روحي وياك بس حچاية عدها
واشطبك من حياتي وبابي اسدها
شلون انطاك گلبك تنسى وتعوف
وبعد ما جنت خلها تصير ندها
غيوم الشتا شكد تمطر علكاع
تبجي عيوني لو اذكرك بكدها
اجذب لو اكلك ناسي طاريك
من يغفى الجرح صوتك يندهه
تريد الصدك؟
طيفك ما نسى العين
وبذاكرتي كلماتك بعدها
كبال الناس اكابر والجم العين
وبيني وبين روحي العبرة اهدها
انا و روحي عركة عليك كل يوم
مره وياها اصير ومره ضدها
من تلمح خيالك تركض عليك
اعتنها بايدي وكوه اردها
ولچ يا روح هيدي ! انهرها
وتهيد
وجمر دمعاتها ينزلن بخدها
زرعتك بذرة بايدي وكمت اباريك
وكلت تطرح وفا واكعد بسدها
ولمن خضرت ورقاتها وجيت
اضوكنها غفل جفك حصدها
غشيمة الروح ثاري !
وفاكدة الراي
تطيع الذمها وتعوف الحمدها
مواسم وجهك انت بكل وكت لون
مثل الحية من تنزع جلدها

اعذرك من تذمني
وبيه ما تنلام
تستاهل الروح شما گلت عنها
منك حذرتهه وعاندت وياي
ونفسك هسه بين شنو معدنهة
كبل من جنت اذمك تصف روحي وياك
وتفضلك علي نوبات احسها
وهسه اتضح كلشي وبين والمستور
وراح اكشف اسراري الجنت دافنها
من جربت اعدلك عاينت للساس
و مبينه النتيجة واني ضامنها
اعوج من اساسك
واني اعدلك جاي
اليزرع كاع صبخة شمنتظر منها !

اللهم افتح لي أبواب رحمتك، وارزقني من حيث لا أحتسب، واجعل هذا المطر غيثاً لقلوبنا ولأرزاقنا

ما الوك على غيرك
بس عليك تفصال
اذوبن بيك چن بايدك مسويني
اصبر الروح باسمك
من يضكها الشوك
وابرد من جمر طاريك يجويني
ولان رسمك بنصها
وخفت لا تنباك
شبكتك برمشي
وخيطت عيني

اذا حنيتلي وضاگ الخلك بيك
احس بدنيتي ضاگت عليه
واذا بيناتنا بعيدة المسافات
على النسمات توصلني الوصية
حبيبي و لو ردت وصل الهوى الهاب
اشم بي ريحتك
من يمر بيه
واذا وحشة عليك تصير بالليل
علية الوحشة تبدي من المسية
واذا دمعك علي ينزل بالخدود
عليك عيوني طاحت بين ايديه

وقعت بك
رغم حذري
رغم حدودي أتيت أنت
وضربت بها عرض الحائط
همت بك رغمًا عني
ورغم خطوطي الحمراء
وشي لا اريد ان يكون له نهاية
أنتَ الاسـتـثـنـاء

عِلَّةُ الإِنسان
شدَّة مُلاحظَتهِ

أعبر على جفوني بحلم
بس كون عينك سالمة
نكطعت مكاتيبك ولا سألنة
شعجب ضاعت مواعيدك
ولا جينة بعتب
واحنة بهواك
تلوم بينة اللايمة
أنت العزيز شماغبت
بعيونة مخلينك
لو تنسى كل ذاك المضى
صدكنة ما ناسينك

الله الله

بعد ماعندي اذان التسمعك شتكول
لأن عرفت نبرتك من تحاجيها
مليتك بعد من تحجي أترجاك
كلمة ها حبيبي بصفحة خليها
شتظن اقتنع بحجاية بعد الصار؟
ماصدك بعد أي كلمة تحجيها
سُبحان الجمعنا بصدفة ذاك اليوم
صدفة وياك صار شكد اتانيها
حتى احظر ، واشوف المن ورايه يصير
وعَينِيّ تشوف غَدرة الجان ماليها
أسمع غَصتك من تضحك وي فلان
وأنـي بعيني دمعة شوية وأبجيها
تهت بين الكرامة ووزت الشيطان
ورجلي لياهو منهم راح امشيها
الكرامة تكلي اوكف
والرجيم يكول دوس على الكرامة وروح حاجيه
اجذب روحي اكول والله ما مجروح
واني جروحي حاير ويـن اوديها

ادعوا للاونره

عدها فاينل ما قاريته

اتمنى الدعاء للاونره بالحصول على ٣١ درجة وتقدير مقبول

خسرنا اثنينه محد طلع ربحان
بيني و بين روحي هوايه حاچيته
انت اخسرت اكثر بشر حبك حيل!
و اني اخسرت اكثر بشر حبيته

تسبيحات
100 لا اله الا الله وحده لا شريك له له
الملك وله الحمد وهو على كل شيء قدير
100 لا اله الا الله
100للهم صل وسلم على سيدنا محمد
100 استغفار
دعاء لعلاقتك برب العالمين
100 اللهم اهدنا فيمن هديت
100 اللهم اشرح صدري لحبك
100 يا مقلب القلوب ثبت قلبي على دينك
100 اللهم احسن خَلقي كما احسنت خُلقي
دعاء علاقتك بالرزق
اللهم وسع علينا في رزقنا حتى لا نمد
ايدينا الا اليك ولا نتوكل الا عليك
دعاء علاقتك بالجسد والصحة
100 اللهم ارزقنا تمام الصحة والعافية
100 اللهم اني اسألك الستر واللطف والعافية

سبحان الله و بحمده سبحان الله العظيم

لا اله الا انت سبحانك إني كنت من الظالمين