واتلكاك وافرح بيك
وافرشلك گصايب سود
واشبگك شبكة الجيلات للمصيود


عبد الكريم القصاب 💜

كلي كلشي .. ولا تكلي تحبني ليش؟
أنت تدري عيونك مسويتلي واهس حتى أعيش


مرتضى مطشر 💜

قبل هم راح ، بس هلمره بچاني

لان ما عندي بس هوه ورحتله وما تلگاني


حسين السلطاني 💜

وجذبت شوگي حبيبي
واني أيدك ما جنت إجذب رسمها
الوردة من ترسمها أشمها


محمد الوسمي 💜

طاحتلك الفركة موردة الاخدود
وانا طاحتلي كلش دمعة العين

وشو طالع تخبل من الفراك
وانا طالع مخبل بالدرابين


علي نجم 💜

يا حبيبي الليل حلفني بضحكتك يله نمته
مره كتلي الدنيا شنهي وكتلك انت


باهر الجنديل 💜

واصل مرحلة من تنام
كل شويه تكعد فاز
وتركض على رسايل داز لو ما داز

من ما تلكه اي مرسال
ترجع للمخدة بصيغة المحتاز

وما تكدر ترد تنام
اذا تكدر ترد تنام هذا انجاز


حسين الصباح 💜

من طال النظر بيه فرحت هواي
شمدريني جنت تختار !!


محمد فرات 💜

ما ناسيك بس والله الظروف هواي
واحس بثنينهن مشتاك ومقصر

انا لو عايفك ما جان افز بليل
وأشبگ صورتك وثنينه نجمر


زيد السومري 💜

الحيره شلون أوصفها؟
وشلون وياك أتخارب

وهسه أتمنى ياهو يفوز
اذا وي نفسي أتحارب


حسين الصباح 💜

هذا گليبي ورطني
محد سوه هاي سوايته ودگته !

بعد ما قررت الاوداع
نزل من القطار وكلي روح أنت


عزت عباس 💜

يا صنم طولك بيدي من صب
مالك ذنب لمن صرت رب


علي مهدي 💜

خاطر مالي يمك من رحت سكته
وطلع من صدري ، كلبي وأنت ما شفته

شسولف والحجي بعيوني صاير ماي
هذاك اليوم حتى الليل ما نمته


زين العباد 💜

تعال احجيلي شيحلها؟
عيونك ما تحبني الفدوه اروحلها


باهر الجنديل 💜

كلب ثاني جبت حتى اكدر انساك
صارت كارثة وحبك الثاني

عليك تعاركوا هذا گتل ذاك
زعل كلبي وي يكلبي وموتاني


أحمد الذهبي 💜

عشت عمري بقلق وياك
الرسايل من تجيني الغام

اذا وصلن بتالي الليل
لا افتحهن ولا نام


كرار وميض 💜

غلطنه ورد فعلكم جان قاسي
انا مصدوم من عدكم يناسي

رشيناكم بمي نمزح نريد
صبيتوا جهنم فوگ راسي


مرتضى الميالي 💜

سئلوني على كلبي وگلت خالي
وعشت احساس واحد لا ابالي

بس ما طولت عرفوني مشتاگ
من فكرت بيك بصوت عالي


عصام كريم 💜

أحذرك من تريد تسوي عركة وياي
ما تعرفني حقك لمن اتعارك

أشگ حلكك أبوسة ومنك اخذ ثار
بلگي تهد عليه وتاخذ بثارك


نهاد طارق 💜

اليوم جابتني المحنة
وگمت اغني گبال بيتك
عود گلتلهم نسيتك



كريم البغدادي 💜