات على ركبتي ..حسيت بوجهي صار احمر واستحيت كلش هاي من يمته وشلون ما انتبهتلها...بلا شافوها امي لو ابوي لو واحد من خواني..نعله عليك ليث ..حرجتني

صحت عليهن : يلا كافيجن ضحك ..كومن طلعن اريد انام...انتن صدوك ما تستحن...مو عيب عليجن ..يلا روحن لا اكل لأمي عليجن

هنة ضحكن وكالن : لا ..عفية الا امي ...رايحات



ليث : بسبب هيثم الكو... اني ضليت بالسجن ١٥ يوم على ما وصلوا للشخص الي ورطني بهاي الشغلة واستغلني خلاني اصير شريك اله بدون ما اعرف جان يرويني شيء ويخليني اوقع على غيره
واعترف جنت واحد غبي وما دققت لمن وكعت بيها صح النذل سجني بس لازم اشكره لو ما هو جان بعدني ما اعرف حقيقة شغل الكو... الثاني
ونص الشهر الثاني اني احاول اخلص قضية السجن والشغل وسمعة الشركة وهسة صارلي شهر اني مشايفها
ولا اعرف اخبارها بس دزيت مروان يتشمملي اخبارهم
ولبنى من عرف ابوي بالموضوع لحد الأن وهو معاقبها لا تطلع وحدها ولا تمشي ويه وحدة غير قرايبنه حتى صديقاتها منعها منهن
وماما بس طلعت من السجن حجت النا كولشي وعرفنه كل كلام لبنى جان كذب
واني مقصرت وياها أول مرة امد ايدي عليها بس تستاهل وبابا معترض لأن كل الصار بسببها هي
وهنادي جايج الدور ..لج اني هيج تسوين بيه ؟!
وتطلعين من البيت واني مانعج؟
بسيطة يا هنودة الا مااندمج ميطلع اسمي ليث
بس خن الزمج وكولشي سهل



هنادي : مر شهر من رجعت لأهلي ورحت حللت طلعت حامل بالشهر الثاني وهسة دخلت بالثالث جنت اتوقع ابوي وامي راح يكولون انذب الطفل حتى يسهل علينا الطلاك
بس همة كالوا لازم يضل حرام انموته وهو ماله ذنب وهيثم احتار بين الأثنين بين راضي وبين لا بس فهد الوحيد الي كللهم خن نذبه وهمة ما قبلوا

انه جنت احس روحي مرتاحة وليث من شفته اتأخر أمنت شوية وكلت يمكن هو راح يطلك بدون مشاكل
بس مرات من اشوف المدالية اذكره واحس بشيء بداخلي ما اعرف شنو هو بالضبط ..معقولة انه جاي اشتاقله؟!
لا اكيد لا ..

جنت كاعدة بالحديقة اشم شوية هوا وسمعت صوت امي

كمت وردت ادخل للبيت باوعت لبطني كبرانة شوية ابتسمت ..هذا أحساس الأمومة طلع كلش حلو انه من هسة حاسة روحي احبه واكيد من ينولد راح احبه أكثر
ويه ما ردت ادخل حسيت بواحد واكف وراي
ألتفتت بسرعة وشفت الشارع فارغ
كلت يمكن جاي اتخيل ..اتجاهلت السالفة ودخلت
ليث : كعدت ادخن واشرب اني تركت الشرب من زمان بس هي خلتني ارجعله
حاس راسي يريد ينفجر مجاي ارتاح لازم اخلي هنادي وهيثم يندمون ..لازم اخليها تتمنى لو مراجعة لهلها ولا شايفتهم

شوية ودك الموبايل..شفته مروان

ليث : اي كلي

مروان : ليوثي..انته شوكت تجي اني حفضتلك كولشي طلعاتهم ورداتهم وحتى شوكت ينامون وشوكت يكعدون
وتنصت على كلامهم امس سمعت حيطلعون للمحكمة ويرفعون قضية طلاك

كمت عالسريع وشمرت الكلاص كل قوتي صار طشار وعطت: شنووو ..لك هذول صدوك زودوها
ابقى بمكانك مروان اني هسة طالع وجايلك بعد مراح انتضر أكثر وانعل ابو كولشي هنا
لك اني تريد تطلك مني ..بسيطة ..الا أئدبج يا هنادي وين ترحين عني ..جايج

**
هنادي : خلصنا الغدة والبنات خذن المواعين حتى يغسلنهن ردت اكوم وياهن بس ما قبلن

كالت امي : عوفيهن حبيبتي على الأقل يسولهن شيء بالعطلة
كل ايام المدرسة حتى ورقة ميشيلن من الكاع وكلت متعباتني
ضحك فهد وكال : مدام هيج وانتي تعبانة من شغل البيت زوجي هيثم وخل مرته تساعدج
هيثم جنه الحجي معجبة ابتسم وكال : ازوج انته انه بعدني هسة ..بس انته الي مستعجل عالزواج كله من ورا الطالبات الي تشوفهن يوميه

ضحك بابا وكال : هيثم ليش هيج تحجي عنه ترا هو خوش وليد وعيونه ما يشيلهن من الكاع

باوعله فهد وكال : هيج بابا توكف وياه ضدي وانه حسبالي راح ادافعلي ؟

كالت امي : شلون يدافعلك واحنة كل سوالفك عدنه يا فهودي

ضلينا كلنا نضحك عليه واجن البنات وشاركنه ..
احسهم متغيرين شوية ..بس فديتهم الضحكة وياهم الها طعم ثاني

ليلى : اكول شنو راح نسمي الطفل من يجي ؟!

حياة : ما نريدة مثل اسامينه مو حلوات

ماما : وشبيهن اساميجن؟!.. هيثم ابوج اختاره وفهد انه

ليلى : واحنة منو سمانه ؟!

بابا : هنادي اثنيناتنا اتفقنه عليه لأن على اسم خالتكم الصغيرة الله يرحمها وانه وامكم جنه كلش نحبها
هيثم : شلون ماتت بابا ؟!

شفت ابوي مثل تلعثم بالحجي وكال : سالفة طويلة ابني عوفها هسة ورجعوا على الأسماء

كالت حياة : زين واحنا بابا ؟!

كال : انتي امج وليلى انه

باوعنه واحد الثاني شكد تمنينا بابا يكمل وذكرنا خوالنه ..بس مبين ضاج هو وماما لهلسبب سكتنه ورجعنه لموضوع الأسماء

ليلى : انه اختارلج اذا ولد زين واذا بنوته لمار

ضربتها حياة وكالت : ويع مو حلوات اذا بنوتة قبس واذا ولد كيان

صاح هيثم : بلا ما تسكتن انتن شنو تعرفن من الأسماء حتى تختارن ؟!

كال فهد : انه أقترح نسميه البنوتة زهراء حتى تطلع تشبه زهورة شكد حلوة تموت

ضربه بابا على رأسه بسرعة وكال : لك شنو هاي انته صاير قليل أدب..تباوع لبنات العالم ما تستحي ؟!
فهد وهو يفرك برأسه: هاي ليش بابا انه شسويت غير حجيت الصدك...وبعدين هي البنية كلشي ما طالع منها محجبة ومستورة بس ملامح وجه مبينة حلوة

هيثم : مو كتلك هالشغلة راح تخربله اخلاقه يا بابا بس انته ما صدكتني ..شوف هسة بعينك

ويه مجاي نحجي وجان تندك الباب ..الكل استغربوا ما
متوقعين جية أحد ولا مواعدين

كام فهد وكال : انه افتحه

فتحه وطلع ليث بوجه جكارته بحلكه وشكله غريب عيونه حمر وقميصه ما مرتب وما لابس سترته ومخلي ايديه بجيوبه

احنه كمنه كل احنة مصدومين بشوفته وركضن حياة وليلى للغرفة وضلن يباوعن من بعيد

باوع هو الي طلع الجكارة وابتسم وكال : شلونج يا هنودتي مشتاقيتيلي..متعرفين شكد اني مشتاقلج

نضرة عيونه خوفتني رجعت ليورا

وهو ابتسم أكثر ونفث الدخان دفع الباب ودخل
ليث :
لمن كلي مروان ان اهمه يردون يروحون للمحكمة علمود الطلاق أنجنيت دخلت للحمام بسرعة حتى اصحصح لبست ملابسي شلون مكان
اخذت سيارتي ورحت للبصرة ، رغم اشتياقي الها بس بدي الزمها واعاقبها على طلعتها بسيطة يا هنادي..

وصلت للبصرة ولبيتهم وفتحو الباب والتقت عيوني بعيونها نسيت كولشي غضبي تلاشه ، تمنيت هسه اروح واحضنها لصدري ، كولش متغيره بس اتذكرت مثل أول مره شفتها بيها اوف يا هنادي ممصدك انج خليتيني هيج احبج ، جنت صافن بيها وفزيت على صوت اخوانها

هيثم : انته كلمك شجابك هنا
فهد : لك انت صدك واحد متستحي

كلتلهم: اني ماعندي كلام وياكم كلامي وي ابوكم

كال ابوهم : هيثم فهد سكتو ، تعال عمو تفضل

كلت :السلام عليكم ودخلت .. ألتفتله وهي تباوعلي بأنضاره خايفة
كتلها : شلونج حبيبتي هنادي مشتاقيتيلي ؟ شهر هواي

دنكت هيه ومحجت شئ
ألتفتلي ابوها وكال : تفضل عمو كول شرايد
كلتله بدون مقدمات : زوجتي اجيت ارجعها الي ابنك اخذها بدون مياخذ اذني! برائيك هذا التصرف صحيح ؟
كال هيثم : لأنك واحد متستاهلها واختي ما تريد تعيش وياك وانته لازم طلكها
ألتفت لابوها : يعجبك هلكلام عمو ؟
فهد : اعتقد ماحاجة تسئل هلكلام لأن كلنه متفقين على هلشئ

ألتفتلي ابو وكال :هلشي راجع الها اذا رادت تطلك ف مانجبرها ترجعلك واذا تريد ترجعلك ماراح نمنعها
اندار الها وكال :ها بابا هنادي انتي شدكولين

هنادي :بابا اني ..اني ، اجت عينها بعيوني وسكتت ماكملت كلامها
كال ابوها: احجي بابا تردين ترجعين وي رجلج لو لا ، صحيح انه ما حبيت الطريقه التزوجتم بيها بس هيه خلال هذا الشهر الي بقت بي هنا وحجتلي عن اهلك وعن تعاملهم وياها اني قررت انطيك فرصة أخيرة لخاطرهم اهمه ، بس اكيد القرار الاخير يبقئ الها وانه واخوانها رئينه من بعد رئيها هيه

شفت هيثم وفهد ماعجبهم كلام ابوهم بس لأن يحترمونه ماحاجو شئ وضلوا ساكتين...

ألتفت لهنادي وكلت : يلا حبيبتي كوليله لابوج شكد احنه متفاهمين.. ضلت ساكته محجت : يلا حبيبتي ليش ساكته سمعيني صوتج مشتاقله

ضليت اشوف كلما احجي كلمة يزيد غضبهم أكثر
كلت :شفت عمو مبين هنادي تريد ترجع مو السكوت علامة الرضى
رفعت هيه رأسها وكالت : لا اني ماريد ارجعلك
شفت اخوانها ابتسموا بشماته وابوها ضل صافن منتضر تكمل كلامها

كلت : لويش هنودة ..نسيتي اني شنو سويتلج وشلون حبيتج واهتميت بيج نسيتي هذني كلهن ؟!
وذكرتي لهلج بس زينات اهلي؟

هيثم : اعتقد هي هسة كالت رأيها بابا وما تريد ترجعله خلصنه

فهد : اي الأحسن الك تروح واذا عندك كرامة لا ترجع بعد

باوعت الها وكلت : لا اليحب ميفكر بالكرامة واني هنا حتى ارجع حبيبتي هنودة ومحطلع بدونها

صاحت هي : انته جذاب وما تحبني واجيت بس حتى تعاقبني لأن طلعت من البيت واكيد تريد تضربني نفس ذيج المرة وساعتها راح يتأذى الطفل....

وسكتت عالسريع نزلت راسها وخلت ايدها على حلكها
ابتسمت وكلت : هنادي انتي حامل ؟!
كالت وهي متوترة : لا اني مو حامل ..قصدي انته ما تستاهل ... اضل...

مخليتها تكمل كلامها وكمت بسرعة اجيت عليها وهي كامت عالسريع ورادت تركض
لزمت ايدها وكلت : لج وين رايحة هنودة ..هذا احلى خبر ..حامل ؟!
من شوكت ولويش مكتيلي
ضلت ساكتة واشوف الخوف بعيونها
لزمت وجها بأيدي وكلت : لتخافين مني حبيبتي هنودة اني مستحيل آئذيج انتي وابنه
بستها بكصتها وكلت : رجعيلي حبيبتي وحنعوض كولشي ونعيش بسعادة ويه ابنه أو بتنه وأعتذر عن كولشي صار قبل ..اني احبج هنودة واسف مكلتها قبل بس اتأكدي اني من زوجتج لأن حسيت بشيء الج مو قصة الفلوس
ألتفتت على اهلهم الي يباوعولي ومستغربين..ابتسمت وكلت : هيثم اني مسامحك على الي سويته ولازم اشكرك لأن كشفتلي شريكي واني جنت غبي ومعرفته والفلوس اني جبتهن الكم ولا تفكر بفلوس وائل هنة رجعله
يعني هاي العشرين هدية الكم والك لأن نقذتني

هنادي : جنت خايفة منه كولش ومتأكدة جيته راح اتعبني لأن راح يضربني ويعاقبني ويمكن حتى اهلي يدخلهم بالسالفة
بس الشيء الي ما تخيلته فرحته من غلطت وكلت حامل حسيت بيه صار واحد ثاني وفرحته ما تنوصف وحتى حجيه ما توقعت راح اسمعها منه أبد ويكول احبج
هذا مو ليث الي اعرفه هذا واحد ثاني
جنت صافنة عليه واريد أستوعب الي اسمعه مني جان مبتسم وعيونه تلمع حسيت نفسي بهاللحضة مخدرة ولساني مشلول معرفت شرد عليه

وانتبهت على صوت هيثم وهو يكول : لا يا استاذ ليث مشكور احنة ما نريد منك شيء غير تعوفنه بحالنه وتطلع من حياتنه واطلك أختي ونرتاح منك ومن مشاكلك

ابتسم وكال : اني هسة صرت ابو المشاكل يا هيثم ؟!
ومنو الي دخل حياة أختي وعفسها وطلع

اهلي انصدموا لأن هيثم ما حجه الهم عن لبنى اي شيء
فهد : انته شجاي تكول واخوي شعليه بختك ؟!..احجي ولك

لزم ايدي وكال : اني ما اجيت حتى اعاتب لو احاسب اخوك اني هنا عالمود زوجتي وبس واريد اخذها واروح لهلسبب خلونا نطلع بدون مشاكل
لأن اني اكدر ارفع قضيه ضدكم واجيبها بس مثل ما ابوكم انطاني فرصة لخاطر اهلي اني هماتين انطيكم فرصة علمود ابوكم لأنه شخص خير وخوش رجال

صاح هيثم : هي ما تريدك انته ما تفهم ؟! هنادي احجي كليله...

قرب هو يم اذني وهمسلي: هنودة اذا ردتيها تمر على خير ومأذيج انتي وأخذ بثاري من اخوج امشي وياي لأن والله العظيم اذا مسويتيها حراويكم شيء عمركم كله مشايفينه
كلت بخوف : يعني انته راح تضربني..ما اروح وياك
لزمني من زندي حيل سحبني اله وكال : اذا صرتي حبابة ومعاندتي محضربج وعد ..لخاطر الي ابطنج بس اذا سويتي العكس اتعذريني وقتها

فهد : انته شجاي اتكللها بس لا تهددها واحنة موجودين ؟!

ضحك وكال :عفى عليك فهودي اني اهدد حبيبتي وام ابني هنودة ..بس اني جنت اكللها شكد مشتاقلها
بابا : بابا هنادي عوفي اخوانج وكليلي انتي شنو الي تردينه ترجعين لو لا محد يجبرج على شيء

باوعت عليه مبتسم صفح ومركز عيونه بعيوني

كلت : بابا ..اني راح ارجع ويه رجلي ...

همة كلهم اتفاجئؤ

وصاحوا فهد وهيثم : هنادي شبيج نسيتي حجيج قبل لا يجي شلون هسة تردين ترجعيله..هو شنو كلج؟!
هددج مو ؟!...احجي هنادي

بعد هو عني وكال : شوفوا بأنفسكم اني بعدت عنها يلا سألوها

كلت : لا هو ماهددني بشيء ..ولا كال شيء بس اني اريد ارجع ..لأن ..لأن هو ابو ابني ..واني احبه ..جنت غلطانة ..

ابتسم وكال : واني اموت عليج هنودتي ..يلا تعاي..ولتجيبن ملابسج..لأن احنة حنبقى هنا الليلة وباجر الصبح نجي لهلج نتريك يمهم ونسولف شوية ونتوكل

اهلي كلهم ضلوا يباوعولي جنهم مامصدكين
ابتسمت الهم وكلت : لا تخافون ..اني بس استعجلت واجيت وبعدين ليث ما مقصر وياي بشيء ..ان شاء الله الصبح اجيكم

ودعتهم وبوست امي وابوي وخواني الي جانت عيونهم تجدح نار

وصدك طلعت وياه بدون ما أخذ شيء غير العباية الي لبستها وما ادري شعجب ما كلي نزعيها

ركبت السيارة سد الباب واجه صعد يمي وكلبي يرجف من الخوف حتى لو جان ناويلي على شيء ويأذيني المهم اهلي وهيثم ما يصيرلهم شيء

سد الباب حيل واني كمزت

ضحك وكال : لتكمزين من هسة هنودة ..خن نوصل واشوفج شنو معناة كسر كلمتي ..وشلون اطلعين من البيت بدون آذني....بسيطة

بلعت ريكي بخوف وعصرت ايديه حيل وهو ساق السيارة بكل سرعتها

نهاية البارت

عشكت جنوبية 🔞🔞🔞

البارت السابع عشر


_________

هيثم : بابا انه ما اكدر اضل كاعد ..هذا الحقير متأكد راح يسويلها شيء لهنادي وبعدين هي ماطلعت وياه بدون سبب ..اكيد هو هددها وكللها بشيء خلاها ترضى تروح وياه

فهد : اي حجي هيثم صحيح واحنة لازم نلحكه ونرجع هنادي من عنده

قاسم : انتم ليش ما تسكتون البنية هي وافقت ومحد جبرها ترجع وياه ..ولو هو هددها بشيء جان حجت وما خافت منه وهي يمنه واحنة وياها
سمية : صدك احنة ماخذين عليه نضرة وما مرتاحيله بس مبين عليه يحب اختكم واذا صدك اكيد ماراح يأذيها

هيثم : انتي شتكولين يمة ؟..هذا واحد نذل وما يعرف يحب اصلا وهنادي مو مرتاحة وياه انه متأكد لو جانت مرتاحة جان ما رجعت وياي بس شافتني ..وعذرني بابا بس ما اكدر اضل كاعد لازم اروح

فهد : وانه وياك هيثم خلينه نكسرله اعضامه واندمه على جيته

قاسم : رجعوا كعدوا بمكانكم ولا تتحركون لأي مكان هي راحت وياه هسة ومن راح تجي باجر نتأكد من كلشي

فهد : وانته صدكته بابا ..هو مراح يجيبها جذاب كال هيج بس حتى يقنعها وتروح وياه ..واحنة لازم نرد عليه كافي الي سواه عسى ما نموته ونفصله

صاح قاسم بصوت عالي : اي تفصله ..مو عمامك وخوالك ما شاء الله سادين عين الشمس ..لك احنة مكطوعين من شجرة وهمه لو يشوفون واحد يذبحنه كدامهم ماراح يهتمون لو يتحركون

هيثم : وليش بابا يمكن نعرف ليش ؟!.. جاوبني حتى ارجع ..ليش انتم ما ترضون تحجون بموضوع عمامنا وخوالنا ..شنو الي صاير ؟!
تنهد وكال : تعالوا كعدوا وانه راح اكللكم
لزمت سمية ايدة وكالت : قاسم ..انته ما مجبور تسولفلهم
كال : لا سمية لازم يعرفون همة كبروا هسة واكيد راح يفتهمون الي راح يسمعونه

كعدوا هيثم وفهد وهمة منتضرين يكمل كلامه

كال : انتم عدكم ثلث عمام وعمة وحدة انه هو الثالث وعمتكم سلوى هي الصغيرة
وخوالكم اربعة وخالة وحدة بتول الي هي الجبيرة لأن خالتكم هنادي ماتت من جانت امكم حامل بهنودة ولهلسبب سميناها على اسمها

فهد : وشلون ماتت بابا ؟

قاسم : لأنها تلكت الطلقة بمكان امكم جانت تحبها مثل امها مو اختها وصارت كدامها ودخلت بكلبها رأسآ مالحكنا نوصلها للمستشفى

هيثم : منو هذا الي رمه على امي بابا ؟!

تنهد غمض عيونه وكال : خالك ...

انصدموا وضلوا يباوعون مستغربين
قاسم : امك جانت تحصد ويه اهلها وانه جنت فلاح ازرع وبيناتنا جان اكو نهر حبيتها اول ما شفتها وضليت يوميه اعبر النهر حتى اشوفها ونكعد نسولف للعصر ومن ردت اخطبها
خوالكم اعترضوا ما جانوا يحبون عشيرتنا ورادوا يجبرونها تزوج ابن عمها ومن كلتلي قررت نشرد انا وياها وهذا الي سوينا بدون ما نتردد لحضة لو نفكر بالعواقب وجان كل واحد بينه عنده مجموعة فلوس وهي عدها ذهب جمعناهن واشترينا هذا البيت وعقدنه بس شيخ اول مرة
ما رجعنه بعد الهم بس سمعنه خذوا عمتكم سلوى فصلية لخالكم الجبير هي جانت عمرها بس ١٧ سنة وهو ثلاثين لأن الأصغر منه رافضين واصغر واحد بيهم جان بعمرها بس بعده يدرس
من صرت انته وفهد وامك حامل بهنادي عليها خامس احنة كلنا يمكن بردوا هسة وراح يسامحونه ونرجع ويمكن من يشوفونكم يحنون عليكم بس جانوا بعدهم حاقدين علينا
واول ما وصلنا تلكانه خالك بالسلاح وراد يكتل امك وهنادي الله يرحمها صارت كدامها
بس ما كدرنا نضل هم التهوا بيها وانه خذيت امكم ورجعت بسرعة لأن خفت عليها وعليكم وهاي جانت اخر مرة نشوفوهم بيها وعمامكم بس وصللهم خبر نريد نرجع رفضوا كبل لا نوصل اصلا
وهاي هيه القصة كلها ..عرفتم هسة ليش احنة ما نجيب طاريهم ..لأن همة معتبرينا ميتين

همست ليلى لحياة : فاتت هنادي والله

حياة: ولا يهمج باجر بس تجي نسولفلها القصة كامله من البداية للنهاية وهي واكفة
ليلى : هاي اذا جابها ذاك الليث

***

هنادي : اول ما وصلنا للفندق نزل هو وفتح باب السيارة على السريع وصاح : يلا نزلي

كلت وانه خايفة : اني ..اريد ..ارجع لهلي

هو قبل ما يكول اي شيء لزمني من زندي ونزلني من السيارة عالسريع صعدني الدرج سح واول ما فتح الباب دفعني حيل وطحت بالكاع

سد الباب واجه وعيونه صايرة بكصته صاح : لج لويش اشردين مني ؟؟..احجييي ..لج مو اني احترمتج ومقصرت وياج بشيء ..شلون هيج تسويين هاا ؟!

كمت وكلت ودموعي ترست عيوني : انا آسفة ليث ما اعيدها والله بعد ما عيدها ..بس لا تضربني فدوة ..اني جنت خايفة منك وكلت اكيد من راح تطلع من السجن تجي عليه واطلع حركت كلبك بيه لأن هيثم سجنك وهذا السبب الي خلاني ارجع وياه والله ..

تقرب عليه لزم زندي حيل وصاح : لج وشلون انتي تفكرين بيه هيج ..انتي متعرفيني يعني ..شلون اعاقبج وانتي مالج علاقة ؟!
كلت وانه خايفة وكلبي يرجف : لأن سالفة لبنى اني هم مالي دخل بيها وانته طلعت عصبيتك عليه وهي جذبت عليك وبدل ما تحاسبها ضربتني لأن كتلك هي جذابة ..لأن انته ما تحبني تكهرني ما اعرف ليش

خفف من قبضته على زندي وكال : لأن اني بوقتها جنت مقهور وضايج وماتوقعت اختي لبنى حتكذب عليه هيج كذبة ..ومن طلعت من السجن عرفت كذبتها وعاقبتها ..وانتي لو اني جنت محبج واكرهج مثل متكولين جان لكيتي نفسج بعدج بالأرض للصبح بدون لا غطى ولا فراش
بس ..وخله صبعه على راسي ..انتي غبية ..هذا المخ ميشتغل

دفعت ايده وكلت : اني مو غبية بس انته ماعرف شبيك كل ساع شكل ليكول هاي الي تغير لونها ماعرف شسمها سحلية ما ادري حية ..

لزمني من فجي حيل وضغط عليه وضيك عيونه وكال : لجج ..اني تكولين عني سحلية ..حيوانة هسة اذا ضربتج على حلكج وكسرت سنونج هم احد يلومني

كلت وانه بالكوة اطلع الكلمة لأن ضاغط على فجي : لا مو قصدي ..عفية ..اسفة والله ..وضليت اتوسله بعيوني
ضل يباوعلي شوية ونزل باسني بس مو نفس كل مرة بوسته بعصبية حسيته يريد يكطع شفايفي ضليت احرك راسي ولزمت ايده حتى اسحبها مني ما كدرت
وما عافهن لمن جرح شفتي

وباوعلي وهو مبتسم

صحت : ااخ..ليش ..حرام عليك

ضحك وكال : هاي بس البداية حبيبي ..اني محكدر اعاقبج لأن اخاف على البيبي ..بس اني مشتاقلج ولازم نعوض الشهر صح ؟!

هزيت راسي بلا ..

ابتسم وكال : اي حبيبتي ..انتي لازم اتوبين

فتح دكم القميص وتقرب عليه ضليت ارجع ليورا : ليث ..لا ..حباب ..لا تأذيني ..

حصرني على الحايط وكال : ومنو كلج حأذيج ..لا بالعكس ..بس مشتاق لحبيبتي ..
سحب الشال ودنك على ركبتي عضها حيل ..صرخت

كال : اشش ..لا تصرخين ..
وبلحضة وحدة شك الدشداشة غطيت جسمي بديه سحبهن وشالني وخلاني عالجرباية صار فوكي وخله اديه فوك راسي
كلت وانه ابجي : لاا..لييث
خله صبعه على حلكي وكال : لا تحجين حبيبي .. خليني براحتي لأن مشتاقلج
ضل يبوسلي وجهي وشفايفي بهدوء وركبتي جنت اتنفس بسرعة وخايفة كلبي يدك سريع
بس شوية وحسيت نفسي هدت وحبيت لمساته ونسيت خوفي ..وهو مبين منتبهلي عاف اديه نزلتهن وبديت ابادله

باوع لعيوني وابتسم ابتسامة ماعرفت شنو معناها
وما حسيت بيه الا وهو ياخذني بقوة وصارت بوساته الناعمة عضات قاسية ..ضليت اصيح واتوسله وهو ولا هامة ولا جنه يسمعني ..صدك جان يعاقبني دمرني حتى بأول ليلة ما تأذيت نفس هسة

كام وضل يباوع عليه وانه ضليت ابجي وكتله : انته حقير اني اكر...
خزرني ما خلاني اكمل كلامي وكال : عوديها وشوفي شحيصير يا هنودة..الا اخلي الي صار هسة ولا شيء كبال الي حسوي..وعافني ودخل للحمام

ليث : يمكن قسيت عليها بس هي تستاهل حتى تتعلم متغلط هيج غلط مرة ثانية
طلعت لكيتها بعدها بمكانها ولامة ركبها لصدرها ومخليه راسها عليهن وتبجي كعدت يمها مديت ايدي لشعرها وكلت : هنادي

دفعت ايدي وكالت : عوفني ..ماريد احجي وياك .. حتى بطني ضلت توجعني من وراك

ضحكت ممصدك هي رغم دخلت ل١٨ بس تصرفاتها مال جهال وحامل هماتين
كلت : انزين يلا كافي ..لتبجين ..لتنسين هذا عقابج على طلعتج مو احسن من ما اضربج
كالت : لو ضاربني هواي احسن ..

كلت : يلا هسة نامي حتى اخذج لهلج باجر لأن اذا ضليتي هيج محاخذج ونطلع كبل ..وضلت يمج بعد

مسحت دموعها وكامت بدون متكول شيء

قبل لا توصل للحمام لحكتها وشلتها بين ادية ودخلتها ضلت هي تصيح وتضرب بضهري

وكفتها جوة الدوش وكلت : اشش حبيبي لتكولين شيء ..اليوم مشتهي اسبحج بأيدي

لزمت ايدي وكالت : ليث عوفني عفية ..

: شبيج حبيبتي محسويلج شيء لتخافين ..سبحتها ولفيت المنشفة عليها
شكد طلعت حلوة بيه ..مخليتها تمشي شلتها وكعدتها عالجرباية ..نشفتلها شعرها وهي مصدومة مكالت اي شيء

لزمت المشط وهمستلها : وهسة تحبيني هنودة

رفعت عيونها الي وضلت صافنة بوجهي
مررت صابعي على خدها وكلت : هالمرة صدوك مو تمثيل ..اني احبج ..شفتي ..بس طبيعتي ما اعبر عن الي بداخلي ولا ابين مشاعري بسهولة
بس بصراحة هنودة من دريت بيج تردين الطلاك طار عقلي ..لأن محتحمل تبعدين عني ..وحتى اثبتلج هالشيء ..عندي مفاجئة الج باجر

كالت : شنو هي ؟!

: حتعرفينها باجر ..وهسة جبت ذهبها لأن جنت حاسب احساب رجعتي ..لزمت ايدها ولبستها المحبس والحلقة وحتى التراجي
كتلها : هذني لازم يضلن بأيدج لتنزعينهن بعد .. بس المدالية ملكيتها .. عادي اجيبلج غيرها

كالت : لا ..هي ما ضايعة عندي ..بس بقت ويه غراضي عد اهلي

بست جفها وكلت : يلا حبيبي نامي هسة لأن باجر ورانا سفر

باوعت لنفسها وكالت : بس اني ما اعرف انام ومالابسة ملابس

كمت جبتلها قميصي ولبسته الها وسحبت المنشفة عنها

تمددت وسحبتها نيمتها على صدري وحضنتها ونمت بس الله يعلم شكد عانيت بذاك الشهر وحتى النوم متهنيت بيه
هنادي : كعدت الصبح لكيته امبدل وجايب ملابس الي وريوك ما اعرف يمته كعد ويمته راح
لكيته جايبلي قميص طويل وبنطلون وحذاء وشال نفسهن
لبستهن وتريكنا وطلعنا لأهلي ..طول الطريق وانه صافنة عليه غريب كل تصرفاته غريبة وهواي متناقض بس الي اعرفه هو مبين يحبني صدك

وصلنا للبيت دكينا الباب وطلع هيثم فتحه
كال هو : صباح الخير يا نسيبي

رد عليه هيثم من ورا خشمه والتفتلي بسرعة وكال : هنودة حبيبتي بس كون ما ضربج هذا لو سوالج شيء كليلي ..لا تخافين

هو خله ايديه بجيوبه ومكال شيء

كلت انه : لا هيثم هو ماضربني ..اصلآ سامحني وكال اعتبر هاي اول غلطة الج عادي ومو زعلان

مبين هيثم من نضراته ما صدكني ..بس هزلي براسه ودخلنا

لكيتهم كلهم كاعدين وحتى فهد لأن اليوم جمعة سلمت عليهم وكل نضراتهم تحاول تسألني
بس مبينتلهم شيء وكعدنا
كال ليث : عمو من اليوم اني اريد نبدي صفحة جديدة ومريد يكون بيناتنا مشاكل اني والشباب لهلسبب خن ننسى الي صار وخل يعتبروني نسيب عادي مثل اي شخص

بابا : اي اكيد ابني ..وضلوا يحجون
شوية وبابا صاح حياة وليلى حتى يسلمن على ليث وهاي اول مرة هنه يطلعن من هو موجود

سلمن عليه وكعدن كبالي لأن انه جنت كاعدة يمه بس ضل يأشرلي كل ساع ماعرفت شنو يردن حركت راسي بمعنى شنو ..ضلن يأشرلي اكوم وياهن للغرفة

انتبه هو الهن وهمسلي : دروحي يا هنودة يمكن عدهن موضوع مهم
ضليت شوية وكمت وهنة سبقني للغرفة

وبس دخلت سحبني وكالن : ولج هنادي ما تصدكين شنو عرفنا

: شنو ؟؟

حياة : عدنه كومة عمام وخوال

ليلى : وعمتنه منطينها فصلية لخالنا
فتحت عيوني متعجبة وكلت : شنوو ؟!..انتن شجاي تكولن ؟!

وسولفلي كلشي ضليت بس متعجبة وما صدكت الي سمعته.. معقولة ؟!..امي وابوي يطلعون ضامين عنه كل هالشيء ..ما استوعبت ..ردت اطلع واسألهم واتأكد بس اذكرت ليث يمهم وما ردته يسمع او يعرف شيء سكتت وبكلبي الف والف سؤال ..

ويه ما احنة هيج وسمعت صوته يصحلي

تنهدت حيل وحاولت مايبين عليه شيء وطلعتله

ليث : يلا هنودة ..جهزي غراضج ..

كال بابا : ضلوا اتغدوا ويانه وبعدين طلعوا بعد وكت هسة

ليث : لا عمو احنة محنطلع اليوم ..لأن اني محضر مفاجئة لحبيبتي هنودة واريدها تشوفها

كلت : يعني وين راح نروح ؟!

ابتسم وكال : محنروح لأي مكان هنودة ..المفاجئة حجيبها الج هنا لبيت اهلج ..وهسة انتضري شوية حروح اجيبها واجي ..بس كون الكاج جاهزة ..
كام مشى خطوت ونوب التفت الي وكال : نسيت بعد شيء ..حجيبه هسة

طلع للسيارة جاب علاكة جبيرة مرتبة مال سناتر خلاها بأيدي وكال : لبسي هاي على ما آجي

هو طلع وحياة وليلى ركضن عليه حتى يشوفن شنو بيها
فتحنها وطلع فستان ابيض طويل مزند بس بيه ادين من تور مخصر من فوك لحد الركب وبعدين مفتوح من جوة
صاحن : اااالله...ولج هذا يخبل

اجت امي مستغربة وكالت : شنو هاي ..راح ترحون لحفلة لو شنو ؟!

كلت : والله ما ادري يمة هو ما كلي شيء مفاجئة وكبل

ليلى : بس هو كال من يجي يريدج لابسته ..يلا تعاي خن نساعدج بي

ضحكت حياة وكالت : هههه ياربي اموت والبس مثل هالفساتين

ضربتها امي على راسها وكالت : ولج تأدبي شوية عيب عليج ..بعدج صغيرة على هالحجي
حياة : وهسة انه شكايله يا امي ..هي امنية حتى الأمنيات عيب وحرام

صاح هيثم: سكتي ولج ليش تراددين امي هسة اجيج

كالت : عمي سكتت هسة انه شكايلة

ليلى : خايبة سد حلكج احسن ..لا يطلع سوادين هيثم وفهد علينا

صاح فهد : لج ليلى ..اسكتين انتي لا اراويج السوادين على اصوله

خذيت الفستان ورحت لبسته طلع كلش حلو عليه وبطني بينت منه شوية جبت المدالية ولبستها واشوف ركبتي متكعة كلها من فوك ليجوة حتى صدري ما سالم

: اففف ..هسة شلون البس انه هالفستان وهو مسوي جسمي خارطة ..روح يا ليث ان شاء الله الله ...
ردت اكمل وسكتت ..لا ماراح ادعي عليه ..مو لأن احبه بس خطية

اجن حياة وليلى وكالن : ما شاء الله تخبلين ..
كتلهن وانه مستحيه : بنات عندي مشكلة ..واشرت على ركبتي

حطن اديهن على حلوكهن ..حياة : هسة شنسوي ؟!

ليلى : لازم نخليلها مكياج ونخفيهن

حياة : فكرة حلوة يلا

نزعت الفستان عالنص وبدن هنه يخللي المكياج خلصن باوعت للمراية صرت اخزي لأن وجهي شكل وجسمي شكل واذا حطيت نفس المكياج لوجهي راح اصير جنية

شوية واندك الباب

كالن : يمكن اجه

انا كتلهن : بنات بسرعة جيبلي بدي ابيض ..يلا ركضن

لبست البدي بسرعة ولفيت شعري لبست شالي وطلعت ونصدمت بلي شفته ...

نهاية البارت

عشكت جنوبية 🔞🔞🔞

البارت الاخيرررر

للكاتبة نسرين الأسدي

هنادي : نفتح الباب ومصدكت الي شفته ..طلع جايب امه وابوه وحتى لبنى جاية وياهم ومروان
وشباب معرفتهم يمكن اصدقائه لو يشتغلون وياه

دخل وكال : ها شرايكم بالمفاجئة ؟!

دخلوا عمو وخالة وسلموا على اهلي واعتذروا عن كل شيء سوا ليث ذيج الفترة

وبعدين داروا عليه وهمة فرحانين

كال عمو : مبروك على الحمل بنيتي هنودة متتصورين شكد فرحنة من كال ليث ..هيج هنودة تبعدين عنه مو احنه تعودنه عليج واشتاقينالج

اتقدمت عليهم سلمت وحضنت خالة هي بوستني وكالت : الج وحشة حبيبتي ..ولو احنة زعلانين منج لأن تركتينه ورجعتي ..بس يلا منلومج لأن ليث يستاهل حتى يتأدب وضحكت

كال هو بعصبية شوية : ماما ..شنو هاي انتي شجاي تكولين ؟!

كلتله : اسكت انته ولا صوت كل الي صار بسببك ..جان صار شيء لحفيدنه واحنة مندري
التفتت على لبنى لابسة ملابس طوال ومستورات وشال هم بس طالعة كذلتها استغربت من هذا التغيير المفاجئ بس فرحت بنفس الوقت بلكي الي صار خلاها تتغير
اجت عليه سلمت وحضنتني واني مستغربة
كالت : مبروك هنادي
: الله يبارك بيج لبنى ان شاء اليوم الج الي تزوجين ونشوف اطفالج
هي رفعت عيونها لهيثم ورجعت نزلتهن بسرعة وكالت : شكرا

كعدوا بعدها وقدمنالهم المي والعصاير واني بعدني ما فاهمة شنو غايت ليث بالظبط

لحد ما كال هو : عمو اني اليوم جايب اهلي حتى نخطب بتكم الحلوة هنودة والعرس هسة ..شتكولون ؟

كال بابا : واذا كتلك انه ما موافق ؟!

ليث : هاي شلك بيها عمو ؟!..لايكون صدكت نفسك ترا هنودة زوجتي ..بس اني ردت الشغلة تصير رسمية ولا اكثر

ضحكوا كلهم واني اباوع اله مستغربة معقولة هذا ليث ؟
مجنت متوقعه حيغيره خبر الحمل لهلدرجة هاي
ليث : يلا هنودة خن نروح للصالون ونمر بالأستوديو وناخذ كم صورة

كمت وطلعنا بسيارته وسوتلي ام الصالون تسريحة وطكينا صور عد وحدة مصورة جنت فرحانة كلش اخيرآ اني صارلي عرس نفس بقية البنات ولبست البدلة البيضة مثل مجنت احلم
وحسيت بهاي اللحضات هو يحبني من صدك وراد يحققلي كل شيء حرمني منه بالبداية

**

هيثم : ماتوقعت ليث راح يحكم ضميره ويسوي كل هالشيء ورغم بعدني ما ناسي الي سواه بس من شفت الفرحة بعيون هنودة نسيت كلشي وفرحت لفرحتها جان مبين عليها فرحانة كلش
بعد ما رجعوا من الصالون طلع هو مأجر قاعة ومجان بيها احد غريب جانت حبيبتي هنادي طالعة جنها كمر
وشغلوا موسيقى وركصوا عليها

وحتى فساتين حياة وليلى اعتبرهن هو هدية وجانن كلش فرحانات بيهن

هذا كله وانه ملاحظ نضرات لبنى المكسورة الي جنها تحاول تكلي شيء من خلال عيونها بس انه مجنت مهتم واضاهر ما شايفها
بس شفت ملابسها والي اتعمدت تلبس اللبس الي اني طلبت منها تلبسه ذيج المرة ورغم جانت حفلة اخوها وتوقعت راح تلبس مكصر ومكياجها طاك بس هي سوت عكس الي توقعته ..وملابسها ومكياجها جانن كلش عادية ..بصراحة كبرت بعيني
ليث : جنه جاي نتمايل عالموسيقى واني اتأمل ملامحها ..شكد احبها وهسة حبي الها صار مضاعف نص الها ونص لطفلنا

رفعت عيونها الي وابتسمت متعرف هاي ابتسامتها شلون تخطفلي كلبي حضنتها الي اكثر وانتبهت على البدي كلت : هنودة هاي ليش لابسة هيج ؟!

كالت : وشلون تريدني اضل بالفستان هيج وانته ما شاء الله محولي ركبتي وصدري خارطة غير اشتهر

ضحكت وكلت : وشكو بيها حبيبي ..انتي مرتي تعرفين شنو يعني مرتي ..يعني محد يحقله يعترض شما نسوي

كالت : هاي انته عندك كلش عادي اني استحي اطلع هيج كدام ابوي وخواني

تقربت على ذانها وهمستلها : عادي حبيبتي اليوم حنسوي غيرهن ..وهلمرة حيصيرن بأماكن ثانية وغمزتلها

انصبغن خدودها حمر وضربتني على صدري كالت : انته صدك متستحي ليث

حضنتها اقوى وكلت : وليش استحي عيني ..مرتي وحلالي ..هههه
لبنى : سويت كولشي اليوم حتى احصل شوية اهتمام منه وهو ولا كأنه يشوفني بس يحط عينه عليه يبعدها بسرعة وكلبي الحقير يريدة ومشتاقله
شكد كرهت نفسي وكرهت حبي اله ..شنو لازم اسوي اكثر حتى تعرف يا هيثم اني هنا بس عالمودك انته كلبك حجر شنو ؟!

فهد : اكول هيثم ..انه جاي يتهيئلي لو هاي البنية من دخلت لبيتنه ولحد الأن وهي عينها ما طاحت منكك ؟!

هيثم : اسكت فهد شنو هالحجي مو عيب

فهد : وليش اسكتي عمي انته شوف بعينك تريد تاكلك بعيونها ..والله لو انه منك الا اروح اضبط وياها واخذ رقمها هم ..ولو انه ماعندي تلفون بس اشتري

صاح هيثم: فهد تسكت لو شلون ..ترا مو وكت تسربتك

فهد : هاي شبيك هيثم هو انه شكايل ؟..شفت البنية تباوع عليك كتلك روحلها ..كفرت خاب ما كفرت ..بس مو صوجك.. صوجي انه الي احجي ويه واحد معقد مثلك

هيثم : اي صوجك ..يلا ولي منا ..

ألتفت وصارن عيونه بعيونها نزلهن عالسريع ودار لمكان ثاني
هنادي : بعد ما خلصت الحفلة كعدنه وجابوا العشة اني مشتهيت آكل لأن حسيت لعبانة نفسي اتكترت عنهم هو من شافني هيج هم متعشى عاف العشى واجه كعد يمي

"☆ملاحضة ترى انا مجاي اغلط بالكتابة ..بس هي هنادي بعدها حجيها مو كلش نص بصراوي ونص بغدادي ..😁..يلا نكمل ☆"

كرب عليه وكال : حبيبي هنودة تردين غير شيء اجيبلج كولي ..

آشرتله براسي وكلت : لا ممشتهية شيء روح انته اكل

راد يحجي واندك باب القاعة اني ردت اغطي شعري هو لزم ايدي وكال : لا ماكو داعي ..اني حروح اشوف منو واجي

فتح الباب وكف دقايق ومبين من الصوت مروان الي يحجي وياه
شوية ودخل وهو شايل بأيده كارتونه صغيرة معرفت شنو بيها

باوعوا اهله ابتسملهم واجه عليه خلاها بحضني باوعت عليه مفهمت
فتحها وكال : هاي هدية اجتني من لندن
كلت مستغربة : لندن ؟!

ليث : اي حبيبي ..من حبيبتي القديمة

كلت بدون ما انتبه : لارا ؟!

ضحك وشال جفي وباسها وكال : لا حبيبي هاي حبيبتي اجنبية مو عراقية ..اني من نوع الي اسافر هواي ومرة من المرات التقيت بيها هناك وهي حبتني واني هم عبالي احبها ..ضلينا سوى تقريبآ شهرين ..بس من كتلها لازم نزوج وتجي وياي للعراق هي مقبلت لهلسبب تركتها ورجعت ..واستمرت هي تتصل وادزلي رسائل اعتذار بس اني قفلت ومرديت عليها او تواصلت وياها
واليوم من عرفت اني ازوجت دزت هالهدية يمكن تريد تذكرني بيها

ما اعرف ليش بلحضتها حسيت كلبي انعصر واختنكت كلت : يعني انته جنت تحبها ؟!

ابتسم وكال : شنو هاي هنودة معرفتج ..جني اشم ريحة غيرة هنا ؟!

كلت واني متوترة وماعرف شنو صارلي بوقتها : لا مو غيرة ..بس هيج اسأل ..قصدي اريد اعرف
خله ايده وره شعري وقربني عليه باسني بكصتي وكال : لا ..اطمني ..جان مجرد اعجاب ..لأن لو جنت احبها مجان تركتها بسهولة ..وهي تتوسلني ارجع
بس الحب هو انتي ..لأن خلال ذاك الشهر الي مشفتج بيه انجنيت ..وكول شيء بيه اشتاقلج

فرحت ابتسمت وكلت وماعرف شلون كلتها : انه احبك ليث

شفته فرح كلش من سمعها وحضني حيل وكال : اموت عليج هنودتي

شوية وتحمحم عمو وكال : بابا ليث ترا لا تنسون نفسكم احنة بعدنا كاعدين

ضحكت امه وكالت : اتركهم براحتهم يا سامر غير عرسان جدد ..هههه

كال : يا عرسان حبيبتي ..اشو صارلهم اكثر من نص سنة وحامل ..عرسانيش متكليلي

كام ليث وكومني وياه كال : اني وهنادي حنضل طول عمرنا عرسان ..شنو تكولين حبيبتي

ضحكت ونزلت راسي

هو خله ايد جوة رجليه والثانية ورا ضهري وشالني كدامهم كلهم اني متت من المستحة واكله نزلني وهو ولا هامة
نزل بوسطهم وكال : يلا عذرونه اني وحبيبتي لازم انام هسة تعبانين كولش ..
ومشى للباب ..كتله : ليث اوكف ..الشارع بيه ناس واني ملابسه حجابي

غمزلي وكال : ولا يهمج حبي مروان تكفل بكولشي والسيارة مضللة محيشوفج اي احد ..

وصدك طلعنه من باب القاعة المدخل فارغ كله ولا اي احد وهو منتضر حتى نوصل السيارة ضل يبوس بي لحد ما دخلني بيها
شغل غنية رومانسية وساق بهدوء وكل دقيقة يلتفتلي لو ياخذ جفي يبوسه

**

بعد ما طلعوا ليث وهنادي اهلهم ما طولوا وطلعوا وراهم وكفوا شوية يسولفون قاسم وسامر ويتعرفون اكثر

حياة : ليلى ..ليلى ..شوفي

ليلى : شكو شبيج ؟!

حياة : ولج شوفي هذا صاحب ليث يجنن ..

ضربتها على جتفها وكالت : ولج سكتي عيب ..لا يسمعج واحد ونوب شيفكنه من هيثم وفهد غير يطلعون الفرحة من عيونه
حياة : وهسة انه شكايلة بس هو مبين عليه حلو ..
وشخصية ..حتى عيونه مايرفعهن من الكاع شكد مؤدب

ليلى : ولج كافي شنو انتي اليوم ناوية علينا ننكتل شوفي امي تحجي ويه ام ليث وابوي ويه ابوه احنة شعدنه هنا ..خلينه نروح لأخته ونتعرف عليها

باوعن مالكنها ..ليلى : هي اخته وين ؟!

حياة : اي دونت نو ..ضربتها على راسها وكالت احجي عدل لا تسوين روحج كلش شاطرة بالنكليزي

لبنى : جنه حنطلع واني احتاجت احجي وياه ضروري لأن كلبي بعد ميتحمل ومن اشوفه يضحك ويه الكل واني متجاهلني انجن اكثر
شفته واكف يم الشارع ومخلي اديه بجيوبة

تقدمت عليه وكلت : هيثم ؟!

ألتفت عليه وكال : لبنى انتي شجابج هنا ..ما يصير خاف يشوفج احد

: اريد احجي وياك هيثم ..حباب ..اسمعني
هيثم : لبنى ..الدنيا ليل والناس رايحة رادة وانا وانتي اجانب ما يصح نحجي هنا ..روحي الله يخليج ما اريد اسويلج مشاكل

تقربت عليه اكثر ولزمت ايده كلت : هيثم اسمعني اترجاك ..

سحب ايده مني عالسريع وكال : لبنى ..روحي .. انسيني يابت الناس ..انتي بطريق وانه بطريق

دمعن عيوني وكلت : هيثم ليش هيج تسوي بيه ..ليش لك اني احبك ومجاي اكدر انساك ..يعني انته عبالك اني محاولت انساك لو مفكر بيك ؟
اي حاولت بس مكدرت ..صعب ..والنبي مجاي اكدر اشيلك من كلبي ..ارحمني هيثم ..اعرف اني هسة صرت رخيصة بنضرك لأن جاي اذب نفسي عليك بس مو بيدي ..والله مو بيدي

كال : حاولي لبنى ..ومسحيني من ذاكرتج لا انه اناسبج ولا انتي تناسبيني انتي تستاهلين احسن مني

وتركني ومشى واني ضليت ابجي كل قوتي واحسة كسر كلبي للمرة الثانية ..بس هالمرة الكسر اقوى
هنادي : دخلنه الفندق الي جنه بيه البارحة نفسه بس هالمرة مختلف جانت الغرفة متروسة ورد ونفاخ وكيكة محطوطة على الطبلة والجرباية عليها كلب من ورد

انبهرت بيها ومصدكت هيج ليلة عرسي جانت احلى مما جنت متخيلة ليث كله مفاجئات

اجالي شبكني من وره باسني بركبتي وكال : شرايج حبيبي ..عجبتج ؟!

كلت : تخبل ..هاي يمته سويتها

كال : مو اني لأن جنت وياج بس كلفت مروان وهو اشترا كولشي وخله عمال الفندق يسووها
المهم هسة ..انتي فرحانة حبيبتي صار كولشي ردتيه لو بعد اكو شيء ناسيه اني ..

سكتت ..كال هو : اي صح اذكرت ..تعاي وياي

سحبني من ايدي ووكفني كدام الشباك حضني لصدره وكال شوفي ..

باوعت شوية واشتغلت الصعاديات والألعاب النارية

خليت ايدي على حلكي وكلت : الله كلش حلوة
سد الشباك ورد البردات وكال : اذا بعد اكو شيء ابالج بس اشري وحيصيرلج

خليت ايدي على صدره وكلت : لا ..انته سويت كلشي وانه كلش فرحانة ..

كال : محتشكريني عالمود كل هذا لأن تعبت ترى مو تشوفيني كاعد

ضحكت رفعت نفسي اله خليت ايدي على خده وبسته بشفايفة بوسة سريعة وبعدت

ضحك حيل وكال : حبيبتي بعدها مبتدئة تعالي خن اعلمج
وسحبني وباسني بس جانت بوسه هادية ودون عصبية هالمرة مديت ايدي لشعره وبادلته ..ثواني وفتح البدلة عالسريع نزع السترة والقميص وشالني للجرباية
همسلي : محتنسي هاليلة حبي

وصدك جانت مختلفة هادية ورومانسية اول مرة من ازوجته لليوم يكون رقيق هيج ويخليني احب كولشي يسوية

**

بعد مرور سنة
ليث : مرت سنة على عرسنه وسنة ونص على زواجنه الفعلي واجانه ولد ابيض ومدنفش يجنن ماخذ اغلب صفات هنودة حبيبتي وبس العيون مني سميناه "مهيمن "

والكل بالبيت طاروا بهيموني وانجنوه بيه صار الروح للبيت ..اني صح غرت منه بالبداية لأن اخذ هنودة مني وصارت تهتم بيه اكثر مني ..ومن يرضع صدرها يقهرني بس المهم اني هسة اموت عليه صار روحي من الدنيا هو وامه

وجاي نفكر نجيبله اخت حليوة مثله بس مو مثل عمتها لبنى صار شكد متقدميلها وهي رافضة معرف شنو قصتها بالضبط بس افكر ازوجها لمروان بس يطلبها مني

ومرة ويه ما جنه كاعدين عالغدة ونحجي بسوالف هيموني ونضحك عليها

كال بابا : والله هذا هيموني صدك صار النفس مالنه تصدكون على ما اطلع نص ساعة وارجع الكه نفسي مشتاقله موت

ماما : مو بس انته والله يا حبيبي حتى اني مرات من اطلع للسوك وارجع والكاه مموجود بالصالة انجن

كلت : اي اكيد غير ابني لعد شعبالكم انتم ؟!
ضحكت لبنى وكالت : لتنغر ليوثي ترا احنة انحبه لأن هو ينكرط مو بس ينحب مو لأن ابنك

شوية واندك الباب راحت ام وسام فتحته ..وجان يطلعون اهل هنادي كلهم حتى خواتها
كمنا عالسريع حتى نستقبلهم واحنة متفاجأين بجيتهم

هنادي : من دخلوا اهلي تفاجأت صح اني فرحانة بجيتهم بس متوقعتها
واحنة قبل سنة من رجعت هنا جابلي ليث موبايل وضليت اتواصل وياهم يومية وكل اخبارهم عندي صح الفلوس مقبلوا ياخذونهن بس هو قسمهن بيناتهم وكللهم يعتبرونها هدية اعتذار عن اتهامه لهيثم وشلعة كلبهم ذيج

والمبلغ ساعدهم غيروا حالتهم وهيثم صار شغله اقوة وهواي تحسنت احوالهم وهسة اني امس مخابرتهم مكالوا حيجون ..

اجيت عليهم رحبت بيهم وحضنتهم واحد واحد وحياة وليلى كبرانات ..كعدوا ضيفناهم واعتذروا عن طبتهم بهالوقت بس عمو وخالة مقبلوا وكالوا اهلا بيكم بكل وقت ..جان هيثم لابس قاط اني تفاجأت بس محجيت

شوية وكال بابا : ابو ليث ..انتم صارلنه سنة ونص مناسبينكم والحمدلله ما شفنه منكم غير الخير والسمعة الطيبة وبتنه الحمدلله معاملينها مثل بتكم وهي دايمآ تمدحكم الله شاهد
وانه علمود كل هالأمور ..جاي اقوي العلاقة بيناتنه اكثر واطلب ايد بنيتكم لبنى لأبنه هيثم ..واذا ماتوافقون مراح يتغير اي شيء بيناتنا ..يشهد الله
سكتوا عمو وخالة شوية وليث هماتين مكال شيء اني خفت ..يمكن حيرفضون بس ليش ؟!

شوية وابتسموا وكال عمو سامر : والله يا ابو هيثم هالشيء يسعدنه ونتشرف بيكم بأي وقت ..واذا حابين يكون العرس بهالسبوع محنعارض ..لأن انتم ناس خيرين وابنكم هيثم ما شاء الله عليه وردة مال الله اكيد احنة موافقين مشفنه منكم شيء..بس يضل الجواب عد بنتي ..لأن القرار الها بالنهاية

شفت لبنى فرحت وبالكوة لزمت ابتسامتها نزلت راسها بخجل وكامت بسرعة راح للمطبخ

ضحكوا وكال عمو : معناها هي موافقة ..مبروك علينا تفضلوا اقروا الفاتحة

انتبهت عليها من بعيد طايرة من الفرحة وحتى نزلن دموع الفرح من عينها ما جنت اعرف هي تحب اخوي لهلدرجة
بس هي مبينة لأن هواي تغيرت عن قبل وصارت معاملتها زينة وياي وقل تكبرها وضلت تلبس حجاب بالطلعة وطبعآ كل هالأمور اني جنت اوصلهن لحياة وليلى واكيد هنة كايلات لهيثم وغير نضرته عليها لأن هنة قناة الشرقية ميضمن شيء

وصدك صارت الخطبة وخلال اسبوع ازوجوا هيثم ولبنى كظوا اول ليلة هنا بفندق واهلي مخليناهم يطلعون وبيتناهم عدنه ..وجني شفت حياة تباوع لمروان من بعيد وهو يبادلها النضرات بس سويت نفسي مدري
صار عرس هيثم كولش حلو وخليت مهيمن بيناتهم وطكيتله صور
هيثم : من سمعت اخر اخبار لبنى والتغير الي صار بيها ورفضت اكثر من واحد تقدمولها عرفت هي تحبني صدك ومراح تزوج غيري والحجي بيناتنه انه هم ضليت احس بشيء اتجاهها لهلسبب كلت لهلي اريد اخطبها وهمة ما كالوا شيء لأن ما يعرفون شنو الي صار بيناتنه قبل سنتين تقريبا ولا واحد يعرف غير هنادي واهلها

دخلنه الفندق وهي جانت فرحانة كلش اول ما دخلنه اجت عليه وحضنتني حيل دمعن عيونها وكالت : مداصدك انته صرت زوجي ..واني الك للأبد ..مدصدك ..اه هيثم لو تعرف شكد احبك ..اني ..
حضنتها لصدري بستها بكصتها وكلت : وانه احبج لبنى
لا تبجين ..
بعدتها مسحت دموعها وبستها على خدها لزمت ايدي الي على خدها ورفعت نفسها وباستني بشفايفي بعدت وكالت : لا تستغرب من اول يوم حبيتك واني اريد ابوسك وضحكت

لزمت ايدها وصرنه بوسط الغرفة وكلت : يلا حبيبتي خن نصلي صلاة اول ليلة ..انه اصلي وانتي آمني وراي حتى الله يوفقنه

صلينا وتعشينه وحجينه بهواي امور تقربت عليه وكالت : حبيبي ..محتنزعني البدلة ..لأن مختنكة منها
فتحت السحاب نزلت وباوعت عليها
لزمتها هي من صدرها وراحت للحمام
شوية وطلعت لابسة روب احمر فوك ركبها وسيورة كلش ضعاف
جانت كلش حلوة ..كلت : ما شاء الله تخبلين
اجت عليه كعدت بحضني مررت صابيعها بشعري وكالت : انته الي خبلتني هيثم
ضحكت مديت ايدي لشعرها والثانية على ضهرها وسحبتها بستها

النهاية